يهمني راي الجميع اولد ببيتى او عند اهلى

[المهاء]

السلام عليكم ورحمة الله وبركاته حبيت تشاركوني بئرائكم اناولادتي ان شاءالله بتكون في نص 11ومحتاره اولد فبيتي اوعند اهلي اناعندي ولدين الله يحفظهم والكبير يدرس وزوجي بيجيبلي خدامه تطبخلي اذا كنت فبيتي وانامتردده تعرفون هالصغار الله يصلحهم مايجون على كيفك واكيد اذا بولد فبيتي راح تكون اختي عندي معاليش طولت ليكم بس مالي الاالله ثم انتم hwaml13

[Almasah]

_
مدام اختك بتجي لك والشغاله موجوده ولدي في بيتك
من سؤالك فهمت انك الأرجح تبين ببيتك تولدين

والله يسهل عليج

[المهاء]

مشكوووره اختي ماقصرتي والله كلها كويسه بالنسبه لي وهوفعلاالبيت اريح لي كل شي حولي قرييب انتظر بقيت الردوود

[احبك"جنووو"]

هلا حبيبتي انا من رايئي انك تنفسين ببيتك والله اريح لك واريح لعيالك لاصار اختك بتجي عندك وبتجيبين شغاله خلاص منتي بحاجه تروحين لااهلك ربي يسهل عليك تقبلي مروري

[جلنار2009]

اناناوية اولد في بيتي واجيب شغالة اريحلي علشان انام على كيفي واروح لدورة المياه بدون احراج لان عند اهلي احراج شوي فنصيحتي خليك في بيتك احلالك بس كيف رتبتي بيتك للضيوف واش حطيتي قريب منك يعني وش جهزتي لنفاسك

[أخفي غلآه]

أنتي ششوفي وين اللي ينآسبك ... ويريحك بس أتوقع عند أمك أفضل لك وأونس لك ..

[فروووحـــــه]

أنا زيك عندي ولدين الله يحفظهم والحين حامل وبصراحة افكر أولد في بيتي برتاح اكثر من بيت اهلي خصوصا اني بولد في رمضان
وانت شوفي الأريح لك
الله يقومك بالسلامه

[~~لحن الحياة~~]

حبيبتي اولدي ببيتك
الوحدة مابترتاح الا ببيتا واختك والخدامة عندك لاتاكلي هم شي
واخر شي الراي رايك
الله يقومك بالسلامة ويهون ولادك عليك يا عمري

[أم ولاء]

في بيتج اريح لج دام في شغاله واختج موجوودهـ ..
الله يسهل على الجميع ..~

[هدوء انثى]

في الجهتين عادي بس اهم شيء الماما تجلس عندك ع الاقل 10 الى 15 يوم مع الخادمه
وربي يسهل عليك

[طالبة مختبرات]

قصدك نفاسك !!
اللي ترتاحين له اكثر سويه
وبما انها مو أول ولاده وبتجيك شغاله
واختك بعد يعني عادي كأنك في بيت اهلك
لأن في من يعاونك

[مشــــــــاعر]

على حسب أرتياحك النفسي..
مثلا اذا كانوا أهلك بنفس المنطقه بحيث تقدر الوالده تزورك كلما حبت..
واذا كنتي من النوع اللي مايحب الوحده وماتجيك كآبه بالنفاس..
يعني أنا مثلا مستحيل أتنفس ببيتي لاني في منطقه وأهلي بمنطقه..
وحتى لو جبت خدامه ماراح توسع صدري..عكس خواتي وأقاربي..
فأنتي حاولي توازنين بين كل الأمور بالنفاس وقرري..

[ام حكوم]

انا اشوف انو في بيتك افضل لك وكل شي عندك ومادام عندك شغاله واختك اريح بعد انا احس البكر هي الي تحتاج انها تكون عند امها وسلامتك

[نسمة المساء]

صراحة أنا أخالف البنات وأشوف تولدي ببيت أهلك أفضل نفسيا ... وكمان تكوني مطمنة على النونو الجديد إنو في من يرعى وإإنتي تعبانة بدون ما تثقلي على أحد وييجيك البيت والله أعلم كم تقدر أمك أو أختك تترك بيتها وتجلس معك ببيتك.. وفي النهاية القرار لك واننتي تعرفي ايش الأفضل لوضعك... الله يقومك بالسلامة