اي نظام نستخدم في النفاس علموني لوجه الله

[اغليك يا الجنوب]

السلام عليكم ورحمه الله
اخواتي اشهد الله على حبكنه فيه اسأله تعالى ان يظلنا في ظله يوم لاظل الا ظله
اخواتي
انا توني حامل ولله الفظل والمنه توني با الخامس بس حامله هم نفاسي لاني راح انفس لحالي ماعندي احد لاني يتيمه امي متوفيه من وانا صغيره الوالد رحمه الله قد له سنه الله يرحمهم ويجعلهم با الفردوس الاعلى من الجنه والمؤمنين والمؤمنات
وماعندي شغاله وظروفي ما تسمح اجيب وزوجي الله يهديه ما يحب الشغالاات خلقه
جزاكن الله خيربس وقفتكن معي ايش الاغراض الي اجيبها من العطار وكيف استخدمها واهم شي ماتظرني لاني حاولت اقرأ في المنتدى حق النفاس ولا فهمت شي
وعلى فكره ما اقدر اجيب من احد زوجي مايخليني اروح للحريم الي يعطوا ها الاشياء ابد ابد والله ماعندي احد يجيب لي
انشا الله فيكن الخير والبركه
الف شكر مقدماً

[**سماسم**]

أهم الأشياء إلي تشترينها من العطار
(( حبه سودا / مرة / سكر نبات / حب الرشاد ))

فنجال شاي من كل شي الا المرة نص فنجال هذي تأخذ ملعقه منها على الريق مع كاس حليب تشد الظهر و تنظف..
والحلبه تبدين تشربينها بعد الولاده بـ7 أيام ..
وربي يسهل عليج ويقومج بالسلامه
,,

[اغليك يا الجنوب]

فديت روووحك
اسأل الله ان يعطيك حتى يرضيك

[ياحبيبي يالله]

انا استخدمت نظام فيافي مو بالضبط بس السفوف والكبو ومره حلو تلاقينه بالنت

[miss-almass]

شوفي حبيبتي انا راح افيدك
انا عندي طفلين الطفل الاول لما جبته ماكنت اعرف ولا شيء في النفاس وزود علا كذا توفت ام زوجي وانا في النفاس وصارت نفسيتي تعبااانه لاني من جد كنت اموت فيها الله يرحمها ويرحم اموات المسلمين والنفسيه في النفاس شرط اساسي لابد منه
والطفل الثاني اخذت درس واهتميت في نفسي بقولك الطريقه
اذا كنت في الرياض حلو لان عندنا محل في اسواق الديره الي بجانب المعقليه محل اسمه ابا الخيل عنده لهوم اول النفاس واخر النفاس ال20 الاولى وال20 الاخيره
تحطينه ملعقه قبل الفطور مع الحليب وقبل العشاء مع الحليب مرررررره ممتاز ومجربته
والحلبه تستخدمينها فقط لمدة 16 يوم الاولى فقط تدرين ليش؟؟؟؟؟ لان الحلبه في الايام العشرين الاولى تسسبب مويات بعد النفاس انتبهي
وتشترين من عطارة بن منقاش بخور الكبو وتتبخرين فيه كل يومين معليش ريحته مخيسه بس معليش الي يبي الزين يصبر ياحيل الله
وماتكلين الاشياء هاذي الجح-الموز-الملوخيه-الجرو-البذنجان-الباميه-اي شيء يتمرطخ ابعدي عنه -
والايام الاولى تأكلين حبه رشاد مع التمر تعجنينها مع بعض -
وتسوين لك مشروب كل يوم دافيء مجموعه اعشاب الي هي الدارسين مع قشر قهوه مرررره ممتاز كل يوم كوب -
وتخمرين لك مره في مويه وتحطينها جنبك اذا قدرت تشربين بياله تغصبيها

وقبل هاذااااااااااااااااا كله لازززززم تكون خياطك زينه اذا كان فيه توسيع ليش ؟؟؟؟اقولك ليش لأن غالبيه المستشفيات يخيطون بس من برى ومن جوا يلعبون علينا بالعربي انتبهي حرصيهم في هاذا الشيء

واتمنى حبيبتي اني افدتك واتمنى لك نفاس ممتاز

[*ورده*]

فيه نظام العامريه ابحثي عنه بقوقل
جدا رائع ومنظم
وشهاده ناس مستخدمينه كثير فرق معهم من غيره من انظم
والله يعينك ويعني لاني زيك

[تويكس]

هلا بك يالغاليه وحبيت اضم صوتي لصووتك واقول ابي نظاام نفااس يالنشمياات الفزعه بالله-- خوذو اجرنا

[عاشقة السنيكرز]

يفيدونك البنات
ماعندي خبرة ولا كان افدتك بس ماحبيت اطلع بدون ما ارد

[اغليك يا الجنوب]

الله يجزاكن الخير وmiss-almass اسأل الله ان يعطيك حتى يرضيك

[miss-almass]

تسلمين ماعملنا الا الواجب

[العاااالي مستواها]

مساءالورد-
اول شي لازم ما تجوعين اكلي اكل موفيد جدا ترى اكلنا يا اهل الجنوب مررره ممتاز العريكه والعصيده والمرق واللحم-
سوي لك التمر مع الرشاد حق عشرين يوم الاؤلى العشرين الثانيه اشربي عشبة عباية السيده مررره ممتازه وترجعك كنك ما ولدتي-
في الصباح خذي من التمرمع الرشاد وكاس حليب انا احبها مع القهوه-
الفطور عصيده بالتمروسمن وحليب بالزنجبيل وحطي فلفل ابيض شوي لانه حار وينضف الرحم-
كل ما جعتي خذي شابوره بروحليب -
الغداء كلي قرصان او مرقوق او عصيده ومرق-
العشاء نفس الغداء-
سوي كل يوم ترمس قشر حطي عليه قرفه وزنجبيل-
سوي ترمس ثاني حطي فيه شوي سنوت وكمون وشمر هذا مررره ممتاز للغازات والمغص-
المر حطي في الفنجال حق القهوه الكبير قطعه صغيره واشربيه مع القهوه من شان الشمم وينظف الرحم-
الكبو حطي كمون حب ومر بس في العشر الاخيره من النفاس-
والله هذا نظامي وربي مررره يجنن انا ما احب الاشياء الكثيره متعبه وبعض الاشياء مدري عن صحتها وربي يسر لك امرك

[اغليك يا الجنوب]

اسأل الله ان يعطيك حتى يرضيك
الله يسعدك
كيف استخدم عبايه السيده الله يسهل امرك

[عزيزة النفس]

اختي اغليك هذا الرابط رح يفيدك كثير
http://forum.hwaml.com/t31849.html

[واشوقاه لمن يراني ولااراه]

أنـا بعد ولد بمولودي الاول بلحالي وعادي لاتشيلي هم مو مشكله
خلي زوجك يساعدك ويجيب اكلات دسمه من المطاعم
ويسوي لك الاشياء اللي يعرف يطبخها .. او انتي قولي له وهو يسوي
اما نظام النفاس
اهم شي تستخدميه هو المر اشربيه وغسلي فيه منطقة العمليه (طبعا كلامي اذا كنتي طبيعي)
والتنقيع في ماء وملح ... واستخدمي كريم الأسد للعملية ...وكريم ترهلات على المناطق المترهلة

[ام ظاافر]

ابي اسالك يالغلا انتي جنوبيه

[احساس عطر]

بس أنا سمعت انا نظام االفيافي مو زين خرب ماعدل تحمل تستخدمينه...

[اغليك يا الجنوب]

الله يسعدكن يا بنات
حبيبتي انا جنوبيه

[الحمامه البيضاء]

ابحثي بقوقل نظام لاخت قشر قهوه مره بسيط وسهل
وهي تبيع حوايج بس منزله كم خلطه

[غلاك بقلبي]

حبيت اضيف على كلام mss
اهم شئ تلبسين الشراب ماتنزلينه
والشيله خليها على راسك عشان مايدخلك الهواء
وويلك غسول واستخدميه الاهو
مره+ملح+ارطاء =اطبخيهم على النار واسخدميهم غسول مره روعه
واستخدمي تحاميل تراها تنظف
طبيه احسن شئ البوثيل
بس انا اسخدمت تحاميل امره انا مسويتها مره+محلب+ملح= اطحنهم واعجنهم بما واكورهم واجففها بعدين احط ليله وليله لا
فايدها تنزل المويات وتنشفك والاهم انها تضوووق
واستخدميها بعد الدوره كمان
تراها رووعه
اهم شئ ماتجوعين وكثري الفلفل مع حليب وحلبه
وخلي اكلك دافي وبعدي عن البااااااارد

[نلي خانم]

الصباح كلي عسل وسمن وخبز بر وأشربي أعشاب (كمون \ شمر \ قرفه\ يانسون\ بابونج)مع الحليب

الظهر مرق ولحم

العصر تمر وقشر قهوه بالزنجبيل

الليل نفس الغدا

الغسول مره وقشر رمان ومويه دافيه ومرهم ميبو للخيوط

والله يقومك بالسلامه يارب

[حديثة عهد]

الله يهون عليك انا بعد زيك شايلة هم النفاس كثير ويارب اولد طبيعي

انا ماحب الحوسة اخذت على كلام الدكتور القحطاني

التمر مع الرشاد وشوية سمن على الريق كل يوم وممكن تسوينها قبل ولادتك يعني تجهزينه بحافظه بالثلاجة وتاكلين كل صباح انا راح اسوي كدا انشالله

والمشروب اللي يطهر البطن والرحم
بزمزمية الصباح حطي لك قشر قهوة وكمون وقرفة واشربي منها

الحليب ابتعدي عنه الايام الاولى ابدي اشربي حليب الاسبوع الثاني

اهتمي باكلك مرق ومطازيز خضار فواكهه عصيرات طازجة

في شي قريت اسمة الكبو في نظام فيافي ماعجبني حسيت خرابيط
والقحطاني انكره

بس مدح الدكتور الخواجواء تبخري فيها وخذي غسول طبي ومرة غسلي فيها بعد ماتطيح الخيوط

بس

اهتمي بنظافتك ولبسك ولايدخلك برد هذا اللي انا بسوية وحبيت اشاركك
والله يوفقنا جميع ويولدني طبيعي ادعولي

[اغليك يا الجنوب]

اسال الله ان يفرج هم كل من دخلت وشارت علي يا عساكنه للجنه يارب

[جمال رباني]

الله يسعدكم بنات انا كمان محتاجه للوصفات هاذي الله يسهل علينا يارب ويرزقنا بمولود سليم معافى

[غلاه يكفيني]

اولآ: الله يرحم امواتنا واموات المسلميين ..
ثانيآ:حنا بقطـر عندنا خلطات تستخدم وحركات وبركااات اباخذ لك اسمها لاني ما اعرفها وهذا اول حمال لي ادعولي ان الله يتمه ويكون معافى ..
بس اللي اذكره يمدحون الملح الفارسي والمره للتنضيف وتعقيم مكان الخياطه وتخليها تطيح بسرعه ..
حبيبتي لي رجعه باخذ الوصفات من عجايزنا وارجع لك ..... :) ..

[شموسه]

ماشاء الله البناتتتتتت ماقصروووووووو اهم شي دفي نفسج


http://forum.hwaml.com/imgcache2/hwaml.com_1303979700_126.gif]صلوا على محمد وآل محمد...وبعد:عندي لكم بنات شي ينزل الدم كله بالدوره او النفاس وتخفف حيل الكرش وهي اعشاب عباره عن
نص كيلو مرمريه_نص كوب حبه سوده
نص كوب شيح_نص كوب بابونج
نص كوب قشر قهوه_نص كوب نونخه
نص كوب قيسوم_نص كوب يانسون
نص كوب كمون_كوب دارسين
تخلطين الاعشاب كلها مع بعض وتفورين ماي بس يفور الماي تحطيين الاعشاب فورتين وتطفينه وتنقعينه وتشخلينه وتشربين مره اومرتين
والوصفه الثانيه تطحنينها حيل ناعم وتحطيهم علا قهوه اوماي وتشربين منه مره اومرتين عشر حبات فلفل هوا وسبع
حبات قرنفل واربع حبات مره وثلاث ملاعق كمون مطحون وثلاث ملاعق عنزرووشوي علج مر ....وادعولي


كله في العطاااااااااااااااااار

[ياحبيبي يالله]

انا جربت السفوف اللي بنظام فيافي

[اغليك يا الجنوب]

الله يجزاكن الجنه بغير حساب وجمعني الله بكن في جنات النعيم

[منال الروح]

up......
up.....

[أوراق الزهر]

ومنكم نستفيد

[ام اسكندر]

يمنع رفع المواضيع القديمة