ساعدوني بوظيفه (جده) :(

[اجوان]

مرحبا بنات hwaml7

حبيت اعرض معاناتي في البحث عن وظيفه يمكن الاقي احد منكم يساعدني hwaml78
انا في جده ومن فتره ابحث عن وظيفه ومالقيت hwaml4

والله ماخليت مكان ماقدمت عليه حتى صرت ارسل لايميلات عجيبه غريبه بس برضو مو ضابطه معي hwaml15

المشكله اني جامعيه بتخصص مميز وخبرة عمل ولغة انجليزيه بس ماعرف ليش كذا hwaml9

عموما حبيت تساعدوني الله يفتح لكم ابواب الرزق يارب خلاص ملييييييييييت hwaml80

سجلت في جداره ومكتب العمل وصندوق الموارد البشريه يعني مابقى الا اعطي السي في لحارس عمارتنا hwaml15

طولت عليكم بس من كثر ماانا مقهووووره hwaml4
اللي تحس انو ممكن تساعدني ياليت تطلب مني ارسل لها السي في حقي بس اهم شي تكون جاده تبغى تساعدني لاني مليت من كثر ماالناس تعطيني امل عالفاضي hwaml79

حبايبي انتوا مشكوووورين hwaml13

[نوووونه]

انا مثلك في جده واور وظيفه
الله يرزقنا ...
بس يمكن افتح مقهى تشاركيني؟؟؟
رديلي ع الخاص

[اجوان]

معقوله مره ازمه مافي احد يقدر يدلني على اي شي ؟؟؟

نونه..
الله يعينا بس ماقول الا حسبي الله ونعم الوكيل على اهل الواسطات الله ياخدوا اماكنا ,, ان شاءلله راح اتواصل معاكي :)

[همس السكون]

عندي وعندك خير
انا كنت في جده ومالقيت ونقلت الجنوب ولقيت الحال اردى بكثير
بس جده اهون
يقولون المصانع اللي في جنوب جده تحتاج جربي امكن تضبط معك
الله يوفقك ويرزقك

[اجوان]

المصانع اللي في جنوب جده ماتناسبني ,,
دواماتهم الى العصر والطريق مره بعيد يعني ماراح ادخل بيتي الا على اذان المغرب واخر شي راتب 1500 ولا 2000 مايسوى الطلعه :\

[ام تميم 66]

الله يرزقكم ياارب وتتوظفون عااجل غير اجل ياارب,,,

[احلى كرميلا]

طيب فيه وظيفة ماما موظفة فيها وهي عبارة عن شركة ماليزيا في جدة ولها فروع الي عرفتو منها انها عبارة تشتركي ويكون لكي ناس كمان يشتركو فيها وكل من دخل شخص تحت حسابك يرسلولك 200 دولار على طول يعني الشغلة كلها ان يكون عندك اشخاص عاطلين ويبغو يشتغلو بس اي استفسار ارسلولي عالخاص وانشالله اكون ساعدت ولو بالقليل وترا نصيحة العمل ممتع لدرجة انك تقدري تدخلي في الاسبوع دولارات بدل ريالات ايش تبغو اكتر

[حبيبة رامي]

<<<<تنضم الى قائمة العاطلين...

والله نفس الحالة ونفس المشكلة...

والحياة صارت صعبة الله يعين اجل اولادنا ايش يصير حالهم ..

رحمتك بس يالله ..انت سميع عليم كريم..
ارزقنا من حيث لا نحتسب.. وافتح لنا ابواب رحمتك وكرمك ورزقك..
واعنا على طاعتك وحسن عبادتك...

الحمدلله على كل حال.. وعلى نعمة الصحة والعافية..