بنات الرياض طلبتكم ادخلو

[أم ريتال وريان]

بسم الله الرحمن الرحيم
السلام عليكم ورحمة الله وبركاته

بنات حبيت استفسر انا في ابها وبولد ان شاء الله في الرياض وسؤالي هو
ودي اولد في مستشفى الملك فهد بالحرس او العسكري
هل اقدر اولد فيه وزوجي مو من منسوبي الحرس او موظف ومن برا الرياض ؟ وسمعت ان الولاده في فهد بعضها تكون بفلوس متى تكون هالحاله ؟؟
والف شكر لكم يالغوالي

[توووته]

ام ريتال انااراجع بمستشفى فهد بالرياض اذا حاااابه بكره عندي موعد اسال لك دعواتك لي بتسهيل الولاده والطفل السليم المعافى ان شاء الله

[العاااالي مستواها]

انا اراجع في العسكري ولدت فيه من اسبوعين مرررررررررره ممتاز والقابلات سعوديات مرررررره طيبين وصبورات على الوحده مايستعجلونك ولا يصرخون عليك اذا لك ملف فيه روحي ولاتاخرين في المراجعه وربي يسرلك امرك

[أم ريتال وريان]

ايه بالله تكفين يا توووته وربي لدعيلك الله يوفقك ويسعدك دنيا واخره الف شكر

[أم ريتال وريان]

العاااالي مستواها
يعطيك العافيه بس انا ابي اولد عندهم بس مراجعتي هنا في ابها وربي خايفه اتوهق لاجات الولاده مدري وين اولد
الله يسعدك يارب ويخليلك مولودك

[abrar]

حتى للحين والله مدري وين اولد فيه الله يستر مااولد بسياره ههههه
بس ممكن سؤال ؟ مستشفى مدينه الملك فهد الطبيه يستقبلون يقولون انهم يردووون وعندهم بفلوس بس مددري وش سالفتهم تكفون عطوني اجوبه الله يسهل عليكم ياررب

[أم ريتال وريان]

هلا ابرار
انا انتظر توووته ترد علي بكره ان شاء الله وبنعرف
وانا اللي سمعته بس مو متاكده سالفة الفلوس اللي يجيهم من برا السكن يعني مو من منسوبي الحرس او المقيمين
ان شاء الله تطمني تووووته

[توووته]

ام ريتال بعد شوي موعدي بروح المستشفى اي استفسار انا حاااااضره

[~*جْ ــوَلىْ*~]

البنات ماقصروا

الله يسهل امرك

[توووته]

مساء الخييير ام ريتال تصدقين من الظهر الى الساعه 4 وانا بالمستشفى بسبب زحمه طبعا علشان موعدي مع الدكتوره اليوم وسالت لك قالو تكلف 10 الالاااف وزوجي سال وقال اعتقد بالمستشفيات الخاصة اقل بالفين دعواتك لي بالطفل السليم ووولاده سهلة ان شاء الله

[أم ريتال وريان]

توووته الله يسعدك ويوفقك ويسهل ولادتك يارب بدعيلك بكل سجده الف شكر وتعبتك معاي ماقصرتي الله يعطيك الف عافيه

[توووته]

اختي ام ريتال الله يسعدك دنياواخره تستاااااااهلين يالغلا واي خدمه انا موجوده وعلى فكره زوجي موظف بالمستشفى اي استفسار تفضلي وان شاء الله نولد بخييير وصحه وسلامه

[أم ريتال وريان]

الله يسمع منك يارب ومشكورة يالغلا لايحرمك السعادة يارب في حياتك
انا ولادتي بعيده شوي ع 7 الله ييسر ومدري فين بولد الله يسعدك

[توووته]

على العموم جربت العسكري في ولادتين كان نص ونص وفهد اول مره لي بجربه هذا شهري ان شاء الله اذا ربي كتب لي عمر ابشرك واقول لك عن رعااايتهم مع اني لما رحت لطواريء الولاده عندهم حسيييت برااااحه بس ماااادري عن غرف الولاده كيف نظاااامها العسكري بسبب الزحمه ولدت بغرفة الكشف ماكان فيه غرف فااااضيه طبعا المولود الثاني اما بولادتي الاولى بالعسكري بس كنت بغرفه لي لوحدي وكااانت اختي وخالتي ام زوجي معي