الله يسعدكم افيدوني

[زهرة البنفسج]

انا والده لي 24 يوم ..الحمدلله طبيعي ..المشكله الخيوط باقي ماطاحت ..وتعورني ..رحت الدكتوره قالت ننتظر اسبوع زياده ولو ماطاحت نفكها وقالت ان فيها التهاب مع اني استخدم ميبو وكريم ابو اسد ومطهر بيتادين مدري ليش الالتهاب وماوصفت لي شي زياده ؟؟..
المشكله اخاف من الالم لو فكتها وكيف اعتني فيها لما تفكها وكيف اعرف انها التأمت ؟؟
الشي الثاني ابغى اخذ حبوب منع الحمل قالت الدكتوره في اليوم 35 من النفاس هل توقف دم النفاس ولا لا؟؟
وشاغلتني المنطقه اخاف ماتصير تمام وهل عادي يصير جماع لو بعد الاربعين بيوم واحد ولا لازم انتظر زياده لان زوجي من الحين كل يوم يسألني طهرتي ولالا وانا برجع بيتي اخر يوم بالاربعين يعني اكيد بيصير جماع وانا خاااايفه من الالم مكان الخياطه واخاف ان المكان يكون واسع مو مثل قبل ؟؟؟
وبالنسبه لتحاميل البوثيل هل تنصحون فيها ومتى ابدأ استخدمها ؟؟
هل استخدم المر على الخياطه الحين ولا لا؟؟
ومتى ابدأ اهتم بنفسي تعبت من هذي الخياطه نفسي ارتاح منها ؟؟
الله يسعدكم ردوا علي وافيدوني من حكم خبرتكم
الله يفرج هم كل من ترد علي

[زهرة البنفسج]

8 مشاهدات ولا رد
حرام عليكم لو دعوه

[زهرة البنفسج]

لاإله الا الله

[فرح2010]

ياقلبي يازهرة انا ببكري كنت مااكل ولا اشرب من الهم واستحي من السوال وكم الاسئلة اللي تدور ببالي بس الامر طبيعي انا شلت الخيوط 15 يوم واصلا هي تطيح من نفسه اللي قلتي عنها الكريمات ممتازة واستخدمي منقوع المرة للوضوء وكمان ملح فارسي مع كركديه اطبخيه بموية وصفيه وخلي مرة تتوضين بالمرة ومرة بالكركدية وترا الدكاترة وقت النفاس ماوراهم الا الهم انا اكثر من جرب وبالنسبة لجماع لازم عشان انتي تتطمنين وكمان ابو الشباب يرتاح باله والخيوط اهتمي باكلك وشربك وتطيح من دون ماتدرين

[زهرة البنفسج]

تسلمين يافروحه الله يسعدك
بس عادي اروح بيتي وهي مانافكت ولا لازم افكها؟؟؟

[زهرة البنفسج]

ردووا علي الله يخليكم
ليش محد معبرني يكفي نفسيتي زففففففت

[Almasah]

:)
الحمد لله على سلامتك
واااااااو ولدتي فرحت لك والحمد لله طبيعي

توني بكريه بس احسن خلي الخيوط تطيح لحالها
مويه دافيه اقرب تكون حاره بس مو تحرق مع ملح جلسي فيها
المره نقعيها مع ماي
وان شاء الله تطيح الخيوط

وبالنسبه للجماع مدري بس لا احس خليها تطيح وتلتأم الجروح أفضل
وتوك 24 باقي اسبوعين لك وان شاء الله خلال هالايام الجايه تطيح الخيوط ويلتأم الجرح يارب

[▂▃ سوسو القمر ▃▂]

في حاااجه عند العطاار اسمها الدبااغ جبيها وتوضي فيها تحرقلك الخيووط وبترتااحين من الالم ومن همها
بنسبه للجمااع لسه ماجربت والله يستر

[همسة دلع]

والله انا توي بكريه ولسه ما ولدت
كاان ودي اسااعدك لاكن ماعندي خلفيه عن النفااس
والله يقومك بسلامه
لاكن بنسبه للجماع انتبهي اهم شي تنفك الخيوط ويلتام الجرح لانه اذا صار الجماع وانتي بااقي رااح تبدين من جديد
الله يسهل امرك

[جويل جو]

شوفي حبيبتي توضي بمنقوع المر وراح باذن الله يلتام الجرح وترين باقي بدري على الخيوط تنفك انشاالله بعد الاربعين تنفك
انا انفكت كل الخيوط بعد الاربعين بالضبط
امابالنسبه للجماع انتي ادرى بنفسك اذا صرتي طيبه او لا
ومبرووووووك على المولود والحمدلله على سلامتك

[زهرة البنفسج]

الله يبارك فيكم ويسعد كل من ردت علي ويفرج همها

[ساهرة]

انا اشوف الي تستخدمينه صح
بس المره روعه بعد توضي فيها
اما الجماع بعد الاربعين بضبط
اشوفه بدري

[زهرة البنفسج]

طيب ايش اسوي اذا اصر هو مقدر ارفض او اكذب عليه حرام وبنفس الوقت خاااايفه

[لحن الشفاه]

والله يااختي انا برضوا بكريه وفي التاسع بس الي سمعتوا من ناس موثوق فيهم انو يغسلو بمويه دافيه وملح مكان الخيوط في الصباح وفي المساء يغسلو بمويه دافيه ومنقوع فيها مر واسبوع وانفكت الخياطه


وانتي اسالي الدكتور كمان تكون شاطره مو اي دكتوره ودعواتك ليه ربي يسهلي الولاده

[زهرة البنفسج]

الله يسهل عليك يارب

[ملكة الاحساس]

الف مبروك وحمدالله على سلامتك حبيبتي بالنسبه للخيوط اناعندي ماطاحت الابعد الاربعين وعايدي لاتخافي بس لازم تستخدمي المر اكثر من مره والديتول الاخضر اماالجماع بعد ماينفك الخيوط ويلتئم الجرح

[لك الغلا]

شوفي حبيبتي بنسبه للاتهاب عندك المره اغتسلي فيها كل ما دخلتي الحمام ....
وبعدها عندك اكريم والله وحده بوحده اسمه (كيناكم) عند الصيدليه حطيه بس من برا انتبهي
للاتهابات مره كويس وتحاميل الملحه ماعندي خلفيه عنها انتبه تهملين نفسك ..

افدتك حبيبتي بالي اعرفه وجربته ..

واذا طابت اجروك الله الله بالديتول الاخضر للعنايه الشخصيه ولا تتركين لكريم الي قلت لك
عنه كل ماطلعتي من الحمام عزك الله حطيه ..

وربي يشفيك..