زوجة اخوي المنافقه ؟؟؟

[زهرة البنفسج]

بنات والله ان قلبي محروق ...
تخيلو زوجة اخوي كنت احبها واموت فيها ومابيننا الاكل خير وكنت اوقف معاها ضد اخوي وهي مبينه انها تموت فينا انا واختي ..
والله اني كنت اعتبرها اكثر من اخت واقولها اسراري اللي مااقولها لاهلي ..
وفي النهايه اكتشف وبالصدفه انها تدعي علي ..وان كل كلامها وتصرفاتها انها تحبنا نفاق ..وانها تكره امي وتكرهنا بس تبين العكس ..سبحانه ربي اللي اراد ان يكشفها
والله اني مصدومه حتى النوم ماذقته ...
يعني انسان كنتي تعزيه وتكتشفي ان هذي نواياه تجاهك ..
الدنيا لهذي الدرجه معد فيها صدق معد فيها امان ولاخوف من الله المطلع على الضمائر ..
(يخفون في انفسهم مالايبدون لك )
انا تعبانه يابنات ..مدري كيف بتكون معاملتي معاها بعد كذا وانا انسانه مااحب المشاكل ...
ارجوكم افيدوني بحل
الله المستعان

[الورد المديني]

اول شي سلامة قلبك والله
حاسة فيكي وربي لانو حصل معايا نفس اللي حصل معاكي تخيلي من عمتى ؟!!!؟؟!!
تكرهنى وحصل انها دعت عليا وماتتمنالي الخير بسبب انى بنت اخوها الغير شقيق؟؟@@
انا ماكنت ادري لكن وصلنى الكلام واتاكدت ميه الميه من صدق الخبر وماواجتها لانى مثلك مااحب المشاكل واتخيلي لما تقابلني في مكان هاتك يابوسات واحضان وانها تحبني وتموووووت فيا وانا من قلبي عارفه وساكته لكن مااقول غير اللهم اكفنيهم بما شئت هي وامثالها من المنافقين

ماانصحك بمشاداه كلاميه معاها لان اللي مثلهم معاهم مرض نفسي وربي خديها على قد عقلها وقد ماتقدري قللي من احتكاكك فيها والله يصلح الحال


الله يريح قلبك ويكفيك شر حسادك والمنافقين

[توست]

كيف كشفتي أنها كذابه وخاينه ؟

[طبيبة القلوب]

بنات ............ والله ذايقة من هالدنيا اللي ما تتخيلوه
اقسم بالله
اقسم بالله .........حقك حيوصلك ولو بعد حين ................
ارموا وراكم واتكلوا ع الله .... وقولوا
حسبي الله لا اله الا هو عليه توكلت وهو رب العرش العظيم ....

ياما اكلت من هالدنيا ومن اقرب الناس لي .... .يا ستي تكوني مظلومة ولا تكوني ظالمة ...




ربنا اللي خلقنا اعلم مافي نفوسنا ...............

[marwa]

حبيبتي هدي حال الدنيا يامااااااا انصدمنا من اقرب الناس لينا بس نصيحه مني ليكي خليكي زي ماانتي وخلي تعاملك معاها طبيعي بطيبتك وحبك لها لان مصيرها تعرف قيمتك

ولاتسمحي لاي احد يخليكي تغيري طبيعة تعاملك الطيب والمحترم

[حلم الامومة]

ههههههههههههههههه وش هادنيا انا عكسكم حماتي من سني قلت بتصير مثل الخت لي تاليها اول عدوه لي اتغاظا عنها مرات اسوي نفسي مااسمعها احط لها الف عدر ماينفع اف ياربي

[ام تميم 66]

حبيبتي انا مااره فية بس من سلفتي ,,,بس وش سويت السفهاان يقطع المصراان
ولا عليك منهااا علشاان اخووك ولاهي خليها ما كنهاا مو جودة ,,,ومع كذا واي شي في البيت اخبار حلوة ولا شينة لا تعلموونها ابد بعدييييين بتنقهر وحسبي الله عليهاا ونعم الوكيييييييييييل,,,

[أم عبدو]

من أكرم من رسول الله عليه الصلاة والسلام !!!
عندما أوصى أبا هريرة بوصية عظيمة فقال: { يا أبا هريرة! عليك بحسن الخلق }. قال أبو هريرة رضي اللّه عنه: وما حسن الخلق يا رسول اللّه؟ قال: { تصل مَنْ قطعك، وتعفو عمن ظلمك، وتُعطي من حرمك} [رواه البيهقي].

لا تتغيري ربنا بحاسب الجميع ولكِ الأجر إن شاء الله

[زهرة البنفسج]

اخواتي العزيزات مشكورات وكل من ردت علي اسال الله ان ييسر امرها ويفرج همها
والله اني تعبت مره من هذا الموضوع لاني من النوع اللي اثق في الناس بسرعه واصدقهم وهذا اكبر عيوبي
لكن الله المستعان على مايصفون

[زهرة البنفسج]

بنات انا واجهت زوجة اخوي وسألتها عن الموضوع حلفت بولدها وعلى المصحف انها مادعت علي وان الموضوع كله غلط ..
بصراحه انا صدقتها لاني مره احبها وهي عزيزه وغاليه علي
ومستحيل تحلف وهي كذابه مستحيل
الله لايوفق اللي يخرب بين الناس

[البتول...]

الله يهديك المفروض ماواجهتيها ...
طنشي وكانك ماتسمعين شيء سواء منها او من اللي ينقلون الكلام لك ...
واللي ينقلون لك الحكي يمكن هم الشر ويبغون يفرقونكم ...

[TOomy]

انا مع اختي ام تميم الحقران يقطع المصران
وانتي بعد لاتجلسي معاها ولا تعطيها وجه
وتحذري منها
والله يكون بعونك اختي

[سولآف]

مدري يعني هي بتقول الحقيقه اكيد بتننكر

لان مرت اخوي كذا مافيه مجلس الا وقالت بناتنا زي الاولاد مايعرفون يطبخون وفي البيت بس نايمين بالرغم من شغل البيت مقسم بيننا ولما واجهناها تحلف وبرضو مازالت تتكلم الا الان وهي مسويه معنا حبيبه لاصارو صديقاتي بيجون تقول انا بطبخ لك وكذا وتحلف وبعدين تقول هي ماتعرف وانا والله اسنع منها ومن اللي جابها

ولما سافرت امي مرة تكلم خالتي وتقول تعبت من البيت ومن خالي < تقصد ابوي اصحى الصبح بدري واسوي له قهوة والفطور وهي كذابه والله اختي اللي كانت تصحى له

وخالتي اتصلت على امي تهاوش تقول حرام عليكم مسوين كذا فيها وين بناتك

حسبي الله عليها وللحين الناس لما يشوفو شي انا مسويته يستغربون يقولون تعرفين ؟؟

والله عندنا مافيه اطيب منها واحن منها

سبحان الله مناافقه

لا وفي نفااسي تأخذ ملابس بنتي خفيه واحيان غصب عني وتغسلهم <<الشغاله راحت وانا باقي لي عشرين يوم

المهم صارت تقول لحمولتنا انها خادمتني وتغسل ملابس بنتي زيااده على اولادها ياربي منها


نصيحتي يالغلا لاعاد تعطينها سرك زي اول وخففي الثقه ىاللي بينكم شوي

وربي يهدي الجميع

[زهرة البنفسج]

مشكورين اخواتي يعطيكم الف عااافيه

[نبع الكوثر]

صار لي اعضم منك والله بس طنشيها حدك السلام وعليكم السلام لا تاخدي وتعطي معها بس سلمي عليها واعتبريها غير موجود

[رباه فرج همي]

الله يفرج همك يارب وهمي وهم كل المهومات

ياعمري عندك اسرار ؟؟ الله يسعدك اشكيها للباري علام الاحوالي

[أم ولاء]

الله يصلح بينكمـ ..
^^

[همس المشاعر]

مدامها حلفت على اولادها وعلى المصحف فصدقيها ومصير الحق يبان اذا هي منافقه او لا بس انت ارخي الحبل شويه يعني لاتعطينها الي في قلبك كله الين تتاكدين انهاماهي منافقه لان في هزمن معد تقدرين تثقين باحد وتاكدي واعرفي ان الحلف على الولاد وعلى المصحف شيييييي عظيييييييييييييم يعني بتاخذ عقابها في دنيا قبل الاخره ويمكن الله يحرق قلبها اذا كانت كذابه في اولاااااد اخوك لقدرالله و خاصتا ان الحلف على المصحف الشريف ماهو طيييييب واالله يسرلك امرك ويصلح مابينكم والي نافق مابينك وبينها واجهيها قدااااااااااااام زوجة اخوك وهذا راي وعلميهاكله علشان حلفها على اولادها وعلى المصحف علشان مايصير على اولاد اخوك شي لقدر الله وسبه هي وحلفاااانها

[أميرة الصمت]

الله يكون بعونك

[أإأم ع‘ـــزُوـوزُ]

إيه ترى الناس إللي تفتن وتخرب البيوت كثيره وإنتبهيى لآتصدقين أي شي ينقال قبل مـآ تتأكدي

الله لآ يفرق بينكم ويجمعكم على خير يـآرب ...

[kozeda]

شو ما صار يا أختي أنا مع إم عبدو في حديث الرسول عليه الصلاة والسلام
وإحنا لازم يكون خلقنا القرآن ... كما علمنا الحبيب المصطفى

[اخت حمودي]

لله يكون بعونك ناس منافقه ومخادعه كمان

[Rancy]

كلنا نخطي .. بس الاهم الحذر الحذر .. لاتعطي سرك لاحد .. مهما كانت العلاقه قويه بينكم ..
حتى لا يجي يوم لايحمد عقباه ( الحذر )
وانتبهي من الثقه العمياء ...
والله يصلح بينكم ..
دعواتك لي بالحمل

[عاشقة طيور الجنه]

لاحول ولا قوة الا بالله

[مربوشه]

المشكله اننا ع نياتنا نحسب قلوووب الناس نظييفه زينا حسبي الله عليه توكلت وهو رب العرش العظيم

[( دلووعة فؤاادي)]

( إذا جاءكم فاسق بنبأ فتبينوا ان تصيبوا قوما بجهالة فتصبحوا على مافعلتم نادمين)..كنت بقولك من اول ماقريت الموضوع هل تأكدتي من الخبر؟؟؟؟ فصدقيني الي ناقلك الخبر اتوقع أكبر أعدائك او يبي يخرب العلاقة بينكم وهذا مايفعله الا أحد شيااااااااطين الإنس.......وصدقيني الي نقلك اكييييييييييييييييييد انه نقل عنك شي لذلك لاتصدق كل مايقال...........وبالتوفيق والله لايغير عليكم يااااااااااارب وتأسفي منها لانك نعتيها بالمناااافقة وهي ماتستااااااااااااهل.....ز

[((ام ليان))]

كلنا ذقنا الله يعين

[راجيتن الله]

انتي غلطانه

قولي ليه

لانك قربتيها لك وقلتي لها اسرارك

شوفي في هالدنيا محد يستحق انك تقولي له اسرارك وهمومك الا امك


لانها هي الي بتفهمك وربي لاصديقات ولا حتى خوات امك وبس

انتي الحين كشفتيها

بس انتبهي لاتعادينها قدام الناس وسوي معها مايرضي الله

لاتكلميها واتصالات وطق حنك لاء

بس لو شفتيها عند اهلك عادي سولفي مو عشانها عشان اخوك هذا اذا كان غالي عندك


سياستي مع حريم أخواني ::

مااكلمهم ابدا ولاسوالف ولا طق حنك

بس اذا شفتهم عند امي افلها معهم عادي اسولف واضحك

بس مستحيل اقولها سر من اسراري او اي شي يخص حياتي الزوجية

او مشكله مع اختي مااقولهم حتى مايتفرحون عليكم

واحاول اسوي الشي الي يحبونه عشان احببهم فينا بس لان احنا اهل عيالهم

ولو كرهونا راح يكرهونا عيالهم

سووا كذا وبترتاحون

[ام عبدالرحيم]

حبيبتي انا امووووت علي زوجة اخوي فديتها ربي لايحرمني منها ولانو هو اغلا اخ عندي وحتي اهلي يقولون لي هذي خبيثة وتتقول وتفعل ولا انا اسمع لهم لاني ادري باهل الزوج لايرحمون احد مع انهم اهلي بس حتي تحصل مواقف قدامي وهم يفهمون غلط لاتسمعي لاحد حتي لو عطتيها سرك لاتخافي لانو مستحيل تقول سرك لانو اذا انتي حكيتي سرك فمعناها هي حكت سرها لك صح؟؟؟ فلذلك لاتسمعي حتي لاهلك لانهم بيكونون عندهم شوية حساسية منها لانهم ببيت واحد مع تحياتي