تجمع المتابعات في مستشفى العسكري م/109 [الأرشيف]

ريــوف

01-24-2011, 04:13 AM

السلام عليكم

كيفكم كروشااات

هنا تجمع الحوامل الي يتابعون بمستشفى العسكري مبنى 109
علشان نستفيد من بعض من ناحية الولادة والمتابعة والخياطة وغيره...
وكل وحدة تقول تجربتها

ام ليونة0

01-25-2011, 12:48 AM

هلا اختى انا معك ارجع عندهم وكنت ولدة قبل 3سنين عندهم وان شاء اللة هذى المرة بعد بولد اذا ربي اراد عندهم

ريــوف

01-25-2011, 02:17 AM

هلا ام ليونة انا بعد ولدت عندهم قبل 3 سنين ونص وبغرفة الطواري
هم كانوا بيطلعوني فوق لغرف الولادة بس انا وصلت عندهم الطواري كان الرحم مفتوح 6 سنتي ولدوني ولا عملو لي خياطة ان شاء الله المرة هذي اروح بدري علشان يهتمون اكثر والله اني حايسة من ناحية الخياطة وزوجي يوصي علي

ريــوف

01-25-2011, 02:18 AM

عند اي دكتورة تراجعين ؟

zmrdh

01-10-2012, 10:04 AM

السلام عليكم
اخواتي اللي والده او تعرف احد والد هالسنه بغيت اسال عن الولاده القيصريه في العسكري خياطتهم كيف مثل المستشفيات الخاصه ليزر والا كبس وغرز يفكوها لك بعد كم يوم

كنزالدنيا

01-17-2013, 10:01 AM

تنصحوني بالعسكري

خلود الرياض

01-18-2013, 02:38 AM

مرحبتين. الله يتمم لنا ولكم بخير يارب
انا بعد براجع باالعسكري باذن الله
ولدت فيه قبل 3سنن
زي اختي ريوف بالطواري بس ماكنت واصله جيت 3سانتي
بس ماكان فيه سريروقعدت من 9الصباح لين7ولدت
كل هالوقت مالقو سرير وانا ماخلت دعوه مادعيت عليهم حتى الاسمري ماسلم مني هههههه
بس ماقصرت دكتوره سودانيه صارت تعتذر ومرره رحمتني كنت تعبانه ومستحيه اني قدام الحريم اتالم
والله يتمم لي وييسر الامر هالمره

ام sara

01-18-2013, 03:10 AM

وانا كمان اتابع فيه بنات معقوله يولدون في الطواري شكلي بغيررايي وولدفي خاص اناسمعت عنهم مايهتمون ويتركون لك البيبي تغيره وكل شي صراحه ماسمعت احدمدح فيه

دلوعة حبيبها

01-18-2013, 05:05 AM

اهلين بنات
انا ولدت فيه قبل سنتين والله كويييس مافيه اي عيب ولا مشاكل ولله الحمد
بس بغيت اسألكم المره هذي ناويه اخذ ابرة الظهر الله لا يعوق بشر هم يعطون ولا لا انا اتابع في العسكري الي بجده وانتو اي عسكري تتابعون

رهف الرياض

05-06-2013, 10:34 AM

الي تو والدين في العسكري لازم اطلب ابره الظهر من الدكتوره

ولاوقت الولاده يعطونيها

كشه ناعمه

05-06-2013, 11:55 AM

كروشات ممكن اسالكم العسكري يشمل الجوازات؟
و وين مكانه ..؟وهل فيه بالشرقيه اﻻحساء؟
وكيف متابعتهم كويسه وسونار وكل شي وﻻ في زحمه..؟
اتمنى تفيدوني

شـــــوق

05-06-2013, 12:54 PM

انا ان شاءالله بتابع عنده من السادس
وحده تمممددددح لي ممره ولاده قيصريه ماله الحين ولااربع شهور والده فيه
وقبل ثلاث سنين ولده عندهم وعطوه ابره الظهر كانت طالبتها واكدت عليهم عند الولاده كانت تطلق له يومين
وبس ان شاءالله استفدتو مني واستفيد منك
والعسكري حق الشرقيه ممررهه مممتتاااازز جدا واحسن من الي عندنا انصحك تروحين له كشه ناعمه

سما الخاطر

05-06-2013, 03:02 PM

مساء الخير انا اتابع بالعسكري اللي بالشرقية ويسمونه مجمع الملك فهد الطبي واراجع عند الدكتور رفعت لأني مسوية ربط عندهم وإن شاء الله كل الامور تمام المستشفى ماعليه واللي شوي مايمدحونه حق القاعدة وناس يمدحونه يعنى على حسب

كلوديا

06-11-2013, 10:05 PM

وينكم خواتي
خلونا نرجع التجمع
انا اراجع فيه الان اللي بالرياض وحاليا بالثامن .

gogo2010

06-15-2013, 05:44 AM

اهلن بنات انا راجعت قبل خمس سنوات في العسكري برياض مررره اهتمام مع اني جيتهم ثلاث مرات كنت لانه اول حمل لي والله رفضو يولدوني لحد مانفتح الرحم 3سم وحتى خياطتهم مررره روعه وهذي المراه ان شاء الله ناويه اولد بالمستشفى العسكري بحفر الباطن يمدحونه كمان الله يهون علينا اجمعين ...

اوم سوسو

06-17-2013, 01:27 AM

اهلين بنات
انا اتابع بالعسكري الان مبنى 3 الاساسي بصراحه هذي الحمله الرابعه لي
قررت اذاجع عندهم لانه تعرضت بولاداتي اللي قبل لاخطاء فقلت خليني اشوفهم
ولا عن قناعه بالنهايه هي تساهيل من رب العالمين

jo0od

06-26-2013, 03:28 AM

انا بشهر ارابع وأراجع بالعسكري الي برياض الي بالمروج وعندي موعد بشهر 10 بمبنى 109 بسسس خايفه من الولاده فيه ومتردده لاني بكررر ماعرف شي وكثير حذروني من ابره الظهرر

Orchid109

06-26-2013, 07:31 AM

هلا وغلا فيكم حبيباتي
الله يقومكم بالسلامة وان شاء الله لو صار فيه نشاط بالموضوع
راح اثبته

موفقين جميعاً

سلة فواكه

06-27-2013, 08:11 AM

المستشفى رائع والدكاتره بروفيشينال وعلى مستوى عالي واستشاريين قمه بس عيبهم الزحمه ياليت عندي واسطه بقسم التجميل عشان اسوي عمليات على كيفي

الهاديه

08-24-2013, 05:17 AM

انا بعد معكم ان شاء الله ب العسكري
اراجع بالمروج متى يحولونا على 109
وهل فيه اشعه ب الثامن زي السادس تفصيليه او لا؟

صحصحو وخلونا نستفيد من بعض

بنِت النوُر

08-26-2013, 05:12 AM

منورات كروشااات ربي يسهلهااا علينا انا بالسابع وفتحت ملف بس حتا الان مارجعت انا بالنسيم ورحت لطب الاسره اظن كذا اسمه فرع بحي الريان تابع للعسكري المهم عطوني ورقه وقالو سوي اشعه تلفزيونيه بمبنئ واحد بالفرع الرئيسي للعسكري ..

وانا بجرريه ومادري ووووين ربي حاطني

ياليت الي يراجعن يقلن لنا وووين المبني اي رقم الولاده باي مبنئ والاشعه التلفزيونيه باااي مبنئ عشان نساعد بعض والولاده تساهيل من رب العالمين ...