طبيعي اللي يصير ولا بس انا ؟؟

[حكاية حلم]

السلام عليكم ورحمة الله وبركاته
شخباركم يااحلى صبايا.
حبايبي انا الحين اتصفح بهالقسم وشفت مواضيع حلوه ماشاءالله عن كيف لازم تكوني مع زوجك بس يابنات انا مشكلتي اني مع الحمل صايره كسووله مره واهملت نفسي وبيتي وبس ابي اكون منسدحه حتى البيت ماعدت رتبته وزوجي اهملته ماعدت اتصلح مثل قبل حتى زوجي دايم يقول شنو رايك تتكحلين hwaml7
المهم حتى المعاشره صرت مااطيق نفسي وكل ماقال يبي شي قلت لا ماابي مالي خلق
وحتى لون بشرتي بدأ يتغير مع الحمل وتخنت واحس اني متضايقه حدي من جسمي واللي يضايقني اكثر وحده كل ماتشوفني تقولي صرتي ضخمه hwaml9لاني طويله طولي 165 وصار وزني 70 وانا فاضل كم يوم واصير ان شاءالله بالرابع
مدري هالتغيرات طبيعيه مع الحمل ..

[احلى كرميلا]

تقربيا في اشياء انا زيك يعني مو اهملت مرا لا يوم كدا ويوم كدا بس اخف من قبل فترة الحمل وحتى الجماع سرت اتعب وماليا نفس فيه بس اني اجامل كتييير عشان زوجي مايحس وحاولي تسوي زيي يعني اذا مافيكي تتزبطي حطي شي جديد كل يوم مثلا شعرك حطي وردة بلون لبسك كبيرة البسي ملابس وركبي عليها شال حزام واسع بس عشان الشكلل سوي تغير بسيط في البيت عشان زوجك يحس بحيويه سوي لمسات خفيفه في نفسك

[سموةالجرح]

والله أنا مثلك مالي خلللللق لااي شي طفشانه زهقانه مااكشخ ماالبس مااتمكيج

بس دايم اقول لهباشي المزيون لو يلبس خيشه يجنن

[حكاية حلم]

الله يسعدكم وان شاءالله بااحاول شوي هالفتره بس بإذن الله بعد الولاده اعوض كل شي
الله يتمم حملنا على خير ويرزقنا الذريه السليمه الصالحه

[دافئة المشاعر]

من ناحيه طبيعي فهو طبيعي
البعض يصير عنده كذا

بس انتي لاتستسلمين لحالتك
ولاتقولين بعدين حاولي قدر ماتقدرين
ومشي المجامله لزوجك ولو ع حساب نفسك
بنهاية كله لصالحك حبيبتي
لان في بعض الرجال يحس بتغيير ويلاحظ ويمل
والبعض يقدرك ويمشي
كله حسب نوعيه الرجل وانتي تعرفين بنهاية نوعيه زوجك

ربي يسهل لك ياعيوني

[طبيبة القلوب]

حبيبتي امر طبيعي ,,ولسة ما تدخلي اكتر بالشهور .... راح تقرفي من جسمك اكتر
الله يستر من الان شايلة الهم راح اضعف ولا لا .
لكن هي هرمونات تتحكم بجسمنا
ماعليكي منها ..عيشي حياتك ..
واسمعي حاولي غيري نفسيتك اشتري كم قطعة حمل جديدة والبسيهم .جدااااااااااااااااااااااااااا
راح تبسط ..

[العطر الفرنسي]

أكيـــــــــــــــــــد طبيعي حبيبتي بس لازم تهتمي بزوووجك اهم شي ولازم تلبيلو حااجاتو حرااام الحمل فتره طوووويله .. ولازم ماتقصري معو باي طلب ..
حطي براسك بيتك يكوون نظيف ويكون وبالمقاابل حافظي عزووجك حبيبتي .. الله يحميكي ...

[نغم]

حبيبتي أكيد طبيعي انا نفسك انقرفت من نفسي وخلاقي زفت بس بالعكس مع تقدم الحمل صرت أحسن بكثير وتعلمت احب جسمي صحيح الجماع يتعبني بس مو مثل بدايه الحمل كل شي قرف والريحه وووووووويييييييع بس أنت لاتستسلمين وتعلمي تحبين جسمك وتتأقلمي مع الحمل والله يساعدك ويسهل ولادتك يارب

[أم ملوكة]

خليها على الله بس والله يسهل علينا

[حكاية حلم]

تسلمولي حيايب قلبي فديتكم ماتقصرون يالله اجل خليني اروح اسوي تغيرات والله يعين

[فدوى عيونه]

انا نفسج بس الحمد لله مقاومه خخخخخخ ما لاحظ تغيري بس شي واحد

يقول لي كل يوم تدخنين تكثر من مره والحين تركتي الدخون ههههه << بس فشكلي اهتم ومابي اتركله المجال عشان يلاحظ

[ميني]

انا نفس حالتك تماما مافي شئ مختلف حتى باقي كم اسبوع وادخل الرابع وبيتي حالته حاله وزوجي كل شئ يبيه اقوله لا ودايما ابي انام عالسرير حتى يقولي تعالي جلسي معي عند التلفزيون اقوله مابي مالي خلق تعبانه

خلاص انا فكرت ان كل يوم اسوي شئ اشتغل بالبيت

ادعي لي بثبوت حملي وحملك والجميع

[دمعة أيام]

اول حملي كنت متلك بس مش عالاخرر
كنت اهمل بحالي مراات بس بيتي لاااا مستحيل
لانو عقدتي النظافه بالبيت والبلاط يلمع ههه

اما جسمي مع انو طولي متلك ووزني تقريبا متلك
او انصح بكم كيلو كماان بس ما بعرف ليش بنصح هييك بشكل مش طبيعي مع انو اغلب اكلي خضار طبيخ حوامض والحلوو والحلوياات نادراااا ما اكلها ولو اكلت ايشي بسيط؟؟ ماعرفتي حل لسمنه الوايده بالحمل:(

[ام شوق05]

حبيبتي وانا زيك بالضبط وخفت زوجي يمل مني او يحس بتقصيري قمت امس ونظفت البيت كله وبخرته والله لما جا من برا انبسط كثيييييييييييييييييييييييييييييير والى اليوم وهو يشكرني ويثني علي وانا مبسوووووووطه ونسيت تعب الحمل وكسله

[حكاية حلم]

الله يسعدكم حبوووووبات والله اليوم نظفت البيت واستشورت وسويت مكياج ولبست بالغصب بس شنو اسوي انا نفسي جاني ملل من شكلي فمابالكم بزوجي المسكين
<<وسويت كيك وقهوووه وحركات يالله الحين راح ابقى منسدحه اسبووع على مااتنشط مره ثانيه