متى تخلصتي من مغص طفلك نهائياً؟؟

[زهرة البنفسج]

بسم الله الرحمن الرحيم
حبيباتي سؤالي واضح ..يعني لكل ام ..متى راح وانتهى مغص طفلك ..وكيف بديتي تلاحظين ..يعني كان يخف تدريجيا ولا اختفى فجأه ؟؟
وعندي سؤال ثاني متى تتوقفين عن تكريع الطفل بعد الرضاعه ؟؟
والله يابنات تعبت من مغص ولدي الحين عمره شهرين ونص بالضبط وخايفه يستمر معاه المغص ويطول عشان كذا حبيت اسألكم واستفيد من خبراتكم ويارب يكتب لكم الاجر ويخليلكم عيالكم

[زهرة البنفسج]

............................

[أإأم ع‘ـــزُوـوزُ]

انا ولدي صار عمره شهيرين ولسى مغص وإنتفآخ في بطنه من يوم ما ولد غيرنا له حليبه ونفس الشني ماصار اي تحسن

كان يشرب حليب رونالاك والحين نانا ونفس الشي طبعا بعد إستشارة الدكتور

والتكريع انا ولدي اول مايخلص حليبه اكرعه ويتكرع مرات يطول مو بسرعه يتكرع ومرات يتكرع بسرعه وإذا نام بعد ماشرب حليبه مستحيل مايتكرع

بس المشكله حتى لو تكرع لازم ينزل من فمه بس قليل مو كثير

يعطيك العافيه ....

[زهرة البنفسج]

مشكوره ام عزوز ..يعطيك العاااافيه ..الله يشفيهم ويحفظهم يااارب
اتمنى من الامهات اللي عندهم خبره يفيدونا ويطمنونا

[ام القماري]

اعطاني الدكتور دوا المغص سالينال

مره طيب ويخليه ينام

والتكريع ماتتوقفي الين يبدأ يجلس في رأي

[ريآنهـ..!]

انا والمغص معااااناة بجد

بقد ما تتصوري مغص

بنوتتي من اشد المغوص

وما بقى دوا للمغص ما جربناهـ لها

والحليب غيرناهـ وما راح المغص ابد

يمكن يخف مرات بس يرجع اشد

وذالحين رح تدخل الشهر الرابع ان شالله

احس انو مغوصها بدأت تخف لكن ما راحت تمام

وعن سالفة التكريع

يصير بنص الرضعة او متى ما وقف البيبي

عن الرضاعة اكرعها واكمل معها

والله يخلي الحلوين

[زهرة البنفسج]

مشكوره ريانه
طيب الامهات الخبره وينهم
ابغى اعرف متى ارتاحوا من مغص اطفالهم
ومتى معد يكرعونهم نهائيا
يللا يامهات ابغى ردودكم

[آميرة حبيبي]

انا عاااااااااااااانيت بجد عانيت طول الليل والنهار صياح من بطنها وخفت لمافالشهر الخامس

[ام اسكندر]

ان شاء الله يارب نرتاح كلنا من مغصهم واستفراغهم مع التكريع
لسا ولدي 4 شهور
ومازال يعاني من كل اللي ذكرتيه

[زهرة البنفسج]

مشكورين نورتوا صفحتي
الشهر الخامس آآآآه يعني باقي لي كثير ياربي طيب مين خف طفلها بعد الثالث ياريت احد يطمني
هالاتي السودا وصلت لنص خدي من قلة النوم بمووووت

[سوسنة]

اناابني معه مغص عمره شهر ونص لكن الطبيب كتبلي على دوا مرة ممتاز اسمه baly fen والحمد لله ارتحت

[زهرة البنفسج]

كل من ردوا علي مشكورات
بس ابغى ردود من امهات اطفالهم كبروا وارتاحوا ابغى اعرف متى راح المغص والله انهلكت

[حجازيه]

شربيه يانسون مررره طيب للمغص

[حجازيه]

بالنسبه ليآ عندي طفلين دحين ياربي لك الحمد بس ما أفتكر إني أشتكيت
من مغص أطفالي
بس الأول جاه مغص ماطول ماخلصت الاربعين إلى وهوا مافيه شي ماشاء الله عليه

[غنوووووجه]

الله يكووووون بعووووونك ياقلبي ويعينكم كلكم.....
انا بصرراحه مااعرف في هالامور بس اعرف ان اختي جربت مع مغص عيالهم شاي المغص من الصيدلية وتمدح فيه.....
حبيت اشاركك موضوعك والله يهديهم ويخليهم لكم يارب....ادعولي تتسهل ولادتي بكررريه خايفة..

[زهرة البنفسج]

اختي حجازيه مشكوره وربي يحفظ لك عيالك
اختي غنوجه الله يعطيك ساعه طيبه ويرزقك ولاده ميسره
دعواتكم لولدي الله يشفيه من المغص

[Pizza]

وانا سمعت الوالدة اللي يحفظها ليا
انه كانت تستخدم الكمون يكون بكمية بسيطة ومطحون
تجيبي مقدار بسيط في فنجان قهوة وتضيفي له موية مغليه
وتتركيه 5- 10 دقائق بعد كذا تشربيه للبيبي
وان شاءالله يرتاح على طول

والله يشفي لك ولدك من المغص ويسهل لي ولادتي انا وكل الكروشات ..

[مستقبل]

حبيبتي المغص مو مرض ويروح تتدريجيا بس انتي اصبر ولاتنسي الدعاء الله هو الشافي انا الحمدلله وماشاء الله بعد معانات المغص خف في شهر الثالث وصار ينام ربنا لك الحمد وشكر ودحين عمره سته شهور ونسيت شي اسمه المغص الله لايعيده وماكنت استعمل اي شي ولاحتى حليب الاصطناعي كنت اعطيه بس حليبي لان الدكتوره قالت لي مافي دواء للمغص غير حليبك وفعلا كلامها كان صح

[ليتني]

بدايه الرابع خف على بنتي بعد معاناة طويله

والتكريع دائما اكرعها بس بالليل مااكرعها لان من احملها على طول تقعد وساعات بروحها تتكرع اللهم صل على محمد وال محمد

[فـجر]

اللهم صل على محمد وآل محمد ..
أنا بعد بنتي دائماً تصيح من ألم بطنها
حالياً أستخدم لها ماء مغلي مع مرهـ و علك لبان وأعطيها بالأبرهـ ( إلي تجي تبع دواء الأطفال ) شوي تخفف عليها تقوم تطلع الغازات ..
الله يكون في عونآ والحمدلله ع كـل حآل إنشاء الله فترهـ وتعدي و حسب الطفل أتوقع شوفي ناس تخف من الثالث وناس بعد ..
مالنآ إلا الصبر :)

[woman_ss]

شوفي ياقلبي ماراح يخف المغص الا في الشهر الخامس بس خذي له دواء اسمه سالينال مره حلو والله يعينك على السهر
والتكريع لحد مايبداء يجلس