المساعد الشخصي الرقمي

مشاهدة النسخة كاملة : خراب الارحام من الناحيه الطبيه نصائح هامه للنفاس ارجو الدخول


عزيزة النفس
02-20-2011, 05:24 PM
هل هناك فعلا ما يسمى بخراب الارحام طبيا؟؟ وما هو سببه ان وجد؟؟
- الاجابه : نعم . واسبابه :
1- تكرر الولادات وتوسع عنق الرحم وتمدده.
2-بقاء بعض الدم المتجلط والاوساخ عند الولاده لم تضغط الدكتوره والممرضات جيدا على بطنج ليخرج بقايا المشيمه او الدم او الاوساخ بعد ولادتج. او تناول الممنوعات من الاطعمه التي( ساذكرها لاحقا )

-بعد ما عرفنا ان هناك فعلا خراب للارحام وعرفنا الاسباب راح ابدي اقولكم البرنامج الطبي للنفاس الروعه وهو :

- اهم نقطة انج تعرفين الممنوعات( الماء البارد والعصائر البارده والايس كريم لانها بارده وانتي نفاس تصابين بالمغص فيزيد وكذلك حتى لا يحبس الدم داخل الرحم فكلنا يعرف ان الماء يتمدد بالحراره وينكمش بالبروده والدم بالرحم ما نبيه يتجلط ويقعد نبي نتخلص منه ( ولذللك ينصح بعمل كمادات دافيه توضع على البطن مرتان يوميا لمده عشر ايام)
- المردود ( لانه خطر خطر وقد قام الدكتور جابر القحطاني بفحص اعشاب المردود فوجدها لا قيمة لها وانها تضر ولا تنفع وكذلك قام بفحصها دكتور مصري في اكبر معامل القاهره واثبت سميته على المدى البعيد وانه يقدم الشيخوخه لان الاعشاب اللي فيه تتفاعل مع بعضها فتساعد على قتل الخلايا وعدم تجددها ( عشان جذي اشوف احنا نعجز قبل هالاجانب) ( ترى الاعشاب مثل ما تنفع تضر وخطأ مقولة ان الاعشاب اذا ما نفعتك ما ضرتك)
- ابتعدي عن البيبسي وانواعه لانه بطنج وقت النفاس فارغ والرحم لا زال متوسع واذا شربتي غازيات بيتجمع الغاز والهواء ويطلع لج اصوات ونغمات اثناء الجماع وكذلك يكبر وينتفخ كرشج.
- لا تقعدين باي مغطس كان ولا تقعدين بالبانيو ولا تبخرين المنطقة باي اعشاب ( الكبو) ( خطر والمره اذا سويتيها بمغطس راح تضرج اكثر ما تنفعج لانه كثرتها ( واقول كثرتها) اثبت علميا داخل انها ضاره وتسبب قرحة الرحم وكذلك حذر منها المعالج بو احمد دكتور بالطب البديل والاعشاب وهو كويتي في مجلة الصحه والناس.. كذلك استخدام ما هو اخطر ( الجفد) اللي يخلي المنطقه الحساسه سوداء ورجاء لا تطولين بالحمام وتصبصبين ماي وتقعدين بمغطس كل هالاشياء بدل ما تنشف رحمج تقوم ترطبه وتجمع السوائل داخله وكذلك الكبو او البخور دخان الكبو يسبب رطوبه ( اليكي تجربه من دكتوره نساء وولاده تقول: الرحم خفيف وبسرعه يتاثر وهو نشبهه بالقطنه لانه كل شي يمتصه وانتي اخذي القطنه وحطيها على المبخر وخلي البخور يتصاعد شنو راح تشوفين , راح تشوفين القطنه رطبه ولو عصرتيها بينزل الماء وتجمع فيها الكربون وهو خطر وصارت سوداء وفوق هذا الريحه خايسه بالله عليكم من يتبخر الحين بقشر بصل هاهاهااي ( واحنا بهالبرنامج ندور ان ننظف الرحم وننشفه مو نزيده) وينصك ويرد الرحم مكانه على هالرطوبه فيصير الخراب.
- لبسي دلاغات وسروال طويل خوفا من المغص وكذلك عدم دخول الهواء الى الرحم المتوسع الفارغ .
** انا اعرف شكثر بنات ما عجبهم هالكلام او ما يوافقوني الراي لانهم تربو على هالشغلات واللي يكبر وهو متمسك بعادات صعب تقدرين تغيرينه
واللي يقهرج انهم حريم مثقفات ويقرون ويسمعون هالخرابيط ( لا تقولون المردود ينفع او العشبه الفلانيه تنفع عطوني ليش تنفع ومن شنو تتكون؟ بعدها اقرر انا اذا باخذها او لا )


- الان ابشركم هذه الاشياء هي فقط الممنوعه علميا ومن خلال دكتورات نساء وولادة كويتيات وسعوديات ( يعني عارفين البير وغطاه وعندهم بنات ومشو على هالبرنامج فقط وما تغيرو ولا خربو)

- انا سالت دكتوره عن فوائد بعض الاعشاب وقت النفاس:
فردت تضحك وتقول : بصراحه ما يضحكني الا القصص اللي ينشرونها العجايز ( ان في وحده سافرت برا وولدت ولما خلصت نفاسها راحت مراجعه بعدها انصدمت الدكتوره من رحمها وشلون صار عجيييييب وقامت الدكتوره الانجليزيه تترجاها تعرف شنو سر الخلطه) والقصص كثيره وتموت ضحك يبا انا دكتوره وانا اولد الحريم وانا اشوف الكويتيه والسعوديه والسودانيه والاجنبيه والمصريه يبا اكثر اللي يوني بفترة النفاس عشان اشيك عالخياط( واكون عارفه انهم يهتمون بالاعشاب وانا ما راح اذكر جناسي اخاف تزعلون )( واسعين وريحت الرحم تلوع الجبد وواسعين ورطبين. والله الاجانب ارحامهم نظيفه ومشدوده وما يسوون هالخرابيط ( اسفه)
وفي حريم كبار اذا قلتي لها ماراح اكل هالاعشاب تقوم تصارخ تقولج بتخربين ولما تلتزم فيها الوحده بحذافيرها وخرابيطها وتنصدم انها خربانه.. وعقدونا لا تجوعين ولا تنبشمين يعني عندهم عذر الحين اذا جعتي وخربتي السبب جوعج واذا كليتي السبب فجعتج على الاكل واذا ما كليتي ادويه واعشاب وخربتي يقولون عشان ما خذيتي الاعشاب واذا مشيتي على اعشابهم وجداولهم وادويتهم وخربتي قامو يرقعون بقولتهم السبب ان اعشاب فلان مو شي واعشاب فلانه هم موشي ... يطلعون نفسهم يطلعون.... وانا اقولكم اكلو مثل ما تبون بشي معقول بس بعدي عن العجين الله يخليج ويسلمج.:48_48:

عموما البرنامج كالتالي وينقسم الى برنامج اعشاب وبرنامج طبي :
1- التزمي بقائمة الممنوعات فقط التي ذكرت سابقا وكلي كل اللي نفسج فيه خضروات وباميا ورقي ومانجا وكل الفواكه انتي وحده نفاس فقدتي كميات كبيره من الدم لاوم تعوضينها وفاقدة فيتامينات وفوق هذا قاعده ترضعين طفلج وخلي بشرتج وشعرج يرجعون لنضارتهم وخلي العجين والمرقوق واكل النفاس اللي يكبر الكرش ويمتن بدون فايده اخذي الفوائد من الفواكه والخضروات جميعها واكلي اللي تشتهينه ولا تلزمين نفسج باكلات معينه كانج بسجن ابو زعبل والله والله ثم والله عمرها الخضروات والفواكه تخرب يبا لكل وحده فايدتها
وكذلك اشربي ماي بس يكون فاتر مو بارد وذكرنا الاسباب وكثري منه لان جسمج فقد سوائل وانتي ترضعين البيبي وياخذ الحليب كل الماي واذا قللتي شرب الماء راح يقل حليبج او ما ينزل منج حليب يبا لا تخافون ماراح يتجمع بالرحم صيرو عقلانين كلنا نعرف الجهاز الهضمي راح ينزل الماء طوالي من المرئ للمعده لل... وتبولينه ما راح يدخل الرحم بس احنا ما نبيه بارد لانه اذا شربتيه ونزل وهو بارد بيبرد معدتج ويصير البطن بارد والرحم ينكمش ويتجلط الدم اللي فيه وما ينزل الدم.
اذا فقد الجسم الماء صار فيه جفاف يعني شعرج راح يخرب ويتقصف وبشرتج بتولي وتخرب وتصيبج الشيخوخه مبجر تدرين ليش لان الماء من مكوناته الاكسجين والخلايا بالجسم محتاجه هالاكسجين واذا فقدته الخلية تموت واذا ماتت الخليه ما تتجدد اذا انتي فوف الثلاثين فتبدا التجاعيد... كثرو من الماي نفاس وغير نفاس عشان تطلعين من نفاسج تهبلين ووجهج وشعرج نضر وصحي مو كانج طالعه من التعذيب.
2-نامي وقعدي ومتى ما تريقتي تريقي وشربي سوائل دافيه ومتى ما تشتهين اكلي ولا تقيدين نفسج بجدول وروتين ويقعدونج هالعجايز من صباح الله خير وانتي تقومين عيونج تعورج سهرانه مع البيبي حتى ما لج نفس تاكلين لما يجيبون لج غصب اكتئاب النفاس الله يكافينا شره ترى ضروري تكون حالتج النفسيه ممتازه وقت النفاس ترى النفسيه تلعب دور بفتح الشهية والوجه والشعر والنضاره ... يبا خلو الوحده تشبع نوم وترتاح ومتى ما قعدت كلت ما هو طاير الاكل ( النوم نص العافية مثل ما قال المثل)
3- اتسبحي من يوم تطلعين من الولاده لا تقولين راح يدخلني هواء لا حبيبتي اتسبحي من دم الولاده وشعرج كله عرق من الولاده اتسبحي ونظفي نفسج واذا خايفه من الهواء حطي المجفف بالحمام وجففي شعرج وجسمج ولا تطلعين الا ناشفه ولبسي دلاغج قبل تطلعين( بس في شرط اذا بغيتي تتسبحين لازم تتسبحين وانتي واقفة بالدش ( فقط الدش) او قاعده على كرسي اذا تعبانه.بس لا تتسبحين ببانيو ليما تطلعين من النفاس عشان الماي ما يدخل الرحم
4- الحين نشوف شنو تحتاجين ادويه مهمه ( وانا ذكرتها في موضوع سابق لكن ساعيد كتابتها للافاده وبعد ذلك ساذكر برنامج الاعشاب):

1- مضاد حيوي ( اقمنتين) تاخذينه من تولدين لاسبوعين 14 يوم _ مرتين يوميا- عشان ما يشم خياطج بدل المره.
2-حبوب الحلبة ( فيتولات)-مرتين يوميا- لانها تدر الحليب وتعوضج عن الحلبة العادية وطعمها وريحتها فتاخذين فايدتها لحليبج وزيادة ادراره وعشان يقوي جسمج وعظامج.
3- حبوب( اولفين) المسكنه 100 مرتين باليوم اسبوعين-عشان ما تحسين بالمغص والالام والخياط ابد تقومين وتقعدين ولا كانج والدة
4- حبوب الفحم النباتي- 3 مرات يوميا بعد كل وجبه- عشان تلين بطنج وما يحوشج امساك وتتجمع الغازات والانتفاخات والهواء اللي يكبر كرشج اذا اهملتيه - وعشان بعد ما يتاثر خياطج.
5- حبوب (هير فيت) مره يوميا بعد ما تقطعين المضاد والمسكن عشان ما تكثرين ادوية على معدتج وهي ممتازه عشان ما يتساقط شعرج وتتطلعين من نفاسج شعرج لمعه ويهبل وكثيف وطويل بس استمري عليها بعد لمدة 3 شهور.
بالنسبة للخياط :
1- استخدمي غسول البابونج الطبي على المنطقةالحساسة كلها كل ما تدشين الحمام تكرمين لما تطلعين من نفاسج.
2- استخدمي كريم activun tube :ممتاز للخياط لمدة عشر ايام 3 مرات يوميا وبتلاحظين 4 او 5 ايام بدون مبالغة ان الجرح ما عاد يعورج. ( احسن واقوى من ميبو و افودي***ن)
( واهم شي طول عمرج طالما انتي حملتي وولدتي سوي تمارين كيجل عن الهوا والماي مو بس بالنفاس)

بالنسبه لبرنامج الاعشاب:
( الاعشاب المطلوبه فقط واثبتت فاعليتها هي :
1- الحبة السوداء المجروشه فقط لان ليس لها فائده اذا اخذت بدون جرش لانها مغلفه بغلاف من رب العالمين يحفظ فوائدها بالداخل واذا كسرت ظهرت الفائده . ويطلق عليها حبة البركه تنظف الجسم من السموم بما فيها الارحام وتنزل الدم المتجلط بالرحم ولذلك تسبب الاجهاض وتمنع اثناء الحمل وتساعد بنزول الدوره الشهريه اذا تاخرت وتزيد الطاقه وارغبه الجنسيه.
2- الدارسين:مطهر للبطن والرحم ويمنع عن الحامل ويسبب اجهاض ونزوال الدوره المتاخره ولذلك فهو ينظف الرحم تماما.
3- الزهورات (بهار الغوري): هذه الاعشاب تنظف الرحم والبطن من الهواء وتسكن المغص
4- الرشاد يعفس مع التمر مفيد جدا لان االرشاد يضيق المنطقه ويشد الرحم و ينزل كذلك الاوساخ وبقايا المشيمه والتمر غني عن التعريف لن نستطيع سرد جميع فوائده.
5- الحلبه وهي من اهم الاعشاب ولكننا استعضنا عنها بحبوب الفيتولات اكثر تركيز وانظف من حلبة الحواج وما تحط ريحه بالجسم الا اذا ما تسبحتي 3 ايام يعني ما تنفع اللي تتبع برنامج العجايز للنفاس.
الان نبدي الطريقه :
- من اول يوم للولاده الى اليوم ال20 :
كوب بهار الغوري صباحا وكوب مساء (تناولي فطورج وغداج وعشاج العادي بس حاولي تبعدين عن العيش عشان ما يكبر كرشج)
- كوب دارسين بعد الغداء ( ليش كوب واحد) لانه حار عالمعده واذا شربتبه بكثره وبفتره طويله بيسويلج قرحة معده.
- خلي عندج صحن التمر والرشاد مثل الوجبات الخفيفه يعني حاولي بعد الريوق وبعد العصر ( لا تاخذينه على الريج ديريبالج ترى ياثر على المعده.)
- الحلبه ( عباره عن حبوب فيتولات 3 مرات يوميا)
- الان من اليوم ال 20 ليوم طلعة نفاسج:
- فقط استمري على بهار الغوري والدارسين.واذا امكن لا توقفين الدارسين الا بعد 6 شهور راح تحسين ان بطنج لازق بظهرج احسن من بطنج وانتي بنت ( وهذا ضمان ضمان ضمان اذا التزمتي فيه يوميا) وفوق هذا ريحة عرقج وريحة جسمج وحتى تكرمين بولج بهالريحه ( انا اموت عالريحه ) زوجي يقول انا اعرف انج داشه الحمام شحلات ريحة الدارسين ويقولي حتى وقت الجماع اشم ريحة الدارسين .

-قبل طلعة نفاسج بخمسة ايام حطي تحميلة بيتادين مرتين يوميا لمدة خمس ايام. عشان تنظفج من الماي والوصخ.

بصراحه انا تحسفت اني ما مشيت على هالبرنامج وريحت عمري,, وسمعت كلام العجايز ونظام فيافي بس تعذيب وبالاخر ما كو فايده طلع بلاوي بس خواتي اللي التزمو في هالبرنامج ماشالله 6 عيال وسبعه وما تغيرو) وشكرااااا وادعولي

منقووووووووووووووووووووووووووووووووووووووووول

قلبه مسكني
02-20-2011, 08:52 PM
يعطيكي العافية

شهد العسل1
02-21-2011, 01:54 PM
يعطيك العافيه كلااااااااااااااام جدا مقنع وجميل وانا معاك بكل كلمه
انا مايقهرني الا التحاميل الي طايحين فيها مر ومحلب وعسل وملح وانسدحي وشوفي البلاووي يرحم والديكم اكيد بشوف بلاوي دام هذا كله برحمي يعني اكيد مع حرارة الرحم بتذوب وبتطلع هي على شكل سوائل مدري لمتى حنا كذا حاطين ارحامنا حقل للتجارب

غيث الأمل
02-21-2011, 03:20 PM
الله يعطيك العافية

جمـــانه
02-21-2011, 03:26 PM
الف الف شكر من جد موضوع قيم ويستحق التثبيت بس بغيت اسألك حبيبتي ماعرفت ايش تقصدين بكوب بهار الغوري
أنا الحين بالسابع وقاعده أدور على برنامج حلو بس أحترت من كثر الخرابيط والاعشاب بس شكلي بعتمد برنامجك والله يعطيك الف الف عافيه

@دبدوبه@
02-22-2011, 03:07 AM
والله انا ما اتبعت اي خرابيط مشيت على النفاس الامريكي اكل اللي نفسي فيه واهم شي السوايل عشان الحليب والحمدالله هذا انا بخير وما فيني الا العافيه

اول غرام
02-22-2011, 07:38 AM
انا مااقتنعت بصراحه
وش مكونات تحاميل بيتادين..؟ كلهم بالهوا سوا
والتشطيف بالمويه يرطب الرحم..؟
والغسول الطبي وش يسوي..؟ يجففه ؟؟
على فكره انا ماجاب لي الالتهابات الا الغسول الطبي
ونبتة المر بالعكس اجريت عليها دراسات انها مفيده لعلاج الجروح والقروح
والملح بعد مطهر ممتاز ...
اذكر بولادتي بالبكر حطيت من هالتحاميل وانا مب مقتنعه بالطب الشعبي
بس نزلت مويات كثيير باول يوم وثاني يوم اخف وثالث يوم اقل بكثيييييييير
وحبوب الحلبه ليه مااخذها طبيعيه لازم يعني كبسولات طبيه خخخخ
يعني اعدل رحمي واخرب معدتي ,,؟!
انا والله ماعجبني الموضوع واحسه مب مقنع ..
االي عجبني رد دبدوبه .. انا ودي اعرف وش النظام الامريكي بس
على انهم يرضعون عيالهم صناعي ...

رونق الروح
03-01-2011, 12:45 PM
بارك الله فيكي والله استفدت كثييييييييير يجعله الله في ميزان حسناتك

أميرة الصمت
03-06-2011, 06:45 PM
جزاك الله خير

بنت الريف
03-06-2011, 06:50 PM
http://forum.hwaml.com/imgcache2/hwaml.com_1299426645_408.gif
http://forum.hwaml.com/imgcache2/hwaml.com_1299426704_560.gifhttp://forum.hwaml.com/imgcache2/hwaml.com_1299426704_560.gifhttp://forum.hwaml.com/imgcache2/hwaml.com_1299426704_560.gif

طبيبة القلوب
03-06-2011, 08:42 PM
مشكورة حبيبتي ...معلومات في غاية الاهمية ...

منى الغامدي
03-06-2011, 09:52 PM
جزاكِ الله كل خير ياغلاتي

همي رضا ربي
03-07-2011, 09:26 PM
اول مره اسمع ببهار الغوري وشو هذا؟؟؟

ranonah
03-07-2011, 09:59 PM
والله اني مدري وش السواة

ياليل ابو لممممممبه يا اختي كلن يقولك شئ

الله يعين يارب

sookarz
03-08-2011, 01:40 PM
بارك الله فيكي والله استفدت كثييييييييير يجعله الله في ميزان حسناتك

حـــــرف
03-08-2011, 02:28 PM
الله يسعدك تم الحفظ في المفضله

مغتربه
03-11-2011, 11:23 PM
انا مع االاخت اول غرام انا عني مو مقتنعة بكلامك خاصة من جهة الاكل
النفاس لازم تاكل اكل دسم يقويها ويقوي ظهرها
والمره احلى شي انا بالدوره اذوبها بماي وصب على الفوطه قبل لا البسها طبعا مع الاهتمام عجيييييييييبه وشكرااا لك على المجهود ..............

توت برى
03-15-2011, 04:33 AM
الله يسعد قلبك
والله انى ماأفهم بهذى الاشياء بس اقري واحط بهذى الورقه ودحين مسحت كل شى وقررت امشى على جدولك
نفع الله بك

~قموووره~
03-15-2011, 03:56 PM
يعطيكي العافيه ,,,

جيولس
03-15-2011, 05:43 PM
فيه أشياء أقنعتني بموضوعك وأشياء أعترض عليها
وبعدين ماذكرتي الخواجوا

غنوووووجه
03-16-2011, 07:37 AM
تسلمـــــــــــــــــــين ياحلوووة ع الموووضوع االلمممييز....
وفعلا أشيـــــــــــــــاء في غاية الاهمية...شكرا لك تقبلي مروري المتواضع..

يآرب رحمتك
03-16-2011, 07:43 AM
يعطيك العافيه

وردةالطائف
03-16-2011, 11:27 AM
انا بعيالي كلهم مشيت على نظام فيافي والله حلو و روعه
بس الحين بأخذ بعض الاشياء من نظامك المودرن
احس ان هذا النظام حلو و نظيف وكلامك علمي
بس احترت

اموره العسوله
03-16-2011, 05:16 PM
شكرا معلومات قيمه

أم وجوديي
03-18-2011, 05:32 PM
مشكوره حبيبتي عالمواضيع الحلوه

ملكني بطيب قلبه
04-03-2011, 03:23 AM
برنااااامج حلوووو

واكثر شي عجبني الاستمرار بشرب الدارسين وان شااء الله بطبقهااا

الف شكر لك ياقمر

امذياب
04-04-2011, 01:18 AM
بس ابغي اعرف في شي يستخدم للهوا لاني سمعت الكمون اذا فية تحاميل احسن انا خلصت نفاس ودخلني هوا

لاني مافهمت

دلع الورد
04-04-2011, 02:41 AM
يعطيك العافية كلام سليم بس المرة ما نرضى عليها

كلي فداك
04-16-2011, 09:40 PM
يعطيك العافيه استفدت كثير ان شاء الله اتبع ذا النظام علمي وسليم
وفعلا المره جابت لاختي قرحه ف الرحم

اتعبتني جروحي
04-16-2011, 10:56 PM
يعطيك ربي الف عافيه
معلومات ونصائح مهمه وقيمه
عافاك الباري

زيتونه
04-26-2011, 10:59 AM
والله معاد ادري وش الصح

بس التحاميل تبع المره مو مقتنعه فيها مره من اول

بس ابي احد جرب النظامين ويقول وش الفرق

تكفون

سكينه
05-01-2011, 10:34 PM
يسلمو اختي على الموضوع

**سماسم**
05-14-2011, 08:36 PM
ربي يعطيج العافيه يالغاليه
,,

حبيبة بندر
06-15-2011, 06:46 PM
مشكورة ماقصرتي

نونه2011
06-18-2011, 05:02 PM
عجبني الكلام يعطيك العافيه حتى لو منقول جزاك الله خير وترا صح مجربه انا تقبلي مروري لك مني اجمل ود

أمونه*
06-24-2011, 06:28 PM
ماشاء الله عليك ياعزيزه نفس كل مواضيعك فيها الفايده
انا كنت محتاره وش اسوي ..بس بعد ماقريت موضوعك اقتنعت فيه
لأن الأشياء يلي فيه كلها طبيعيه مافيها كلام وحركات كثير ماتدرين وش فوائدها ووش مضارها
الله يجزاك عني كل خير ياقمر

سما بابل
07-05-2011, 07:14 PM
الحمدلله والصلاة والسلام على رسول الله وعلى آله وصحبه أجمعين .يعطيج العافية والله مشكورة بس حبيت اسألج يصير ابدأ بالدارسين الأن بعد ماخلصت الأربعين صارلي يومينhwaml12والسلام عليكم ورحمة الله وبركاته

GhoOosha
07-07-2011, 03:59 PM
برنامجك عجبني..خصوصا اني لوحدي وماعندي احد ينفسني..وبالنسبه للبرنامج مو شرط يناسب الجميع الوحده تاخد اللي يناسبها وتترك الباقي المهم انو نستفيد

في وحده تعرف النظام الجاوي في النفاس؟

wssw
07-07-2011, 06:36 PM
أكثر ماينصحوا فيه الجاوا شرب الكركم الجاوي اللي هو الأخضر الطازج مو النافش زي حقنا
يقولون ينظف الرحم ويشيل الكرش وانا بشربه ان شاء الله في نفاسي لإنه نفعني ايام الدورة ....والله أعلم

GhoOosha
07-08-2011, 04:37 PM
يعني القاه في بقاله جاويه ولا في مكان معين.. في الرياض موجوده اللي تعرف بالله تقولي

أم لنو
07-16-2011, 04:18 AM
بالعكس صادقة بس كثر الغسيل بالغسول الطبي يكرش الرحم يسبب قرحة

حلا الغربية
07-19-2011, 06:12 PM
جزاك ربي الجنة

ام النوني
07-24-2011, 05:23 AM
مشكوره حياتي ع الموضوع الحلو ،، وانا يعجبني هذا البرنامج بس لو افكر مجرد تفكير اني امشي عليه تتبرا امي مني

جوري a
07-25-2011, 03:58 AM
الف شكرررر

أم زياد
07-25-2011, 08:05 AM
جزاك الله خير
بس بسألك إذا عندك خبره انا باقي لي يومين أغلق النفاس بس صارت تنزل معاي مويات ماعرف وش السبب؟ هل يعني إني خربانه واسعه ولاطبيعي وش العلاج
وشكرا

جووررية
08-22-2011, 06:46 AM
مشكوره وااايد

أم غزلان
08-23-2011, 10:26 AM
الله يعطيج العافية ويرزقج على قد نيتج ..

mallak
09-18-2011, 05:42 PM
تشكراااااات عالطرررح

أم عبدالرحمن السلفية
09-20-2011, 05:13 PM
شكرا لك ...

حمرة الورررد
09-21-2011, 12:33 AM
جزاك الله الف خير غاليتي انا امشي على برنامج يشبه برنامجك بس من غير التحاميل اللي ذكرتيها وازيد عليه اني اشرب كوب مريميه وربي تشد الجسم وتخفي البطن والحركه حلوة مو تتسدحو وتتبطحو اربعين يوم وتقولو جسمنا خرب هههههههههhttp://forum.hwaml.com/imgcache2/hwaml.com_1316554436_937.gif

سهاري9
09-23-2011, 06:24 PM
جـــزاك اللــه خــيــر

ام ألين
09-26-2011, 12:11 AM
جزاكم الله خير

تيب ابغا اسالكم انا اكلت المعنجات ورق العنب عادي اكلو ولالا

شموخي عزيزه
09-26-2011, 09:51 AM
شـكــ وبارك الله فيك ـــرا لك ... لك مني أجمل تحية .

سلوان
09-29-2011, 02:05 AM
تسلمين على هالنظام بس انا في نفاسي استخدمت المره

بالعكس مررره روعه وينظف ويضيق وربي بعد النفاس وقت الجماع

احس بالم اكثر من قبل الولاده حتى زوجي حس بتغيير

وعلى فكره كنت اتنقع فيه واشربه بعد < بس ما انصحكم طعمه واااااااااااااع

ومثل مايقولون اللي يبي الدح مايقول اح ^_^

سي يوو

حفيدة الفاروق
10-07-2011, 12:46 AM
بارك الله فيك اختى
لكن مافهمتش حاجة انى من مصر واللهجة صعبة عليا جدا

مناته
10-21-2011, 06:45 PM
انا ضد الخرافات خصوصاً ان كل وحده تقولج شي
انا بعد الاربعين احس جسمي مكسر ولا ارتاح الا اذا دخلت نادي وسويت تمارين احس ان عظامي ترجع لمكانها
والله ما ذبحنا الا التسدح
انا شاء الله حملي الثالث بتنفس فبيتي وبتحرك براحتي
وللبنات اللي مشكيين اقول انا حملتين قبل ما استخدم شي غير اكل حلبه اول 10 ايام واكل زين وارضع طبيعي واحيانا اغسل بمره
والحمدلله مافيني الا العافيه لا مردود ولا لهموم
وشي ثاني اغسل ببتيداين المعقم يعطوني اياه المستشفى الحمدلله ماعانيت معا الخياطه
وشي مهم الوحده لازم تاخذ فيتامينات عشان الشعر
وصاجه عن الدارسين انا اخر سنه كله اشرب دارسين معا حليب ايام الدوره وصرت انظف احسن

مناته
10-21-2011, 06:46 PM
بارك الله فيك اختى
لكن مافهمتش حاجة انى من مصر واللهجة صعبة عليا جدا

ياعمري اللي مفهمتيهوش نترجم لك hwaml16

4يو
10-28-2011, 05:06 PM
من جد برنامج يهبل وانا الحين على باقي يومين واكمل شهر راح اسوي تكملة البرنامج

حرااام كسر الخواطر
10-31-2011, 04:29 AM
بهار الغوري ماعرفنا وشو وين الاجابه الله يعافيكم

عفوك يالله
11-01-2011, 06:31 AM
بارك اللهـ فيكـ خيتوووو

أبتسامة مشرقة
11-03-2011, 03:25 PM
http://forum.hwaml.com/imgcache2/hwaml.com_1320323103_887.gif (http://arab4load.info/)

اشتياق
11-12-2011, 02:12 AM
يعطيك العافيه عـ الافاده

لمياء
11-12-2011, 10:19 PM
اتمنى تدخلون موضوعي وتفيدونيhttp://forum.hwaml.com/t79149.html

رحمة2011
11-13-2011, 10:55 AM
يعطيك العافيه حبيبتي
موضوعك فعلا جميل ومفيد
انا شخصيا كثير استفدت وان شاء الله
الله يسهل علي ولادتي واتبع برنامجك

Mema26
01-22-2012, 01:53 AM
رائع الله يجعله في ميزان حسناتك
أنا من زمان مو مقتنعه بالكبو والتحاميل احسها مضره والمشكله أنا الحين بكريه واللي حولي كلهم يقولون انتبهي لازم كبو ولازم تحاميل ولازم ولازم بس ماراح أخذ الا اللي أنا مقتنعه فيه وسلامتكم 

روحي بحائل
01-25-2012, 02:25 PM
انا جديدة افيدوني بالحمل في الشهر السابع وش الشيء اللي ابتعد عنه ويضرني

جزاكم الله خير

سوما الحلوه
01-28-2012, 09:11 PM
مشكوره عالموضوع انا عن نفسي مااتبع اي نظام لافيافي ولا غيره

نعووووومة
01-30-2012, 12:19 AM
شكراااااااااااااااااااااااااااااااااااااا

ام احلى ثلاثة
02-03-2012, 10:49 PM
يسلمواا ع الإفادة

ميهاف
02-03-2012, 11:40 PM
1- مضاد حيوي ( اقمنتين) تاخذينه من تولدين لاسبوعين 14 يوم _ مرتين يوميا- عشان ما يشم خياطج بدل المره.
2-حبوب الحلبة ( فيتولات)-مرتين يوميا- لانها تدر الحليب وتعوضج عن الحلبة العادية وطعمها وريحتها فتاخذين فايدتها لحليبج وزيادة ادراره وعشان يقوي جسمج وعظامج.
3- حبوب( اولفين) المسكنه 100 مرتين باليوم اسبوعين-عشان ما تحسين بالمغص والالام والخياط ابد تقومين وتقعدين ولا كانج والدة
4- حبوب الفحم النباتي- 3 مرات يوميا بعد كل وجبه- عشان تلين بطنج وما يحوشج امساك وتتجمع الغازات والانتفاخات والهواء اللي يكبر كرشج اذا اهملتيه - وعشان بعد ما يتاثر خياطج.
5- حبوب (هير فيت) مره يوميا بعد ما تقطعين المضاد والمسكن عشان ما تكثرين ادوية على معدتج وهي ممتازه عشان ما يتساقط شعرج وتتطلعين من نفاسج شعرج لمعه ويهبل وكثيف وطويل بس استمري عليها بعد لمدة 3 شهور.
بالنسبة للخياط :
1- استخدمي غسول البابونج الطبي على المنطقةالحساسة كلها كل ما تدشين الحمام تكرمين لما تطلعين من نفاسج.
2- استخدمي كريم activun tube :ممتاز للخياط لمدة عشر ايام 3 مرات يوميا وبتلاحظين 4 او 5 ايام بدون مبالغة ان الجرح ما عاد يعورج. ( احسن واقوى من ميبو و افودي***ن)



طيب هذي كلها تنفع مع الرضاعه ؟؟

بالنسبه لحبوب الحلبه والله اريح من الحلبه العاديه والخياس ..
يسلموو

مريوما!
03-30-2012, 06:41 AM
يعطيك العافيه عالموضوع .. الجميل.. واللي افادني كثير..



لكن من تجربتي ايام الدوره كانت تتاخر وبمجرد ما اكل مرقوق او جريش ااو عصيده او وجبه مشابهه

تجيني الدوره , يعني كنت الاقي فيها فايده كبيره ومولازم تاكلين لين تشبعين

صحن صغير لانها تدفي المعده وتثقلها وبالتالي كل جسمك يركد..

ومرق اللحم بافلفل الاسودوالدارسين يدفي ويعتبر شوربه ممتازه وموثقيله قطي الدسم منها..


اما البخور انا معاك فيه قريت مره عن بخور الشاي انه روعه ويهد الدوره تبخرت منا ووقفت منا !!

يعني البخور ممكن استغني عنه الا قشر البصل كان مفيد

البنطلون والشرابات وغطاء للراس. وتقضين نفاسك في مكان بعيد عن المكيف هذي لحالها علاج..

وحيدةأمها
03-30-2012, 09:42 PM
يعطيك العافيه

اميرة بزماني
04-11-2012, 01:36 AM
يسلمو على الموضوع
انا توي ولدة لي 11 يوم وكنت دايم اجلس بمغطس حار ولما قراءة الموضوع انصدمت
ان الماي يدخل الرحم وش السواة اللة يسعدكم وهل له تاثير علي

ساعة صمت
04-17-2012, 09:22 AM
3- اتسبحي من يوم تطلعين من الولاده لا تقولين راح يدخلني هواء لا حبيبتي اتسبحي من دم الولاده وشعرج كله عرق من الولاده اتسبحي ونظفي نفسج واذا خايفه من الهواء حطي المجفف بالحمام وجففي شعرج وجسمج ولا تطلعين الا ناشفه ولبسي دلاغج قبل تطلعين( بس في شرط اذا بغيتي تتسبحين لازم تتسبحين وانتي واقفة بالدش ( فقط الدش) او قاعده على كرسي اذا تعبانه.بس لا تتسبحين ببانيو ليما تطلعين من النفاس عشان الماي ما يدخل الرحم

انتي ذكرتي هالنقطه
بس احن يقولوا لنا البنات وبعضهن عن تجربه علشان الخياطه بسرعه نخف
اجلسي بحوض فيه زعتر وماء دافي وملح

ام ميااااار
04-21-2012, 05:57 PM
يعطيك العافية

مرة حلووو

انشاء الله اجربة

انجل
04-26-2012, 10:41 AM
يعطيك العافيه

ام ميااااار
05-20-2012, 05:39 PM
يسلموووووووووو

محبه الاسلام
05-29-2012, 07:41 PM
انا بكريه بعد ومحتاره وش اتبع اللي مجربه نظام كويس تقووول لي تكفووون

وردة الجــنوب
06-14-2012, 07:49 PM
عاشت ايدك موضوع رائع
راح ابدي بيه من اليوم ان شاء الله على الاقدر عليه

شموخ امرأة
06-15-2012, 12:10 AM
يسلمو على الموضوع المهم
متي بحفظ المولى ورعايته
ارق تحية الك

/

*@ام اروى@*
06-15-2012, 01:36 PM
موضوع روعه ومقنع ميه بالميه بلا خرابيط بلا هم فيه طرق بديله افضل وانفع بكثير زمان اول انتهى ومفروض احنى لازم نعرف ليه زمان كانو يشتكو من الوحده اللي عندها عيال كثير هذا دايل على ان الخلطات ماكانت تفيد ابد اصلا انا بكل ولاداتي ماستخدمت من هالخرابيط ابد كل اللي سويته التزمت بالاكل المناسب وشرب الاشياء الدافيه وبعدت عن البيبسي والحمدلله كنت مرتاحه وبنفاسي هذا ان شاء الله نفس الشي. لا للاعشاب الغير مفيده وبتبع كلام الدكتوره بالحرف الواحد والتزم بالرياضه والمشد مين توافقني على كلامي ويسلم راسك ياراعية الموضوع جبتيلي الشي اللي ادور عليه من زمان يسلمو

ذكرى جميله
06-15-2012, 08:15 PM
ياليتني لقيت هالبرنامج بنفاسي
يسلمووو وفعلاً اهم اهم شي
الوحده تدفي نفسها وتكثر بالسوائل
المفيده والعصائر الطازجه وتهتم
بنظافتها,,, مشكورهـ :)

بيرين
06-24-2012, 03:14 PM
الله يعطيك الف عافيه

nada-
06-27-2012, 08:41 AM
الله يعطيكي العافيه مشكوووره على الافاده

أم رفوفه
07-02-2012, 03:03 PM
يعطيك الف الف عافيه

ام رتوو99
08-01-2012, 09:18 PM
البرنامج حلووو كثير وسهل ومو معقد

وبالنسبه للاعشاب اللي مالها اول من تالي انا ماادري من وين بس لقوا لها اسماء يسمونها

اهم شي النفساء تتغذى كويس وتنضف الجرح كويس وتكون مرتاحه نفسيا

هذا اهم شي

مشكوره صاحبه الموضوع ..

كـ ر و شـ هـ
08-03-2012, 10:53 AM
جزاك الله خير hwaml95

مصراتية
08-05-2012, 01:43 AM
بارك الله فيك


كلامك سليم ....


جزاك الله خيرا

حياتي امنيات
08-06-2012, 02:10 AM
يعطيك العافيه على الموضوع,,

fo0fo0
08-06-2012, 04:13 AM
يعطيك العافيه ...

bent paris
08-07-2012, 01:04 AM
مشكوووووووره

حنين روحي
08-16-2012, 04:47 AM
واي كلامك مقنع يجنن
مششكوره

سراء
09-11-2012, 07:52 AM
مشكورة وجزاك الله خيير ع المعلومات القيمة استفدت من اشياء كانت رايحة عن بالي بس بسالك الرشاد اعجنه مع التمر ولا شلون طريقته لان ظهري مره يتعبني بعد الولاده تقولين ظهر عجايز ممممن جد

سمار
09-11-2012, 11:40 AM
يعني يالغاليه وبقية الحبوبات تنصحوني آخذ برنامج أم عبدالملك وعزام للنفاس أو لا أمانه اللي جربته وفادها أو مافادها تردي عليه

ام نورهانه
09-16-2012, 11:39 AM
يعطيج الف عافية

حصووص
09-30-2012, 09:18 PM
مشكووووره ع الموضوع

behtar
11-11-2012, 09:49 AM
شكرا حبيبتي

فوئة
12-08-2012, 02:52 AM
كلم مقنع حبيبتي لك بوست على خدوووودك

مس هيام
02-13-2013, 07:49 PM
مار نظامك مقنع ويجننن استغرب من اللي انتقدو النظام
التبخر...مضر والدليل انو الشواء بالفحم مضر انو الكربونات مضر hwaml9

amalalghad
03-03-2014, 10:12 AM
تسلمي يعطيك الف عافيه علي هذا المعلومات القيمه

alhaef
03-10-2014, 06:18 AM
جزاك الله خير

ام ارجواااااان
03-13-2014, 02:22 AM
http://forum.hwaml.com/imgcache2/hwaml.com_1394666533_205.png