جنيني كيلوين بس وانا في التاسع شسوي ؟؟؟

[أم سلطان 2010]

حوووووووووامل

يعطيكم العافية وعساكم عالقوة

انا حامل بالشهر التاسع وخلصت ال 36 اسبوع واليوم موعدي مع دكتورتي وقالت لي ان وزن جنيني كيلوين بس وان الماي قليل عليه نسبته 7 وقالت لي اسوي تخطيط للجنين وسويته والحمدالله طلع طبيعي وكل شي تمام

بس الحين شسوي في وزن الجنين وااايد صغير ؟؟ من مرت في حالتي ؟؟ موعد ولادتي بعد اسبوعين
وهل كيلوين يعتبر خديج ؟؟
وماي الجنين شالحل معاه؟

بليززززززز اللي مرت بحالتي تطمني وتقولي شسوت ؟؟


وادعو لي ربي يسهل علي

[rose]

ربي يسهل عليك
طيب انت مداومة ع الفيتامينات والحديد ولا
لان الفيتامينات مهمة وحاولي تاكلي اكل صحي ومفيد

[أخفي غلآه]

كيلوين الحمد آلله زين وأن شاء الله يكبر في الاسبوعين الجآيه .
بس المويه مآعندي خبره ..

[كروشه نت]

لامايعتبر خديج الخديج مو على الوزن على العمر اقصد الشهر الي انولد فيه هل هو السابع او الثامن هذا خديج ويحتاج حضانه

ثانيا موية الجنين انتبهي منها انا وصلت النسبه 4 وولدوني عمليه على اخر الثامن
الله يحفظك ويحفظ جنينك استودعيه الله دائما

[أمونه*]

هلا ام سلطان ...
انا من سنتين صار معايه نفس الشي ولدت بولدي وكن وزنه كيلوين وشوي مع إني خلصت التاسع كامل بس الحمد لله جاني طيب ماعنده اي مشاكل بس المميز فيه إنه صغير بالحجم
صغرون عظمه وجلده بس عدى عليه شهر صار عنده زغود ماشاء الله صار يجنن
بس أنا كنت ارضعه كل ساعتين بانتظام رضاعه طبيعيه بصراحه رحمته وحبيت اعوضه
والحين صار سنتين وماعليه شي بسم الله عليه ...لااااا تخافي
بالنسبه للمويه والله ماعندي أي فكره.

[اماني24]

اهلين اختي
انا عن نفسي مداومه على الفيتامين واشرب حليب انشور الدكتوره وصفته لي مرررره حلو

[نعومه التميمي]

لا حبيبتي عادي صديقتي جان ابنه كيلو واحد وهسه عمر4شهور ما شاءالله صحته تمام انشاءالله تكومين بسلامه

[بنت فلسطين]

عادي انتبهي لاكلك هالايام الجايه انا جبت ابني 2كيلو ونص عوضته بالرضاعه وصار ماشالله عنو

[abra]

عادي حبيبتي اصلن موشرط يكون وزنه صحيح 2 كيلوو
اناالدكتوره قالت لي وزن وولدت بولدي وزن ثاني كلش اهم شي انتي اهتمي بااكلك وفتميناتك وحديدك

[أم سلطان 2010]

مشكورين وماقصرتووو على الردود الطيبة

[مراااحب]

عليك باكل التمر يكبر الجنين

[ام فهد.]

عادي حبيبتي انا في الثامن ووزن البيبي 867غرام مادري كيف وربي خايفه