ارجوكم افيدوني عاااااجل جدا مولودة اختي وضعها مقلقني تكفون ابي احد يفيدني

[قلب نانه]

السلام عليكم ورحمة الله وبركاته ... الله يخليكم انا ابي اي احد يرد
علي ويطمني وخصوصا اي وحده مرت بهالشي ...
اختي ولدت قبل يومين وجابت بنت ، واول ماولدتها ماصاحت
وكان لونها ازرق وسووا لها تنفس واكسجين اعتقد وبكت وتنفست

الحين البنت بالحضانه والى هاالحظه ماعطوها اختي والدكتور يقول
لين ترضع طبيعي وسألته اختي قالت بنتي فيها شي ؟
قال لا .. هذا شي طبيعي ...

وانا يابنات والله خايفه ان البنت فيها شي

على فكرة اختي تعبت بحملها كثير لان امي توفت من شهرين
وكان هالشي فاجعه كبيره عليها وسبحان ربي اللي مسك على قلبها
تتوقعون هالشي له تاثير ؟
يعني الحزن يكون اثر على الجنين ؟


امانه تردون علي وتصارحوني
او اي وحده مرت بهالشي تفيدني


الله يفرج كربتكم ويفرج كربتي ياحي ياقيوم


اختكم

[عاشقه بوشي]

والله ياقلبي ماعندي خلفيه ويارب يخليها لامها ويارب مافيها الا العافيه

[همسة دلع]

عموما زعل وبكاء وعصبيه كلها امور تقلل من وصول الاكسجين للجنين
لاكن بااذن الله انها بخير
والله يطمنكم عليها

[قلب نانه]

طيب الله يجزاكم خير اليوم الدكتوره كتبت لها خروج
وقالت البنت لازم تجلس عندنا يومين ثلاثه لين اتطمن على رضاعتها لانها اليوم
تقول كانها بدت ترضع شوي وقالت لها عطينا من صدرك شوي برضاعه
عشان تعطيها وتقولي اختي ماطلع الا شي قليل .. لكن اللي مقلقني الحين ليه
مارضت تطلعها مع امها ، انا مررره منقلقه بس ماوضحت لاختي ماابي اضايقها كثير
ووحده اعرفها قالت لي انتبهوا لها زين لان اعتقد اذا المولودة عندها نقص اكسجين
هذا يمكن يسبب خلل عقلي وانا والله خااااايفه كثير بس ساكته ولاقلت لاحد
والدكتوره تقول لا مافيها شي


الله يخليكم افيدوني

[طبيبة القلوب]

انا بعرف خروج الطفل لونه ازرق ماله علاقة بالحزن ....
لكن الله يعينها اختك ظرفها صعب ...
ربي يكون معاها

[قلب نانه]

اللهم امين
انا اللي خايفه منه الحين وابي استفسر عنه
هل نقص الاكسجين وانها اول ماولدتها مابكت الا بعد ماسوو لها تنفس ورجعت بكت
هل هذا يعني ان القلب فيه خلل
وهل نقص الاكسجين يؤدي الى خلل بالعقل مثل ماسمعت ؟؟
يعني اذا كبرت تكون مختله عقليا او شي
كل مابحثت يقولون الحزن بفترة الحمل يسبب خلل بالعقل ؟

افيديوني الله يجزاكم خير

[رهـف]

الف الحمد لله ع سلامة اختك غاليتي

وربي يخلي لها بنتها بس ما اتوقع عدم بكائها يسبب خلل

[البتول...]

ماعندي علم يالغلا ...الله يخليها لامها ويحفظها ويعافيها من كل شر...