معاناتي بالطلق وفقدي لجنيني..

[ام سراج]

بسم الله الرحمن الرحيم

السلام عليكم ورحمة الله وبركاته

اللهم صلي على محمد وآل محمد

كــان الحلم.. مزروع فيني.. وسقيته من جملة احشاي..

رسمت الأمل بيده.. وزرعت دروووب بجيته.. وغرسته حييل بقليبي..

عشت أيــام اتحرى ملقاه.. ومشيت بشهور اتخــيل محياه..

وكنت انــاغي صورته.. وارتّل ترانيم الوله للقياه..

حضّرت يمــه لجيتك.. ورسمت آمــــال بيدك..

بــس القدر طعن فرحة عمــر انتظرها وياك..

رحـــــلت.. وبالقلب حسره تركت..

رحـــلت.. ولحضني ضمه ماتركت..

رحــــلت.. وبعدك عيني شلال دمع تجري..


حبيت ادخـــل بهالصورة وبهالكلمات اللي بداخلي عن "جنيني" اللي فقدته.. في الشهر السابع بالاسبوع 24

واحكي لكــم كيف فقـــدته.. وتدعون ربي عسى يعوضني بغيره ويصبّر قلبي

لــــأن قلبي حيييييييييييييل مهمووووووووم..


قصتي هي.. اخذت اسبوعين بس من دخلت الشهر السابع.. فجأة بديت اشتكي من الم في ضلوووعي.. قلت طبيعي هالشي كل حامل تجيها اضلاعها..

ماتركت نفسي رحت المستشفى ع اساس اشوف شي لأضلاعي واطمئن على جنيني
رحــت وعطاني العلاج بس مافاد.. ورحت مستشفى خاص وشكيت لها عن اضلاعي
وقلت بالمره دامني هنا اخذ سونار واعرف جنس الجنين وقالت فيني " بنوته"
فرحــت حيييييييييييييل وبعدين قالت لي : انتي تقولي بالشهر السابع والجنين طالع بالسونار كانه بالسادس ماعرف هذا من الجهاز او الجنين فيه شي.. مااهتميت قلت يمكن من الجهاز.. طيب ووصفت لي العلاج عن اضلاعي واخذته وهم مافاد..

رحت بعدين المركز اللي كنت اتعالج فيه وكانوا ماخذين من قبل مني تحليل بول و(انتوا بكرامه) وطلع فيني زلال في البول ورسلوني على مستشفى النساء والولادة مستعجل.. ع اساس يعالجوني.. ورحت مستشفى الولادة واخذوا عليي تحليل بول واخذوا عليي الضغط وقالوا الضغط مرتفع حيييل ولازم اتنوم عندهم ونوموني عدهم..
وشافوا بالسونار وقالوا الجنين فيه شي نموه بطيئ وكانه بالخامس ماكانه بالسابع

بس قالوا ماراح نستعجل ونخوفك >> انتوا خوفتوني وخلصتوا خلاص
راح ننتظر الدكتورة المختصه حق علم الاجنه ونشوف لبكره.. ودخلوني غرفة الملاحظه ثلاث ايام من السبت الى يوم الاثنين وانا في غرفة الملاحظه وحاطين عليي قياس الضغط ومغذي ومغنيسوم للجنين وغير عذبوني وهم كل ست ساعات ياخذون تحليل دم.. والقهر انهم حاطين لي قسطرة للبول ومقدر ادخل الحمام اذا احتجت.. يقولون ع اساس يتابعوا الضغط.. وكنت كل شوي احط يدي على بطني واحس بها تتحرك واقول في داخلي: آه حبيبتي مدري هذا آخر لقاء بيني وبينك؟! او بتعيشي وبحضنك لصدري.. آآه يمه بنتي شلون بنزلك؟! وبعدين جات حقت علم الاجنه وشافت بالسونار وطلع نفس الشي انه صغير والمشيمه ماتغذيه.. وقرروا لازم يولدوني بطلق صناعي.. انا رفضت بالاول وبديت ابكي بقووووة كيف اتخلى عن ضناي وانا كنت انتظره طول هالفتره!! كنت اناغيه واتخيله قبالي!! شلون بقدر اني افارقه!!
بس الدكاتره هم اعرف مني.. قالوا ان ظل في بطني بيرتفع الضغط للدماغ وبنصاب بالكلى.. وبيجيني تسمم.. بس استفسرت منهم احتماليت العيش كم لجنيني قالوا بس 40 % ووزنه نص كيلو بس لكن الاعمار بيد الله.. فوافقت قلت اذا اللي ببطني لي فربي بيحفظه واذا مو لي.. فهو امانه واللي عطاني وياه بيسترجعها والحمدلله على كل حال..

وجت لحظة الولادة وجات الدكتورة بتحط لي الطلق الصناعي فبديت ابكي وتسارعت دقات قلبي بكر اول مره اجرب الحمل والولاده وع طول ولادة بطلق صناعي وكان الرحم مش مفتووح وماكانت الآلآم ولادة فيني بس هم بيولدوني..

فحطوا عليي اوكسجين ع اساس ابطئ شوي اهدي من تسارع دقات قلبي.. قلت لهم ابقى عمليه مابى طلق اخاف.. وجاني الاستشاري قال يابابا رحمك مش مفتوح واذا بنسوي لك عملية راح تولدين كل مره بعملية.. فبعد نقاش حطوا لي طلق صناعي برحمي.. كان مثل المطاط ويالم حييييييييييل يوم حطته وبديت اصرخ ياربي و ياعلي يابالحسن خلاص دكتوره شيليه ماابقاه ..بس ماحسيت فيه لانهم حطوا لي مسكن في فخذي ع اساس اذا بيشتد مايألمني.. ونمت ... وفجأة حسيت بشي نزل مني ويألمني وبديت اصرخ سيستر تعالي مدري شنو نزل مني وجات تسرع وشافت شنو نزل مني قالت انا مايعرف شنو هذا ونادت سيستر ثانيه وطلع اللي نزل مني المطاط اللي حطوه لي في الطلق.. اثاريه يحطونه وبعدين كل شوي ينتفخ في الرحم ع اساس يتوسع الرحم واذا انتفخ يطلع لحاله.. المهم قلت لها ابقى مسكن وعطتني ادول وغفيت اشوي وصرت احس بالألم كل خمس دقايق او اقل واجلس واقول آه وانادي السيستر ع اساس تعطيني مسكن واقول لها احس ابقى اروح الحمام فيني براز تقول لا هذا مافيه براز هذا راس بيبي قلت لها لا ابقى ادخل الحمام قالت مافيه سوي براز هنا.. قلت لا مابى قلت لها عطيني مسكن بفخذي وخليني انام وبعد ماحنيت ع راسها عطتني ونمت.. وتقريبا ع الساعه 2:35 بديت احس بالآلآم بقووووة وكاني بدخل الحمام وقلت للسيستر ابقى اروح الحمام قالت ماما هذا راس بيبي قلت فيني براز قالت لا ماما .. طفشت قلت اهو بسويها ولا عليي منها مو راضيه توديني الحمام..
بس احاول ادفع ولاشي.. وبعدين اظل شوي واصرخ بقووووووووة وتجي السيستر وتقولي دفعي بعد وادفع واصرخ ياربي وياعلي يابالحسن .. وشوي خلاص ارتحت طلع البيبي ودخت ولاحسيت بالدنيا الا السيستر تقول خلي رجولك ماما كذا في يرفع ويجي انا ينظف.. >> طولت عليكم ادري بس وربي احكي لكم معاناتي

المهم جات مره ثانيه اليوم الثاني حقت علم الاجنه قالت البيبي في الحضانه والحمدلله على سلامتك.. >> انا كنت عارفه انه البيبي فرصة العيش كانت له ضئيلة وكان وزنه بس نص كيلووو وانا بالسابع المفروض اكثر وكانت عن جد المشيمه ماتغذيه

وبعدين بعد مااستقرت حالتي صعدوني غرفه ثانيه.. وجاتني امي ورحت شفت البيبي بالحضانه.. هنا المعاناه واللي قلبي تألم فيها.. رحنا وشفنا الجنين مره صغيييير وعيونه ماتشققت بالاساس وحاطين عليه مغذي ومدري شنو بس شفته وربي حسيت بحنيه ناحيته بقيت احضنه بس ماقدرت..
وطلعت من المستشفى يوم الاربعاء واليوم الثاني اتصلوا على زوجي قالوا تعالوا استلموا الجنين لانه توفى.... في هاللحظة ماتت البسمه وياه.. مات الانتظار..
مات الامل فيني.. صعبه انتظره ويروح.. صعبه لحظة الفراق.. قلت ياليتني ماشفتها ع اساس اقدر يمكن انساها.. بس شفتها طبعا كانت بنت..
ومن ولدت اخذت 17 يوم بس وهي كله ع بالي اتذكرها واصيييح.. وربي وانا اكتب لكم قصتي وانا ابكـــــي.. لكن الحمدلله على كل حال ذخرتها ليوم القيامه..

انا ماكتبت لكم القصه الا لاني عارفه ومتيقنه انكم ماراح تنسوني من الدعاء بان الله يعوضني بغيرها.. وانتوا مابتقصرون..

[أم جنى فديتها]

الله يعوضك خيرآ مما اعطاك
انشاء الله تكون لك شفيعه يوم القيامه
وربي اللي عطاك راح يعطيك غيرها انشاء الله ...

[همسة دلع]

الله يعوضك بااذن الله
وعليك بصبر وقولي اللهم اجرني في مصيبتي واخلف لي خيرا منها

[كرميلا]

ياحياتي يام سراج والله اني اقرا كلامك والدمعه في عيني

من جد اصعب شي انك تفقدي جنين كنتي تنتظريه بفارغ الصبر وتحسبي الايام والشهور عشان تضميه ولكن هذي مشيئه الله

وهذا ابتلاء للانسان فلا تتحطمي وتمسكي بالصبر لان الله مع الصابرين

وصدقيني باذن الله ربي بيعوضك بدل البنت اثنين وثلاثه.....

واسال الله لكي الثبات وان يرزقك ربي الذريه الصالحه اميييييين يارب...

[decheesecake]

الله يعوضك خير ان شالله.. ويعطيكي مره تانيه..
ويصبرك انتي و زوجك و يرزقكم الذريه الصالحه

[ام سراج]

الله يعوضك خيرآ مما اعطاك
انشاء الله تكون لك شفيعه يوم القيامه
وربي اللي عطاك راح يعطيك غيرها انشاء الله ...

ام جنى تسلمين ع الدعوه..
وربي يسهل عليك

[ام سراج]

الله يعوضك بااذن الله
وعليك بصبر وقولي اللهم اجرني في مصيبتي واخلف لي خيرا منها

هموووسه تسلمين ع الدعوووه الحلوة

وعسى ربي مايحرمك من غالي

[ام سراج]

ياحياتي يام سراج والله اني اقرا كلامك والدمعه في عيني

من جد اصعب شي انك تفقدي جنين كنتي تنتظريه بفارغ الصبر وتحسبي الايام والشهور عشان تضميه ولكن هذي مشيئه الله

وهذا ابتلاء للانسان فلا تتحطمي وتمسكي بالصبر لان الله مع الصابرين

وصدقيني باذن الله ربي بيعوضك بدل البنت اثنين وثلاثه.....

واسال الله لكي الثبات وان يرزقك ربي الذريه الصالحه اميييييين يارب...

كرميلا يالغلاا فديت دمعتك..

آآه اي وربي اصعب شي.. جهزت لولادتي وهسه مقدر اشوف اللي جهزته
اذا شفتهم ابكي.. حسيت بالامومه لحظة ماشفتها.. آآه الحمدلله على كل حآل
عسى ربي يمسح على قلبي بالصبر.. والحمدلله على كل حال

مشكورة يالغلاا ع المرور..

[ام سراج]

الله يعوضك خير ان شالله.. ويعطيكي مره تانيه..
ويصبرك انتي و زوجك و يرزقكم الذريه الصالحه


تسلمين يالغلاااا

لاخلا ولاعدم..

[ام تميم 66]

الله يعوضك ياارب خييييييييير

وان شاءالله قريييييييييييييييييييييييييييييييييييب ياارب

[غلاي امي]

ربي يعوض صبرك خير

وان شاء الله السنه الجايه تكتبين لنا قصة ولا دتك وانتي قايمه باالسلامه

وبحضنك بنت او ولد يـــــــــــــــــــــــــــارب

[جنون بيبي]

الله يعوضك خير يارب..
ويجعله شفيع لك يوم القيامه..

[حساويه عسل]

الله يعوضك بحق محمد وال محمد


خالتي فقدت جنينها بالشهر التاسع وبعد شهرين عوضها بنوته

ايه بالجمال واللحين عمرها خمس سنوات


ترى السقاط يجر اخوه يعني بتحملين قريب باذن الله


الله يعوضك يااااااااااااااااااااااارب

[Om Zahra]

أول حاجة حمدالله على سلامتك أم سراج
بقول لك قصتي يمكن تهون عليك شوي
أنا نفس الشي في أول حمل لي كان من سنتين مارس 2009
والفرحة ماكانت تشيلني
وكنت برضو حامل ببنوتة
ولما وصلت للشهر الخامس أو السادس قالوا لي ان بنتي نموها مرة بطيئ ووزنها صغير مايناسب عمرها
ونفس الشي كانت المشيمة من بداية تكونها مو كويسة وماتوصل الغذاء الكافي
وقالت لي الدكتورة بننتظر الين يوصل وزنها 600 وبعدين نولدك عشان تظل ي الحضانة
الين وصلت اسبوع 30 ووصل وزنها 500 جرام وشوي وفي آخر موعد لي كان ضغطي مرتفع وعندي بروتينات في البول وانتي بكرامة
فقالت لي الدكتورة اتنوم احسن
وتنومت يومين
وفي اليوم الثاني ماانسى جابوا لي وجبة الغذاء وجت الممرضة تشيك على نبض الجنين قبل لا آكل
ماسمعت شي !!!
وودوني غرفة الأشعة وسووا لي سونار وقالوا لي ان النبض توقف
وانصدمت !!!!!!!
هذي بنتي وأول نور في دنياي اللي انتظرته 30 اسبوع
وكنت في غربة ومامعاي احد غير زوجي
وبعدين ولدتها بطلق صناعي
عطتني الدكتورة تحاميل مهبلية كل 3 او 4 ساعات
وبعد 7 ساعات ولدت
ونفس الشي الدكتورة ورتني اياها وخلتها عندي شوي وهذا الشي اللي تعبني أكثر
ظليت يمكن سنة أعاني مااقدر انسى ومعاناة في النوم
والحمدلله بعد 8 شهور حملت واللحين أنا في الثامن
دعواتك الله يسهل لي حملي وولادتي ويرزقني بالطفل السليم المعافى

نسيت ماقلت لك ان سبب وفاة بنتي كان تخثر في المشيمة
وفي بداية حملي الثاني صرت آخذ ابر لسيولة الدم يومياً

[يارب اكرمنى بطفل]

يارب يعوض عليكى يارب

[يــارا]

الله يعوض صبرك خير اختي
بس اهم شي انك ما تزعلي وتسلمي لقضاء الله
لان كتر الزعل ممكن يأخر الحمل عندك

[ام سراج]

الله يعوضك ياارب خييييييييير

وان شاءالله قريييييييييييييييييييييييييييييييييييب ياارب


تسلمين يالغلاااا

ويارب يعطي كل محروووومه قريب يارب

[ام سراج]

ربي يعوض صبرك خير

وان شاء الله السنه الجايه تكتبين لنا قصة ولا دتك وانتي قايمه باالسلامه

وبحضنك بنت او ولد يـــــــــــــــــــــــــــارب


غلاي امي.. يارب يسمع منك

ومايحرمنا من ضمة الطفل..

ويرزق كل محرومه يارب

[ام سراج]

الله يعوضك خير يارب..
ويجعله شفيع لك يوم القيامه..


تسلمين يالغلاااااا

شاكره لك مرورك..

[ام سراج]

الله يعوضك بحق محمد وال محمد


خالتي فقدت جنينها بالشهر التاسع وبعد شهرين عوضها بنوته

ايه بالجمال واللحين عمرها خمس سنوات


ترى السقاط يجر اخوه يعني بتحملين قريب باذن الله


الله يعوضك يااااااااااااااااااااااارب

حساوية عسل يابنت ديرتي انتي يالغلااا

تسلمين ع المرور.. والحمدلله على كل حال وان شاء الله احمل عن قريب

[ام سراج]

أول حاجة حمدالله على سلامتك أم سراج
بقول لك قصتي يمكن تهون عليك شوي
أنا نفس الشي في أول حمل لي كان من سنتين مارس 2009
والفرحة ماكانت تشيلني
وكنت برضو حامل ببنوتة
ولما وصلت للشهر الخامس أو السادس قالوا لي ان بنتي نموها مرة بطيئ ووزنها صغير مايناسب عمرها
ونفس الشي كانت المشيمة من بداية تكونها مو كويسة وماتوصل الغذاء الكافي
وقالت لي الدكتورة بننتظر الين يوصل وزنها 600 وبعدين نولدك عشان تظل ي الحضانة
الين وصلت اسبوع 30 ووصل وزنها 500 جرام وشوي وفي آخر موعد لي كان ضغطي مرتفع وعندي بروتينات في البول وانتي بكرامة
فقالت لي الدكتورة اتنوم احسن
وتنومت يومين
وفي اليوم الثاني ماانسى جابوا لي وجبة الغذاء وجت الممرضة تشيك على نبض الجنين قبل لا آكل
ماسمعت شي !!!
وودوني غرفة الأشعة وسووا لي سونار وقالوا لي ان النبض توقف
وانصدمت !!!!!!!
هذي بنتي وأول نور في دنياي اللي انتظرته 30 اسبوع
وكنت في غربة ومامعاي احد غير زوجي
وبعدين ولدتها بطلق صناعي
عطتني الدكتورة تحاميل مهبلية كل 3 او 4 ساعات
وبعد 7 ساعات ولدت
ونفس الشي الدكتورة ورتني اياها وخلتها عندي شوي وهذا الشي اللي تعبني أكثر
ظليت يمكن سنة أعاني مااقدر انسى ومعاناة في النوم
والحمدلله بعد 8 شهور حملت واللحين أنا في الثامن
دعواتك الله يسهل لي حملي وولادتي ويرزقني بالطفل السليم المعافى

نسيت ماقلت لك ان سبب وفاة بنتي كان تخثر في المشيمة
وفي بداية حملي الثاني صرت آخذ ابر لسيولة الدم يومياً

ربي يسلمك يالغلااااا

الحمدلله ربي عوض صبرك بنووور ثاني

ويارب يسهل عليك ولادتهااا ويرزقك بنوته او ولد سليم معااااافى

انا قالوا لي الدكاتره اذا صار حمل مره ثانيه ان شاء الله راح يعالجوني ع اساس مايصير لي نفس اللي صار لي في هالحمل..

مشكوره يالغلاا ع المرور ومواساتك لي..

[ام سراج]

يارب يعوض عليكى يارب


تسلمين يالغلاا

ويارب يرزقك بطفل تضميه لصدرك

[ام سراج]

الله يعوض صبرك خير اختي
بس اهم شي انك ما تزعلي وتسلمي لقضاء الله
لان كتر الزعل ممكن يأخر الحمل عندك

يارا يالغلااا شاكره مرورك

الحمدلله رب العالمين ماني بزعلانه وهذا قضاء الله وقدره

وأملي بالله كبيييييير وراح يرزقني بخيره يارب

[ملكة كبريائي]

ياحياتي الله يعوضك خيرآ مما اعطاك
انشاء الله تكون لك شفيعه يوم القيامه
وربي اللي عطاك راح يعطيك غيرها انشاء الله ...

[صعب تنساني]

الله يعوضك بدل عنها بتؤائم ويخليها طير من طيور الجنه

[ورد الشمال]

الحمدلله على سلامتك والله يعوضك قريباً يارب
ان شاء الله تشفع لك يوم القيامة
وتذكري اختي ان في محرومات يتمنون الحمل وفي حوامل يولدونه في التاسع ويتوفى
انتي مؤمنة وربي يحبك عشان كذا ابتلاك لتصبرين ويزيد اجرك
ودامك حملتي مرة ان شاء الله بتحملين ثانية وثالثة ورابعة وتجيبي بنات و اولاد يااااااااارب

[روح دحومي]

الله يعوضك خيرآ مما اعطاك
انشاء الله تكون لك شفيعه يوم القيامه
وربي اللي عطاك راح يعطيك غيرها انشاء الله ...

[Natsomi_chan]

راح تنسي حبيبتي مجرد تحملي مرة ثانية
الله يعوضك ببنوته حلوة و عيونها واسعة يارب
إهتمي بصحتك و شدي حيلك كل شهر أيام التبويض و الله يرزقك في القريب العاجل
آمين

[Natsomi_chan]

بقول لك شيء بيخفف عليك

إ نتي شفتيها!!
بتشوفيها في القيامة نفسها، ما راح تدخل الجنة بدونك إنتي و رأبوها، راح تكون من حور العين و تكون شفيعة لكم، في الأحاديث أن كالسقط يأتي يوم القيامة فيقال له" أدخل الجنة" فيقول" يارب أبواي" فلا يدخل حتى يشفع فيهما.
و في حديث آخر (لا أتذكر نص الحديث ولكن بالمعنى) أن سقط المؤمنين تربيه فاطمة صلوات الله عليها في الجنة.
فأي أحسن؟ تتربى في يديك؟ أم تتربى في يد فاطمة بنت محمد؟
تتربى في منزلك؟ أم تتربى في أحسن مكان وهو الجنة؟ وتشفع في والديها!

[كآدي]

يا قلبي انتي وربي بكيت عشانك الله يعوضعك يا حبيبتي
ويرزقك ربي من واسع فضله
بس بسالك وش علي يابالحسين

هذا زوجك يا قلبي

الله يعينه ويرزقه ويعوضكم ربي خير

[عشق الصدى]

حبيبتي تفائلي خيراً تجديه
والله يعوضج يارب 20 بدال واحد
والحمدلله ع كل حااال
والله يرزقنا الذريه الصالحة....

[روح البنفسج]

ربي يعوضك خير ويجعلها شفيعه لك يوم القيامه و يرزقك من الصالحين
حبيبتي اصبري واحتسبي الاجر عند الله ولا تنسي ان المؤمن مبتلى

[miss LV]

الله يعوض عليج ويرزقج في القريب العاجل والله عورني قلبي عليج

[ام سراج]

ياحياتي الله يعوضك خيرآ مما اعطاك
انشاء الله تكون لك شفيعه يوم القيامه
وربي اللي عطاك راح يعطيك غيرها انشاء الله ...


تسلمين يالغلاا ع المرور

والحمدلله على كل حال

[ام سراج]

يا قلبي انتي وربي بكيت عشانك الله يعوضعك يا حبيبتي
ويرزقك ربي من واسع فضله
بس بسالك وش علي يابالحسين

هذا زوجك يا قلبي

الله يعينه ويرزقه ويعوضكم ربي خير

كادي يالغلاا فديت دمعتك... ان شاء الله يارب

والحمدلله على كل حال..

ياعلي يابالحسن مش زوجي.. هذا امير المؤمنين علي بن ابي طالب.. ماخاب من تمسك بهم آل البيت.. طبعنا لو نطيح بشدة نصرخ علي..

[رآيقه]

ان شاء الله شفيعه لج يوم القيامه حبيبىتي
ولاتحزني اللي عطاج اياها اخذها وهي امانه وربي اذا حب المؤمن ابتلاه
وبحق محمد وآله ربي بيرزقج بالبنين والبنات والله يعووووووووض خيير
في حملاتج الجايه حاولي طول فتره الحمل تقرين قرآن وتكثرين من التسبيح والاستغفار
والصلاة على محمد وآله وهم قبل الحمل بفتره اخذي حمض الفوليييك

والله يعوضج خير

[زهره الرمان]

حبيبتي مايجوز حرام عليك تتمسكين بغير الله

(بس قولي ياالله )

اللهم اني بلغت اللهم فأشهد

[ام سراج]

ان شاء الله شفيعه لج يوم القيامه حبيبىتي
ولاتحزني اللي عطاج اياها اخذها وهي امانه وربي اذا حب المؤمن ابتلاه
وبحق محمد وآله ربي بيرزقج بالبنين والبنات والله يعووووووووض خيير
في حملاتج الجايه حاولي طول فتره الحمل تقرين قرآن وتكثرين من التسبيح والاستغفار
والصلاة على محمد وآله وهم قبل الحمل بفتره اخذي حمض الفوليييك

والله يعوضج خير

الحمدلله على كل حال..

حمض الفوليك المستشفى اللي كنت اراجع عنده للأسف منه الغلط ماعطاني حمض الفوليك من البداية..

اللهم صلي على محمد وآل محمد وتسلمين ع النصايح ياقلبي

[ام سراج]

حبيبتي مايجوز حرام عليك تتمسكين بغير الله

(بس قولي ياالله )

اللهم اني بلغت اللهم فأشهد

زهرة الرمان.. شكرا ع المرور

[بنت مثل القمر]

الله يعوضج يارب

الله يساعدج ويساعدني ويساعد كل وحده فقدت الجنينه

والله حاسه فيج انا كنت حامل في شهر الثالث وسقطت ولين الحين اذا ذكرت اصيح

شلون انتي تحركت في بطنج الله يعوضج باحسن منهاا يارب بحق محمد و ال محمد

الله يسااعدج ولا تصيحين حمدي ربج ماتدرين لو تمت شنو صار لها الحمد الله رب العالمين


ولا تنسين حمض الفوليك قبل الحمل 3 اشهور
الله يعوضج يااارب و

الله يعوضنا جميعااا

[ام سراج]

الله يعوضج يارب

الله يساعدج ويساعدني ويساعد كل وحده فقدت الجنينه

والله حاسه فيج انا كنت حامل في شهر الثالث وسقطت ولين الحين اذا ذكرت اصيح

شلون انتي تحركت في بطنج الله يعوضج باحسن منهاا يارب بحق محمد و ال محمد

الله يسااعدج ولا تصيحين حمدي ربج ماتدرين لو تمت شنو صار لها الحمد الله رب العالمين


ولا تنسين حمض الفوليك قبل الحمل 3 اشهور
الله يعوضج يااارب و

الله يعوضنا جميعااا

يآآآآآآآآآآآآآرب يساعدنا .. والحمدلله على كل حال..

ايوا صعبه يكون حلم مزروع بداخلك.. وتنتظريه كل هالشهور وفجأة يروح منك..

افتقدت حييييل تواصلها معي.. المس بطني وماني مصدقه انها مش موجوده معي..

آآه صعبه لحظة الفرااااااااااق حيييييييييل.. صج لقالوا الضنى غـــــــــــــــالي..

ربي يعوضني ويعوضك خير ياااااااااااااااااااااارب بحق محمد وآل محمد

[ذووووق]

حبيبتي الله يعوضكي خير ويرزقكي
والحمدالله على كل حال
قال صلى الله عليه وسلم فيما معناه أن الله تعالى إذا أخذ ابن أحد عبادة يقول للملائكة وـوالله أعلم ـ
أخذتم ابن عبدي ؟
يقولون : نعم .
فيقول :
أخذتم ثمرة فؤادة ؟
فيقواون :نعم.
فيقول تعالى : ما فعل عبدي ؟
فيقولون : حمدك و استرجع .
فيقول تعالى : ابنوا لعبدي بيتا في الجنة و سموه بيت الحمد

[فـجر]

أختي أم سراج ..
أول شئ ألف الحمدلله ع سلامتج يالغلا هذآ أهم شئ ،،
والله قطعتي قلبي عليج ونزلتي مني دمعتي لأن بجد أحساس صعب ، بس الله كاتب هذا الشئ الحمدلله .. الله له حكمه بهذا الشئ أكيد ، و راح يعوضج إنشاء الله
والحمدلله إنج تقدرين إنشاء الله تحملين مرهـ ثانيه ، غيرج حتى الحمل مو لاقيه ،
وكلللله ع أجر ، والحمدلله غسلتي نفسج من الذنوب إدعي ربي إنه يعوضج بأخير منه ..
وأمآآآآآآآآآنه حاولي تصيرين قويه وإذا شفتي تجهيزات النونو خلج مبتسمه وتفائلي أنج راح حملين مرهـ ثانيه .. الله يعوضج يآرب ونسمع أنج حملتي مرهـ ثانيه خيتووو
وخلي ثقتج بأهـل البيت وفاطمة الزهراء عليهم السلام ومراح يخيبونج :)

[أإأم ع‘ـــزُوـوزُ]

الله يعوضك يارب وأهم شي الحمد الله على سلآمتك ....

[ام سراج]

أختي أم سراج ..
أول شئ ألف الحمدلله ع سلامتج يالغلا هذآ أهم شئ ،،
والله قطعتي قلبي عليج ونزلتي مني دمعتي لأن بجد أحساس صعب ، بس الله كاتب هذا الشئ الحمدلله .. الله له حكمه بهذا الشئ أكيد ، و راح يعوضج إنشاء الله
والحمدلله إنج تقدرين إنشاء الله تحملين مرهـ ثانيه ، غيرج حتى الحمل مو لاقيه ،
وكلللله ع أجر ، والحمدلله غسلتي نفسج من الذنوب إدعي ربي إنه يعوضج بأخير منه ..
وأمآآآآآآآآآنه حاولي تصيرين قويه وإذا شفتي تجهيزات النونو خلج مبتسمه وتفائلي أنج راح حملين مرهـ ثانيه .. الله يعوضج يآرب ونسمع أنج حملتي مرهـ ثانيه خيتووو
وخلي ثقتج بأهـل البيت وفاطمة الزهراء عليهم السلام ومراح يخيبونج :)


فجووووره حياتي ربي يسلمك يالغلااا.. بسم الله على قلبك.. وفدوه اروح انا لدمعتك..
اكيييد احساس صعــــــب وبقووووة بعد.. لكن الحمدلله على كل حال..

الحمدلله يوم توفت بنتي بعد ماهدأت شوي قلت هالبنت مو لي يمكن تصير لأختي وتحمل.. لان عندي اخت اكبر مني متزوجه وماحملت قلت يارب تكون لها وتحمل اختي.. والحمدلله على كل حال ذخرتها ليوم القيامه.. وان شاء الله يارب يعوضني اخير منها ويعوض كل محرومه بحق محمد وآل محمد..
وربي الحمدلله الكل عارفني باني قوووية وصابره ودايم ابتسامتي ماتفارقني برغم الحزن اللي فيني.. اساسا حتى لو بشوف التجهيزات حقين البيبي بظل مثل ماانا بطلعهم وبرتبهم وبحلم بأمل جديد وراح اشوف هالتجهيزات ع بنتي او ولدي ان شا الله.. والنعم بالله وبآل البيت.. ماخاب من تمسك بهم..

مشكووورة يالغلااا وربي ريحتيني بكلامك الحلو.. عساني مانحرم منكم..

[ام سراج]

حبيباتي ذوووق وام عزوز

ربي يسلمك يالغوالي.. وتسلمون ع المرور وع الدعوه

مانحرمش منكم يارب

[القلب الباكي]

ياااااارب تعوضها بالقريب العاجل والله كنت شوي واصيح قصتك مؤلمه جدا بس حبيبتي لاتكون الاستعانه الا بالله عز وجل وليس بعلي وابا الحسن ودعائي لك بالذريهاللي تحضنيها المعافاة التامه الخلقة

[بنوتة ناعمة]

الله يعوضك يااارب باللي يسر قلبك عاجلا غير اجل ويمسح على قلبك وتنسين ان شاء الله

[ميرو هيما]

حبيبتى احتسبيها عند الله وهوني على نفسك أنا مريت بتجربة شبيهة لتجربتك بس أكتر حاجة مفرحاني انه دلوقتي بين ايد الخلقة والاحن مني ومنك ومن الخلق كله زمتهم فالجنة بيلعبو مع بعض ويمكن يكونو سبب لدخولنا الجنة ربنا يصبرنا ويرزقنا يارب ويعوض علينا اللهم آمين

[دافئة المشاعر]

الله يعوضك يارب
ماتدرين وين الخيره حبيبتي
مره اثرت فيني قصتك الحمدلله ع كل حال

ادعي ربك دايم وربك المجيب

[أم حورآء]

الله يعوضك ياقلبي بصراحه عورتي قلبي

وخلي ثقتك بالله ثم اهل البيت ومراح يخيبوووووووووووونك صدقيني انا بولادتي ظليت اتوسل لان ولادتي تأخرت مرررره وفي نفس الوقت وانا اتوسل بالله واهل البيت على طوووووووووووول جاني الطلق

ربي بيعوووووووضك والله ماتدرين يعني تفقدينها اللحين ولا انك تعيشين معاها عمر وتفقديها فجأه

ياقلبي عليك الله يصبرك بس
بصراحه حطيت نفسي مكانك وماقدرت بكيت

[أم ولاء]

الله يعووضكـ بحمل سريع وسهل وجنين سليم معـآآفى ..

ان شااء الله تكوون لك شفيعه يووم القيآمهـ..

[اميرة الياسمين]

الله يعوضك ويصبرك انشالله

[ام سراج]

الله يعوضك ياقلبي بصراحه عورتي قلبي

وخلي ثقتك بالله ثم اهل البيت ومراح يخيبوووووووووووونك صدقيني انا بولادتي ظليت اتوسل لان ولادتي تأخرت مرررره وفي نفس الوقت وانا اتوسل بالله واهل البيت على طوووووووووووول جاني الطلق

ربي بيعوووووووضك والله ماتدرين يعني تفقدينها اللحين ولا انك تعيشين معاها عمر وتفقديها فجأه

ياقلبي عليك الله يصبرك بس
بصراحه حطيت نفسي مكانك وماقدرت بكيت

ام حوراء حبيبتي.. بسم الله عليك وعلى قلبك..

الحمدلله ثقتي بالله وبآل البيت كبيييييييره.. وادري انهم مايخيبونا..

وربي هم انا وقت الطلق كنت انادي ياعلي ياابالحسن وياام البنين.. لدرجه اني قلت في داخلي لو ولدت بالسلامه وجبت بنت بسميها ام البنين.. بس الحمدلله رب العالمين
ذخرتها لي شفيعه يوم القيامه..

ويارب ماتكوني بمكاااااااااااااني ولايحرمك من غااااااااااااااليك..
وتظلي تحضني اطفالك اعلى صدرك..

[دلوعتك]

الله يرزقك بالذريه الصالحه والله يعوضك خير

بحق محمد وآل محمد

[دررررره]

الحمدالله على كل حآآآل ربك قضى وقدر ولااا رااد لقضاائه وقدره فأسأله رب العرش العظيم ان يخلفك خير مما فقدتي ويجعله قرة عين لك ويرزقك بره يآآرب العااالمين وجميع المسلماات..

[مليت فرقاكـ]

يااعمري ربي يعوووضك ..بحق محمد وآل محمد

انتظري فتره وحملي وربي يعطيك
ماعندك عيال انتي ياعمري؟؟؟

[ام سراج]

يااعمري ربي يعوووضك ..بحق محمد وآل محمد

انتظري فتره وحملي وربي يعطيك
ماعندك عيال انتي ياعمري؟؟؟


تسلمين ياغلاااااتي.. ان شاء الله يارب

لا ياقلبي انا بكر كانت اول فرحه لـــي.. بس ربي ماتمم لي والحمدلله على كل حال