رايكم يهمني

[أم جولي]

السلام عليكم ورحمة الله

أبي رايكم في اللي سويته صح ولا غلط
أنا تزوجت متأخر كان عمري 37 وحملت على طول جبت بنوته عمرها الحين سنتين وشوي وبعد الولادة بشهر ونص حملت وجبت ولد وانتظرت بعده سنة والحين حامل بالشهر الرابع
انا فيني أمومه طاغية تزوجت أساسا من حبي للأمومة والله أكرمني ولله الحمد فضيت نفسي من شغلي وكل شي علشان عيالي بس أحيانا أحس اني استعجلت بحملي واتمنى عيالي يكبرون شوي قبل لا يشرف الجديد.
تأيدون حملي للمرة الثالثة خلال سنتين اذا فيه وحدة مثلي عاشت نفس التجربة اتمنى تفيدني .

[ام عمر ..]

حبيبتي ما سويتي الا الصح والحرمه مو زين تحمل بعد الاربعين ربيهم مع بعض احسن الله يبارك لك فيهم

[عزيزة النفس]

انتي الحين حامل بالثالث والا كيف؟؟؟؟
لانك تقولين:
تأيدون حملي للمرة الثالثة خلال سنتين

[asoma]

بالعكس احسن لك

لان مو حلو تربين على كبر

امي زيك

جابتنا كلنا ورا بعض تقريبا وربتنا وصرنا انا وخواتي قريبين من بعض
والحين كبرنا
وهي مريييييييييييييييحه الحين وتعتني بنفسها ومبسوووطه مررره اننا كبرنا
بس انتي حددي كم تبين تجيبين واذا اكتفيتي انتي وزوجك خلاص بطلي تحملين وركزي على تربيه عيالك

[متفائلة دائما]

حبيبتي انا اؤيدك و بشددددددددددددددددددددددددددة ربي يعينك على تربيتهم يا رب و يفرحك فيهم و تشوفيهم من انجح الناس

[عزيزة النفس]

مع انك مارديتي على استفهامي بس حبيت اكتب رايي

الله يبارك لك اختي فيما عطاك
والحمد لله غيرك توصل الخمسين وهي تتمنى الحمل
وان شاء الله دام صحتك تساعك على الحمل فخليهم يفرحون باخوانهم وخواتهم

[ام ارجواااااان]

نعم انا معك
والله يتمم لك على خير يارب
وتجيبي اللي بعده كمان
الله يحفظك

[العاااالي مستواها]

عادي احسن تجبينهم ورى بعض بعدين ترتاحين

[umm 3amr]

تصرفك سليم وخاصة انه عمرك ما يسمحلك اتاجلين مو كويس الحمل عكبر

[أم جولي]

الله يجزاكم ألف خير ويريح بال كل من رد علي
أنا كنت متخوفة بس أني أظلمهم أو أقصر في حق زوجي لأن عيالي مشاغبييييييين الله يحفظهم ويبون متابعة طول اليوم ونومهم يعل الفلب الشكوى لله
عزيزة النفس ايه انا حامل بالثالث و أحيانا أحس أني أستعجلت لأن كل ما أقول لوحدة من صديقاتي أو جاراتي أني حامل تصرخ بعد بدون شعور
وكانت عندي شغالة تساعدني مع عيالي من سنتين لما درت أني حامل هربت وخفت أني غلطانة لما حملت بس رايكم ريحني الله يجعل كل حرف في ميزان حسناتكم .