upma طبق هندي مالح لذيذ جدا

[ايلاف]

اليوم جبت لكم طبق هندي وايد عجيب مشهور بالهند ويقدم في البوفيهات في وجبة الافطار
ويقدم بطريقتين بالشعيرية ( البلاليط) وبالسميد
اليوم انا بسويه بالسميد لان وايد عجيب وممكن تناوله في وجبة العشاء ايضا او بالرحلات
ويقدم للضيوف حزة العصاري والمغربية
ووووو

هذي صورة المقادير
كزبرة مفرومة شوية ورق كاري ست اوراق وفلفل اخضر حبتين نشقهم من النص وفلفل احمر
يابس ملعقة صغيرة ثوم وزنجبيل مطحونين وملعقة صغيرة حبوب الخردل بصلة صغيره مقطعة
جوانح فلفل احمر نص ملعقة صغيرة واللي مايحب الحار يستعمل الفلفل الاحمر الكشميري هو مب حار
ابدا ورشة بسيطة جدا من الكركم

http://forum.hwaml.com/imgcache2/hwaml.com_1296480791_799.jpg

نحمص كوب سميد عالنار شوي لين يتغير لونه شوي نحاسب لايحترق


http://forum.hwaml.com/imgcache2/hwaml.com_1296480793_716.jpg


نقلي حبوب الخردل اول مايسخن الزيت ونغطي الجدر عشان مايتطشر علينا
وريحته قوية جدا عفكرة
نخليه شوي عالنار ينقلي زين نص دقيقه وبعدين نضيف البصل وثوم الزنجبيل وورق الكاري
والفلفل الممجفف والاخضر
ونغطي الجدر ونخليهم شوي يتقلون مدة نص دقيقة

http://forum.hwaml.com/imgcache2/hwaml.com_1296480791_809.jpg

نضيف الفلفل الاحمر والكركم ونقلب شوي وعقب نضيف كوب ونصف فقط ماء ساخن والكزبرة والملح
نسيت اصور هالخطوة بس معليش تخيلوا اني صورتها

http://forum.hwaml.com/imgcache2/hwaml.com_1296480792_241.jpg


اول مايبتدي يغلي المرق نرفع الجدر عن النار ونصب السميد بالتدريج ونحرك
بسلك البيض بسرعه عشان مايتكتل
ونرجع الجدر على نار خفيفة جدا مدة ربع ساعة

http://forum.hwaml.com/imgcache2/hwaml.com_1296480792_629.jpg

وهذا شكله وهالطبق لمحبين الاطباق الهندية فقط والباقي يروح بعيد منااااااك

http://forum.hwaml.com/imgcache2/hwaml.com_1296480793_712.jpg

وهذا شكل الشعيرية اللي بنفس هالطريقة بس مو من تصويري لقيتها بقوقل لاختي الغالية انا مسلمة
عشان تشوفين شكلها لاني عطيتج المقادير وماوريتج صورتها وبالعافية

http://forum.hwaml.com/imgcache2/hwaml.com_1296480793_142.jpg


upma ينلفض كذا اوبما
ومايقدم معاه شي ينوكل كذا لحاله يعني لاصلصلة ولاحاجه يتيم الابوين
ويقدم خاصة بوجبة الافطار

[غلا الشوق]

يمي اموت على طبق الهندي
تسلم الايادي على الطبخة الحلوة
يعطيك الف عافية

[ايلاف]

الله يعافيك هموسه
منوووووووووووووره ياقلبي