أنا مليت من كلام الناس وش اسوي

[أم ريتال وريان]

بسم الله الرحمن الرحيم
السلام عليكم ورحمة الله وبركاته
كيف حالكم إن شاء الله دائما بخير ؟






أخواتي بليز ساعدوني انا بجد مليت وطفشت من الناس وكلامهم ماعاد ابي اروح لأي مكان عشان افتك من كلامهم


مشكلتي مو مشكله بنظري ونظر زوجي والناس الفاهمه لكن فيه ناس ترفع الضغط بجد hwaml4
انا بكريه وحامل ونظرا لضعف وزني وكمان لاني بكر ماطلع لي بطن
ابد وانا الان بالشهر السادس
وانا اي مكان اروح له الناس بس تسال انتي بجد حامل طيب ليش ماطلعلك بطن انتي ماتتغذين صح اكيد زوجك معيشك عيشه زفت ومبهذلك
وانا ارد عليهم قلتلهم انا بكريه ومعروف مايطلعلها بطن الا ب 8 او 9
قالوا طيب ماتشوفي حماتك كيف ماشاء الله عليها من 3
ووووكلام كثيييييييييييييير hwaml4

ومو بس الناس كمان ابو زوجي
لدرجه اخر مره جاء يسلم علي طلعت ولبست جلابيه وحطيت مخده ؟؟؟!!!! وسكت وافتكيت لانه كمان بيزعج زوجي بكثرة السؤال مايكفي اني حملت hwaml4


والدكتورةhwaml10 سالتها قالت 2 كيلو بالشهر دنتي بتطلعي ورده متفتحه


لكن شسوي بالبشريه هذول بالله ابي شىء يسكتهم
سامحوني طولت عليكم لكن ابي افضفض وابي حل منكم خواتي



والله يسعد من ترد hwaml13

[سولآف]

الحمدلله والشكر بس
مانفتك من كلام الناس لاصار البطن كبير قالوا متعافيه وبأكمل صحتها وزوجها مدلعها للآخر

واذا صغير قاموا يتكلمون اكثر

ياختي طنشي عادي والله بنت اخوي ومرت خالي ماكبر الا يوم دخلو الثامن كانوا يلبسون نفس ملابسهم وبعدين جابوا مقاس اكبر من مقاسهم الاول قبل الحمل برقم واحد مابان لهم بطن ابد

وللمعلومه اللي مالها بطن اصح من اللي بطنها كبير لان الكبير كله مويات وانتفاخاات

انتي حبيبتي لاتكلموا قولي اوب مهم الكبر اهم شي صحته كويسه والحمدلله

[أم ريتال وريان]

مـلآذ

والله انك صادقه مانفتك من كلامهم في كلا الناحيتين
وانا الحمدالله اللي مصبرني زوجي الله يحفظه وبس يمدحني ويمدح شكلي يقولي احسن لك لاودتي ماتتعبي في تنزيل وزنك والتعب حتى في الحمل خليك خفيفه احسن

وانتي الصادقه اللي بطنها كبير كلها مويات وانتفاخات لكن العكس عند الناس الصحه والعافيه >>اهل العقول في راحه

مشكورة وربي يعطيك الف عااااااااااافيه يارب ربي يسعدك أمييييييييييييين

[shoosha]

معليش من كلام الناس
من فكر في كلام الناس مات هما

[امونة**]

وعليكم السلام ورحمة الله وبركاته
يا اختي مع احترامي الشديد لك
بصراحة انتي اللي متعبة نفسك
اخر شي كلام الناس
مو مهم لك بطن اولا اهم الشي البيبي كويس وبصحة تمام
ادا كان البيي كويس وزنه طبيعي فكبر البطن احيانا على حسب موية الجنين واحيانا على حسب جسم الوحدة
الله يسهل عليكي حملك ويقومك بالسلامة

[نـ/ـوَورٍَعٌينِهـ]

ههههههههههههههههههههه

والله حالتكـ نفس حالتي تقريبنآ

امـ زوجي مدري كيف تفكر كل مرهـ تشوفني تسئل وين بطنكـ

خخخخخخخخخ

ولا مو كذا تخليني اكل اكلاتـ دسمهـ علي قولتها يتغذا الجنين ويكبر

هع هع هع مدري هي يعني ماحملتـ من قبل hwaml15hwaml15 وتعرفـ كيف يسير في البكر؟؟!!

وتقول اذا مايجبلكـ اكل قليلي وانا اجبلك الي تبين تفكر ولدها معيشني في مجاعهـ خخخخخخخخخخخ

والحين يوم رحتـ عند اهلي كل ماتكلمني دايمـ هذا السؤال طلعلك بطن يابنتـ والله مدري ايش تبي بالكرشهـ كئنها هي الي بتشيلها
hwaml02hwaml02

ماقول بس غير الله يصبرنا آإآإأمين

[سموة الشوق]

وش عليك منهم

أهم شئ صحتك وصحة الجنين

ردي عليهم كذا

ولاتاخذين بخاطرك

الناس ماوراهم إلا الهم

طنشي كلامهم وارميه بالبحر

وأهم شئ زوجك يالغلا

والله يسهل حمالك ويرزقك الذرية الطيبة من عنده

[عزيزة النفس]

معليكي منهم
وصدقيني بعد الولاده بتحمدين ربك
ان بطنك ماكبر
بدل ماتعاني من الترهلات
وتدورين الريجيم والرياضه
بتكونيين مرتاحه
من وجع الراس
ماشاء الله تبارك الله
انتي في نعمه بتحسي فيها بعدين
ولا تهتمي لكلام الناس
ياما شفنا منهم ولكن لازم نعيش حياتنا
الله يوفقك يارب

[بيسان]

هذي انا بالسادس بطني كبير وعندي نقص تغذية يعني عالفاضي واللي يشوفني يقولي ليه بطنك كبير كأنك توأم المفروض ماييطلعلك بطن وانتي بكرية بس أنا ماخذاها طناااااااااااش
لاتردي االناس مافي شي بيسكتهم
الله يقومك بالسلامة هذا اهم شي

[TOomy]

الحمدلله رب العالمين
ههههههههههههههه
شر البليه ما يضحك
حبيبتي ماعليج منهم
هذلين مرضه ههههه اي والله ليش ما طلع لك بطن
ليش هو منك
البيبي صغيرررر
والله اطلعي وروحي وتعالي ولا عليك من احد

[قطرات ندى]

انا امي بكللللللللللل حمل لها ما يطلع لها بطن ابدددددد وكل اخواني يجون بصحه ممتازه واحسن هالشياء
اما انا بحملي طلعلي بطن وانا بالشهر الثاني كاني بالرابع
والنتيجه صار عندي اجهاض
يعني كبر البطن ماله علاقه بحجم الجنين او صحته

[أم ريتال وريان]

shoosha الف شكر نورتي يالغاليه

امونة** تسلمي والله والله انك صادقه انا اللي متعبه نفسي لكن الله يعين مشكلتي حساسه

نـ/ـوَورٍَعٌينِهـ ههههههههههه عليك بالمفطح كذا يبونك تسلمين نورتي يالغلا

طيف الله يسعدك يارب وينور دربك


عزيزة النفس هذا اهم شىء عندي واللي مريحني شوي انه يبقى جسمي حلو ولا كاني حملت


بيسان الله يسهل عليك يارب وتفرحي بشوفة ضناك


TOomy الله يخليك تسلمين والله

[أم ريتال وريان]

قطرات ندى

الله يعوضك يالغاليه وتسلمين ع الرد

[um-yazan]

الحمد لله انك حملتي وبعد هيك ما في شي مهم
يا غالية الناس ما الهم شغل غير بعض
ما تهتمي
والله لا تشغلي بالك بحكي فاضي
الله يهديهم بس هالعالم

[أم ريتال وريان]

um-yazan
نورتي الصفحه يالغاليه ربي يسعدك مشكورة ع الرد

[أميرة الصمت]

من تابع الناس ماتهنا لا يهمونك وانا اختك

[ألم الغربة]

الله يعينك عليهم اللي يسئل قولي الدكتورة تقول عادي و اهم شي صحتي و صحة الجنين اب خير و الحمدلله و لا تردي علي الناس لان كلامهم ما يخلص

[أم ريتال وريان]

أميرة الصمت تسلمين يالغلا


ألم الغربة نورتي الصفحه يالغاليه

[سيدة الغرام]

ياختي لاتتعبين حالك كذا ناس الله المستعان اذا شفوها متختخه قالو ماشاء الله زوجها ماعيشها احلى عيشه واذا شفوها نحيفه قالو ماهي مبسوطه مع زوجي والله ياختي انا ترى عانيت معنا الله لايوريكي شوفيني متزوجه لي سنه وعليها ترى توقيع زواج متعديه شويه المهم لي سنه وعليها تقريبن يقولون انتي ليش ماحاملتي يمكن في فيكي حاجها او زوجك والله مايفكوني حتى بعض الحيانن ابكي لمن ارجع من البيت واتضيق حتى زوجي يقولي وش فيكي مااقلو شي اقعد ساكت
ياشيخه ربك يعين

[زهرة البنفسج]

انا كان بطني صغير والحمدلله بعد الولاده ماطلع لي كرش وهذا اهم شي ...طنشششششششي
والحين بعد ماولدت ام زوجي كل يوم تدق ولدك سمن ولا لا تخيلي نفس السؤال كل يوم ذبحتني
اللقافه لازم منها الله يعيننا بس

[ندى الوردة]

طنشي وقوليلهم جنيني يحب الرشاقة
ياأختي خليهم يحكو ولا تخلي كلامهم يؤثر عليك ويعصبك وإنتي حامل
أنا كمان بحملي ماظهر بطني إلا بالثامن وبحملي مازاد وزني ولا نص كيلو وكلما رحت الدكوره قالتلي حلو كثييير لببي يزيد وأنا أنحف وكت دبدوبه لذلك من مصلحتي عدم زيادة الوزن
ربي يوفقك وتجيبي أحلى طفل وخليهم يموتو قهرررررررر

[ضوى العتمة]

يوووووووووووه .. والله اخر شي عندي كلام الناس ..

سوي نفسك ماتسمعين اوغيري الموضوع .. او قولي انا عاجبني بطني احس اني كيوت

ومن هذا الكلام .. الله يهديك لا تضايقين نفسك ترى مو زين على البيبي

[bride]

هههههه

الحمدلله أني عايشه برا وماراح أرجع إلا بعد الولادة بإذن الله

أنا ماسلمت منهم وانا ماحملت ودايم يقولون نحيفه

كيف لو شافوني الحين مافيني بطن وانا بالخامس

قبل فترة زرت وحدة عندها امها انصدمت يوم قلت لها اني بالخامس

قلت لا الحمدلله كل شي تمام وصحة البيبي كويسة وسكتت

[حلوة2010]

الله يعينك لا الى طلع لها بطن مرتاحة والى ما يطلع لها بطن مرتاحة انا ببنتى البكرية من الثانى

بطنى كبييييييييييير وبا الرابع الناس تحس انى على وشك ولادة والحين مو مثل حملى الاول الله

يعينك على كلامهم ما يخلص...

[ام حكوم]

ماااعليكي من كلام الناس كبري راسك عليهم واهم شي انو البيبي بخير والله يقومك بسلامه

[أم الكتكوته منونه]

هههههههههههههههههههه لاتزعلين انا كنت بالتاسع قبل ولادتي بيوم قاعده انظر ادخل للدكتور
قالتلي وحده وش فيك قلت جايه اتابع قالت ليه انت حامل بغيت انجن مو قادره امشي وهي تقولي انت حامل
ومره وانا بالسابع تقولي وحده الله يساعدك توك بالبدايه ماكانت تعرف باي شهر بس سكت
واحس اني مبسوطه وش علي منهم