ترضعين قدام الناس أو لا؟؟ تعالي...

[((*بــريــق ألــمــاس**))]

السلام عليكم ورحمة الله وبركاته

اكيد فهمتو الموضوع من العنوان.......



في حريم طبعا يسولفون وفجأه تطلع صدرها قدام البنات والحريم

واللي ترضع قدام اخوانهاhwaml4؟؟؟

وش رايكم؟؟؟؟





في منكم مايشوف هذا صح والطرف الاخر يقول عادي مافيها شي......hwaml03




والسمووحه من اللي ترضع عيالها قدام الناس

هذا موضوع فقط للنقاش وتبادل الاراءhttp://forum.hwaml.com/images/smilies/redface.gif

وارجو ماتجرحون الحريم اللي فري عندهم

واللي تأيد تذكر السبب وإللي ماتأيد تذكر رأيها أيضاhwaml13


انتظر مشاركات المعارضين والعكس صحيح

[غلاي امي]

انا بصراحه ماأئيد تكشفين صدرك اثناء الرضاعه

قدام اي حد لأني أعتبر الصدر عوره مفروض محد يشوفه

[دافئة المشاعر]

هههههههههههههه
انا ضد وخصوصا قدام الذكور
احسها مو حلوه ممكن اذا موعد الرضاعه تعطيهم ظهرها اذا مطره
او تغطي صدرها وهي ترضع

وجهة نظر ^^
خالص تقديري

[ياسمين الشام]

اناضد بقوووووه وبكره الي بترضع
بالعلن وقدام الناس فيه نسوان كثير بترضع
قدام اخوتهم الشباب وحتى سلايفهم وهذا الشي غلط
وين الحيااااااااااااااااااااااااااااااء

[~قموووره~]

هذا اكتر شي شايله هموا اقول اذا ولدت بالسلامه انشاءالله كيف برضع البيبي احس اني انكسف يعني قدام اخواتي وماما ماشي وباقي الحريم اغطي صدري احسن وقدام الذكور مرررررررررره لا مايجي

[om roro]

انا مع اختي قموره وبصراحه انا ارضع قدام خواتي وامي لكن احد ثاني مايصير اصلا انتي راح تحسيها صعبة..هذا رائيي الشخي طبعاً..

[ورده1404]

ماتخيل نفسي اصلا ارضع ههههههههههههههههههه احسها صعبه بس اذا اضطريت ممكن قدام امي بس واما اذا موجودين ناس في اختراع اسمه رضاااااااااااعه تشفط وتسكت مستحيل اخرج صدري قدام الناس

[mooon]

عيب واذا اضطريت اغطي نفسي ،،
ماتسوى علي انا وطفلي تجي عين صاروخ ارض جو ،

[ام مهداوي]

اكيد صعبه قدام الناس ارضع او خواني انا عن نفسي بس لمن اكون م خواتي عادي

[حبيبة جوجو]

لا والله اكيد عند امي وخواتي عادي بس عند ام زوجي وخواته لا واذا اظطريت اغطي صدري مع البيبي

الناس صارت معاااد تعطي خيرر اعرف وحده جاتها عين بهالسبب وماتت الله يرحمهااااااااا

[طفله بنظر زوجي]

والله اخت زوجي عااادي ترضع قدام زوجي وانا كل ماابغي اكلمها اقول وش دخلنى مره تقهر حتى قدام عمى عاادي تطلع هالصدر وترضع مدري كيف ماتخجل

[طبيبة القلوب]

سبحان الله يختلف الفخم من امراة لاخرى .,,,
طبعا هي من ناحية حلال او حرام مهي حرام ابدا ...... لكن هي مسالة حيااااااااااااااء


يرجع الى حياء المرأة ......في نسوان عادي ما يستحون ,,وفي نسوان لا
يفرق معهم


لسة ما جربت


لكن ما اتوقع ببين صصدري قدام احد ,,,,

[Noufa]

و عليكم السلام ورحمة الله و بركاته
^^
اهلين اختي بريق الماس

موضوع جيد للنقاش..
انا عن نفسي حبيت اني اعتمد قدر الامكان على الرضاعة الطبيعيه و ما كنت اعتمد على الصناعي الا اذا كنت مريضه او لو تركت بنتي لفترة طويله
بس كنت اذا خرجت لعزيمه خارج البيت, وقت الرضاعه بادور على اي غرفة هادئه و ارضعها عشان تنام و عشان من جد المنظر قدام الناس مو حلو >_<
اما اذا كنت مثلاً مع اخواتي او اخوات زوجي ممكن ارضع قدامهم بس اغطي صدري و غالباً كمان افضل اني اكون بغرفة هادئه لوحدي
لأني كنت لما اغطي صدري قدام اخوات زوجي بيضحكوا و يتريقوا و يقولوا عادي كلنا حريم زي بعض ليش تغطي علينا.. ما اعرف يعني عشان احنا كلنا حريم لازم اتكشف و ما احاول استر نفسي و لا ايش الحكايه hwaml4

اما حكاية اني ارضع قدام اخواني ؟؟؟؟!!!
اصلاً هم بيستحوا و بيطلعوا و بيسكروا الباب وراهم لو انا ما استحيت على دمي ههههه hwaml82

و عموماً اختلاف الرأي لا يفسد للود قضيه زي ما بيقولوا ^^

و شكراً على الموضوع hwaml95

[Noufa]

ماتخيل نفسي اصلا ارضع ههههههههههههههههههه احسها صعبه بس اذا اضطريت ممكن قدام امي بس واما اذا موجودين ناس في اختراع اسمه رضاااااااااااعه تشفط وتسكت مستحيل اخرج صدري قدام الناس
هههههههه
ذكرتيني بحالي ايام كنت حامل ما كنت متقبله اني في يوم من الايام راح ارضع طفل...كنت احس الفكره مقززه -استغفر الله- ... بس سبحان الله لما ولدت اكتر شي قربني من بنتي هي الرضاعه الطبيعيه و لما فطمتها حسيت اني اتخليت عن قطعه من روحي ما قدرت اتحمل اني ما عاد اضمها لصدري و اشوفها و هي محتاجتني و بترضع و تستكن و تنام على صدري

و حالياً ماني عارفه كيف راح ارجع لمرحلة الرضاعة تاني p:
ان شاء الله تولدي بالسلامة و تفرحي بمولود يكون قرة عين لك و لأبوه

[JORI]

انا ارفض هالموضوع رفض شديد.. اولا لأن الصدر عورة!
و ثانيا بحسها مش من الذوق و اللباقة انّ الوحدة تطلع صدرها امام الناس و ترضّع, حتى لو بس بنات..يعني المنظر ابدا مش لائق..
انا اخجل من هالوضعية و ما اتقبّل اسوّيها او حتى شوفها..
بس اكيد بالنهاية الموضوع شخصي, و كل أم تسوّي اللي يناسبها..
مشكورة حياتي على طرحك..

[((*بــريــق ألــمــاس**))]

كللللللللللللللللكم مشكورات أسعدتني آرائكم جدددددددا

بأعطيكم رأيي أنا ماكنت أتخيل نفسي أرضع أصلا !!!!

بس بعدين أشوف أنو عادي الوحده ترضع وتحط غطا عليها يعني بصراحه أهم شي بنتي

والبرستيج شطبي عليه مع هالبزارين خخخخخخخخ

نـــــوفا كلامك أعجبني مررره فعلا الرضاعة احساس حلو بالمره الله لايحرم أي وحده منه

شاكره لكم يالغوالي وأنتظر الباقيات ...................



************

[اول غرام]

انا ارضع بس عند امي وخواتي وام زوجي وخواته...
اما غيرهم لا ... اغطي نفسي...
بس اخواني الشباب لا ..على انه شرعا عادي مباح .. بس انا استحي ...

[umm 3amr]

من تجربتي الشخصيه باولها كنت كتير خجلانه وما بدي حد يشوفني طلع هالشي مستحيل وخاصه البكريه لان الكل بجمع حوليها وخذي نصايح امسكي كويس انتبهي عالبيبي ما اتغطيه كلنا متل بعض ولو اطيري عالمريخ بكونو وراكي المهم وصرت رضعو وحط غطا وانا اصلا بالغربه ما حد عندي بس خلفت ببلدي شهر وفليت ارجعت عند زوجي
طولت عليكم

[@zomoroda@]

انا اعرف وحده كذا كانت ترضع قدامنا وقدام الناس يعني عادي عندها

وانا في طفلي الاول كنت ارضع وما كنت اعرف اغطي صدري كويس

وانا كان يوم ولادتي كان يوم وفاه جدتي الله يرحمها

المهم جاتني عين وانفتح صدري من نفسه فتحه زي العين سبحان الله

وكان يخرج منه صديد قال لي الشيخ هذي عين وربي رحمك منها

وخرج العين بقدرته بدون ان يمسني دكتور


يعطيك العافيه على الموضوع المهم

[روح البنفسج]

انا ارضع قدام امي واخواتي عادي واخواني اصغر مني واحد مو معانا لظروف دراسته والتاني كل ما فكر يدخل الغرفه وانا ارضع يسمع مني تهزيئه محترمه لانه اغر واحد فينا هههههههههه
وانا ما اقدر ارضع قدام اخوان زوجي نهائيا مرع ما ينفع حرااااااااااااااااااام اصلا
مررررررره ولا اي رجال تاني
و حتى الحريم ماينفع الا ذا اضطريت وما كنت عامله حساب رضاعه لبنتي لانها في النهايه اهم من كل شي

[ريآنهـ..!]

اذا كنت عند اخواتي وامي عادي

لكن غير كذا لا وكلا حريم او رجال

صغار او كباااار

اما اذا كان جنبنا اخوي الكبير او الصغير

بغطي صدري كويس وهم اصلا بيغضوا النظر

يعني عارفين انو الشي عيب


والله يحفظنا وكتاكيتنا آمين

[خـلـود]

لا والف لا اخاف من العين

[●|ڄ۫۫ۅريےّْْْ|●]

أنـآإ قدآآم أمي و أسستحي

و زوجي ولا عمري رضضعت قدامه هههههههههههههههههههههههههههه

بسس آضطريت مره ارضعها قدآآم وحدهـ ومع اني مغطيه بطرررحه

و ربي عآآفته بنتي قبل لا تكمل ارررربعين يوم

قهر مع ان صصدري مليآآآن حليب بس تركته

آلثـآإني آن ششآءالله برررضعه بس قدآم أمي و خوآتي

[ملكة روحه]

انا بخجل كتيييييييييييييير وما برضع حتي ئدام خواتي وامي
بس احيانا عادي ئدام ماما بس خواتي لاء بخجل
وئدام عمتي ام زوجي بخجل ما برضع الا بغرفتي او لما كون عند حدا بغرفة وسكر الباب عليه

[(ياسمين)]

انا مشكلتي استحي حتى ارضع جنب امي لازم احط حاجة على صدري واذا كان في احد موجود مرة وحدة اترك الغرفة وارضع في مكان ثاني

[المتفائلة دوماً]

طبعاً مايصير حد يرضع قدااام العلن مرررررررررة عيب وحرام اظهار العورة .. عن نفسي قدام ماما وبعد هي تنازعني تقول حتى قدامي لاتطلعي بس ف بداية أيامي كنت مررررة هبلة وماعرف كيف أرضع ف أمي وأختي الكبيرة يساعدوني ولحد ماتعودت صرت ماأبين قدااام أي حد ماأحب هالحركة مررررررررة مو نااايس

[((*بــريــق ألــمــاس**))]

شكرا لكم على ردودكم وتفاعلكم

بس ترى الدعوه مو مستاهله كل هالخوف لو بأقعد اداري مارضعت أبد عاد أنا طلعاتي كثييييره

أهم شي تغطي بطرحه كويس وخلااااص

[الفتاة الذهبية]

انا ارضع قدام خواتي وامي
بس قدام الشباب او الناس لا طبعا هالشي مستحيل

[((*بــريــق ألــمــاس**))]

الفتاة الذهبية شكرا لمرورك

[نبع الكوثر]

لا ماحب دي الحركة
لاقدام امي ولا خواتي
دون الناس هم العيب عيب
ماله داعي يشوفون اغطي نفسي مع البيبي

[ملكة الاحساس]

الافضل بعيد عن الناس لان العين حق الله يحفضنا من العين

[زهره الرمان]

ماارضع اصلا

وحده من قرايبنا اعوذ بالله عااادي حتى قدام اخوانها تطلع ويالله

مره كنا عندها على القهوه وهي تصب وشوي وقفت عشان البزر قام يصيح وعمره 1 سنه

فكت صدرها وحطته على فمه وقامت تكمل القهوه يعني ( تصب) لنا

انا صراحه قرفت منها

وغير كذا قدااااااااااااام زوجي

[قلب عايض]

انا لاأؤيد الرضاعه امام احد لان صار لي موقف لاانساه يوم جبت ولدي الكبير كنت بزرة عمري 15
وما عندي خلفية عن العيون الصاروخيه وولدي كان وزنه ماشاء الله اربعه كيلو حتى الممرضات يدورون فية بالمستشفى منهبلين على شكلة ويبوسون فيه المهم جات وحده من جاراتنا عند امي تقهويني العصريه وطلعت صدري ارضعه لانه كان متعلق بصدري مرة ومايبي الرضاعه وهي شافته على طول تكلمت قالت عفاف مايحتاج ترضعينه ولدك كبير
هي قالت كلمتها من هنا وولدي مسك نوبة بكاء شديدة وطلعت الحرمه وولدي مستمر مايبي صدري وهو جوعان حاولت ارضعه قلنا يمكن متضايق من بطنه او فيه شي وياحياتي طول الليل مارضع ولانام زين من البكاء وجدتي كانت عندي الله يرحمها قامت تطحن له سكر نبات وتحطه في بياله وشوي مويه المهم يوم جاء ابوي الصبح الثاني من دوامه جاب لي حليب من الصيدليه واعطيته ورضع بعد تعب لانه متعلق في صدري لكن الله يسامحني ويسامحها كلنا انهبلنا ليش مايبي الصدر سبحان الله اذا حطيت حليب من الرضاعه على صدري شوي رضع واذا بدا صدري يدر وخر فمه وبداء يبكي وما ذكرنا الاجدتي بكلمة الحرمة وعرفنا انها عين خلاص وصرت اخذ الحذر باولادي الباقين واحذر الجميع
اولا حرام مايجوز لانها عورة
ثانيا ابعد عن الشر وغنيله
ادري طولتها بالهذرة لكن بحياتي ما انسى هالموقفhwaml7hwaml7

[B!nt 3bodi]

ما اييد ابداً هالشي
احسها صعبه وغير كذا ماادري مو هاضمه الفكره
يعطيك العافيه ع الموضوع

[جنة الامومه]

انا عن نفسي هذا الشيء عادي الناس مو مهمه كثرغذاء جنيني
طبعا اذا جيت ارضع البس غطاء (شيء يتلبس حق الي يرضعوا حق مايبين عورتهم )
وانا من النوع الي مايحب اعطني صناعي للطفال احس انو مو حضاري

[((*بــريــق ألــمــاس**))]

شاكره لكم مروركم

قلب عايض لا خذي راحتك احنا نبي نناقش الموضوع وحسبي الله ع اللي مايذكر اسم الله

ناس حسودين والحمد لله اللي جات ع كذا يسلمو ع المرور

جنة الامومة الله يعيننا ويرزقنا برهم

[أم أصيـــل]

مسسسسسسستحيل أرضع قدام أحد زوجي أستحي أطلع صدري قدامه,,
وهذي عوره ليش أبينها للناس؟؟..

[rooraa]

وانا كمان ما اايد قدام الناس ولا قدام اي احد لو اضطريت ارضع اروح على جمب او اغطي نفسي والبيبي
لانو برضو بنتي الكبيره جاتها عين اعوز بالله من عيون الناس ووديتها للشيخ قالي اصححححححححححك ترضعيتها قدام الناس
يعني اولا الناس ما يرحمو
تانيا المنظر بايخ
وانا حتى الصناعي ما احب اخليهم يرضعو قدام احد وما اشتريلهم الا رضاعات غامقه او البت حق الرضاعه القماش
والله يحمي كل الاطفال يارب

[لؤلؤة الشاطي]

عيب واذا اضطريت اغطي نفسي ،،
ماتسوى علي انا وطفلي تجي عين صاروخ ارض جو ،
هههههههههه صادقة والله

[أإأم ع‘ـــزُوـوزُ]

ضد وبقوه أستحي قدآم أمي مابالك بالناس والذكور وييييييييييييييييييييييييييييييين مستحيل ...

[فجر المحبة]

موضوع جدا جميل,,,,,,
لحد الآن ماجربت بس أعتقد إني ماراح أرضع قدام أحد إلا أمي وخواتي بعد فيه شك لكن قدام إخواني مستحييييييل ماشاء الله خمس الله يحفظهم أكبر مني لابعد ويستحون مرررره....

[مالك القلب]

انا هالموضوع ينرفزني خصوصا اني اشوفه وايد فالعايلة
غلطت تخلي الرياييل يشوفونها وهي ترضع اتخيلهم يتمون مبققين عيونهم عليها
والله فشلة في منهم تقول عادي جدام هلها او خواتها لانهن بنات بس بعد احسه ما يصير هذي عورة ومحد لازم يشوفها

اعتذر اذا كنت متشددة برايي بس كل وحدة ولها وجهة نظر

يعطيكم العافية

[حـــــرف]

انا ضد هالشي وأكره اللي تسويه

اذا مظطره تغطي نفسها بشيلتها وخلاص

[prịncēṧṧ]

لا طبعا لزم اكون في اوضتي وقافله عليا الباب قدام زوجي وامي فقط
شكرا علي الموضوع

[ام ريتوو]

لازم ماترضعين قدام اي احد كان لانه العين حق وبعض الناس ماتعين خير وعني شخصيااا ماارضع عند احد ابداا

[السحابه الممطره]

انا ماراح ارضع قدام احد

[هاله7]

والله انا اشوفها صعبه كدام اي احد واذا كنت ابي ارضع اروح غرفه ثانيه ارضع

[المتفائله11]

غلط ترضع الوحده قدام احد الاالزوج والام والاخوات بس

اختي لك رساله على الخاص وياليت تردين علي

[حنان الروح1]

اكيد لا ان شاء الله قدام امي

[أم ولاء]

قدآم الأخواتـ والام اذا مضطرهـ ماعندهـآ شي تتغطى فيهـ عآدي مافيهـآ شي أمـآ غيرهم طبعـآ لآ لازم تغطي نفسهـآ او
تروح مكان فاضي وترضع على راحتهـآ ^^

[الغلا2020]

لا مستحيل انا فبنتي ماكنت ارضع قدام احد والان بولدي كمان نفس الشئ
احس صعبه يعني طول عمري مخبيه صدري اروح اطلعه

[مي نور البدور]

والله اذا الوضع ضروري ترضعين غطي صدرك بشيله بس انا افضل ترضعين في مكان ثاني

[ام حنيين]

انا بصراحه احاتي هالموضوع احس اني استحي ارضع قدام امي بس الناس اكيد لا

[((*بــريــق ألــمــاس**))]

شاكره لكم تفاعلكم وننتظر المزيد

[أم ح ــنونـہ]

الصراحه انا ما احب ترضع الوحده قدام احد حتى لو حريم
واذا اضطرت تغطي صدرها افضل
اما قدام اخوانها لا وألف لا
وين الحيا اعوذ بالله

[نبض قلب]

انا ممكن بس بغطي ما بخلي شي مبين

[سكينه]

انا رايي مع الاخوات الفاضلاتئ

[حجابي عفافي]

والله الموضوع حيييييل حلو بس انا من وجهة نظري عيب قدام الناس بس قدام امي وخواتي عادي

[((*بــريــق ألــمــاس**))]

شاااااااكره لكم تفاعلكم

[أيوش الحلوة]

حبيبتي أنا برأيي في اختراااع رااااااااائع اسمه غطاء الرضاعة و أنا ما جربت بس ما أظن أعيش بدون الغطاااء
ادعيلي حبيبتي الله يتمملي عخير ومو مشكلة برضع كيف ماكان المهم يجي اللي ببطني سليم معافى كامل الخلق و الخلقة
آآآآآآآآآآآآآآآآآآآآآمين يارب

[أحلى من العقد]

اما عن نفسي أرضع عادي قدام اهلي وحماتي وسلفاتي وعمتي أم زوجي
إلا أبوي أخجل منه حيل

[مرهفة]

قدام امي وخواتي مفيش اي مشكلة هع

بس قدام الناس الغرب لااااااا والف لاااااااااااااااااااااااااااا

اصلا استحي..واذا كلش اضطريت الله يخلي الغطاوي والشيلات والبطانيات والعبايات كلهم يغطون علي ويستروني هع

[عشق الطفوله]

انا عن نفسي ماحب الي تطلع صدرها قدام الاوادم وترضع وتسولف المره عاادي عندها
معن في غرف

[Natsomi_chan]

أنا أغطي نفسي لمن أرضع ابني
شفت منظر كذا قدامي الأم تطلع صدرها و بناتها يغطوها....وموجود أولاد ذكور بالمكان أعمارهم 11 تقريباً
أحس عيييب والله عيب
يشوف صدور نسوان قبل يتزوج

ونفسها الحرمه ترضع ابنها وهو قايم جالس وصدرها معروض قدام الكل
اسم متغطيه، وإلا كل شيء مبين

وهي نفسها كانت ترضع وأخوانها الذكور موجودين، أخوانها كبار كل واحد أبو شنب
متغطية بس ابنها يشيل الشيلة ويطالع الناس

مدري كيييف؟!!!
تضايقت كثير من هالمنظر الغير حضاري
حتى أحد أخوانها الكبار يقول: عالم الحيوان احنا جالسين

[مأحلى الطفوله]

أنا قبل مأولد كنت شايله هم هالموضوع أحسه فشله شلون أرضع وأحد قاعد جنبي في البدايه كنت أدخل الغرفه وأقفل الباب بس ألحين أتغطى حتى قدام أمي وخواتي أما الذكور فهذا مايبغاله كلام حرااااااااااااام

[منارة]

بسم الله الرحمن الرحيم
شكرأ أختي على الموضوع ..
أهم شيء يجب معرفته أن ثدي المرأة عورة وهذا ثابت بالدليل الشرعيّ ، فلا يجوز أن ترضع المرأة لا أمام إخوتها ولا حتى النساء

[عاشقها زوجها]

اهلن
موضوع حلو للنقااش

انا ن نفسي
ما ارضع قدام احد ابد ابد ابد
فقط امي وخواتي بس وغيرهم لا
حتى وزوجي ما ارضع قدامه ما احب يشوف منظري وانا ارضع طفل
هو راسمني فباله زوجته وحبيبته وعشيقته ما حب يشوفني بمنضر ارضع طفلي
مع انه عادي وحلال بس انا ما اححححب

واستحقر اللي جالسه وتسوولف وتتقهوى فجأه طلعت لنا صدرهااا قدام الاكل والناس
عيب عيب عيب
الوحده ترضع قدام امها عادي او خواتها الكبار المتزوجات مو قدام البنات الصغار المراااهقاات


هذا رايي الشخصي

[الشمس الشموسة]

ههههههههههه ابدا ما ائيد اني ارضع قدام احد الا امي وحتى وقت ولادتي لما اكون بالمستشفى لانها معايا غير كذا ابدا لالالالالا

[تراتيل حزن]

انا صراحه ماعمري رضعت قدام احد

لاامي ولاخواتي ولااحد غير زوجي فقط

امبيه استحي واحس عيب

انا زوجي استحيت ارضع مولودي البكر قدامه

وهذا بعد زوجي وشايف جسمي وشبعان بس وقت الرضاعه استحيت منه

فمابالك قدام الناس وع صراحه

بعدها صرت عادي ارضع جنب زوجي

وحتى عيالي صغار مارضع قدامهم ماشتهي صراحه لازم اغطي نفسي

او اروح غرفه ثانية وارضع

مرة كنت بمستشفى بختن ولدي ووحده توها بكر طلعت صدرها قدام الحريم وترضع

انا صراحه لفيت وجهي استحيت ومو حلوة ارضع قدام احد ع الاقل ادخله

داخل عبايتي او احط شيله او اي شي

ويعطيك العافية ع الطرح

[jorri sham]

انا ادام اهلي امي خالاتي عماتي اخواتي عادي مافيها شي
بس الناس الغرب بفضل كون لحالي لانو في نسوان وانتو بتعرفو ممكن تصيب بالعين وغير هيك بتسحي طلع صدري ادامهن ...
و زوجي نبهي اني ما رضع ابني ادام اي حدا طبعا باستثناء امي واخواتي
ومابعرف بكرا شو بيصير معي بس اولد ورضع ......
<<<<<<< وليييييييييي تعبت منن اللعي والككتابة ههههههههه

[M0o0o0oNI]

لالالالالا أنا ضد فكرة أرضع قدام الناس .. و عودت ابني على الحليب الصناعي مشان ما اضطر ارضعه مني بس اكون بره البيت .. هيك احسن لانو بصراحه مو حلو المنظر تكوني قدام الناس وطلعي صدرك وتقعدي ترضعي حتى لو كانو كلهم نسوان منظر مو حلو ابدا

[مجنونة بحبها]

انا قدام امي وخواتي عادي بس قدام باقي الحريم

لالالالالالالالالالا فشله هع هع

والشباب حراااااااااااااااام حتى لو اخواني حررررررررررررررام وعيب

[نادرة الوجود]

سبحلن الله الوحده حسب الحيا الي عنده
المراه ضروري يتغطي صدرها

[ام محمد3]

والله صعبه ارضع قدام احد بس احيانا قدام سلفتي واحاول بكل الطرق مااخليها تشوف شئ كل شوي اغطي نفسي وابني عمره الان ماشاء الله 12 سنه مااحب ارضع قدامه

[na3ooma]

انا ولا احد , لا زوجي ولا امي ولا خواتي
اكون لحالي مع البيبي احب الخصوصية
وكمان انا ارضع البيبي طبيعي يمكن مرتين يوميا او 3 والباقي صناعي
والطبيعي اخر الليل واول رضعه الصباح ,

لا تستغربوا انه قدام زوجي لا, مو حيا طبعا هههههههههه
بس ارتاح لما اكون لحالي

انا عمري ماشفت ماما ترضع قدامي مع اني اكبر وحده ...كانت تجلس بغرفة اضاءتها بسيطة ريلاكس لحالها ترضغ وتغني لاخواني الصغار بهدووووووء واذا خلصت جت ..صرت زيها وحبيت هدوءها ورواقتها وخصوصيتها

[ام يوسف الصعنون]

انا قبل ماينشف صدري من الحليب كنت ارضعه بس عند خواتي واخوي الي بالمتوسطهhwaml7 لانه
24 ساعه هو وعيال خواتيhwaml12
جالسين عندي على سريري يصورون ويلعبون بدادا

[BLITZ]

انا ما صار عندي عيال بعد , بس ان شاء الله اذا صار مستحيل ارضع قدام حد , يمكن قدام زوجي بس أما البقية حتى الحريم ما اقدر احسها صعبة ومخجلة شوي

[أم أحمد ومحمد]

انا نفس الشي كثييييير بستحي ارضع قدام الناس

حتى الحريم ويمكن يكون عـادي

لكن والله لو عندكم مثل ام زوجي ما تستحي الله يهديهـا وإحنا جالسين نتقهوى ويصيح الولد تقوول عادي رضعيه من صدرك كلنـا حريم ودائماً تقولي عادي ترضع الولدين مع بعض يعني من الصدرين وانا احس هالشي مستحييل اسويه قدام الناس
يعني احس اسلوبها الله المستعان
لازم تحرجني وانا من النوع اللي يستحي كثيير

بنـات كيف اتعامل معها

[ام محمد3]

حتى لو تقولك كذا لاتهتمين وقوليلها اني استحي وقوليلها ان زوجك هو مايردك ترضعي قدام احد

[ساااارة]

ههههههه

حتى لو كانت مغطية صدرها وهيا بترضع
يعني والله الوحدة تستحي هههههه

بعدين لما الوحدة تكون بترضع الافضل انها تكون مع طفلها لوحدهم
تتحدت معها ومركزة معو

[احساس أنثى]

أنا ضد الرضاعة سواء قدام الشباب أو الرجال أو النساء

اولا الصدر من الأماكن المغرية ولازم يكون عنا حياء وخجل

أنا بفضل تغطي صدرها قدام اي حد

[السماح]

أنا ضد الرضاعة أمام أى أحد سواء سيدات أو رجال
لأنها غير مرغوب فيها ولا تدع أى أحد يراها
ومن ناحية تانية غاليتى ممكن الطفل يُحسد عندما يرضع كثير أمام أى أحد ...
فمن الأفضل أن تغطى نفسها عند الرضاعة ...

[آم طحنون]

انا صراحه ماارضع قدام الناس احس ان الكل يناضرني واحس انهم يقولون ذي نفسهم وش تحسبه هذي اما قدام امي واخواتي ممكن بس قدام الناس لا

[آم طحنون]

انا صراحه ماارضع قدام الناس احس ان الكل يناضرني واحس انهم يقولون غي نفسهم وش تحسبه هذي اما قدام امي واخواتي ممكن بس قدام الناس لا

[حمرة الورررد]

ماله داعي احد يشوف صدري حتى اهلي انا عندي مريله الرضاعه جاتني هديه مرا حلوة
وافكر المرة دي اخيط زيها لاني مالقيت بالسوق
شوفو شكلها تراها مفيده من جد

http://www.anaqamaghribia.com/up//uploads/images/anaqamaghribia023e21a555.jpg

http://forum.hwaml.com/imgcache2/hwaml.com_1306941128_864.jpg

[اجاتا]

اصلا المفروض مو بس غطا

المفروض ترضع بغرفة ثانية


انا مني وعلي اغار على نفسي حتى من خواتي مو اخوتي


يعني ارضع قدام خواتي بغطا اكيد ........... اما قدام اخواني مستحيل لو حتى بغطى رح اروح لغرفة تانية.

[مهرة uae]

جدام اخواتي وامي فقط