المساعد الشخصي الرقمي

مشاهدة النسخة كاملة : سؤالين بخصوص القماط والوقت المناسب لأعطاء الطفل الطعام

نبع المحبة
02-23-2011, 06:32 PM
السلام عليكم ورحمة الله وبركاته
حبيت أسالكم
متى نوقف نربط اليهال بالقماط
انا بنتي عمرها شهر وشي
قريب بتكمل شهرين ان شا الله
وانا قلت اذا كملت 3 أشهر ان شا الله بوقف اقمطها
اوكيه ولا من الحين؟
وعندي سؤال ثاني
يستوي أأكلها في الشهر الثالث ولا أحسن بالسادس؟
ان شا الله اللي ترد علي تحمل بتوأمhwaml7
**سماسم**
02-23-2011, 06:54 PM
من ثلاث شهور زين تفكين عنها القماط ..
والاكل من الشهر السادس أفضل ثلاث شهور صغيره عن الاكل والمعده ماتتحمل
,,
نبض قلب
02-23-2011, 07:53 PM
مثل ما قالت اختي ثلاث شهور صغيرة
ريآنهـ..!
02-23-2011, 08:05 PM
هلا نوني

عمر اميرتي 3شهور وشوي

وخلاص هي اصلا ماعادت تبي القماط

يعني يادوب اذا كانت تبي تنام تصير تبكي

ولا تنام الا اذا كوفلتها غير كذا مستحيل ما تبيه

لكن لسه احطه عليها يعني ما الفها بالحيل

والأكل لسه بدري لما يصيرون 6 زس ما قالوا

البنوتاات

والله يخلي لك الحلوة ويسلمها
Dana
02-23-2011, 08:58 PM
انا بصراحة بنتي عمرها هلأ سبع أشهر وما كوفلتها ولا لفيتها لأنه سألت الدكتور وحكالي ما إلها أي دخل طبي .... وخصوصا إني ولدتها بعز الحر بشهر 7 وما بتتحمل إني ألفها
والأكل بدأت أطعميها بعد الشهر الرابع رز مطحون مع حليب من الصيدلية ... بس السيريلاك من بعد الشهر السادس لأنه ثقيل على معدتها ...
زهرة البنفسج
02-24-2011, 01:43 AM
انا بعد ولدي دخل الشهر الثالث وماادري متى ابدأااكله ناس يقولو بالرابع وناس بالسادس
بنت السيل
02-24-2011, 02:34 AM
فيه اكل اسمه الصحه في الصيدليه من الشهر الرابع بس ادعيلي ماعاد احمل
●|ڄ۫۫ۅريےّْْْ|●
02-24-2011, 05:17 AM
البيبي اصلا بعمر معين يمل من اللف الا اذا يبي ينام

و بالنسسسبه للأكل

سيرريلاك الأرز عمر 4 شهور

تعطيها لم تكمل اربعه شهور و شويه يكون احسسن

بس القمح لا لأنو ثقيل ع معدتها بعدين يصير لها كرشش نفس عيال خالتي ربي يصلحها

كلهم بكرش لأنها تعطيهم اكل ثقيل عليهم
ملكة الاحساس
02-24-2011, 05:49 AM
انا ولدي في الخامس ولحد الان مااكلته لاني خايفه عليه بس في علبه في الصيدليه مكتوب عليه بسكويت باالحليب احط له في الرضاعه حبه وحده في اليوم واشربه الحليب لاني ماابغى اكثر له يمكن يسبب امساك
نبع الكوثر
02-24-2011, 07:37 AM
مرحبا اختي
عن القماط اضن انه يكفي 3 شهور اذا خليتيه اكثر يمكن يطيح البيبي على وجهه لانه يبدي يتحرك<<<<<صارت لها مع بنتها الاولى

والاكل انا بنتي الاولى حسيتها تجوع من الشهر الثالث بس ماكلتها لانها لسه صغيرة بس دخلت الشهر الرابع بديت ااكلها طعام من الصيدليه مخصص للاربع شهور
وبنتي الثانيه لسى عمرها شهرين وثلاث اسابيع ومو ناويه ااكلها من الرابع بصبر الى السادس بس اذا حسيتها تجوع من قبل السادس راح ااكلها

لان بنتي الاولى دايم معها امساك او اسهال وقالو لي الاطباء لاني بديت ااكلها بدري وكاني سمعت ان يسبب قولون في المستقبل والله اعلم

يالله ادعي لي من قلب اني اجيب تؤم بس مو الحين بعد 5 سنين على الاقل
ههههههههه
نبع المحبة
02-24-2011, 04:18 PM
مشكووووووووووووورين عالردود والافادة
انزين ما يستوي أشربها بس عصاير بالشهر الثالث؟
ام اسكندر
02-25-2011, 02:52 AM
انا ولدي عمره 3شهور ونص ومازال يفز لو نام من غير قماط
ما ادري متى يبطل الفز
يحرك يدينه ويصحى لو كانت حرة