احتمال انو الكيس فااضي عندي

[سموةالمشاعر]

hwaml80والله مادري ايش اقوول المهم ان قدرة الله فوق كل شي
رحت اليوم وسويت سونار لان الدكتوره واعدتني قبل اسبوع
كان الكيس صغير قالت تعالي انشاء الله تسمعين نبض الجنين
بعد اسبووع المهم:
لما سويته اليوم تاخرت وهي تفرك بهالبطن وانا خفت لان ملامحها
ماتريح قلت دكتوره اذا في شي قولي عادي المهم
قالت انا ماراح اخبي عليك الكيس فاضي احتمال انو الحمل ماصاار الا متاخر او .....انو فااااااااااااااضي بس ماقدر احدد الحين راح ننتظر اسبووع اذا الحمل متاخر بيبان الجنين واذا فاضي لازم تسوين تنظيف
او راح ينزل الكيس لحاله...
عاد انا من جيت وانا افكر واحسب وقررت اني ماراح ارووح لها الا بعد اسبوعين ...
طولت عليكم حباايبي والله اني كتبت لكم قبل لا اقوول حق احد
اذا ربي رزقني بالجنين نشرت الخبرواذا ماكتب لي الحمد لله على كل حاااال....

[rooraa]

الله يفرح قلبك بشوفت جنينك يارب
روحي لدكتوره شاطره واعملي تصوير داخلي احسن ويبين اوضح

[احب القمرا]

انا كمان قالوا كيس فاضي وتقلب وجه الدكتور قالي تعالي سبوع الجاي وسوا لي سونار داخلي حصلته مافيه ضرر الله يفرح قلبك

[سموةالمشاعر]

تسلمين خيتو rooraa الله يسمع منك
بس هذي اللي رحت لها يقولون عنها شاطر...

[سموةالمشاعر]

الله يطمن قلبك يااختي احب القمرا ويسهل ولادتك ياارب
والله زرعتي في قلبي الامل بعد الله ...
شكرا...

[سموةالجرح]

عادي بالبدايه يقولون الكيس فاضي لانه مايبيبن صغير بس انتظري فتره وروحي وباذ ن الله تطمنين

[سموةالمشاعر]

الله يريحك ياسموةالجرح مشكووره اختي....
والله اني تحطمت من اللي قاالته لي بس الامل بالله كبيير...

[سموةالمشاعر]

(اللهم لا تذرني فردا وانت خير الواثين)

[قمر بنت راشد]

حبيبتي انا رحت للدكتوره وكنت اظن اني بالاسبوع السادس وهي قالت لي لا تووه صغير وانتي توك بالاسبوع الرابع

وبعدين مارحت عشان ماتوترني بس الحمدلله احس بنبضه بس مارحت حق اسمعه عند الدكتوره

موعدي معاها 13 - 2 ميلادي وان شاءالله كل شي تمام عندك وعندي

[بنوتة ناعمة]

حبيبتي عادي ان شاء الله راح يبان النبض ان شاء الله وتفرحي فية ان شاء الله

[سموةالمشاعر]

قمر ياارب يسمع منك ويكون حملي متاخر عشان كذا ماباان
الله يوفقك حبيبتي ويطمنك على جنينك ياارب ....

[سموةالمشاعر]

حبيبتي بنوته ناعمه الله يسمع منك ياارب
تسلمين ياقلبي والله يسهل عليك ولادتك...

[ام ميمي ان شاءالله]

اختي انا من القلق في هالموضوع سويت تجمع اسمه اللي حملو بكيس حمل منغير جنين ولقيت في تفاعل من بعض العضوات المهم انا صار لي هالشي رحت الاسبوع الثامن قالت لي كيس فاضي تاثرت وجتني حالة نفسية تدرين ليش ؟؟؟؟؟؟؟؟؟؟ لاني كنت اشوف بعض الصور هنا في المنتدى وفي النت عموما واسمع ان النبض يبان من الاسبوع الرابع وكذا يعني
المهم انتظرت اسبوع وغيرت الدكتورة ورحت حق واحد ثاني قا لي الجنين ومبين وشكله سليم بس العمر صغير شوي تكونين حاسبة غلط انا هذاك اليوم رحت وايد حشرااااااااااااااااانة مثانتي مليانة عشان يبين والحمد لله بين تطمني واكيد بتشوفينه.

[احلى ذكرى]

الله يطمن قلبك بس تاكدي واسالي عن التصوير الداخلي قبل لاتسويه لان الكشف الداخلي بالبدايه خطر ممكن تفتح لك اللرحم ويصير لك نزيف لا سمح الله
انتي اتاخري يعني لاتروحي الابعد اسبوعين ولا سوي تصوير عند اخصائي اشعه هو يفهم لتصوير اكثر
وربي معاك............

[روح مغليها]

قلبو طبيعي لانه بعده صغير ما يبين

كثير قالو لهم فاضي وبعد فتره وضح الجنين


الله يقر عينك بشوفته

[سموةالمشاعر]

ام ميمي والله معااك حق النت هو اللي زااد توتري
الله يطمن قلبك حبيبتي والله يسعدك في حياتك ياارب..

[سموةالمشاعر]

مشكووره حبيبتي احلى ذكرى
انا موعدي بعد يومين بس مااراح ارووح له
راح ااجله للاسبووع الجااي اذا رضى زوجي

[سموةالمشاعر]

سماء الاحسااس حبيبتي الله يسمع منك ياارب
ويقر عيني بشوفته ياارب
مشكووره حبيبتي...