يابنات بتخرب حياتي وش الحل

[الغند]

السلام عليكم ورحمة الله وبركاته
أخباركم ان شاءالله بخير ..حبيت اعرض مشكلتي وفضفض لكم شوي
أنا متزوجة لي سنه وتسعه شهور مشكلتي مع زوجي شخصيته ضعيفه جدا ولا له كلامه نهايئا امه تقوله خل مرتك تنزل يجيني ويخليني اهد شغلي كله وبيتي وانزل واجلس من العصر الى بعد العشاء وانا طفشانه ابي فرقهم وهذا برنامجه كل يوم واذا جيت ابطلع بيتي نطت في وجهي ام زوجي وين بتروحين من لقافته احيانا ودي اقوله مالك دخل ولا وش رايك وين بروح ..وكنت دايم اتحجج له اقول عندي غسيل عندي كوي عندي تنظيف ولا بعد ياليتهم لا نزلت القى الاستقبال ولا احد يجلس معي مغير اغلب الاحيان انا اجلس بلحالي معندي احد البنات على النت والام على التلفون وعجزت اقنعه اقوله اهلك مايعطوني وجه خلني في بيتي دايم حطين حاجز بيني وبينهم وكان يقول مايخالف حولي تقربين اكثر .طفشت واذا راحو اهله مكان لزم اروح معهم واذا قلت له خلاص بنرجع البيت يروح يستاذن من امه وعقبه انا انفجرت ماتحملت هالعيشه ورحت ل هلي وانا الحين لي شهر وانا عندهم واللي قهرني انه الاسبوع الماضي جاي لرياض وخلص شغله ومشى لشرقيه ويوم مسك الخط اتصال قال لجى اخوك تعلي معه استفزني قلت لا جبته بفيزه اجي معه وكل ماضاق صدره جلس يكلمني ويتعذر ويسمع كلام حلو واذا عبوراسه قلب 180ْ والاقهرني ازياده امه تبلت علي وعلى جارتي قالت له ان جارتكم تقول ان مرتك معطتها ملفك علشان تدور لك وظيفه والمشكله جارتي على قد حاله ولو ابعطيها عطيتها ملفي انا اصرف لي وهو مصدق كذبهم واتصل على جارتي واساله وحلفت بعياله انه ماتكلمت في الموضوع وانا وثقه من نفسي وشككوني ولا ادري وش هدفه يوم تعلم زوجي بكذبه من عنده والمشكله في زوجي مصدقهم وهزاته قلت اليوم كذبه وبكره بعد بيقولون راحت مع فلان ولا جاه احد بعد بتصدقهم قلت بصراحه انا مااقدر آمن نفسي عند شخص مايقدر يصوني ولا يحافظ علي ولو بكلمه انا معاد ابيك ولا ابي اسمع صوتك عقب اليوم والحين شوي يرسلي غزل وكلام حلو وشوي يقول خلاص انتهينا مابينا شي وبروح اخلص الامور من المحكمه والله تعبت معه
ادري طولت عليكم والله مقهوره منهhwaml15

[((ام ليان))]

الله يعينك يا قلبي طيب ما تقدرون تسكنون بعيده عنهم والله كذا ما راح تعيشون مع بعض بسبب تدخل اهله

[ام تميم 66]

حبيبتي كل الى فيك جربته وازود ب90% وعاادي هم مااهمهم ,,,حبيبتي اذا هو شااريك ويبيك ماعليك كل شي بيسوية لك واذا ضرووفة زفت الله لا يخليك من اهلك يا الغلا ,,,انا مرت باشد من كذا مع اهل زوجي بس الله يرحم ابوي ويخلية شرالي بيت وطلعت من بيت اهله السجن الابدي والمجنوون بس الحمد لله ربي فرجهاا واللحمد لله والى الحيييين هم ما يبووني ابد ويسمووني سااحرة الرجل تخيلي يقولولك كذا ما اقوول الا حسبي الله عليهم ونعم الوكيل ,,,الله يهدي سركم ياارب وادعي وتصدقي واستغفري وربي بيفرجهاا عليك عااجل غير اجل ياررب,,,

[الغند]

الله يعينك يا قلبي طيب ما تقدرون تسكنون بعيده عنهم والله كذا ما راح تعيشون مع بعض بسبب تدخل اهله
ظروفه سيئه ولاقلت له قال عندي ديون
والمشكله معتمد على راتبه بس رافض يدور عمل اضافي

[TOomy]

الله يكون بعونك يالغاليه
مادري وش ارد ولا اني عارفه
بس ما اقول الا الله يساعدك

[بـــوشـــي]

الله يعينك ويفرج همك

[الغند]

حبيبتي كل الى فيك جربته وازود ب90% وعاادي هم مااهمهم ,,,حبيبتي اذا هو شااريك ويبيك ماعليك كل شي بيسوية لك واذا ضرووفة زفت الله لا يخليك من اهلك يا الغلا ,,,انا مرت باشد من كذا مع اهل زوجي بس الله يرحم ابوي ويخلية شرالي بيت وطلعت من بيت اهله السجن الابدي والمجنوون بس الحمد لله ربي فرجهاا واللحمد لله والى الحيييين هم ما يبووني ابد ويسمووني سااحرة الرجل تخيلي يقولولك كذا ما اقوول الا حسبي الله عليهم ونعم الوكيل ,,,الله يهدي سركم ياارب وادعي وتصدقي واستغفري وربي بيفرجهاا عليك عااجل غير اجل ياررب,,, الله يجزاك خير ويخليلك اهلك بس من جد تعبت معه المشكله اي شي يقولونه له ينفذ بدون تفكير وانا لقلت له طنش بصراحه امه انسانه متسلطه وقويه اللي تقوله هو صح ولا حد يجادلني وحشريه وهو يخاف منه

[البتول...]

الله يكون بعونك ...ويسخره ويهديه ...
ياقلبي حاولي تكسبي قلب امه يعني سولفي عليها وماشيها في سوالف الحريم ...وحاولي تهديها هديه والله راح تتغير وبتعزك ...لان الحريم الكبار يحبوا اللي يهتم فيهم ....

[ranonah]

ياعمرري الله يعينك ويهديك لمافيه صالح لك يارب

استخيري الرحمن وتوكلي عليه اولا واخيراااا

وزوجك لازم يكون قووي ولا بتتعبين انتي معاه لو رجعتي له

لان هالشئ الوحيد اللي ممكن يضبط حياتكم

ربي يعينك

[سموة الشوق]

هلا وغلا حبيبتي

هونيها وتهووون

حاولي تنسقي واياه بجلسة هادئة بينك وبينه فقط

ووقتها تفاهمي واياه بحل مناسب لكم

إذا يقدر يسكن ببيت مستقل بعيد عن أهله وبعيد عن أهلك حتى مايقول شئ

واذا عندك عيال منه

ضرووري يتنازل كل واحد من أجلهم

الله يهدي سركم ياااارب

ولو أدخلتي مصلح بينكم يكون أفضل يالغلا

مثلا أخوك أخوه أبوك أبوه بس يكون منصف ومع الحق ويخاف عليكم

[الغند]

السلام عليكم ورحمة الله وبركاته
اسعد الله ايامكم بخير.مشكورين على.عواتكم الحلوه والله يجزاكم خير ..صدقوني لو الكلام ينفع معه كان نفع معه من زمان من يوم خذيته حتى زعل يوم قلت مابينا كلام في خاطرك شي واجه الرياجيل قال خلاص ابطلق قلت سوى اللي تسويه ماعد فرقه معي يبي يتسلى معي ويوسع خاطره بسوالف وحل مافيه حل ماقدر يتخذ قرار وحسمت الموضوع معه الحين لي فتره ماكلام ولا عطيته وجه ابيه يتخذ القرار من نفسه ولله يكتب اللي فيه خير.

[حنيني]

الله يكون في عونك
وتنحل مشكلتك يارب

[طبيبة القلوب]

ربي يسترها معك يا الله ...

[هن هن]

حبيبتي اذا زوجك طيب وفيه صفات كثيره زينه حولي تكون الكره بملعبك ماعليش ادفعي بالتي هي احسن وووسعي صدرك واستخدمي ذكائك الاجتماعي

وقل هلا لو بالقلب بلااا ... حفاظا على زوجك ولازم بيجي يوم وبتطلعين من عندهم

وبتصير هذي ذكرياااات تنذكر وماتنعااااد

وخذي الموضوع بالضحك والفرفشه ولا تحطين بقلبك كثير لانك انتي اللي ببتتعبين وبتخسرين فالنهايه تراااا الطلاق موسهل والرجال بيلقى غيرك مليون

فلا تفرطين بزوجك عشان اهله وصدقيني الطبع اللين بيغلب الحق البين.

الله يفرج همك

[مزآجيه]

الله يعينك يارب ويفرج لك همك ،،
والله يهديه يارب ويسخرره لك ،،
وادعي دايم انو ربي يسخرره لك ،،

[الغند]

السلام عليكم ورحمة الله وبركاتة
الله يجزاكم خير ولا يحرمكم الاجر ان شاءالله ..صدقوني لو ينفع اسلوب الهديه والكلام الزين مع امه نفع مابين في عينه اي شي والله اني اهديه من مصروفي الخاص مناسبه او بدون مناسبه اعطيه اكثر من امي ولا فاد معهم الطيب ...
وهو لوانه تفكيره يتغير لو بنسبه بسيطه كان قدرت اتصرف معه لكن يسمع وينفذ بدون اي تفكير ومصر اي شي يقولونه هو الصح..
واليوم يدق ويرسل يقول وش تبين من البيت بجيب اغراضك وانا ماعطيته وجه ولا رديت عليه لانه بصراحه قفله معي علشان موضوع تافه نزولي عند اهله والبر بيطلق واظهر انه سواها وطلق ....hwaml4

[عقد لؤلؤ]

والله يا حبيبتي إذا الرجال المشكلة منو يعني مو مقدرك والحياة تهون عليه تقعدي في بيت أهلك أكرملك لأنك بتتعبي معاه مرة بعد ما يجوك أولاد في أي لحظة ممكن يتنازل عنك ويطلقك وكذا المشكلة أكبر إذا معاك عيال أما إذا هو إنسان يحبك ويقدرك والمشكلة من عند أهله أصبري وأتعاملي معاهم باللتي هي أحسن وربي ييسر لك

وألتج~ي إلى الله أنه يرزق زوجك فعل الصواب

[الغند]

السلام عليكم ورحمة الله وبركاته
الله يعطيكم العافيه على دعواتكم الحلوه ..ماسوها وجلس يسمعني كلام حلو وجلست لي فتره معه اخذ واعطي معه في الموضوع وحتى تدخل ابوه بسالفه قلت الحمدالله بتنحل وبتزين الامور شوي لين مخه مفرور قال انا بطلق اريح لي واريحلك ولواني مااحبك ماقلت هالكلام يقول انا اخاف لاجيتي بيهنونك اهلي وانا ماارضى عليك المهونه لدرجه امه حالفه عليه تقول لا رجعت لا تدخل بيتي بدون السبب سالت ابي اعرف وش السسب اللي خلها تطردني من بيتها قال علشانك طالعه من بيتك قلت انت قلتها انه بيتي مهو بيتها والمشكله بيني وبينك ليه مدخله نفسه بسالفه كثر مهو جبان اظطر يتخلاء عني علشان يرتاح من كلام اهله هدم بيته علشانهم ..واليوم ارسلي يقول انه طلق وخذاءصوره من الورقه والاصل بيرسلونها على هالاسبوع ..}انا تطلقت يابنات{hwaml03 من الصدمه

[saudi]

حاولي تاكلين عقله بالحب والغزل


وكيفيه جد"


ثم يصير خاتم بأصبعك