فززززززززززززززززززعه يابنات اقوى شي

[sookarz]

مرحبا بنات باركولي ولدت وجبت محمد
الله يحفظه ويخليه

مستعجله وايد
توني اليوم طالعه من المستشفى
امس ولدت الصباح*

عالعموم ابي اقولكم معاناتي
قبل الولاده كنت ناويه اعتني بالمنطقه الحساسه والجرح

بس بعد ماشفت الولاده وتعبها

احس اني موعارفه اسوي ششششي
وجيمي تعبانه
والخياطه ذابحتنيي
أحاول انشف المنطقه من الماي
بس والله مااقدر يعورني الجرح
بس احط الكلنيكس وأسكر عليه واشيله
والبس الفوطه
موعارفه اعقم الجرح بالمعقم اللي عطوني
وووووووووووو معانات والله

زبدة الكلام انا تعبااااااااااااااااانه
وموقاااااادره اعتني بالجرح

اساسا أخاف اقرب منه ولا اشوفه ولا المسه

شتنصحوني

وأخيرا بطني منتفخ وذايب << مذوب قلبي

متا يرجع والحزام متا ابتدي البسه

ابي فززززززعه ونصاااايح ومو بس تجاوبوني ع سؤالي
شتنصحوني في الاكل والشرب والعنايه

بالمختصر المفيد
اي شـــــــي تعرفونه في فترت النفاااااس

ومشكورين*
والله عندي اسئله كثيييييره بس تعبانه ومو قادره اكتب

يلا انتظركم*

[ملكني بطيب قلبه]

الحمد لله على سلامتك ومبرووك ما جااك

لازم تعتنين بالجرح تشطفي بالماي والملح او بالمطهر الي كتبته لك الدكتوره وحاولي تنشفي الجرح وبعدها ادهنيه بمرهم ميبوو والله انه رووعه وبيريحك من الالم

وتدفي زين وشربي اشياء دافيه وابتعدي عن الاشياء البارده والحوامض

ولا تمشيين ع السراميك حافيه ..
ولازم ما تجوعين لان الجوع مو زين وقت النفاس
واكلي فواكه وخضااار وكل شي تحسين انه مفيد

[sookarz]

مشكوره بانتظار المزييد

[الحنان34]

رفع لعيونك

[جوري حايل]

انا زيك جديده على هالسوالف باقي لي شهرين واولد
بس دخلت ابي اتعلم من تجاربكم ادعولي الله يسهل علي

[يتركني ويروح]

الحمدلله على سلآمتك

مثل ماقااالت ملكني بطيب قلبه

يارب سهل لي ولادتي من جد خآيفه

[sookarz]

طيب انا اللحين حاولت أنظف الجرح

وجلست جلست القرفصاء << بتقولون دخل لك هوا. بعد شسوي مااعرف انظفه الا جذي

وحطيت المنظره وشوف الجرح واغسل المنطقه كامله بغسول ديو - سيبت

ومريت ع الجرح << ااااخ يعوووور

بس الحمدلله كان الجرح مو واصل الشرج

عقبها مريت ع الشرج*

وشفطته بالماي العادي بعدين دافئ شوي

بعدين بارد

بعدين تنشفت كويس

واخذت المرهم اللي من المستشفى اسمه بالاد

واحطه عالجرح عالخيوط بس*

ولبست ملابسي لبست الفوطه طبعا من الويز

بس تكسرررررت ارجوووولي من القعده

واللحين الجرح يالمني

مادري اللي سويته صححح ولاااا ؟؟!!!

خايفه والله يلتهب احاول اعتني به

وأفكر بعد عشرة ايام اجلس بماي وملح لان توني اليوم ثالث من ولدت ولا متا تنصحوني

تعبانه نفسيا ..!؟*

[sookarz]

جاوبوني تكفون

[منتهى الرقة]

ماشاء الله عليك كيف قدرتي تجلسين كذا
شوفي حبيبتي لا توسوسين كثير
اهم شي تنشيفن كويس وتحطين الكريم
والفوطة لازم تغيرينها كل ساعتين او ثلاث ساعات

[زينة عيوني]

فيه كتاااب يباااع اسمه اسرااار الحريم مررره بيفيدك بعد الله سبحاااانه

والحمدلله على سلا متك وعقباا لنا

[أحلى حلم]

يا حبيبتي لاعاد تجلسي جلسة القرفصاء عشان خيوطك ماتتشقق

اول شي خذي من الصيدلية بيتادين الطبي غسول ومرهم منع الالتهاب مو متذكره اسمه بس اسألي الصيدلي عن مرهم للخياطة وهو راح يعطك او مرهم ميبو مره يمدحونه البنات

- بعد الولادة على طول حطي بالحمام جيك وكل مادخلتي تغتسلي حطي مقدار غطاء على موية دافية في الجيك وبعد متتغسلي نشفي نفسك تمام وجيبي قطنة وحطي فيها من المرهم شوية وامسحي بيها على مكان الخياطة بالطول

-لا تفكري تشربي اي شي بارد او غازيات
-اربطي بطنك على طول وانتي بالمستشفى بس مو بقوة علشان الرحم يقدر يرجع مكانه
-الاكلات اللزجة من فواكه وخضراوات ممنوعة وكل شي حامض كمان
- وبعد حاولي انك ماتجوعي ...
-كل يوم اشربي تيرموس كامل منقوع اعشاب وهي (قرفة قرنفل يانسون كراوية نينخة قشر حبة البركة حلبة) وانتي اضيفي عليها اللي تبغين او احذفي اللي تبغين والحلبة بس الايام العشرة الأولى وبعدين في آخر النفاس خذي ثلاث أيام على الريق رشاد مع تمر او حليب

وبالتوفيق ياقلبي

[زفة عروس]

شدي حيلك والله يعينك
بس اتوقع انو البنات اعطوك المفيد ولا تحاولي تستبقي الاحداث يمكن الجرح ما يلتئم الا بعد شهر لا تخافي وكل وحدة على حسب جسمها

[عقد لؤلؤ]

يا قلبي أنا سويت زي ما قالت أختي حلم

والحمد لله كمافي أي ألتهابات وتعافت الخياطة في غضون اسبوين الحمد لله
ونشفي بالمناديل بس كمية كويسة عشين تمص البلل مزبوط
في ناس يقولو تنشفي بهوى الاستشوار البارد بس ما أدري إذا صح أو لا وأنا ما جربتها
والله ييسر لك وتقومي بالسلامة

[sookarz]

مشكوووورين والله يعطيكم الف عافيه والله ماقصرتوا

^^

[ام تميم 66]

لا ماعندي فكرة الله يسهل عليك ياارب,,,

[أحلى حلم]

وش صار معاك اختي sookarz انشالله اللحين احسن ؟؟

[سبحانك اللهم وبحمدك]

الله يعينك بس ماعندي تجربه بالولاده الطبيعي فماقدر افيدك انا ولدت قيصري
ان شاء الله البنات يفيدوكي

[sookarz]

احلى حلم

لا اللحين احسن بكثيييييييييييييييييييير وحركي الحمدلله شكله التأم بس ماطاحت الخيوط

وكلشي أوكي وتمام

مشكووووووووووورهـ. حياتي عالاهتمام

بس ادعولي اطلع من الاربعين وارجع لزوجي مثل اول واحلى

والله يساعد الحوامل والنفوسات

[العاااالي مستواها]

الف الف الف مبرووووك ربي يصلحه لك يارب