ابي الحل افيدوني ياكروشااااات...

[مملوحة الوصآيف]

بسم الله الرحمن الرحيم

صباحكم /مساكم

خير ان شاءالله

مو عارفه من وين ابتدي اصلا اول مره اكتب موضوع بس صراحه انا تعبت وابي الحل مع عنادي...

المسائله اني حامل بالشهر السادس ولي شهر تاركه الحديد لاني تعبت من شي اسمه امساك نفسيتي مره تعبت منه مااقدر انام ولا اقعد زي الناااس مزاجي دايم متعكر بس افكر في بطني والالم والامساك وقلت ليش اعذب نفسي بعوض عن الحديد بس طبيعي فصرت اكل عنب كثير لانه فيه حديد

بس الدكتوره حذرتني وقالت لو طلع عندك انيميآ بنعطيك حديد وانا خايفه انه ياثر على جنين لو مااخذت الحبوب هالفتره لانه قالت لي فرصتك تاخذيهآ دحين وانا ماارح اغصبك >>خوفتني صراحهـhwaml10

وايش اسووووووووووي يااخواااااااااااااتي ؟؟؟؟؟؟؟

[لمـار]

لا ليش تضري نفسك وطفلك اصبري ايش بيدك
خذي الحديد وكلي اشياء ملينه للبطن من فواكه في الغالب
ملينات طبيعيه مثل الموز المانجو البرتقال ومن شوي اشوف
موضوع وحده من الاخوات نفعت معها ليمون على الريق ومويا
ومنهم من قالت الكيوي انتي دوري اللي يناسبك
وكثري منه طبعاً حبتين او ثلاث باليوم صدقيني مره بترتاحي وهي الحل
كمان القهوه تخفف ولو فيك غازات شاهي بنعناع مديني بس يكون كثير شوي
برضو جداً ممتاز.
والله يهون عليك وعلي وعلى كل حامل .

[callalily]

لا لا ليش تمتنعي عن الحديد " انا بقولك شي يوم كنت حامل كان يصيدني إمساك فضيع
ومثل ما قلتي يعكر المزاج فعلا hwaml4 فقررت آكل خيار الصباح عالريق جدا ممتاز وكثرت من شرب
الحليب وفعلا نسيت شي اسمه امساك hwaml03!!
والحل النهائي هو(( شرب الماء الصباح على الريق كوبين مثلا)) وااااااااو!!hwaml03شئ عجييييييب << الله يهون عليكي وما تشوفي شر

[نسيم الطفوله]

مثل ماقالت لك اخت callalily اكلي خيار من الصباح
الموز فيه كالسيوم بس من الفواكه الي تسبب امساك فأبتعدي عنه
الله يهون عليك ان شاء الله

[توتايه]

حبيبتي انا من قبل الحمل وانا عندي امساك وبعد الحمل الدكتوره نصحتني لما اخذ حديد انه اعمل اي سلطه او مع الزبادي احط زيت زيتون يمشي المعده مثل الساعه

[الملاك]

الشمندر اطبخيه وكليه مع السلطه طعمه حلووو مره ويزيد كمية الدم بقووه,,,,!

انا بصراحه الحديد اخده لكن ماالتزم فيه يوميا بس انتي يمكن يكون عندك نقص بالدم عشان كدا لازم تستمري عليه,,,


الله يتمم لك عى خير

[مملوحة الوصآيف]

ياقلبي عليكم يابنااات وربي ريحتوني ربي يريح عليكم ويسهلكم ياربي

ان شاءالله بإذن الله راح اخذ في نصايحكم اللي تجيب العافيه

وربي لايحرمني منكم

الله يخفف عنكم مثل ماخففتو علي