يا حلوات من حملت بعد استخدام الإبرة التفجيرية؟؟؟

[أم جعفر]

بسم الله الرحمن الرحيم
السلام عليكم ورحمة الله وبركاته
أخواتي عسى تكونون بصحه وعافيه
انا ابغي اعرف من حملت بعد استخدام الإبرة التفجيرية وويش سالفة علاجها وكم مرة استخدمتها يعني قصة حملها وعلاجها ؟؟؟؟؟
لوسمحتون طمنوني ربي يطمنكم اني هذا الشهر ال3 من استخدام الكلوميد واول مرة الدكتورة بتضربني ابرة تفجير وواجد قاعده افكر بالموضوع اليوم لي 14 من الدورة ورحت سوت لي سونار قالت البويضتين صغار تعالي يوم الأحد وهو بيكون يوم 18 من الدورة احسه واجد متأخر المهم ابغي اعرف ارائكم ونصائحكم وخبراتكم

وموفقين جميعا
بحق الصلاة على محمد وآل محمد

[TOomy]

ماعندي فكره

بس الله يرزقج يارب

[لزوزه]

والله حتى انا ماعندي فكره ..

الله يرزقنا جميعا الذريه الصالحه وتمام الخلق والخلق..

طمنيني عليك اذا سويتي شي ياااقلبي

[ام تميم 66]

حبيبتي انا جربهاا اكثر من 3 سنوات والحمد لله ماافية حمل بس اذا ربي اراد بتحملين ولا لم تسوين شي,,, ولازم تكون كبر البويضة 18 علشان يعطيك الابرة التفجيرية,,,,,,والله يرزقك ياارب الذرية الصالحه ياارب,,

[أم أبنائي]

حبيبتي أم جعفر ربي يرزقك الحمل هالشهر يارب وتبشرينا أتكلي على الله لما يصير حجم البويضة المناسب أستخدميها بصراحة أني أستخدمتها ولدي الأول وربي يسرلي أمري

[الهاشميه سينا]

كرهت الابر تفجيررره بس ربي يكتب لي وكتب لك الخيررر

[عطر السعودية]

أنا بعد أستخدامتها بس ربي ما كتب لي الحمد لله على كل حال

[رباه فرج همي]

الله يرزقك يارب

ويرزقني ويرزق كل من تتمنى

[دمعة حرمان]

استخدتها قبل اربعة اشهر
وكان حجم البويضة 19 في يوم 16 من الدورة
لكن ربي ما اراد احمل
الله ييسر لك اختي ام جعفر وتحملي هالشهر

[na3ooma]

استخدمتها مرتين من شهرين , بعد الكلوميد طبعا
وربي ما اراد احمل بالمنشطات ووقفت,
هي متعبة شوي ومغصها شويتين صعب تحسيه بالرحم والمبيض لمدة يوم وبعدها يخف الالم
بعد ماتخرج البويضة من الجراب ..وتاخذينها اذا البويضة وصلت لحجم مناسب علشان تساعدها انها تخرج والبعض مايعطيها لانهم يقولو طالما حجم البويضة ممتاز معناه بتطلع لحالها

ربنا يكتب لك اللي فيه الخير وتحملي قريب

[أم جعفر]

ربي يسمع منكم ويعطينا جميعا كل من يتمنى الذرية الصالحه

وإن شاء الله ابشركم خير وتبشروني

[أم جعفر]

ليش ما في ردود الظاهر ما في بنات في المنتدى حملوا بإبر التفجير

[بسمة ملاك]

الله يرزقك ويرزقني وجميع بنات المسلمين
حبيبتي انا اخذت ابره تفجيريه هالشهر اخذت الكولوميد ثاني ايام الدوره
مدة خمس ايام وعقبها رحت لها وكشفت البويضه وقالت حجمها صغير 8
واعطتني ابر تنشيطيه ثلاث لغاية ماوصلت 17 واعطتني ابره تفجيريه الحين لي سبع ايام من اخذتها واتنظر رحمة ربي
حبيبتي لاتسألي من حملت بعد الأبره التفجيريه كل وحده تختلف عن الثانيه
والأمر بيد الله ماهو بتجارب البنات خلي ثقتك في الله وربي يرحمنا برحمته
انا مااخذت بتجارب البنات استخرت ووثقت بالله وسويتها والحمدلله اللي يجي من الله
راضيه فيه

[أم جعفر]

اختي بسمة ملاك كلامك عين العقل ربي يعطي كل من يتمنى الذرية
بس تعرفين في فضول يكون في داخلنا فنضل نبحث ونسأل ونحن نعلم ان كل شيء بيد الله

[nano nono]

يابنات أنا ناوية آخذ كلوميد وأبر تفجيرية بس حبيت أستفسر متى أروح آخذ الكلوميد؟hwaml12

[بسمة ملاك]

اختي افضل شي روحي للدكتوره ثاني يوم الدوره بتعطيك كلوميد مدة خمس ايام
عشان يكون التبويض جاهز عندك بعد الدوره يعني الأفضل روحي لها ثاني يوم الدوره
والله يرزقك ويرزقني وجميع بنات المنتدى

[سموة المشاعر]

الله يرزقج خيتوو بالحمل السليم ويرزقني ويرزق كل المنتظراااات يارب ياكريم

[أم جعفر]

هلا بنات اني رحت اليوم وقالت لي ان عندي بويضتين صغار حجمهم بس 12 واني اليوم لي 18 من الدورة فقالت خلاص ما بتعطيني ابرة التفجيرية لأن ما في فايده
ادعوا لي ربي يعطيني رويعطي كل من يتمنى
اختي اللي سألت عن الكلوميد تاخذينه 5 ايام من 3يوم لدورة بس لازم بمتابعه مع دكتوره وربي يوفقكم جميعا
بحق الصلاة على محمد وآل محمد

[حسنا]

تفائلي بالخير يااعسل
لأنو اخت زوجي استخدمتها بعد حبوب الكلوميد وبنفس الشهر حملت ماشاء الله ودحين عندها بنوته عمرها شهر زي القمر
لاتخافين واقرئي سورة البقرة على نية تيسير الحمل بمشيئة الله

[بسمة ملاك]

ام جعفر ربي كريم لاتيأسي من رحمة الله انا كتبت لك اني بديت علاجي من ثاني يوم بالدوره مدري استخدمتي شي يعني كولميد ابر منشطه ؟
واذا عندك اي استفسار بخدمتك باللي اعرفه والله يرزقنا

[خدود الكرز]

حبيبتي انا جربهاا اكثر من 3 سنوات والحمد لله ماافية حمل بس اذا ربي اراد بتحملين ولا لم تسوين شي,,, ولازم تكون كبر البويضة 18 علشان يعطيك الابرة التفجيرية,,,,,,والله يرزقك ياارب الذرية الصالحه

[أم جعفر]

هلا خواتي ربي يوفقكم لكل خير
بسمة ملاك اني شربت كلوميد لمدة 5 أيام وباليوم 4 حبات
يعني اعلى نسبة