باقي يومين وخلص التاسع ..طمنوني

[ديلارا]

السلام عليكم اخباركم؟؟

انا باقي يومين وخلص التاسع ونفس اليوم الي حددوه علشان موعد الولاده المتوقع عندي موعد بالمستشفى الحكومي الي اتابع عنده ابليز قولو لي أيش راح يسوون هل راح يعطوني طلق اصطناعي ولا عادي راح يخلوني أبليز من الي صار لها مثلي يعني خلصت التاسع ولا ولدت انا خايف اكثيرر

[كل الحلى]

ياعمري لاتخافين ولا شيء انا خلصت التاسع من 5 أيام وعطوني موعد عشان طلق صناعي

أنتي توكلي على الله وإن شاء الله ماراح يكون إلا كل خير

وترا الطلق الصناعي مايختلف عن الطبيعي إلا أنه أقوى ألم شوي

وماتدرين ياقلبي يمكن بإذن الله تعالى تولدي طبيعي قبل الموعد اللي محددينه لك

أنتي كثري مشي وأكلي تمر وأدعي ربي أنه يسسسهل لك وماقدامك إلا العافية يااااارب

ودعواتك لي ياعسسسل بتسهيل الولادة

[لهدوئي روايـه]

الله يهون عليكم

وأنصحكم بالتمر 7 حبات باليوم وهالشي مذكور بالقرآن (مريم يوم ولدت عيسى)

واشربوا مويه مقري عليها وامسحوا على بطونكم

وامشوا بس لاتجهدون انفسكم

وأقروا صورة الزلزله و الانشراح مع الادعيه اللي تسهل الولاده

ربي يقومكم بالسلامه

[ماذر ادودي]

الله يهون عليكم ويقومكم بالسلامه وان شاء الله يجيكم ولادة طبيعية من ربي وماتحتاجون صناعي00

[شموسه]

ليش الخوف ياحلوه لا تخافين بس ادعي الادعيه الوارده لتسهيل الولاده

وعليج بالمشي والتمر
واخذي زيت الخروع من الصيدليه مع ماي وان شاء الله تولدي بالسلامه

[umm 3amr]

صاحبتي اتاخرت عن موعدها اسبوعين واعطوها طلق صناعي
انتي ما اتفكري اذا عندك درج اطلعيه وانزليه وامشي والتمر مفيد وزيت الخروع شوية مع بيبسي او ماء واشربيه وفي تمرين القرفصاء والادعية وكمان بسمع ان الجماع بيسر الولادة
سلمات وان شاء الله بتخلفي قبل الموعد

[ديلارا]

يارب اولد قبل الموعد دعواتكم لي لاني مره خايفه حبيت اسأل لما طاف موعد ولادتكم ايش سوو ألكم المستشفى وماهو تمارين((القرفصاء ))اشلون؟؟

[اجمل ما خلق ربي]

شوفيني انا لي اسبوع من خلصت التاسع والظاهر راح ازيد


خليها على ربك

الله يهون ويسهل علي وعليك

[rose]

تمارين القرفصاء هذا رابطها ادخلي شوفيها اللي ع الكرسي كانك وانت بكرامة بتواليت عربي تجلسي
http://forum.hwaml.com/t30946.html


عادي ترى الطلق الصناعي مافرق عن الطبيعي الا انه احمى شوي منه ولا كللللللله نفس الالم
واتوكلي ع ربك وامشي كتييييييييير

[ام يعقوب]

يااربيييه انا نفس المشكله مخلصه التاسع من يوم الاربعاء
ومواعديني يوم الثلاثاء يولدوني اجباري وخايفه مره
عسى الله يسهل علينا الولاده يارب ..

[ديلارا]

انا خلاص بكره اخلص التاسع وقالو لي المستشفى الي اتابع عنده ان اذا ماولديت اجي ألهم بنفس اليوم المتوقع للولاده ايش راح يسوون نبض او اشعه او راح يعطوني موعد للطلق الاصطناعي او راح يولدوني بنفس اليوم ويش راح يصير لي وللجنين اذا زدنا على التاسع انا من عن جد خايفه اكثير طمنوني ؟؟؟

[حوراء قمر]

انتي الموعد المحدد لك موعد الدوره او موعد السونار

[ام حكوم]

امشي واشربي خروع راح يفيدك

[ام حكوم]

مااراح يصير شي ان شالله لكي ولا الجنين انا طوفت بولدي اسبوعين وبعدين عطوني طلق صناعي وانا شالله تولدين بالسلامه

[أم ولاء]

وش فيهم عيال هـ الأيام مايجوون الا بالزور ههههـ
الله يسهل على الجميع ..

[رونق الروح]

لكي هذه الوصفه ان شاء الله تفيدك وطمنينا عنك
http://forum.hwaml.com/t53443.html

[عرووسة حمودي]

عادي حبيبتي انا مثلك طوفت اسبوع من التاسع ورحت اليوم للمستشفى
قالتلي دكتورتي تعالي الثلاثاء الجاي نسوي تخطيط لنبض الجنين وافحص عنق الرحم عندك
عشان اقررلك صناعي او نصبر عليك وربي خايفه
ادعولنا بنات نولد طبيعي ربي لايحوجنا للطلق الصناعي :(

[ranonah]

نفسس الحاللللللله يارب رحمتتك

خلصت التاسع ومافيني لاولاده ولاشئ واخذت اربع ايام وسوولي توسعه لعنق الرحم

وفتحته لي 1سم يوم الاثنين لي طاف ومعطيني موعد لو ماولدت لحد الاثنين الجاي بيولدوني

يارب لاتحوجناا لهم يارب ياكريم وتهون علينا يارب

وتولدنا برحمتك يارحمن يارحيم

امشي ياوخيتي لكن لاتكثرين مره عشان ماتتعبين وتنهدين

وكولي تمر واشربي ماي مقري فيه الادعيه وامسحي ع بطنك

استغفري كثير وتوكلي ع ربي

ولاتجهدين نفسسك وربي يكون بعونا يارب

واشربي دارسين مع كمون ومره

مره زين تراه

خوذي ملعقه ص كمون مع ملعقه كبيره دارسين مع كسرة مره صغيره

وصبي عليهم ماي مغلي ونقعيهم شوي ثمن صفيه واشربيه وبلعافيه يارب

ويهون عليك الرحمن سبحانه

ولاتخافين من الطلق الصناعي ترى الدكاتره يعرفون اذا طولتي بيكون خطر عليك وع البيبي

لكن غالبا مو اول ماتخلصين التاسع يعطونك يصبرن عليك سبوع وشوي ثمن يعطونك

والله يسهل علينا وعليك يارب العالمين

[لؤلؤة المحيط]

انا بكريه وفي نهاية الشهر التاسع واحس بدوخه عادي ردو الله يعافيكم الخائفه