في حيرة من أمري :(

[دلوعة ولد عمها]

السلام عليكم ورحمة الله وبركاتة

بنات أبغاكم تساعدوني والله أنا في حيرة من أمري :(

المهم بدخل في الموضوع كالعادة ماأعرف للمقدامات

دورتي الشهراللي راح جتني بتاريخ 24 وقلت يمكن هاالشهر تنزل بتاريخ 23 يوم المفروض اللي تنزل فية الدورة حللت تحلليل دم طلع مافية حمل لأن كانت عوراض للحمل
المهم نزلت بتاريخ أيضا 24 هاالشهر
وأول مرة تنزل كذا من ولدت بولدي للحين
يعني عوارضها غير

أول يوم نزلت نقط بني
ثاني يوم وثالث يوم نزلت عادي لكن لون الدم أحمر فاتح
يوم الرابع واليوم الخامس وقفت <<يعني المفروض تجي متواصل مثل كل مرة ويوم خامس أغتسل عنها

المهم أغتسلت يوم خامس لليلة سادس يعني
وصار شيئ بيني وبين زوجي
جلست يوم سادس الانزل مني دم كثير يعني كأنها تكملة للدورة وأستغربت من الكمية اللي نزلت ونفس الشيئ لونة أحمر فاتح
وللحين مافي شيئ

وأول مرة مثل ماقلت لكم تجيني الدورة كذا

ممكن تكون هااالدورة متقطعة ؟؟أو يمكن يكون فية حمل ؟؟؟

ألم الظهر مافارقني من قبل الدورة للحين ..
ياريت تنصحوني ويش أسوي ومن اللي صار لها مثل كذا؟؟

أو ممكن يكون أجهاض؟؟

ياربي خبروني ويش اللي صاير فيي :(:(
ولاتنسونا من الدعاء أمانة

[أحلام أم]

هلا حبيبتي
لاتخافين يمكن دورة وصايرة جدية ،ويصير كل دورة تختلف حسب تغيرات الجسم والهرمونات
إنتين تقوليين حللتين حمل ماطلع حمل يعني مافي حمل ،وإذا تبين تتأكديين حللي حمل هرموني وشوفي يمكن حمل ضعيف ومابين في جهاز الحمل
لاتحاتيين حبيبتي الله إنشاء الله بيرزقش الحمل وبتفرحيين به وبتبشرينه به إنشاء الله ولاتخليين هالموضوع يأثر على نفسيتش
سوي إللي قلتلش علية تحليل هرموني وشوفي وإذا ماطلع فية نسبة يعني مو حامل والله كريم عنده خير كثير ليش يااارب
دعواتك

[سوهان]

اختي دلوعه روحي المستشفى افضل

او مثل ماقالت احلام

وربي يكتب لك اللي فيه الخير والصلاااح يااارب

والله يفرح قلبك في القريب العاجل ياااااارب

[دلوعة ولد عمها]

أحلام أم :مشكورة حبيبتي على التشجيع :)
هوأنا عادي مو مرة مرة أحاتي بس الموضوع غريب عليي وخلاني أحاتي :)

سوهان :
مشكورة حبيبتي أن شاء الله بنتظر لليوم العاشر أذا مازال الدم ينزل باروح المستشفى
مع أنة للحين ماأشوف شيئ نزل غير اليوم الصبح


والله يكتب اللي فية الخير :)

[فلونة]

ماعندي خبرة في الموضوع بس الله يكتب لج الي فيه خير وصلاااح :)

[أم راما ~]

استني كم يوم وحللي .. واذا ماطلع حمل معناته لخبطة .. ونصيحتي لك

لا تروحين الدكتورة احيانا يصير زي كذا وتتعدل الاوضاع مشكلتنا نستعجل ونبلع حبوب

وفي الاخير نجلس نعالج اثار هالحبوب .. الله يكتب لك اللي فيه الخير

[أم اسلام]

انا كان يحصل كدا مي كتير متخفيش ربنا يرزقك

[دلوعة ولد عمها]

مشكورين على الردود والتشجيع الحلو :)

[ندى الوردة]

ربي يسر اطرك بالحمل التام المعافى عاجلا غير آجل

[دلوعة ولد عمها]

أن شاء الله يارب :)