الفاتنة
02-10-2011, 04:14 PM
بسم الله الرحمن الرحيم
كيفكم ياحوامل والله قلبي معاكم الله يعينكم ويساعدكم يارب ويفرحكم بشوفتكم مواليدكم
بحكيلكم قصة ولادتي طبعا انا بكرية وكنت خايفة من الولادة لدرجة ماتتخيلوها
واتخيل نفسي بموت لما اولد المهم من التامن كرهت نفسي والحمل من كتر التقل
والله تعب ولاني مرة انعدمت حبوب وحكة وعلى فكرة اللي تعاني من ححكة الحمل عندي حبوب لها تقولي بس المهم نرجع لموضوعنا لما دخلت الاسبوع التاني من التاسع سويت كل شي قالو عليه من زيوت للاعشاب ومشي لكل شي جربتو كلو كوم والزيت كوم والله شي يجيب القرف والغتيان وبس وربي مااراد كان موعد ولادتي
9/3 وانا كنت ابغى اولد قبل لين فقدت الامل وقلت بستنى موعدي الا يوم الاحد الموافق 3/3 صحيت مع زوجي الساعة 8 للعمل وجلست على اللاب ساعة بعدها دخلت المطبخ اكلت عسل ابيض صاحب زوجي جابو قبل فترة المهم قلت ليش مااجرب اكلو لعى وعسى واخدت ملعقة خمسة دقيقة الااحس باالم غريب وصار يجي كل ساعة مغص وبعدها كل نص ساعة بعدها كل ربع بعدها كل عشر دقايق وانا كنت امشي في البيت لين الساعة 4العصر صار كل 8دقايق دقيت على زوجي وعلى فكرة اداك اليوم اول مرة يجيني طلق بس من اول التاسع الرحم مفتوح واحد سم ومرة جاني الم في ظهري بداية التاسع ورحت المستشفى قالو مفتوح 1 بس ولما رحت دي المرة قلت انا مرة تعبانة لاتقولي واحد بس المهم كشفت قالتلي لا لا1 ولا2 ولا3 3 ونص انا فرحت قالت نطلعك فوق ولادة وكنت ابكي خايفة ومبسوطة في نفس الوقت طلعوني في غرفة التخطيط الساعة 5 العصر وجو اهلي كلهم واهل زوجي وكانت مباراة الاتحاد وطبعا الكل اتحادي ونفس غرفة التخطيط في تلفزيون وتخيلو انا اطلق واتفرج وكل شوي تجي الدكتورة تكشف لين الساعة 11 الليل وصل الرحم 7 وخلاص كنت بموت من كتر الالم وصرت اقول لزوجي طلقني واقول لاخواتي اسكتو واسب ومرات اجلس استغفر وادعي ومرات ابكي واصرخ وابغى اجلس واوقف وقالت الدكتورة لازم 10 سم وانا كنت بس 7 الا بعد ماكشفت وخرجت اقول عندي براز الله يكرمكم الا اخواتي نادو الدكتورة جات وقالت الراس خلاص حسيتو يلا غرفة الولادة وجابو السرير وقالولي لاتجلسي اسحبي نفسك عشان البيبي مايطيح وانا اقول للدكتورة انتي ليش ماتبيها تخرج خليني اوقف عشان تخرج انتي تكرهيني هههههه كانها تعرفني
ورحت غرفة الولادة ورفعت رجلي وصارت تقولي كل مايجي للالم دفي وانا كنت شبة نايمة مخدرة وشفت شي في يدها قلتلها ايش دا مقص لالالالالا قالت لا دي ابرة عشان ماتحسي بشي قلتلها خايفة الا شوي جا الالم قالت دفي واستغلت الفرصة وحطت الابرة في نفس المنطقة خدرتها معد حسيت بشي وامكن 6 دفات وخرج البيبي ومعد شفت الا طشاش بس دفعي كان مو قوي والا كانت خرجت قبل وانا خلاص مع ديك الكمامة مخدرة وحسيت با اول نغزة من الخياطة وبعدها نمت ولدت على 12 تقريبا وخرجوني غرفة التخطيط تاني وخلوني ساعتين وبعدين وودني غرفتي وقت الولادة كان زوجي واخوتي يشوفوني من الباب الحمد لله يارب خارجني بالسلامة وشفت حبيبة قلبي لمى
بصراحة انا كنت خايفة من الولادة والطلق ماشلت همو طلع العكس صحيح ياريت الولادة مافيها طلق خخخخ
من جد الولادة كانها حلم سبحان الله تساهيل يارب لك الحمد
بس الخياطة توجع مرة اليوم لي 4 ايام
بصراحة المستشفى ممتاز والدكتورة المناوبة كانت رشا تجنن الله يخليها ويسعدها مرة طيبة هي والا كانو معاها في غرفة الولادة وحدة فلبينة ووحدة هندية كانت ماسكة الكمامة وتقولي يلا حبيبي دفي يلا يلا شوفي الراس يلا ومرة كانو طيبين كلهم التلاتة
دي الفيلم كلو في مستشفى المستقبل وانا كان دكتوري اسامة مكي بس خلص دوامو وكانت رشا المناوبة مرة طيبة وجا هو شيك علي وقت الطلق كم مرة وتاني يوم جا كمان
شكلي مدري احس اني طولت خخخخ
يلا ياحلوين باركولي باحلى لمو واللي مافهمت شي تسامحني
كيفكم ياحوامل والله قلبي معاكم الله يعينكم ويساعدكم يارب ويفرحكم بشوفتكم مواليدكم
بحكيلكم قصة ولادتي طبعا انا بكرية وكنت خايفة من الولادة لدرجة ماتتخيلوها
واتخيل نفسي بموت لما اولد المهم من التامن كرهت نفسي والحمل من كتر التقل
والله تعب ولاني مرة انعدمت حبوب وحكة وعلى فكرة اللي تعاني من ححكة الحمل عندي حبوب لها تقولي بس المهم نرجع لموضوعنا لما دخلت الاسبوع التاني من التاسع سويت كل شي قالو عليه من زيوت للاعشاب ومشي لكل شي جربتو كلو كوم والزيت كوم والله شي يجيب القرف والغتيان وبس وربي مااراد كان موعد ولادتي
9/3 وانا كنت ابغى اولد قبل لين فقدت الامل وقلت بستنى موعدي الا يوم الاحد الموافق 3/3 صحيت مع زوجي الساعة 8 للعمل وجلست على اللاب ساعة بعدها دخلت المطبخ اكلت عسل ابيض صاحب زوجي جابو قبل فترة المهم قلت ليش مااجرب اكلو لعى وعسى واخدت ملعقة خمسة دقيقة الااحس باالم غريب وصار يجي كل ساعة مغص وبعدها كل نص ساعة بعدها كل ربع بعدها كل عشر دقايق وانا كنت امشي في البيت لين الساعة 4العصر صار كل 8دقايق دقيت على زوجي وعلى فكرة اداك اليوم اول مرة يجيني طلق بس من اول التاسع الرحم مفتوح واحد سم ومرة جاني الم في ظهري بداية التاسع ورحت المستشفى قالو مفتوح 1 بس ولما رحت دي المرة قلت انا مرة تعبانة لاتقولي واحد بس المهم كشفت قالتلي لا لا1 ولا2 ولا3 3 ونص انا فرحت قالت نطلعك فوق ولادة وكنت ابكي خايفة ومبسوطة في نفس الوقت طلعوني في غرفة التخطيط الساعة 5 العصر وجو اهلي كلهم واهل زوجي وكانت مباراة الاتحاد وطبعا الكل اتحادي ونفس غرفة التخطيط في تلفزيون وتخيلو انا اطلق واتفرج وكل شوي تجي الدكتورة تكشف لين الساعة 11 الليل وصل الرحم 7 وخلاص كنت بموت من كتر الالم وصرت اقول لزوجي طلقني واقول لاخواتي اسكتو واسب ومرات اجلس استغفر وادعي ومرات ابكي واصرخ وابغى اجلس واوقف وقالت الدكتورة لازم 10 سم وانا كنت بس 7 الا بعد ماكشفت وخرجت اقول عندي براز الله يكرمكم الا اخواتي نادو الدكتورة جات وقالت الراس خلاص حسيتو يلا غرفة الولادة وجابو السرير وقالولي لاتجلسي اسحبي نفسك عشان البيبي مايطيح وانا اقول للدكتورة انتي ليش ماتبيها تخرج خليني اوقف عشان تخرج انتي تكرهيني هههههه كانها تعرفني
ورحت غرفة الولادة ورفعت رجلي وصارت تقولي كل مايجي للالم دفي وانا كنت شبة نايمة مخدرة وشفت شي في يدها قلتلها ايش دا مقص لالالالالا قالت لا دي ابرة عشان ماتحسي بشي قلتلها خايفة الا شوي جا الالم قالت دفي واستغلت الفرصة وحطت الابرة في نفس المنطقة خدرتها معد حسيت بشي وامكن 6 دفات وخرج البيبي ومعد شفت الا طشاش بس دفعي كان مو قوي والا كانت خرجت قبل وانا خلاص مع ديك الكمامة مخدرة وحسيت با اول نغزة من الخياطة وبعدها نمت ولدت على 12 تقريبا وخرجوني غرفة التخطيط تاني وخلوني ساعتين وبعدين وودني غرفتي وقت الولادة كان زوجي واخوتي يشوفوني من الباب الحمد لله يارب خارجني بالسلامة وشفت حبيبة قلبي لمى
بصراحة انا كنت خايفة من الولادة والطلق ماشلت همو طلع العكس صحيح ياريت الولادة مافيها طلق خخخخ
من جد الولادة كانها حلم سبحان الله تساهيل يارب لك الحمد
بس الخياطة توجع مرة اليوم لي 4 ايام
بصراحة المستشفى ممتاز والدكتورة المناوبة كانت رشا تجنن الله يخليها ويسعدها مرة طيبة هي والا كانو معاها في غرفة الولادة وحدة فلبينة ووحدة هندية كانت ماسكة الكمامة وتقولي يلا حبيبي دفي يلا يلا شوفي الراس يلا ومرة كانو طيبين كلهم التلاتة
دي الفيلم كلو في مستشفى المستقبل وانا كان دكتوري اسامة مكي بس خلص دوامو وكانت رشا المناوبة مرة طيبة وجا هو شيك علي وقت الطلق كم مرة وتاني يوم جا كمان
شكلي مدري احس اني طولت خخخخ
يلا ياحلوين باركولي باحلى لمو واللي مافهمت شي تسامحني