اذبح جنيني او لا

[خوخة زوجي]

صباح الخير بنات أنا حييييييييل متضايقة جد أكلمكم حييييل وأمكن كتبتلكم الف مره عن هالموضوع بس هالمره غير وزاد بصراحة بنات أنا عندي اختي متزوجة وعندها ماشالله 6 عيال وماشالله طولها 160 وزنها58 وانا قبل زواجي كنت اضعف منها ودايم تقارن نفسها فيني وتحتر مني بكل شي مع ان مفروض ماتقارن نفسها فيني لان فرق بيني وبينها أهي عندها جهال أنا ما تزوجت وبعد ماتزوجت تغير جسمي يابنات مو من الاكل لا من تغير الهرمونات المهم يعني عرضت شوي وبعدها حملت وزني قبل لما تزوجت 63 وطولي158 والحين أنا حامل لبداية الخامس يابنات وزني صار 73 بنات أهي سببت لي ازمه نفسيه واحباط تقولي الله يعينك على نفسك وانتي متنتي ولا فوق كل هذا أتقول زوجك راضي بجسمك جذي او لا بنات آنا اكتبلكم ودمعه بعيني هذي اختي وجذي تخيلو تقولي أنا رفيجاتي بدوام لما كنت احمل يسببولي احباط فاني ليش اطبق هشي معاي ودايم تباهى بجسمها الله يهنيها بس مولهدرجة لدرجة كرهت اروح بيت اهلي منها كل مارحت ضايقتني بالكلام وفوق كل هذا أنا زنودي متنو شوي وأطور لي فستان عرس لقريبتنا ولازم احضره لما لبست فستان بالمحلات تطنز علي أهي وامي على جسمي وامي تهاوشني انتي انبطيتي. ومن مسوالف مع تن موعارفين ان أنا والله ما اكل كلش وربي شاهد ولما اقولهم أنا حامل يعني متن مز مني يقولون لا منج مو من الحمل ولله يابنات قبل امس صارلي موقف مع اختي اقول لامي أنا بطني عريضة من تحت ابي فستان ما يكون ضيق من تحت جان تقول اختي هذا مو من الحمل هذا كرشك عرض هذا شحم بنات أنا ضقت جد بنات يعني اذبح الجنين بسبتهم او شنو استغفرلله احس كرهت نفسي وكل شي حتن لأكل كرهته

[نسيم الطفوله]

هلا اختي الصراحه موضوعك لا تعليق
الحين انتي حامل وحاسه فيك ممكن تتحسسين من اقل حاجه وانتي حامل يعني لو انحطيت بمكانش صحيح بنقهر وبضايق بقول هدي كنها عدوه مو اخت استغفر الله
بس الجنين الي في بطنك ماله ذنب
لو قلت لك عساس انك حامل وغيرانه منك بتقولي عندها 6 اولاد ليش تغار مني لهدرجه
مدري هي غيرانه منك ولا شنو بضبط انت يمكن تعرفي وش سسب الغيره دي كلها
بس حاولي تحصني روحك واكلي ماعليك من احد وما تهتمي لهم وش يقولون ربي ناعم عليك بنعمه غيرك يدفعون عمرهم لها
وكل كلام ماتتقبليه اسمعيه من الأذن هدي وطلعي من هذي
هدا الي اقدر اقوله لك
والله يتمم حملك وتفرحين بضناك محد بيسعدش غير اولادك وزوجك وماعليك من احد

[خوخة زوجي]

مشكورة نسيم طفولة والله أنا مادري شسالفتها بضبط بس أهي تنقهر مني لدرجة كل هالاشيا صارت لي معاها لدرجة تقولي هل زوجك متقبل جسمك جذي واهي قبل كانت تنقهر من جسمي لأني اضعف منها والحين أهي جسمها روعه ربي يتمم عليها ماعرف ليش شكلها تبي تسببلي احباط نفس ما سوون فيها رفيجاتها من قبل وانا لاتلوموني أنا تعبت نفسيتي جداً وصار جد فيني احباط

[كآدي]

لا تقولين كلام شين للجنين ولا تتفائلي عليه موب زين والله

وما عليك فيهم اللي يطنزون وكلها مرحله وتعدي وسوي رجيم على كيفك

بس الحين حرام ما تاكلين عشان الجنين مسكين وش ذنبه

والكلام اللي قلتيه دليل غيررره

سبحان الله لا تستغربي

الزمن هذا يجوز فيه كل شي حتى الاخت تغار من اختها
الله يتمم حملك يا قلبي
وانتبهي لروحك

[نسيم الطفوله]

ايه والله عشنا وياما حنشووف
اصنعي جو التفائل بنفسك لا تعيشين روحك في احباط وخاصه ان الحامل تعتفس نفسيتها ولا زود يجي من يزودها بس حاولي ان ماتعكرين مزاجك ع شي مايسوى والله ماتسوى لانها ماعندها سالفه حاولي تتباعدي عن الاشياء الي تكدرك ودا قلت لك شي يضايقك ابتسمي في وجهها فديك الساعه لان هي الي بتموت قهر

[يارب أصير أم]

إيه والله يالغلا ..

الاخوات ما قصروا .. صدقوا والله ...

ما عليك منها .. يمكن انت أسعد منها مع زوجك فغارت ... ما تدرين ؟!!
وغير كذا ..يمكن قصدهم أنهم يحفزوك على النحف وهم مادروا أن بكذا تتعبين نفسيا ...

ولا تفاولي على البيبي بشيء مو حلو .. الله يحفظه لك يااارب ..

صدقيني يمكن هالبيبي يدخل السعادة على قلبك وينسيك كل همومك ..

حاليا لا تشدي على عمرك وتسوين رجيم لآن البيبي يحتاج للتغذية ...

بعد الولادة روحي مراكز تساعدك على النحف والله ييسرلك يارب ..

بالنسبة لي أشوف أن وزنك ماهو متن مررره حلو .. وخاصة أنت بالخامس يعني البيبي ماشاء الله له وزنه ... وغير المشيمة وغير الماء في الجسم وغير وغير ..

يعني وزنك وأنت حامل ماهو مقياسك الحقيقي ..

وغير كذا أهم شيء رأي زوجك .. ولو ما عجبه بيقول لك صراحة بدون ما يجامل ..

[ام عناد]

تغير الوزن مع الحمل طبيعي لان في بطنك بيبي و المشيمه حقته والمويه كلها هاذي في بطنك

اشلون ماتبين جسمك مايتغيروكل شهر راح يزيد وزنك لان الجنين يكبر داخلك

اختك طنشيها ولاتهتمين فيها يقولون الحقران يقطع المصران

ولاتتضايقي منها لان اذ شافتك متضايقه راح تزيد عليك بالعكس خليك هاديه ومفرفشه دائما عشان تقهرينها وكمان عشان الجنين مايتأثر من نفسيتك

وكلها ان شاءالله كم شهر وتولدي بالسلامه وتقدرين ترجعين جسمك احلى من قبل واحمدي ربك ان الله اكرمك بالحمل غيرك يتمناه ويتعب عشانه

[خوخة زوجي]

مشكورين على الرد يعطيكم العافيه وربي ييسر أموركم يارب السالفه مبين غيره صح يابنات دايم تسال عن حالتي أنا وزوجي حتن وقتها قالت لي أنا مفروض ماقارن نفسي فيك لان أهي صار مع زوجها 12 سنه ماشالله وانا توني 6 اشهر أنا استغربت من موقفها يعني أهي كانت تقارن نفسها فيني عرفتو ونصدمت *

[نسيم الطفوله]

يعني الحمد لله ع نعمة العقلhwaml15
مالك الا تدعي لها بالهديه
الله يهدي الجميع

[أم راما ~]

الأخوات ما قصروا وانا برأيي تبتعدين هالفترة عن بيت أهلك دام كل ما رحتي يحبطونك

و يقولون كلام ماله داعي ..

اهتمي بالنونو وبزوجك وادعي ان الله يسخركم لبعض وادعي بالهداية لأختك .. وان الله

يرزقك بالصدر الوسيع عشان تتحملينها .. مهما كان ذول أهلك ..

يمكن أختك من الناس اللي ما تحب أحد يكون أحسن منها في أي شيء وهي تشوف ان عندك

شيء مب عندها .. أتوقع هذا خلل في شخصيتها .. لا تحطين في بالك انها غيرانة او شيء

حطي في بالك ان هذي طبيعتها وحاولي تفتحين لها قلبك .. قوليلها خلاص انا ان شاء الله

أول ما اولد بأخليك تساعديني في الريجيم واني ارجع وزني ماشاء الله عليك انتي ترجعين

دايم لوزنك .. يعني عطيها المدح اللي تبيه .. ولا تسولفين عن حياتك الشخصية اللي بينك وبين

زوجك معاها .. والله يهدي سركم يارب ويحفظلك جنينك .. كوني قوية و لا تخلين أي شيء

يأثر عليك ..

[فاكتوريا]

مرحبا
انا حسيت من كلامك انك كتير حساسه وده طبيعي مع الحمل
انا كان وزني قبل الحمل 58 وفي الحامل وصلت الي 87بس بعد الولاده بفقد الوزن الزياده وحده وحده
فانتي روقي حالك وبلاش تاخدي الكلام بحساسيه علشان انتي حامل وهي اختك اكتر وحده تتمني ليكي الخير

[رضـآكـ يـآرب]

الله يسعدكـ يارب
حرام عليك اللي تسوي في نفسك إنك ماتاكلي
كلي وان شاءالله بعد الولادهـ بتنحفي حبه حبه

[ام حسين الدار]

الخوات كفو ووفو اختك حابه اترا على نفسيتك وتخليكي اتعيشي حاله من الخوف والقلق وتكرهي البيبي بس اعرفي ان الشي الي انتي تحمليه بين احشائك مليون وحده تحلم انها تحمله والجنين اهم من اختك ومن جسمك اتوكلي على الله وعيشي حياتك ولو علقت مره ثانيه قولي اليها اهم شي زوجي عجبنه جسمي والله الله عطنك نعمه غيرك محروم منها اهتمي باالنونو بكره الله احاسبك عليه
بتوفيق

[Rania Negm]

ولا عداوة ولا شئ .. بس اهلك متعودين على شكل الجسم النحيف واختك من نوع ما تتأثر بالهرموونز ولا بالحمل وماشاء الله جسمها ثابت

لكن العادى والطبيعى زيادة الوزن

لا تقلقى ولا تشيلى فى بالك ... اخواتى فى حملهم بيزيدو ماشاء الله الله اكبر من 15 ل 20 كيلو وعلى مدار ست شهور من الرضاعة كله بينزل تانى ويخسوا وينحفوا

انا فى الشهر السابع وزدت لحد الان 13 كيلو وبقييييييت بطة ماشاء الله هههههههههههههههه بس ولا اهتم

المهم صحة البيبى ولما أولد اسوى ريجيم والعب رياضة .

متحطيش فى بالك

[ياسميين]

ياحبيبتي ماتسمعي كلام حد
اهم شي صحه البيبي وزياده الوزن شي طبيعي
ان شاء الله بعد ماتولدي تخسي وترجعي زي ماكنتي
انتي كلي كويس وماتفكريش بحاجه غير في صحه البيبي بتاعك
وربنا يتمم لك ع خير ويقومك بالسلامه

[rfef]

تصدقين اذا قالت لك شي قولي لها انا معجبني جسمي وودي اسمن زياده 3 او 4 كيلو عشان النونو يتغذى
و زوجك لا عمرك تجيبين سيرته قدامها لأنها مبين تكره سعادتك او تغار موووت منك
فاذا سالتك عنه او اي شي قولي الله يخليه لي بسسسسسسسسسسسسسس او قولي الله يوفقنا
يعني لاتعطينا الاجابات اللي تسعدها (خليها تنقهرررررررررررررررررررر وتموت ماتعرف كيف انتي عايشه مع زوجك)لأنه خطر تجيبك بعينها ويصير لك شي مع زوجك او تسبب مشكله
واذا قالت شي يقهرك اسفهيهاااااااااااااااااااااااااااا وكأنك ماسمعتيها
(واذا رحتي لاهلك خذي معك اي شي يسليك :كتاب او روايه او تفرجي على مسلسل)
الله يكفيك شرها والله انها مو صاحيه ومبين تعبي راس امك
انتي بس ادعي ربك يكفيك شرها وكل من فيه شر
ويوفقك يارب ويخليلك النونو

[TOomy]

اختي انتي ماعليج من احد
انت عليج من نفسك وصحتك
واذا ع الجسم بعد الولاده بيرجع مثل قبل وراح تعملي رياضه
والمتن مو عيب ولا حرام وانتي ماعليج منهم
ولا تتعبي نفسك ونفسيتك
وهذا انا احسه قهرالا تسويه اختك وامك
ومعروف كل حامل تمتن وهذا شي طبيعي

[نبع الكوثر]

كدا انت تادي الجنين لما يصيبه شيء لاسمح الله راح تتازم نفسيتك اكثر واكثر
فعشان كدا حطي في بالك
طنش تعش تنتعش
والله الدنيا ماتسوى
واذا سالتك عن زوجك قولي لها وانت الابتسامه ماليه فمك
اكيييييييد
حتى يطلب مني اني اضل كذا حتى بعد الولاده
واذا كانت تتعمد تضايقك لاتتابعيها ولاتضايقين عشان هي الى تتضايق
او صارحيها قولي لها ماحب تكلميتي كذا هدا الشيء يضايقني وانت صار معك كذا من قبل واكيد بتحسي فيني ولابيرضيك انك تكوني السبب في تازيم نفسيتي والله يهديها صعب لما الشخص يقلد اصحابه حتى في الاشياء الشينه
ولاتهمين نفسك ولاشيء

والله يتمم لك على خييييييير

[المتفائلة دوماً]

حبيبتي انا كذا حالي ب فترة الحمل كنت مررررررررررة أتحسس من أختي.. كنت أحس انها تحسدني وتكرهني مررررررررررره حتى تخيلي كنت عامله عمليه ونا حااامل والكل جا يزورني بالمستشفى ويطمن علي ..

بس هي لأ حتى مارفعت التلفون تسأل عني ولما رجعت انا للبيت تخيلي حتى كلمة سلااامات مااااشي ولااااااا بعد ظلت تعاااير وتحسسني بالنقص كثيييييير وتقول لي إذا أبديت رأيي بشي "" اللي مثل حالتك يسكت وينطم ويطلب الرحمة من ربه وبس "" وكنت دااايم أصييييييح أحسها تتعمد تضايقني تصوري كيف كانت نفسيتي أصلاً من الحمل تعبااااانه وتجي هي تقهرني ..

ولااا ونا حااامل طلع وزن البي بي ضعفووون وعااااد إهي ماشالله عليها تقول دايم الحريم اللي عليهم وزن أطفالهم ضعااااف وتخيلي انا وزني أصلاً 48 !! و ع نهاااية الحمل صار 56 يعني ماكنت دبدوبة كثييير بس إهي لحد الحين ونا وزني رجع 48 بعدها تحسسني اني دبه ...

ما طول كثييير بس اللي أريد أوصله لك انه اختي ماااااتقصد الخبث اللي نحن نتصوره بفترة الحمل ولاااا المضايقات أختي هذا طبعها يعني من ذوات الدم الثقيييييل اللي ماتوزن كلامها وماعندها ذووووق هذي ماشتيمة لأختي بس صفااااات فيها وش نسوي ... وأعتقد أختك من نفس الطينه ..

ترا أختي بالعكس حبوبة ع كل اللي قلته بس فيها شقاااوة وتحب بنتي كثييييير ولاااا وتدلعها بعد بس الحواااامل مايطيقو شي بالمرة وكل شي يفسروووه تفسييير أسود ... أنا كنت كذا ..

تحياتي....