من معه الحق[انا ولا امي] ؟؟؟؟

[صمتي حكآيهـ !]

السلام عليكم ورحمه الله وبركاته
حبايبي مالي بعد الله غيركم يرشدني الي الصواب
علموني انا غلطانه والا اللي سويته صح ..

انا نفاس لي 35 يوم والمفروض اني اطلع للسوق اجهز للاربعين .. جاني مبلغ 3100 تقريبا هديه من اقاربي واصدقائي ..فقررت اني مااطلب من زوجي فلوس عشان اقضي لي ملابس ..لان المبلغ هذا كفايه علي.."

جاني زوجي قبل اسبوع وقال بعطيك مبلغ عشان تجهزي لنفسك وانا رفضت وقلت له ماني محتاجه خلك فلوسك عندك يمكن تحتاجهم اكثر مني ..

المهم سالتني امي .. ماعطاك زوجك فلوس؟!
قلت لها ماقصر قال بيعطيني وانا رفضت
عصبت علي وهاوشتني وقالت المفروض ماترفضين وتعودينه اذا عطاك فلوس خذيها وبدون تردد ..hwaml4
قلت لها زوجي راتبه ضعيف وعنده التزامات وانا عارفه ان هالمبلغ طالع من قلبه مو زايد عنده
قالت لالالا هو لومايقدر ماعطاك المفروض خذيتي منه المبلغ عشان مايتعود مايعطيك...

زوجي حريص على فلوسه ماقول بخيل ..
ويعطيني مصروف شهري ولامره قطع عني المصروف
واذا احتجت شي مايقصر ويجيبه لي بدون تردد ..
صراحه مو مقصر عني بشي ..

مدري انا اللي سويته صحيح .. صراحه مااحب اكلف عليه واطلب منه مبالغ مثل بعض الحريم .. دائما طلباتي محدوده .. حتى بهالفتره رفضت اخذ منه فلوس عشان مااضغط عليه.. حابه اكبر بعينه .. مابيه يقول اني مبذره ولاطلباتي زايده ...ابيه يشوفني بعينه غير عن كل الحريم ..."

علموني .. من معه الحق .. معي ولا مع امي ..
امي تقول اخر لك مره ترفضين الفلوس اذا عطاك خذيهم
ولاتعلمينه ان عندك فلوس ...خبيهم عنه ..hwaml15
مدري ايش اسوي انا احب زوجي وماتعودت اخبي عنه شي
كل شي اقوله تفاصيل يومي كله ماتعودت اخبي ..


من معه الحق ياترى معي ولا مع امي علموني ياخبيرات افيدوني تكفون ؟؟

[فقيرة وأرجيه]

أول شي الله يجزيك خير على احساسك بزوجك ..
شوفي ياقلبي ...أمك معها حق ... حتى لو كان عندك فلوس المفروض ماتعلمينه .. وبعدين حتى لو مو بخيل في نفاسك الجاي في حسبته بتوزيع الراتب بيخلي لك قليل وبيعتمد على هدايا الناس ... وبعدين بيقول لك انتي عارفة الوضع ... وبعدين مصاريف الطلعة من الأربعين مو شويّة .. الملابس والقص والصبغ .. والعطورت .. يعني لازم تغيرين ..
ولازم .. لازم تاخذين منه على حسب وضعه طبعا ونتي أعلم بالتزاماته .... حتى لو مو محتاجة لكن أهم شي ان الفلوس تجلس بيدك .. يعني إذ كنتي من النوع اللي يمسك الفلوس خليها عندك .. لابد تحتاجينها بيوم ...وزوجك والله على التعود .. حتى لو مايقصر ..وربي يخليكم لبعض ....

[صمتي حكآيهـ !]

والله مدري ايش اسوي حيرتوني بجد
انا صراحه مااتطلب كثييير
واستحي اصلن اطلب منه واثقل عليه
يعني اذا احتجت مره مره طلبت ...

طيب ايش اسوي الحين ؟؟؟
ادق عليه اقول له محتاجه فلوووس ؟؟
علموني بجد احس اني مو فاهمه شي ..... اووووف

[أم الشيخ خلودي]

لو اني منك ماعلمت امي ..
خلاص متفاهمه انتي وزوجك محد له دخل..
وان سالتك قولي ماقصر

[اميرةفى امانيها]

اطلبى منة مصروف ولاتعلمينة باللى عندك خبى قرشك الابيض لليوم الاسود واذا بيعطيكى خذى منة مصاريفك كثيرةبتجى ايام تمر عليك مايقدرامكن يوفرلك مصروف فخلية يتعود وامك خايفة لويتعودزوجك انت تدبرى الحين معاك ايام جاية مامعاك حق مصروف النونو واسالينى ظروفةصعبة وعذرتة ولاكنت اطلب كثيرحتى مصروفى نسيتة من طيبة قلبى وغبائى اختة قالت انتى غبية وفعلا جلست فترةببيت اهلى مصروفة الزايدعلى اهلة ومو محتاجين وانا ولاشى من نفاسى الاعمرة سنة وكانت خلافات بيننا وظروفةصعبةوتعود ادبرهذةقصتى بس لاتثقلى علية واللة يخليكم لبعض

[همسة دلع]

الحين ما ينفع تدقين عليه وتطلبينه
لاكن اذا انتي حابه توفرين عليه اذا مثلا اعطاك 500 خذي 300 ورجعي له الباقي دامه ما يقصر معاك
انا زيك والله ما اكثر عليه طلبات لاكن اذا اعطاني اخذ ما اقوله لا

[فوق مستواااك]

من رايي اذا معك.. يكفي.. خليك مع زوجك لاتصيرين ضده ..

كذا تكبرين بعينه.. بس المفروض ماتقلوين لأمك لأنه شي خاص.. والامهات كلهم كذا ..

نصيحه من اختك:: اذا الي معك يكفون خلاص لاتاخذي منه .. ساعديه ..لاتصيري ضده

والله ماراح يقصر معااااااااك ابد كل مازاد معه اعطاااااك ..

والله انا زوجي راتبه على قدنا ويالله يكفينا.. بس والله مايقصر .. لأني مااطلب اشياء فوق طااااقته .. والحين عنده زيااااااااده بالرتب وعطاني 2000 ريااااال .. من دون مااطلب

يقول :: انا حاس فيك وادري اني مقصر .. بس الله لايحرمني منك ))

.. وانتي كيفك ..

تحياااااااااااااااااتي لك

[rose]

شوفي من حققققققققققه وواجب عليه يساهم معاك بكل متطلبات الطفل
فلو انت مقتنعة وكنت عارفة مامتك
وكنت حابة ترضي الطرفين
كان قلتي اعطاني

وخليتي بينك وبين زوجك اسرار

شوووووووفي نصييييييييييييييييحة مني
لاتعوووووووووووديه
عادي ظروفه تعبانة لو اعطاك 300 خذي نصها ورجعي نصها على سبيل االمراعاة

[احبك ماما]

الفلوس الي عندك عطيه حق مولودك وحرام تاخذين منهاا ريال واحد ...

وكلام امك عين العقل لاتقولين لزوجك انك عندك فلوس ..مو لانك تخبين عنه بس ماتدرين بالي بيصير بكره ...

ومثل ماقالو خليه ليومك الاسود ...

مثل انا زوجي يعطيني مصروف اصرف منه واخبي الباقي واذا زوجي قالي عندك اقوله لا ماعندي مو لاني اكذب عليه وما ابي اعطيه ..بس اقول خلي اخبيهم لبكره الي مادري شنو بيصير ...

وبعد فتره احتجت اشتري غساله لانه حقتنا اختربت ...وزوجي ماعنده ..مديتهم له وقلت له اخذهم ورح اشتر ...ولا تعطلنااا وانتظرنا من ينزل المعاش ..

وانتي ظمي عطيه مولودك لبكره بيحتاج غرفه نوم واشيااااء وانتي جبتي بنوته يعني تحتاج ذهب والذهب يبيله .. وماتدرين بظروفكم ..انتبهي تصرفينهم ع اشاء مالهااا معنى ...

وامك ما عصبت الا لانهااا ماره بهشي واخبر في الحياه ...الله يخليهااا لك ..

[صمتي حكآيهـ !]

لو اني منك ماعلمت امي ..
خلاص متفاهمه انتي وزوجك محد له دخل..
وان سالتك قولي ماقصر

معك حق..
يعطيك العافيه يالغلا

[صمتي حكآيهـ !]

اطلبى منة مصروف ولاتعلمينة باللى عندك خبى قرشك الابيض لليوم الاسود واذا بيعطيكى خذى منة مصاريفك كثيرةبتجى ايام تمر عليك مايقدرامكن يوفرلك مصروف فخلية يتعود وامك خايفة لويتعودزوجك انت تدبرى الحين معاك ايام جاية مامعاك حق مصروف النونو واسالينى ظروفةصعبة وعذرتة ولاكنت اطلب كثيرحتى مصروفى نسيتة من طيبة قلبى وغبائى اختة قالت انتى غبية وفعلا جلست فترةببيت اهلى مصروفة الزايدعلى اهلة ومو محتاجين وانا ولاشى من نفاسى الاعمرة سنة وكانت خلافات بيننا وظروفةصعبةوتعود ادبرهذةقصتى بس لاتثقلى علية واللة يخليكم لبعض

والله خوفتني رده فعلكم .. حسيت اني خربت على نفسي
ان شاء الله احاول اعدل هالطبع اللي فيني
يعطيك العافيه ماقصرتي

[صمتي حكآيهـ !]

الحين ما ينفع تدقين عليه وتطلبينه
لاكن اذا انتي حابه توفرين عليه اذا مثلا اعطاك 500 خذي 300 ورجعي له الباقي دامه ما يقصر معاك
انا زيك والله ما اكثر عليه طلبات لاكن اذا اعطاني اخذ ما اقوله لا

ان شاء الله احاول اصير مثلك وماارده اذا عطاني
لاهنتي

[صمتي حكآيهـ !]

من رايي اذا معك.. يكفي.. خليك مع زوجك لاتصيرين ضده ..
كذا تكبرين بعينه.. بس المفروض ماتقلوين لأمك لأنه شي خاص.. والامهات كلهم كذا ..
نصيحه من اختك:: اذا الي معك يكفون خلاص لاتاخذي منه .. ساعديه ..لاتصيري ضده
والله ماراح يقصر معااااااااك ابد كل مازاد معه اعطاااااك ..
والله انا زوجي راتبه على قدنا ويالله يكفينا.. بس والله مايقصر .. لأني مااطلب اشياء فوق طااااقته .. والحين عنده زيااااااااده بالرتب وعطاني 2000 ريااااال .. من دون مااطلب

يقول :: انا حاس فيك وادري اني مقصر .. بس الله لايحرمني منك ))

.. وانتي كيفك ..

تحياااااااااااااااااتي لك

تدرين يا(فوق مستواك)"
انا مالقيت منه لاحمد ولاشكر .. يعني عمره ماقال لي كلام مثل كذا
على كثر مااقدر ضروفه الا انه ماالقى منه كلام يثلج الصدر

يعني عمره ماقال لي او اعترف لي مثل زوجك
وهذا اللي قاهرني ياختي احس مو باين بعينه تقديري لضروفه.."

الله المستعان

[صمتي حكآيهـ !]

شوفي من حققققققققققه وواجب عليه يساهم معاك بكل متطلبات الطفل
فلو انت مقتنعة وكنت عارفة مامتك
وكنت حابة ترضي الطرفين
كان قلتي اعطاني
وخليتي بينك وبين زوجك اسرار
شوووووووفي نصييييييييييييييييحة مني
لاتعوووووووووووديه
عادي ظروفه تعبانة لو اعطاك 300 خذي نصها ورجعي نصها على سبيل االمراعاة



على فكره هو متحمل كل متطلبات بنتي ولادفعت شي من جيبي لها
الفلوس اللي عندي لي انا لوحدي بس ...

هو قال لي .. اللي معك تقضي فيه وبنتي انا بقضي لها .."

[صمتي حكآيهـ !]

الفلوس الي عندك عطيه حق مولودك وحرام تاخذين منهاا ريال واحد ...

وكلام امك عين العقل لاتقولين لزوجك انك عندك فلوس ..مو لانك تخبين عنه بس ماتدرين بالي بيصير بكره ...

ومثل ماقالو خليه ليومك الاسود ...

مثل انا زوجي يعطيني مصروف اصرف منه واخبي الباقي واذا زوجي قالي عندك اقوله لا ماعندي مو لاني اكذب عليه وما ابي اعطيه ..بس اقول خلي اخبيهم لبكره الي مادري شنو بيصير ...

وبعد فتره احتجت اشتري غساله لانه حقتنا اختربت ...وزوجي ماعنده ..مديتهم له وقلت له اخذهم ورح اشتر ...ولا تعطلنااا وانتظرنا من ينزل المعاش ..

وانتي ظمي عطيه مولودك لبكره بيحتاج غرفه نوم واشيااااء وانتي جبتي بنوته يعني تحتاج ذهب والذهب يبيله .. وماتدرين بظروفكم ..انتبهي تصرفينهم ع اشاء مالهااا معنى ...

وامك ما عصبت الا لانهااا ماره بهشي واخبر في الحياه ...الله يخليهااا لك ..

مو حرام اخذ منهم ليه يابعدي حرام ؟؟
هي جااتني هالفلوس على سلامتي ..
وبعدين انا اتفقت مع زوجي ان هالفلوس لي لحالي يادوب تكفيني
وهو يقضي لبنتي الجديد ومن ففلوسه واكيد مراح يقصر فيها بشي

بس يوم درت امي اني سويت كذا عصبت وقالت غلط المفروض تاخذين منه فلوووس
بجد تحسفت ليتني قلت له ماعندي عشان مايتعود على هالطبع ..

[™ روحــي فــــدٱٱٱهـ« ||]

حبيبتي انتي معك حق ماغلطتي ..

السالفه مو سالفة يتعود ومايتعود آكيد اذا احتجتي فلوس وطلبتيه بيعطيك تعود ولا ماتعود أخذه منه أخذه ومجبور يصرف عليك..

يعني لاتشيلي هم اللي سويتيه صح وإذا نقصت فلوسك اطلبيه أكيد راح يحوللك الفلوس ع حسابك مافيه اسهل منها,,

تقبلي مروري..|~

[فوق مستواااك]

صمتي .. ممكن انه حاس فيك بس بعض الرجال مايحبوا يبينوا لزوجاتهم انهم مقصرين
لاتتحسفين ولا شي .. مثل ماقالت اختي روحي فداك .. اذا نقص اطلبي ماراح يقصر
والي سويته صح ..

تحيااااااااااااااااااااااتي

[حنين الجنة]

لا الحق معكم انتى بس فيه شي كنتى لازم تقوليه لزوجك
انه الناس اللى جو باركولك عطوكى فلوس وهو ملزززززم يردهم لهم بالمناسبات

[ترانيم الغلا]

يآقلبي انتي غلطااااانه

كان لازم تاخذينهااا منه

وزي ماقالو البنات لو تاخذين جزء منها وترجعين له الباقي بس مو ترجعينها كلهااا

هذا اكبر غلللللللللللللط

وصدقيني الرجال زي الطفل راح يمشي على اللي عودتيه

تخيلي جيتيه بيوم تطلبينه قال ماعندي انتي عندك فلوس طلعي منهم !!

وش بتقولين وقتهااااا ؟؟؟؟

وربي اعرف كثييييييييييير سووهااا

ماآلومه انتي اللي عودتيه على كذا

وبصراحه مو كلهم ينفع معاهم الطيب يعني على قد ماوفرتي له وسويتي بكره يجحده كله

وربي خااااالتي كانت تسوي نفس اللي سويتيه

لدرجة انها بعض الاحيان تنقص على اولادها عشان توفر له

وبالاخير وش سوآ ؟؟؟

الفلوس اللي وفرتها له راح تزوج عليهااا فيهاااااااا

وش استفادت هي ولااااااااااا شي

يعني نصيحه مني واسمعي كلام امك لانها تبغى مصلحتك اكثر من الكل

اذا اعطاااااااااااااك لاترديييييييييييييييينهاااااااااا لو تاخذين جزززء بسيييييط بس اهم شي ماتردين الفلوس

لانك اذا رديتيه مره واثنين وثلاثه احلمي بعد كذا يعطيك بيقول هذي مو محتاجه ماراح يقول هذا توفرلي وتساعدني

وزي ماقلتي انتي على قد ماسويتي ماعمره قالك انتي ماتقصرين واعترف بالشي هذاا

يعني بصراحه ماااينفع معاهم الطيب

بس في ردود بعض البنات اللي أيدوكي غلطانيين وقهروني بصراحه

وعلى فكره اذا انتو توفرون لازواجكم وشكروكم واعترفو بالشي هذا نقول يمكن هذولا ينفع معاهم بس زوجهاااااا لا شكر ولاشي فـ هذا من النوع اللي ماينفع معاااااااه

واسفه على الاطااااااله

[ســاره]

شوفي حبيبتي مدام عارفه ظروف زوجك مافيها شي تساعدينه لان على حسب كلامك هو مايقصر معك ويعطيك كل شهر مصروف خلاص امك مالها دخل في خصوصياتكم انتي ادرى بظروف زوجك وكذا تكبرين بعينه ونصيحه لاتدخلين احد بحياتكم لانك انتي ادرى وحده بحياتك وعارفه امكانيات زوجك

[البتول...]

حبيبتي الرأي رأيك فالاول والاخير...
وانتي ادرى بزوجك وبظرووووووفه.....وبصرااااااااحه الحق معك انتي...
وعلى كلامك الفلوس اللي معك تكفيك ليش تظغطين عليه وتاخذين شيء انتي مو بحاجته...
وماتدري يمكن بعد الاربعين يكون مجهز لك مفاجأه بالفلوس اللي رفضتي تاخذيهاااااا....
واي شيء بينك وبين زوجك اتخذي القرار بنفسك..لاتاخذي راي امك ولا اي احد ثاني...

[ألم الغربة]

الصراحة الحق مع امك لازم تعودي زوجك انه زاد المصروف بقدوم المولود الجديد و تخلي فلوسك الك في وقت الحاجة بقولك عن تجربة و صدقيني اختي مثلك لا تطلبو خلاص تعود ما يعطيها و شوي شوي بطل حتي يجيب اي شي و هي طبعا تضطر تبيع ذهبها حتي تصرف و هو يقول ما عني و حتي باع سيارتها و سافر و لو تقوله أعطيني يقول ما عندي دبري حالك لكن أنا بعكس اختي الم المصروف و في اوقات احتاج مبلغ بسيط و ما ابغي اقول ال زوجي اسحب من اللي عندي
و مثل ما فالوا الأخوات ممكن تأخذي حتي لو نصف المبلغ و ترجعي له الباقي بس لا ترفضين اللي هو يعطيكي اياه

[TOomy]

حبيبتي هذا زوجك وبيصير ابو عيالك واذا انتي ما رحمتينه وساعدتينه ووقفتي معاه من يوقف وانا اقولج هذي حياتج ماعليج من كلام امج ولاتخلين احدد يدخل بينكم ما اقولج علميه انج ما تأخذين من فلوس ولا اقولج كسري ظهره من المصاريف
والله يخليكم لبعض

[سيدة الغرام]

كلام امك عين العقل ياقلبي خبي مصروفك اليوم الاسود والله اذا حتاجتي شي صح زوجك مايقصر باي شي بس مهما كان ياعمري
بس المفروض ماتقولين الامك ياقلبي هذا شي بينك وبين زوجك يالغلا الله يخليكم لبعض
تقبلي مروري

[زهره الرمان]

امك معااااها حق

اولا هي ادرى منك بكثييير وهي مجربه

[ندى الايام]

فيه مثل مصري قديم يقول
ابنك على ماتربيه وزوجك على ماتعوديه... حبيبتي لاتندمي على اللي سويتيه لانك انت نيتك كلها خير وربي بيعطيك على قد نيتك
مااقولك لاترحمينه واطلبي على طول لا شددددي شوي بالبدايه وبعدين ارخي على كيفك

[أم ميوري]

حبيبتي دام انه طيب معاك وماعمره قصر عليك في شي وانتي عندك اللي يكيفيك ليش تاخذين منه
وبعدين عرض انه يعطيك من غير ماتتطلبيه يعني احنا يالحريم لازم الوحده تكون عندها رحمه في زوجها لا تخلي الوحده يفهم زوجها انها حقت مصلحه وبس وكان قلتي لامك عطاني ومو شرط تعرف اذا تفاهمتي انتي وزوجك خلااااااااااااااااااااااص خصوصا انه يعطيك مصروفك والله حرام يابنات لازم الوحده يحس زوجها ان زوجته تقدر مو عايشه لنفسها وبس خصوصا ان كل شي صار غالي والله لو الوحده تمسك المصروف شهر لتشوفون العجايب ومن حقه زوجك يكون حريص على الفلوس في الاخير عشانك وعشان عيالك انتي اهم شي تاخذين مصروف شهري قد اللي يقدر عليه ونا بصراحه معاك في اللي سويتيه اللي سويتيه عين العقل والله يوفقك\\\\\\

[أم أصيـــل]

أمك معاها حق ,,ماأقول دوسي عليه وفقريه بس كان أخذتي ربع المبلغ عالأقل وشكرتيه بأدب وقولي هذا كفاية,,
لأنو الرجال سبحان الله مره على مره بعد كذا يبدأ يطنش لو تموتي عنده مايعطيك شي,,
يحبوا الست إللي تحسسه إنو مسئول عنها ....

[صمتي حكآيهـ !]

يعطيكم العااااااااااااااااااااااااااااااااااافيه جميعا..

ماقصرتو فديتكم

ربي لايحرمني منكم...

[سموة الشوق]

الأخوات كفوا ووفوا حبيبتي

والرجال على حسب ماعودتيه يالغلا

الله يوفقكم ويسعدكم ولايفرق بينكم غلاتي

[سكني قلب زوجي]

انا معاك حبيبتي هذي اشياء بينك وبين زوجك وفلوسه وفلوسك وحده لكم وين بتروح يعني واذا مو مقصر معاك لازم تراعينه والحياه تعاون والزواج مشاركه وهذي حياتكم لاتدخلين احد فيها
انا زوجي الحمد لله راتبه كويس ومايقصر في اي شي بس اذا صار ظرف او جا وقت مصروفي وعندي من قبل ما اخذ منه اخليها وماراح يقصر لو احتجت وانتي سوي كذا وتبنبسطين ان شاء الله

[نبع الكوثر]

بصراه انتو الثنتين معكم حق
بس المفروض ماتعلمي امك تدخل بينكم ولا المفروض تعرف خصوصياتكم
المفروض انتي تراعي زوجك وبما انه ماعنده امكانيه ماتزيدي عليه
بس المفروض اذا عطاك شيء يعني يكون قادر عليه تاخديه وتغبيه اكيد تحتاجوه في يوم
انا كنت كذا ماتطلب على زوجي شيء ويعطيني شهريا بس اذا شهر كان محتاج حيل ماحب اكلف عليه فماخد منه والى يعطيني اياه شهريا اغبيه لان انا اصلا ماحتاج الى شحن الجوال واذ صارت مناسبه غير كذا مافي وتجمعو عندي كذا الف وتدري مرة وحده خلص المشروع الى كان يشتغل فيه وجلس اربع شهور بدون عمل وطبعا احتجنا اغراض الى البيت وانا كنت حامل ومصاريف زياده قال بيتسلف وانا ماحب شيء اسمه ديووووووووووون
فقمت واعطيته الى جمعته وقال لي من وين؟؟ قلت له هدا الى تعطيني اياه شهريا اغبيه واليوم احتجناه ومارضى ياخدهم الى يوم حلفني اني اخدهم منه اذا رجع يشتغل
وعن جد رجعهم لي وزياده
لاوصار يعطيني شهريتي اكثر من قبل

[أم أجنادين 80]

لو متفاهمة مع زوجك لاتسمعي كلام امك

الزوجة لازم تراعي ظروف زوجها

مو كل شي فلوس

وانت بالطريقة هذه كبرتي في عيون زوجك

لاتسمعي كلام احد حتي لو امك مدام متفقة ومرتاحة مع زوجك

وانت اكثر شخص فاهمه وفاهم طباعه

[سكـــر ناعـــم]

شوفي حبيبتي كلاااام امك هو الصح ولافيه احسن منه ...
زوجك متكفل فيكي وفي بنتك وعلى فكره علط انك قلتي معك .. بس خلاص مشت هالمره المفرووض في الاساسيات ماتتغير بس لو تبي تساعديه باشياء ثانييه هذا راجع لك مثلا صرفه الاعياد والولاده والواجبات الاجتماعيه ماتساعديه فيها تحسسيه انه ملزوم فيها ..
لاتخليه يشيل ايده بالضروري يتعود بعدين وعلى فكره هو مابيروح بتدين عشان يعطيكي مصرووف اكيد عنده مجمعها لانه بيمر بهالفتره .. واذا تبي تساعديه خذي المبله مثلا 500 ورجعي له 150 وقولي بجد حاولت اقلل عشانك ياقلبي ومره غيرها قولي له شفت حبيبي انا اقلل من صرفتي عشاانك عشاان يكون حاط هالشي بباله دام هو مايتكلم ..
ربي يوفقك..