عاااجل بكره عملية ولدي!!

[شوووقره]

السلام عليكم
كيفكم خواتي..؟

اممم بصراحه داخله وانا خايفه ومتردده
بس ان شالله تساعدوني
بليز لاتبخلو عليا برد .. ولدي عمليتو بكره

ولدي عمرو سنتين وواربع شهور .. ومن ست اشهر بيعاني من سائل لزج في اذنو
والدكتور قرر له عمليه بحيث ينسحب هالسائل ويتركب له انبوب داخل الاذن ..
انبوب تهويه .. وهالانبوب راح يطيح بنفسه في فتره مابين ست الى تسع شهور
وبصراحه انا خايفه ومتردده
ورحت لثلاث دكاتره اتنين في المركز الطبي واتنين في فقيه وكلهم قالو نفس الكلام

بس انا اقووول مافي شي ماله علاج صح ولا لا
فاللي تعرف علاج لهالسائل غير العمليه بليز تفيدني

ولان الدكتور قال حيحتاج رعااااايه اكثر بعد العمليه انو المويه ماتدخل في الاذن
وكمان مايندق فيها ويتعور

وتعرفو الاطفال وشقاوتهم وممكن احيان مايكون تحت عينك .. طبعا غصبا عنك

فالله يخليكم اللي تعرف علاج غير العمليه تطمني
انتظر ردووودكم الين الساعه 5 الفجر

بليييز اسالوا لي .. الله يجزاكم خير
ويفرج همكم

[حنين الجنة]

ياقلبي ماعندى علم

اسأل الله ان يشفيه لك يارب

حبيبتى لو اكثر من دكتور قالك عمليه استخيري ربك وان شاء الله مافيه الا العافية

[شوووقره]

جزيتي خيرا يالغلا
حتى لو ماكنتي تعرفي كفايه دعائك لي.. الله يفرج همك

بليز حبيباتي انتظر ردودكم اللي يعرفووو

[سموة الشوق]

الله يشافيه ويعافيه ويسلمه لكم يارب

ماعندي علم

بس مثل ماقالت حنين الجنه

دام أكثر من دكتور قالوا لك نفس الكلام

استخيري الله

وتوكلي على الله

واقدمي على العملية
والله بيسهلك الخير لوليدك وين ماكان يالغالية
طيب وش سبب هالموية
موية ولاخراج؟؟
والله يشافيه ويعافيه

[شوووقره]

الله يجزاكي خير يالغلا
تسلمي

امممم برضو حنتظر ازا وحده مرة بنفس تجربتي وعالجت ولدها
وحستخير ربي الين وقت العمليه والله يختار اللي فيه الخير

[●|ڄ۫۫ۅريےّْْْ|●]

ربي يعافيه و يششفيه

و يرفع عنننه يارب

و تقر عينك بششوفته سليم معافى

[شوووقره]

اميـــن يارب جوري
وربي مايوريكي مكروه في عيالك انتي والباقيات ..

[دنيا آلوله]

مع تمنياتي له بي الشفاء العاجل

[شوووقره]

امين يارب..
تسلمي حبيبتي

[ريآنهـ..!]

اتمنيت افيدك

لكن للاسف ما اعرف احد مر بهالشي

الله يطمن قليبك ويشفي قطعة قلبك

ما يشوف شر ان شالله

[**سماسم**]

توكلي على الله يالغاليه وسوي العملية ولد خالي سواها وعمره سنه والحمد الله يارب تحسن كثير والانبوب صغير حيل لاتخافين ..
وربي يشفيه لج ويحفظه من كل شر
,,

[ذووووق]

ماعرف ياقلبي بس الله يشفيه لكي وتفرحين بشوفتيه سليم ومعافى إن شاءالله

[ام اسكندر]

توكلي على الله
والله يقومه لك بالسلامة

وابحثي في قوقل عن نفس الموضوع يمكن تلاقي معلومات ونصايح تفيدك

[العاااالي مستواها]

مساءالورد
بحثت لك ولقيت هذي المعلومات عن سائل الاذن
وترى مافيها خطوره ان شاءالله
ربي يشفيه ويقومه لك بالسلامه ااامممييين


التهاب الأذن الوسطى الصديدي المزمن

ويتسبب في نزول إفرازات من الأذن لمدة ستة أسابيع أو أكثر. قد يكون هناك أيضاً ورم دهني بالطبلة . وقد يصف طبيبك المضادات الحيوية وقطرة الأذن لعلاج الإفرازات. فإذا أخفق العلاج، فقد يكون من الضروري عندئذ استعمال المضادات الحيوية عن طريق الحقن الوريدي، واجراء اختبارات تشخيصية، من بينها "رسم السمع" Audiogram ‏والأشعة المقطعية بالحاسب الآلي ، وقد يوصى بإجراء جراحة إذا استمرت المشكلة.

[شوووقره]

الله يجزاكم خير حبيباتي
الحمدلله سويت العمليه لولدي والحمدلله ان شالله انه احسن
والدكتور قال لي لاتشيلي هم ان شالله راح يتحسن اكثر

الله يكتب اجر كل من دعت ولا افادتني ولا بحثت لي ولا شافت موضوعي
وربي يقر عينكم في عيالكم
^,^