السائل حول الجنين

[برائة الطفولة]

بنات انا كم يوم وبصير بالشهر التامن ان شاالله والمي قليلة كتير حولين البيبي انا شفت اليوم بالسونار البيبي مو مبين بسبب قلة المي والدكتور بقولي كتير خطير ولازم اولد ودكتور تاني بقولي انو مقبولة عادية مو عارفة شو اعمل وعلى مين ارد انا خايفة ما حد مر بهيك اشي؟؟؟

[نسمة المساء]

سلام حبيبتي
أولا طولي بالك وهدي وحاولي ما تزعلي حالك ترى مو منيح مشلنك ولا مشان البيبي
تانيا توكلي على الله لا الدكتور ولا غيرو بغيرو قضاء مكتوب . وما بغير القضاء إلا دعائك طبعا بمشيئة رب العالمين فأنصحك بقيام هذي الليلة من هلا قومي توضي والجئي إلى الله
وتالتا بعرف إنو البيبي إلي بكون حوالي السائل قليل بنصحو الأم تشرب سوائل كتير كتير ... وكمان تراقب و تعد تحركات البيبي إذا لا سمح الله قلت أو لأ... ولازم تضلي تحت المراقبة كل يوم يومين روحي راجعي لحد ما يطمنوكي إنو الوضع صار تمام ... ترى التوليد المبكر بلجؤولو لو حسو إنو المي قلت لدرجة صارت تشكل خطورة إنو الحبل السري ينضغط وما بيقدر يوصل دم كافي للبيبي وهاد بقررو الدكاترة فراجعي واحد وتنين تلات ... لحد ما حد منهم يأكدلك وضعك تمام...
والله يرزقك الطفل معافى وحلو وذكي يا رب