خاص لنفوسات المدينه

[المتوكله على ربها]

السلام عليكم خاص لنفوسات المدينهhwaml7 كل وحده تكتب تجربتها وين ولدت واسم الدكتوره وتقيمها للولاده والخياطه وومسكنات الولاده سواء ابرة الفخد او الكمام وغيره عشان يستفيد و حوامل المدينه وجزاكم الله خير وكتب لكم اجر النقل

[المتوكله على ربها]

وييين بنات المدينه معقوله 10 مشاهدات ولالالالالارد وين تفاعلكم

[لمـار]

مدري ليه مافي حماس وحركه ونشاط بالمنتدى مع انو العضوات
عددهم كبير .
أنا بكريه وودي أعرف هالاشياء واكثر كمان
نصائح قبل وبعد الولاده والضروريات من اغراض للبيبي او لها .
فيه مواضيع لدردشه كثيره بس اشوف الملف محصور على سالفه وحده بس
انتي ملاحظه هالشيء ..؟؟

[حنونة فهد]

اهلين بأهل المدينة انا كمان معاكم وكمان بكريه ما اعرف ولا شي

بس مره قابلت وحده في مستوصف تقول دامك بكريه لاتولي في حكومي

اولدي في خاص علشان خياطتهم حلوة واطلبي كمان خياطه تجميليه

انا اخر مره كشف وصورت في المطبقاني عند دكتورة عزة

شكلها كيسه وبصراحة احسها حبوبه وشكلي اولد هناك

[حنونة فهد]

نسيت اقولك انا في الشهر السابع

ولادتي تقريبا 29 - 5

[فنونه]

أنا أتابع عند دكتوره عزه بالوطني..
بس مشتهيه أولد عند د-نجوى بالدار سمعتو عنها؟؟؟
وشنطتي حأجهزها بعد أسبوع
أنا دحين تاني أسبوع ف التامن..
دعواتكم ليا

[المتوكله على ربها]

الدكتوره نجوى مايمدحو فيها

[المتوكله على ربها]

انتى معى يافنونه

[المتوكله على ربها]

اى والله ياحنونه لاتولدى الابخاص انا جربت بالبكريه بمستشفى احد كرهونى بالولاده كلها

[المتوكله على ربها]

معاك يالمار واى شى بتسالى عنه انا حاضره

[المتوكله على ربها]

ويييييييييييييييييييييين بنلت المدينه

[تقوي الله]

بناااااااااااات حتي انابكرية

محتارة فين اولد؟؟

بس يكمن في المواساة

[المتوكله على ربها]

انا بعد افكر بالمواساه بس ابغى اعرف الدكتورات الجدد مين جربهم لان منال ولبنى وغاده تركو المستشفى

[المتوكله على ربها]

وين البناااااااااااااااات

[حلا المدينه]

يابنات انا بكريه ومحتاره بالخياطه عاديه ولا تجميليه

[حنونة فهد]

انا وحده قابلتها في مستوصف تقول اولدي في خاص احسن لك

ما يطنشوكي خصوصا انك بكريه

واطلبي خياطه تجميليه عالطول

انا حا اولد ان شاء الله في المطبقاني عند دكتورة عزة

قريبتي ولدت الاسبوع إللي راح عندها ومدحتها مرررررررررره

تقولك ادعي ويالله يالله

ماتخاصمك زي باقي الدكاترة

تقولك ادعي وسبحي كمان

الله يسهل ولادة كل من على وشك ولادة والله خااااايفة مررررره

انا في نهاية السابع

[المتوكله على ربها]

الله يسهلك ياحنونه ويقومك بالسلامه ياارب

[بذخ~]

انا كنت ناوية بالمطبقاني ..لكن سبحان الله ولدت بالمواساة ..
عند د.نهى .. والحمد لله كانت كويسه والخياطة كمان كويسه
بس نفس المستشفى كخدمة وغرف يعني مو مرة

[المتوكله على ربها]

الحمدلله ع سلامتك وفقدناك بالتجمع

[المتوكله على ربها]

سبحااان الله وبحمده

[دف القمر]

انا ماجربت الخاص جربت حكومي
بس بكريه وخياطه تجميلي ليش
انا اعرف التجميلي بعد 4 ولادات

[rooraa]

انا اراجع عند احسان بخش
لاكن الولاده ان شاء الله في المطبقاني عند هشام للانو جربتو مرتين والحمد لله كويس
والمشفى كلها تمام وغرف ونظافه واهتمام وكل شي انا ان شاء الله على السابع ابدا اراجع عندهم
بالنسبه للخياطه ما اعرف لانب قيصريه اما لو اني طبيعي حطلب تجميل الاختياط واجب ههههههههه

[المتوكله على ربها]

جزاكم الله خير

[أم يزوني]

أنا ولدت مرتين في الولادة..ما أثق أولد بخاص.
في ولادتي الأولى لأني بكرية تعبت كثير وقررت اني ما أرجع للولادة ثاني.
بس رجعت والحمدلله كانت ولادتي الثانية أسهل(يمكن مع الخبرة)
القابلات سعوديات رائعات ومتعاونات ويشجعونك ويدعون لك.
بس مافيه مسكنات الا للمتعسرات واللي تسوي غلبه كثير.
أنا صراحة هادية ومو راعية مشاكل ومؤمنة انو وقت ويعدي مهما كان صعب.

ساعات الانتظار طويلةندمت اني ما أخذت معايا هدفون أسمع فيه قرآن.

أي سؤال أنا حاضرة.
نصيحة البكرية لا تولد في خاص..مايصبرون عليها على طول قيصري.

[المتوكله على ربها]

جزاك الله خير والحمدلله ع سلامتك

[تقوي الله]

انااالي الان ماني محددة الوجهه
علشااااااااااان اول مرررررره اولد طفل

يارب يسهلها عليكم وعلية

قول امييييييييييييين يارب

[المتوكله على ربها]

انا خلالاص تعبت وقررت المواسااه باذن الله

[Mish]

حتى أنا والله بكري .. و أنا بأرآجع في المواساة ..
و إن شآء الله إني رآح أولد هنآك ..
وهل فعلن الأفضل إني أطلب خياطة تجميلية ؟؟
أنآ دحين في الأسبوع الثاني من السادس ..
و الله يسهل

[المتوكله على ربها]

عند اى دكتوره تراجعى وبالنسبه للخياطه وحده بالمنتدى عملوها لييزر ومابعرف كيف ادا رحت دكتورتى اسال انا عند نهى

[سراب الذكريات]

السلام عليكم ورحمة الله
كيفكم يابنات ..الله يتمم لكل حامل ويسهلها ولادتها ان شاء الله
انا الحمدلله توي والدة الحمدلله وليا اسوعين
وبكرية بس للاسف ولدت قيصري في مستشفى الولادة
بصرااااااااااحة اناتعبت في وقت الولادة نزل عليا المويات قبلها بيوم
وولدت تاني يوم وجلست يوم كاااااامل الموية تنزل
الين بدا الم الطلق قبل الولادة ب12 ساعة والم وشي.....<<<<<<<< ماتبغى تفتكر
المهم جلست استنى والم الطلق وكله على اني اولد طبيعي بس بعدين
لمن دخلوني الكشك طولت واتعسرت الولادة لدرجة انو نادو الدكتور ولمن شافني خاصم وقال ليش من اول ماولدتوها
عملية دي لا زم دي الوقت تروح ع العمليات
وانا من شدة الالم استسلمت ووامفقت
والحمد لله تمت العملية ع خير وجبت ولد زي القمر الحمدلله ..والله يحفظه ويخلية
.....
بس المشكلة بصراحة ونصيحة للبتولد في الولادة
لاتروح الا لمن خلاااااااااااااااااااااص تحس انها ماهي قادرة وراح يخرج الطفل
عشان مشكلتهم بالاولادة يغربلوكي كل نص ساعة كشف من اسفل حتى يشوفو قياس الرحم
مدري انا تعبني مرة واعتقدومتاكدة بالاصح انو دا السبب في انوالمويات ماتوقف مني
وده السبب الي خلا الطفل ماينزل يوقف ..
يلا الحمد لله ع كل حال
انا ماابغى اخوفكم..بس اقولكم الي مريت فيه..
وانا عملية زي ماقلت..بس الخياطة في الاطراف والعملية ليزر من تحت الجلد مو باين اي اثر للخياطة
وان شاء كلكم تولدو طبيعي..

[المتوكله على ربها]

الحمدلله ع سلامتك والله يحفظ لك ابنك وتشوفى من الدعااة الصالحين ياارب

[ام شدونا]

صباح الخير .. حبوبات

ابسألكم عن اندونسيه تسوي مساج في المدينه غير لولو
واللي تعرف ياليت ماتبخل علي برقمها

[ام شدونا]

وينكم بنات المدينه

[بذخ~]

حتى انا ابغى احد يعمل مساج ..
وكمان لو تعرفو وحدة كويسه تعمل حلاوة وحمام مغربي وتنظيف بشرة ؟

[شموخ المدينه]

يابذخ ام بكر تعمل حلاوه ودلكه روووعه وكمان حمام بخاار انتى ابحى بقوقل وتلاقى رقمها

[ارين]

كيفكم ياكروشات انا اكثر من مرة ولدت في الدار مرة حلو وعنايةوالدكتورة نجوى تعاملها مرة روعة بس المشكلة في الاسعاراحسها شوي غالية

[اعماق الهدوء]

انا بكرية وماني عارفه وين اروح ..

كل مستشفى خاص والا حكومي ناس تمدح وناس تذم ...

مالنا الا الاستخارة والدعاء ..

الله يسخرلنا الطيبين من عباده ويرزقنا الولاده السهله الطبيعية والطفل السليم ..

[حبيبة رايد]

مرحبا حبيباااااااااااتي
كيفك صبايـــــا...
انا ولادتي خلاص قرررررررررربت دعواتكــم ...دخلت التـــاسع وحابه اتطمن ...حولد في المدينه وبروح للمواساه اللي عندها خبره تدلني الله يفرج همكم ...

[شموخ المدينه]

الله يسهلك ولالالادتك يارب