هل بنتي معها امساك؟؟

[نبع الكوثر]

السلام عليكم ورحمة الله وبركاته
انا بنتي عمرها3 شهور والله من شهر لما عطيتها التطعيمه سالتني الدكتورة لسى تتبرز يوميا قلت لها اي اكثر من مرة في اليوم بعد
من بعد التطعيمه بيومين صارت تقعد بالثلاث الايام ماتتبرز ولما تصيح تتعصور بقوة وتطلع غازات ولما تسويها اليوم الرابع تصير البراز الله يكرمكم سائل ويوصل الى ضهرها
مدري هالشيء طبيعي
انا لما سالت قالو اذا 3 ايام عادي بس اذا اكثر مو عادي اهي تقعد ثلاث ايام بس احسها مو طبيعيه
تدبحني لما اشوفها كدا احس الغازات زايده عندها بعد وش الحل ؟؟؟

[لمسة أمل]

عزيزتي إن كان إمساك فإن البراز مايطلع سائل ... بس بخصوص بنتك احتمال من الحليب .. يمكن ما يناسب لها ؟ أو بتكوني غيرتي لها الحليب مؤخرا

ربي يشفيلك البنوتة ... ويسهلك أمرك

[نبع الكوثر]

شكرا اختي على الرد بس انا بنتي ماترضع صناعي بس طبيعي

[ام شمس]

حبيبتي انا ابني عمره 3 اشهر ومن ولد لحد الان نفس حالة بنتك ووديته للطبيب وقال لي ماكو مشكله اتركيه الى حد اسبوع وان ماطلعت اعمليله حقنه بس اني اتركه كل 3 ايام وبعدها تطلع و همين مرات تصعد لظهره لان كميه كثيره

[ضوى العتمة]

انا بنتي صار معاها امساك وسويت الطريق التاليه والحمد لله خف :

اولا : مويه على الريق وحاولي تشرب كثييير .. وعطيها مويه بكل وقت ..


ثانيا : خففي الحليب يعني اذا تحطين 3 ملاعق حليب خليها 2 ونص اواقل ..


ثالثا : اذا شفتيها بدت تتبرز وماقدرت حطي لها في موخرتها فازلين وهي تتبرز عشان

تساعدينها على طول يطلع ..

الله يشفيها يارب