ولادة مستشى اليمامه بالرياض

[احلى عيون]

السلام عليكم ورحمة الله وبركاته ..

بنات الله يعافيكم بسألكم من اللي ولدت في مستشفى اليمامه في الرياض وكيف كانت ولادتهم ؟؟!!
وغرف الولاده نظيفه وإلا لا وأجنحة التنويم بعد ..!! نظيفه وإلا لا .
لإني دخلت المستشفى والأسياب مو نظيفه تكفووووووون بنات اللي جربت ترد علي ؟!
وصدق (( يقولون إن غرف الولاده مشتركه !!!!!! ))
.......

[أم الشيخ خلودي]

والله مااعرف بس هو شنو اهلي ولاحكومي انا ابي اولد بحكومي بالرياض ولاادري يقبلوني بالطوراى خايفه تعرفين مستشفى يقبل طوارى وكويس بالرياض الله يسهل

[قلب فصولي]

هلا حبيبتي
انا برد عليك من ولادة صديقتي في 11 / 9 يعني رمضان هذا اللي راح وبصراحه نصحتني منه
انا كنت اتابع عندهم ونصحتني من الولاده وفعلاً هربت منه
لأنهم يقولون البكر تولدها الدكتوره وصار كذب صديقتي مولدتها القابله ولا من فوق هذا غرفهم على وصفها الأسره جنب بعض وتسمعين صراخ الحريم والستاره مو مغطيه السرير كامل يعني مكشوف من عند الراس يعني تشوفين اللي جنبك وغير اسلوبهم الزفت على قولتها
وبعد هذا كله الخياطه انفكت مرتين لحد ماخيطتها في مستشفى اهلي وبعد الاربعين صار عندها التهابات ولقتهم ناسين قطعت الشاش داخل الرحم ..
لكن انا ما اخوفك منه الولاده من وحده لوحده تختلف والرزق يختلف فما تدرين يمكن يكون حظك عندهم حلو انا اللي انصحك استخيري كم مره والله يكتب لك اللي فيه الخير في اي مستشفى والله يسهل لك ولادتك .

[الهنووف]

نصيحه لاتروحين له
اختي ولدت فيه مررررره تعاملهم سيء
وغرف مشتركه
ومافيه تنظيف لك لما تولدين زي الممستشفيات الخاصه تطهرين بسرعه

[أم دلع 1]

والله ما ادري اختي ولاداتها فيه

ماسبت ولا مدحت

[سموةالجرح]

البنات كفو ووفو نفس اللي اسمعه الغرف مشتركه معامله اكس

[سموةالجرح]

والخياطه دايم التهابات وماتنفك الا بدكتوره ثانيه واحيان فك الخياطه وإعادة الخياطه

[أم الشيخ خلودي]

سألت لك عنه بمعنى اصح شين لاتغامرين يختي

[احلى عيون]

الله يجزاكم خير .. طيب وش تنصحوني فيه ؟ وين اروح .. على حسب تجاربكم

[سموةالجرح]

تبين حكومي والا اهلي

اذا حكوميً سمعت الشميسي افضل شوي والجامعي مممتاز

[عنب توت]

والله حتى انا محتاره اي مستشفى اروح له

[يارب احفظ جنيني]

حمااااااااااااااااااااتي ولادة فيه تقول الغرفه مشترررررررركه وانصحك تروح لقوئ الامن احسن بكثير او ابانمي واااااااااااااااااااااااااااااااااااااااجد احسن

وربي يقومك بالسلامه ويقوم كل الكروووووووووووووووشات

[احلى عيون]

الله يسهل لنا ويسخرنا للمستشفى الزين

يعطيكم العافيه بنات على تجاوبكم ماقصرتوا

[لوووورا]

انا بولد مستشفى سلمان الي بالرياض والله الولاده تسخير من الله الله يسهلها يارب بس انتي ادعي ربك ان الله يسخر لك اللي بالمستشفى وربي يسرها

[احلى عيون]

الله يسهلها علينا وعلى كل الكروشات
يسلموووو لورا على مرورك

منوره

[~*جْ ــوَلىْ*~]

فااااااااااشل ابعدي عنه انا رحت لهم طوارئ عشان بعد الخياطة كان معاي الآآآآآم شديدة

تعاملهم سيئ جدا جدا

روحي مدينة الملك فهد او خالد الجامعي

[يارب احفظ جنيني]

اهم شي نقوووووووووووم بالسلامه وبصحه زينه للمولود والام وربك يسهل ولادتك لا مستشفئ ولاغيره

ياااااااااااااااااااااااارب تقومنا بالسلامه

[أم بيبو]

الله يسهل عليكم وعلي ان شاء الله0000

[احلى عيون]

الله يجزاكم خير على ردودكم وعسى الله يسهل ولادتنا وييقومنا بالسلامه

[نونه2011]

انا والاده فيه وزوجه خالي ولدت فيه بس شوفي الفرق خياطي يهبل وكنت بسرير بينا ستاير بلا دلع عاد يكفي انه حكومي والغرف كانها جناح والحضاننه لك عليها مع انه ولدي كان بالعنايه وزوجت خالي ولدت جنب زبايل المشيمه الله يكرمك وعلى سرير خايس يعني اذا عندك واسطه ابشري بعزك واذا ماعندك روحي لمستشفى خاص افضل لك

تقبلي مروري لك مني اجمل ود

الله يسهل عليك ويفرح قلبك