الميراميه والبردقوش والعسل وعين الجمل ممكن ان تكون فيها سعادتي؟ادخلوا وشجعوني

[ام تمار]

كيفكم بنات ان شالله مرتاحين انا كما تعرفون انتظر الحمل بفارغ الصبر
وايضا انا في فتره علاجيه يعني صالي شهرين اخذ كلوميد وابرتفجير وربي ماكتبلي الحمل الشهر انا باخذ كلوميد ومنشط اخر


لكن من عنوان موظوعي هي على الاعشاب انا قريت في منتدياتكم وايضا في القوقل عن كثير من التجارب الناجحه بالاعشاب لهذ اريدكم ان تنصحوني بالاعشاب المفيده للضعف المبايض وايضا
البردقوش والميراميه اعشاب مفيده وماتضر اذا استخدمتها لاني مره خايفه استخدمها ويكون بيها ضرر مثل مايكول ابو المثل اسئل مجرب ولاتسأل حكيم
اريد اجابه شافيه من الاخوات الي استخدمنها هل هيه مفيده او مضره ......يارب نكون حوامل هذا الشهر ياربhwaml8

[مي1]

انا قريت تجربة أخت هنا والله نسيت اسمها بس الدكتوره تقولها خذي الميراميه وقت الدوره فقط لأنه يسوي نفس مفعول الكلوميد
والبردقوش بعد الدوره كاسين في اليوم او كاس اللي تقدرين وخلطة عين الجمل موجودة ابحثي بجوجل وتلقينها
وربي يوفقك ويسهل امورك ويرزقني ويرزقك الذرية الصالحة

[حابه اكون ام]

ياحبيبتي ماعندي فكره
بس انصحك تسالي حرمه يكون عندها علم في هذا الموضوع او طبيب اعشاب
الله يرزقك وييسر امورك
امين.

[جارة القمر]

توكل على الله انا بستخدمها لكن كثرتها مو جيدة
كل شي بيزيد عن حده بقلب ضده.........

[جنون العاطفه]

والله انا الشهر اللي طاف استخدمت عشبة المدينه وعين الجمل مرتين
والميراميه والردقوش ويانسووون وزعتر بري وسمسم امضغه مرتين باليوم ونزل تبويضي

لاتكثري من الاعشا ب..

[امنيه تتحقق]

والله ان وحده من صاحباتي تقول كانت تاخذ البردقوش من اول يوم في الدوره كاسه الصباح وكاس المساء ولمن تخلص الدوره تضيف عليه الميرميه وتستمر مع بعضها لحد ماتنزل الدوره وتشرب البردقوش لوحده وكذه
تقول استخدمت هذه الوصفه مع حبوب هرمون الحليب لانه كان مرتفع عندها
شهرين وحملت وانا الان جالسه استخدم الوصفه
وكل شي بيد الله

[حساويه عسل]

حبيبتي انا كنت اتعالج سنتين عشان تكيس وتركت العلاج لاني مليت

مرخة عند حرمه كبيره الله يجزاها خير ونزلت لي الدوره مرتين المره الثانيه

كنت اشرب بردقوش وميرميه وقت الدوره اخلطهم مع بعض كاس اول مااصحى
وكاس قبل انام طول فترة الدوره بعدين تركتهم وايام التبويض كنت اكل تمر هندي وماصار جماع الا يوم واحدبعد

وسبحان الله بنفس الشهر حملت

انا حامل اللحين بالشهر الثالث الله يتمم لي على خييير

ويرزقك يارب:)

[ام تمار]

اجابات وافيه الله لايحرمني منكم ماقصرتم الله يجعله في ميزان اعمالكم
حساويه عسل مبروك حبيبتي على البيبي ان شالله يتربه بحظنك يكون اجمل طفل الله يسعدك ......

[دلع بنات]

الله يرزقني وياك وكل محرومه بالذريه الصالحه عاجلا غير اجل
رب لاتذرني فردا وانت خير الوارثين