ألله يسعدها يارب اللي بترد ع موضوعي

[نغمة حزن]

صبااااااح\مســـــــاء النور لكل الصبايا والكروشات
بدي منكن خدمة وياريت اتساعدوني

المهم مين بتعرف اتفسر الاحلام

في حلم كتير شاغل بالي

الحلم:


أختي المتزوجة حلمت انو اختي اللي اصغر مني اتزوجت وانا كنت بعرسها مو مجوزه واختي المتزوجه كانت تحكي يالله اختي اللي اصغر مني اتجوزت قبلي
وفي الحلم اختي المتزوجة بتحكي انو زوجها كان معارض تحضر زواج اختها اللي ح تتزوج"الصغرى" بس باخر الحلم راحت وصارت مراسم الزفاف وكل شي




ياريت اللي عندها خلفية بالاحلام او تعرف اتفسر لانو الاحلام ممكن يكون منها رسالة او العكس اتكون من الشيطان مع العلم انو اختي اللي حلمت الحلم نامت ع الفجر وهيي متوضية يعني ع طهارة بعد ماصلت الفجر

لا تحرموني من ردوكن
شكراااااااا اكتير وعذرا ع الاطاله

[سموةالجرح]

ماادري بس انشأ الله خير

[نغمة حزن]

انشالله يارب ألله يسعدك وشاكره الك مرورك

[رودينة الراوي]

بصراحة ماعندي فكرة بس ان شاء الله خير

[نغمة حزن]

انشالله ألله يسعدك يارب
بس كتير بالي مشغول بهالحلم مابعرف ليه
ونفسي جد اعرف شو تفسيرو
انشالله خير يارب

[رودينة الراوي]

حبيبتي اذا بدك دوري على مواقع شيوخ من اهل السنة الأفاضل يفسرولك حلمك حتى لو اتاخرو عليكي بالرد واذا بدك أنا بدور معك كمان
الله يطمن قلبك

[ياسميين]

ان شاء الله خير ياقلبي
ويارب تلاقي حد يقدر يفسرو لك ويطمنك

[شجون الروح]

ان شالله خير لاتفكرين كثيربالحلم

[نغمة حزن]

حبيباتي والله حفيت وانا دور بالقوقل مو طالع معي شي
وانا موسوسه من الاحلام
خاصه احلام اختي لانو اغلبها بتتحقق
وانا نفسيتي هلا تعبانه انا عادي اختي حبيبتي الزغيره تتجوز قبلي بس بالحلم حاسه انو في شي تفسير معين
ألله يبعت اللي فيه الخير يارب
والله يسعدكن يارب

[رودينة الراوي]

حبيبتي بعثت حلمك لموقع الشيخ صفوت حجازي المعروف في تفسير الاحلام بس مااعرف متى يرجع تفسيره
بس يبعثلي التفسير علة ايميلي رح ابعثلك رسالة عالخاص فيها التفسير
ورح احاول ابعثة لمواقع اخرى

[نغمة حزن]

رودنية حبيبتي والله من ئلبي بدعيلك الله يسعدك يارب وانشالله خير
لانو والله نفسيتي تعبانه مو بس من هالحلم لاني مصدومه كتير من اللي عم بصير معي
والله محروووووئ ئلبي مابحكي الا حسبي يالله ونعما الوكيل
مارح انسى معروفك حبيبتي ورح ادعيلك من ئلبي

[نغمة حزن]

أستغفر الله واتوب اليه من كل ذنب عظيم

[رودينة الراوي]

حبيبتي نغمة حزن
بصراحة أنا بعثت حلمك لاكثر من موقع خاص بتفسير الأحلام ولحد امبارح بالليل أنا عم ابعثلك الحلم بس لحد الان ما وصلني اي رد عالايميل تبعي وصدقيني بس يوصلني التفسير رح ابعثه لك
اعذريني اختي بس هالشي خارج ارادتي
لكن اوعدك أني رح ابعثة كمان لمواقع ثانية

[نغمة حزن]

مشكورة حبيبتي رودينة غلبتك معي وألله يسعدك يارب