مغطس الماء الدافىء مع ملح الخشن في النفاس

[فلونة]

السلام عليكم ورحمة الله وبركاته

شخباركم خواتي ؟؟

عندي استفسار متخوفة منه شوي واللي عندها خلفية ياريت تفيدني جزاها الله خير الي ترد او تدعي لي لانه التفكير هلكني :(


قصتي عقب ولادتي بأسبوع كنت اعاني من ألم الخياط في منطقة العجان نصحتني اختي اسوي مغطس الماء الدافىء مع ملح الخشن (ملح البحر الطبيعي غير معالج) وسمعت كلامهاا وكنت اسوي لي كل يوم المغطس لانه ارتحت عليه وخف الألم .. وامس قريت موضوع في المنتدى ان الملح يسبب فك الخيوط وذوبانها المفروض نستخدمه عقب 20 يوم من الولادة يكون الجرح ملتأم :(
وانا خايفة تكون الخيوط انفكت وما التأم الجرح،، ما ادري شسوي


بحثت في النت وطلع لي مغاطس الماء الدافئ مع الملح الحجري لتعقيم المنطقة والمحافظة على نظافتها وتخفيف الآلام في الجرح.؟؟

احد سمع او عنه خبرة يفيدني جزاكم الله خير.. منتظرة ردودكم hwaml5

[أم ولاء]

خوواتي كلهم واقاربنـآ يستخدموونه على طوول بعد الولادهـ
وعمرنا ماشتكينا من التهاب الجراحه ولا شي بالعكس تطيب بسررعه ..
بس استخدمي مرهم ميبوو بعد الحمام الداافي جدا مفيد ..

[اتعبتني جروحي]

لا لا تطمني يالغاليه
بالعكس ممتاز يعتبر معقم ويجفف الخيوط بدل ترطيبها
وكل العائله الكريمه تسويها..
اتمنى انك تطمئني وتستفيدي

[فلونة]

خوواتي كلهم واقاربنـآ يستخدموونه على طوول بعد الولادهـ
وعمرنا ماشتكينا من التهاب الجراحه ولا شي بالعكس تطيب بسررعه ..
بس استخدمي مرهم ميبوو بعد الحمام الداافي جدا مفيد ..

انا استخدمته في مغطس وقعدت فيه وسمعت المفروض استخدمه كغسوول وان شاء الله ما انفكت الخياطة .. مشكورة اختي على الرد

[فلونة]

لا لا تطمني يالغاليه
بالعكس ممتاز يعتبر معقم ويجفف الخيوط بدل ترطيبها
وكل العائله الكريمه تسويها..
اتمنى انك تطمئني وتستفيدي

ان شاء الله يارب مانفكت الخياطة والجرح التأم .. ريحتيني اختي
انا كنت استخدم المغطس كل يوم وارتحت عليه بس احين صادني خوف على مكان الجرح hwaml5

[ام ظاافر]

هلا حبيبتي استخدميه كغسول ماانصحك تتنقعين لانها يرخي الخيوط معروف الملح حاااار

[اغليك يا الجنوب]

سمعت انه حلو معقم المره هي الي تجفف وتطيح الخياط
الله ييسر اموووورنا اجمعين

[كل شي ولا دمعه امي]

انا استخدمته بعد عشرين يوم لان الدكتوره حذرتني

[يارب ارحمنا]

انااستخدمه كغسول بعدولادتي بيومين والحمدالله زين ينصحون فيه
بس كمغطس مدري عنه اختي وان شاءالله خير

[فلونة]

انا استخدمته في المغطس وتنقعت فيه ربع ساعة وو احين خاايفة ما ادري شسوي :( تتوقعون مكان الجرح ما التأم وانفك الخيااط hwaml79
واللي استخدمته او سمعت الملح تفيدني جزاكم الله خير خووواتي ،، دعوووواتكم لي بتيسير الامور وان شاء الله ما انفك الخياااط

[أمـ عبدالله]

شوووفي ياقمر .. الملح الخشن ولمره انا استخدمها بعد اسبوع من الولاده

لكن !!

انك تقعدين بالمغطس هذا هو الغلط .. لأن المويه رااااح تدخل للمنطقه ويصير عندك خرااب .. وماكأنك عالجتي شي بالعكس زدتي الطين بله


اسمعي ياخيتووو الكلام اللي ماتلقين له مغلط ..

اول ماتولدين خذي قاروره مويه صحه كبيره وحطي فيها كميه ملح وشووويه مره .. وخليها تنقع يوم يومين ..

بعدها كل مادخلتي دوره المياه خذي قطنه وغمسيها بالمحلول وومسحي ع الجرح .. واقعدي شووويات لمن تجف ولو حبيتي بعدها حطي ميبو


هذي طريقتي وطريقه مضمونه ومامنها خوف ابد .. ونتايجها واااضحه وحلوووه ..

[فلونة]

انا احين استخدمته ولين فات الفوت ما ينفع الصووت .. ابي نصايحكم لي شسوي احيين؟؟

مافي حل يخليني اتأكد الجرح التأم او لا واموري كلها صح .. انا بكرية وماكنت اعرف هالسووالف