سااااااعدوني ..رجاء لكل الامهات

[زهرة البنفسج]

انا والده لي 21 يوم ..مره تعبت من ولدي داااايم يبكي لين يروح صوته ويحمر ويفهق اخاف عليه مره.. ماخليت شي ماستخدمته يانسون ..دنتينوكس ..موية غريب ..نقاط مغص ..مافي فايده ..غيرت الحليب بناء على رأي الدكتور من سيميلاك الى فبي ميلك1 ..بس زاد المغص عنده مع مرور الايام مدري ليش كل يوم يبكي اكثر ..اشيله مافي فايده ..والله مررره تعبت هذا غير انه نفسيتي تعبانه صرت لابكى ابكي معاه..واكره كل شي ..وماابغى اكل ...ولاجا الليل اكرهه ويجيني ضيقه فضيعه ..مدري ايش اسوي الله يخليكم سااااعدوني بأي حل والله تعبت لدرجة نفسي اموت استغفر الله مدري ليش هذا الاحساس اعرف انه حرام والحمدلله ان ربي رزقني بعد هذي السنين انا نفسي مدري ليش احس كذا ..
الله يسعدكم ابي شي يهدي ولدي يخليه ينام صرت احزن عليه وجهه ماينشاف من كثر مايحمر ويبكي ..
ردوا علي تكفون

[زهرة البنفسج]

الله يخليكم ردووا

[زهرة البنفسج]

اخاف ولدي يصير فيه شي من كثر مايبكي

[زهرة البنفسج]

رفففففع
سبحان الله

[دلوعة عبودتي]

والله حبيبتي مدري بس بنت اخوي وهي على هادا الحال وما خلو فيها مستشفى وماطلع فيها شي بس كدى والله تبكي طول ماهي صاحيه ماتسكت الا لما تنام لين سار عمرها 6شهور اما الان ماتسمعين صوتها مودبه جدا وهااااادئه قصتها ماتتصدق سبحان الله

[زهرة البنفسج]

مشكوره حبيبتي
بس مافي حل يعني؟؟؟

[مستقبل]

الحل بيدالله سبحان وتعالى اقرائ لها ادعيه واذكار الشفاء لله ياختي واحمدي ربك انه رزقك طفل معافه مندون نقصان وعلى البكاء عادي حتى ٦ شهور مادام مو مريض استحمليه واصبري والله يهون عليك

[مستقبل]

جربي شاي اطفال يباع في صيدليه مهدئ ويخلي طفل ينام والله انا حاسه فيك ياختي بس اصبري وعلى فكره نفسيتك تلعب دور كبير على الطفل خليك هادئه لما يبكي لاتصبي ولاتلعني حاولي تكوني متماسكه

[همس الزمان]

عمر ولدي ثلاثة شهور مثل حالتك بس الدكتور كتب لي للغازات البطن disflatyi مرتين في اليوم
ارتاح فيها كثير

[ضجيج خيبه]

ولدي البكر كذا كان يبكي ليل نهار وماخلينا مستشفى ورحناه

وترا طبيعي لاتخافي ان شاء الله... جربي شاي اطفال مثل مافالت مستقبل

وان شاء الله ينفعه

[ام ريوما]

حياتي ماعليه لا تخافين وحاولي تتأقلمي مع الوضع اول شي اذا ما سويتم العقيقه سووها
ثاني شي لازم الرضيع يبكي وترى منه فايده البكى سبحان الله
وفيه طرق كثيره تخفف المغص عنه كنت اذا بكت بنتي كثير اغسل بطنها بمويه دافيه لدقايق وتهدأ اصبري شهر ونص كذا راح يهدأ صدقيني بنتي بكت شهر ونص والحمدلله ريحتني بعدين
ثاني شي انتبهي لنفسك اقري القرآن والاذكار واستغفري لازم بعد الولاده يجي اكتئاب
يعني تحسين نفسك ضايقه وكاره العالم وحزيييينه وتعبااااانه نفسيا حيل
ماعليك اصبري شهر بالكثير ويتغير الحال للأحسن
الله يعينك ويصبرك ويفرج همك وغمك

[زهرة البنفسج]

مشكورين ماقصرتوا يعطيكم العافيه
الله يفرج همي وهم كل مسلمه ياااارب

[سكر عسل]

كانت كذا بنتي من السميلاك هو يجيب المغصصصصص
انتبهي منه لانه مدعم بالحديد وبطن الطفل مايستحمل
غيريه له خوذي حليب رونالاك مررررره رووووعه
بنتي اتصحت منه
ولما اشربها انومها على بطنها واخلي وجها لاف على اليمين
ولله انوااااااع الهدووووء وصرت اسحبها نوووومه
واقوم وهي نايمه معي ماقامت حبيلها ماشاء الله..
هو على حسب الحليب في حليب عندنا في اوروبا يجيب
النوووووم ههههه لما اعطيه بنتي من اول ماتشمه تدوووخ
هههههههههههه اسمه نترينلون طبعن ماراح تلقونه بس
في اوروبا انا احسه زي رونالاك

[زهرة البنفسج]

مشكوره سكر تسلمين

[جويل جو]

اختي زهرة البنفسج بكاء الطفل عادي انا ولدي كان كذا خاصه فترة النفاس بس مع مرور الوقت راح يهدا انشاالله وكنت اعطي ولدي علاج للمغص صرفه له الدكتور تمنيت افيدك واعطيك اسمه بس للاسف نسيته
اما بالنسبه لنفسيتك لاتخافين بعض الحريم يجيهم حاله نفسيه بعد الولادة وراح تروح بعد الشهر باذن الله انا كنت كذا بعد ماجبت ولدي لدرجة اخاف انام وحدي ولازم اختي تنام معي والحمد لله رجعت طبيعيه جدا بس علشان اول مره اتحمل مسؤلية طفل
والله يحفظ ولدك ويشفيه

[▂▃ سوسو القمر ▃▂]

لا تخاافين فيه اطفاال كذا يحبوون يبكوون بدون اي سبب وممكن تطهيره يوجعه او سرته انتي شيكي عليه واحتماال يكوون عنده حساسيه من الحفااايظ
الله يهوون عليك ويريح باالك
بنسبه لحليب رونالاك الي ذكرته الاخت سكر عسل
مرررره ممتاااز احسن من السيميلاك بكثيييير
ومهم التتريع وتسدحينوه علي بطنه دقيقه بين وقت والثااني عشاان الغاازات تطلع منه

[زهرة البنفسج]

تسلمين قلب نوافي
ربي يسعدك ويحفظلك