حبوب التثبيت وعلاقتها بالولادة

[أم راما ~]

السلام عليكم ..

كيفكم أخواتي ان شاء الله تمام ...

بغيت أسألكم وش العلاقة بين المثبتات وعدم حدوث طلق في الولادة ..

أنا آخذ حبوب دوفاستون ودكتورتين من اصل اربع قالولي ولادتك راح تكون

قيصرية .. ولما أسألهم يقولون هذا اللي نتوقعه .. سألت ناس وقالولي لانك

تاخذين مثبت ماراح تولدين طبيعي .. ما ادري اذا احد عنده خلفية لهذا الموضوع

أتمنى ما تبخلون علي بآرائكم .. ولكم جزيل الشكر ..!

[طبيبة القلوب]

والله حبيبتي اول مرة اسمع .,,,
خالتي اخدت مثبتات لما قالت بس,,, وولدت طبيعي ماشءالله ...
وصاحبيتي برضو ... ما ادري ,,,يمكن القيصرية افضل لكن ما اتوقع في دراسة مثبتة ..

[غنى2011]

سلام عليكم
شوفي حبيبتي انا في الحمل الاول كنت اخذ مثبتات للحمل
ولكن للاسف للشهر الخامس ونزل بس مانزل بسهوله
طك ماي الطفل وكان عايش ومارضو ينزلو لانو عايش
وظليت اربعه ايام وانا اطلك فيه عذبني عذبني لان نزل
بوقتها كالولي بسبب المثبتات
والله اعلم

[رضـآكـ يـآرب]

أنـآآ صاحبتي قالت لي بس مادري كلام صحيح او لا
بسأل الدكتوره إن شاءالله لاني انا اخذت حبوب وإبر(الله يسهل لنا يارب وتكون طبيعيه)

[hnen]

ما أعتقد لها علاقة أبدا
لو كانت كذا ما قالو الأطباء بأخذها
ممكن يكون لها تأثير إذا أستمر عليها إلى الشهور الأخيرة
من وجهت نظري تأخر الولادة ولا يسقط الحمل أو يولد وباقي ما أكتمل نموه

[مناف]

انا اخذت دوفاستون 3 الشهور الاولى
بس دكتورتي ماقالت لي شي عن الولاده الى الان
ومااعتقد ان فيه علاقه بين المثبت والولاده القيصريه
لان الولاده القيصريه يلجئون لها اذا كان الحوض صغير او البيبي كبير
او اذا كان البيبي معترض
وربي يسهل علينا ان شاءالله

[مــــــلاك]

اول مره اسمع هالكلام
انا اخدت احبوب مثبته وتحاميل اربع الشهور الاولى ..
والحين انا بالثامن قالت لي الدكتوره الجنين نزل في الحوض ..يعني الراس تحت
انا حطيت ببالي معنى هالكلام ان شاء الله اولد طبيعي
بس الحين خفت !!!

[أم راما ~]

طبيبة القلوب ..

غنى 20011

رضــآكـ يارب

hnen

منـآف

ملاك



مشكورااااات حبيبآتي ألف شكر .. وربي يسهل عليكم ويرزقكم من حيث لا تحتسبون ..

ويارب ما يطلع فيه أي علاقة .. وفي الأخير الخيرة فيما أختاره الله ..

[دلوعه نفسي]

انا اخذت دوفآستوون وآبر تثبيت وولدت طبيعي لاتخاافين قلبووووووو

آادعيلي بالولد الصالح كامل الخلقه والخلق

[رضـآكـ يـآرب]

العفو.. أمين الله يسمع منكـ يآآآآآرب

[أم راما ~]

دلوعة نفسي .. أعطيتيني أمل .. رغم اني قد جربت القيصرية يعني مو خايفة منها

واللي حولي لما يعرفون اني ادور ع الطبيعي يقولون مجنونة وش لك ووش للتعب ..

بس في الأخير الواحد يقول الله يكتب اللي فيه الخير ..

[كلي فداك]

لا ماله علاقه ابد
اختي اخذت مثبت وولدت طبيعي
ووحده ثانيه من اخواتي ما اخذت مثبت وولدت قيصري
لاتخافين حبيبتي وربي يسهل عليك وع الجميع
ادعولي يثبت حملي ويقر عيني بشوفته

[أم راما ~]

الله يعطيك العاافية أختي والله يكتب اللي فيه الخير للجميع ..

الله يطمن قلبك وبالك ..ويرزقك بما تتمنين

[هاجريتا]

الله يوفقك

[نظرتي كلها امل]

انا توي بالشهر الاول واستخدم المثبت من جدددد كبر الخوف فيني

[ام رآما]

الله يتمم عليكم وماتشوفون مكروه

[jojo_1]

انا الدكتوره اعطتني حبوب مثبته بس حسيت اني مو بحاجتها مرا عشان كذا قررت ما اخذها

[بيرى]

متقلقيش اللى كاتبه ربك يكون احنا اصلا محتسبين تعب الحمل والولاده والنفاس عند الله انت لا تشغلى بالك وتوترى نفسك افرحى بحملك والولاده سيبها لوقتها الله اعلم ايه يحصل اللهم اكتب لاختى الخير ويسر الوضع اللهم امين

[غنوووووجه]

تسلمين ياقمــــــــــــــــــــــــــــره....
أنا بعد اعطتني دكتورتي دافستون بعد أسقاط مرتين ....وقالت استخدميها شهرين بس واتركيها ...أستخدمتها من بداية الرابه الى بدايه السابع وسبتها....قريبتي استخدمتها من الاول الى التاسع والحمد لله ولدت طبيعي وماطولت في الطلق....
انتي توكلي على الله فمن توكل على الله فهوحسبه...وكل شي من عند الله فيه خير سوا قيصري ولا طبيعي....الله يسهل عليك وعلينا انشاء الله..

[عشق الطفولة]

و الله ما لي علم بس انا استخدمها و لسا الى الان لاني لسا في الشهر الثاني
و استخدمت ابر كمان الله يختار لنا الخيرة الطيبة

[أم راما ~]

كل اللي مروا هنا .. يعطيكم الف الف عاااااااافية وربي يجزاكم خير ..

وكلامك عين العقل يا غنووووووووجة .. الله يكتب اللي فيه الخير ياااااارب

[حنونه]

نفس السوال كنت بساله
وفيت اختي وسبقتيني
احس ماله دخل وكل وحده وطبيعتها

[ضوى العتمة]

هلا اختي

انا بحملي الاول اخذت مثبت لاني المشيمه كانت نازله ونزل معي دم .. ولدت طبيعي بس

عطوني طلق صناعي ..

والحين حامل بالثاني واخذ مثبت لان بنتي صغيره وانا اشيلها وان شاء الله اولد طبيعي

الله يهون على الجميع .. لا تخافين :)

[مايهم]

وانا بعد استخدم مثبت ديوفاستن وقالت الدكتوره لي انو بيكون بالاشهور الاولى

والحين انا بالثالث بعد بكره موعدي وراح استفسر عن هالموضوع..
والله يقدم اللي فيه الخير..

[بسكويته]

ماله دخل اخدت هاالحبوب 5شهور لاني حامل بتوم وولدت طبيعي

[أم راما ~]

الله يسعدكم على تفاعلكم ..

مشكورااااااااااااااااااااااااات حبيباتي ..

[الغامديه]

انا اخذت حبوب دوفاستون 3 مرات باليوم الين الشهر الخامس واخذت ابر تثبيت
و ولدت مبكر طبيعي والطلق استمر معي يمكن يوم ..
لاتخافين يااختي وتوكلي على الله

[بيسات]

انا حامل بشهر الرابع واخذت الحبوب التثبيت لعند الثالث افيدونى لو سمحتو

[ولووفه]

لا حبيبتي انا اخذتها بحملي الاول اتخيلي بليوم 4 مرات
ولو حسيت بألم او دم اخذ 5 ل6 حبات دفعه وحده لان اذا مانفعت مابتضر على كلام الدكتوره
واخذ حبوب يوم بعد يوم لنهايه الرابع ونا اخذ الأبر والحمدالله ولدت طبيعي
هو ممكن يكون في الم قوي اذا كانت اول ولاده اوووو ولاده بعد فتره طويله
ونا والله العظيم سألت دكتورتي قريب انها ممكن تثبت الجنين وقت الولاده
جلست تضحك وقالت من قالك هذا الكلام اذا جا الطلق
ماحد يقدر يوقفه زي لو بتروحي دوره المياه الله يكرمك
بس يعني توكلي على الله ولو الله اراد للوحده تولد عمليه
راح تولد بعمليه من غير حبوب ولاشي كلها امور مكتوبه ومقدره بس احنا نسوى اللي علينا والباقي على ارحم الراحمين

[إحسآس]

حتى انا اخذت مثبتات وانا الحين بالثامن قالت لي الدكتوره الولاده قيصري :(

[ممنوع شباب]

لا ماله علاقه ابد

اختي اخذت بعيالها الخمسه الله يحفظهم مثبتات وماشاء الله الولاده طبيعيه وبأسهل ماتكون

[قرعوطه]

الله يوففقك

[zobaaa]

انا اخذت جميع انواع المثبتات ....بسسس ان شااء الله خير

الله يسهل علينا جميعأأأأأأ ياااااااااااااارب ويرزقنا الي نتمنااه

[أسيرة زوجي]

المثبتات مش راح تكون سبب للقيصري
يمكن عنق الرحم تبعك مسكر و سميك لهيك حبوا الدكاترة يهيؤوك نفسيا
بس من الممكن يجيك الطلق و ينفتح الرحم و تولدي طبيعي
الله يتمملك بخير و تولدي بصحة و عافية

[ام هتونه]

انا كمان أخذ ابر وحبوب وسالت الدكتوراه قالت انشالله يكون خير يارب يسهل لنا

[نورا الامورة]

مين اللي قال هالكلام ؟؟؟؟؟
لا طبعا حبيبتي ماله اي علاقه المثبتات جدا ممتازه تحافظ عالجنين باذن الله تعالى في الشهور الاولى وممتاز للرحم يقوووويه وفي بعض الحالات زيي انا الحين اذا جاها طلق مبكر او الام شديده تاخذ ابر مثبته وعادي ياقلبي زوجه اخوي اكثر وحده يمكن اخذت دافستون وابرررر مثبته للشهر الثامن وولدت طبيعي عاااادي
القيصري للي حوضها صغير او الجنين مستعرض او مانزل الحوض اساسا او اللي عندها ازمه ربوووو قوووويه

[نعمة ربي]

الحمد الله على كل حال

[نعمة ربي]

كل عام و انتم بخير

[نعمة ربي]

الله يتقبل منا صالح الأعمال

[أم البسنت]

ام راما
الله يستر يا خيتو انا اخذ دوفاستون وابر تثبيت بعد
وما قد ولدت
ما اقول الا وكلت امري لله
الله يهون علي وعليك وعلى كل الحوامل
ان شاء الله ولادتنا تكون طبيعيه والله يسهلها بامره وحده

[أم النجلاء333]

أنا أخذت في حملي الاول وطوووولت في الطلق ثلاث ايام وبالصعوبه فتح الرحم
وحملتي الثانيه ما أخذت حبوت تثبيت ولاحظت الفرق الطلق كان اسرع ولا طولت نفس الاول
والله يستر من الحمل هذا اخذت حبوب تثبيت واحاتي اطول لكن الله اعلم بكل شي والسهاله من رب العالمين

[وا اسلاماه]

انا والحمد لله اخذها من اخر الشهر الثالث لان المشيمه نازله ونزل على ماء ودم وفي اول الخامس نزل دم وكان عندي طلق وقالت الدكتوره لازم تستمري عليها لان الرحم عندك عصبي وانا الان في الثامن بس مشكلتي اني عندي تحسس منها جلست شهرين في عذب من الاثار الجانبيه من دوفستون التوتر والعصبيه زياده في الحموضه والتحسس كانه يترش على ناموس يلسع جسمي وما اعرف للنوم طعم وانام في جو بارد واستحم بماء حار السع فيه الجلد حتى يهدئ الهرش الين قلت الدكتوره تعطيني حبوب مضاده للهستامين والان ماشيه على الاثنين والمشيمه ارتفعت شوي الحمد لله افضل من قبل والله يكتب لي الاجر بس مين جاتها هذه الاعراض من ادوية التثبيت والحمد لله الله يتمم لنا حملنا على خيرhwaml10