محتاجه مساعدتكم

[حراير]

ابي مساعدتكم يابنات

انا متزوجه لي سنه

وحملت هالشهر وفرحت كثير فيه وزوجي بعد طار من الفرحه
واول مادخلت الاسبوع الرابع اجهضت
والحمدلله والله يعوض علينا

بس انا مشكلتي بعيده عن امي ومالي خوات ومدري وش اسوي
انا نزل معي زي الدوره رحت المستوصف اخذت دم وقالت حملك نزل وماقالت لي اني احتاج تنظيف
وطبعا انا مااعرف باامور الحمل ومدري كيف ااجهاض وكم مدت الدم الي ينزل
وكيف اكلي مثل النفاس ولالا

الحين لي اربع ايام وينزل معي دوره وظهري وبطني ذابحني

[جنه]

ايه يصير معاك حكم النفاس
وعادي الدم ينزل عليك طبيعي وكذلك ألم البطن والظهر فعليك بالراحه وشرب السوائل الساخنه
وماتحتاجين تنظيف لانه حجم البيبي صغييير جدا فقط تعطيك حبوب تسوي انقباض بالرحم وينزل منك الاوساخ وبقايا الدم وحبوب مضاد حيوي واذا ماعطتك اشربي ماي الدارسين الدافئ ينظف الرحم
واذا كان على الصلاة فحسبي كم يوم دورتك اذا 7 ايام استني الدم ينزل منك 7 ايام ثم اغتسلي وصلي

والله يعوظك ان شاء الله

[Mقمة البرااااائهM]

مثل ماقالتلج الأخت جنه...يعطونج مضاد حيوي وتحاااميل تنظف الرحم عااااادي لاااا تخااافين....

وصلااااتج صلي عااادي لأن هذاااا يعتبر دم فسااااااد...بس توضي لكل صلاااة أختي.....أنااا منزله موضوووع في القسم الأسلامي أطلعي عليه عن أحكاام الأجهاض....الله يعوضكم ويسعدكم.....لاااا تخاااافين السااااااااقط لاااااااقط.....كلي يوميا" فوليك أسيد400......وبأذن الله تحملين وتفرحيناااااااااااااااا.........

[أم عمار 24]

عزيزتي الغالية حراير
الي قلتلك اياه اختي قمة البرائة عين الصواب بالنسبة لصلاة كفت ووفت الله يبارك فيها
وبالنسبة لتنزيل بقايا الحمل عليك بشرب القرفة الساخنة وتكون مش مطحونة وأغليها وحلي واشربي أنا حملي سقط وكان عمره نفس حملك تمام ولما رحت الدكتورة بعد ماخلصت الدورة قالت لي تمام الرحم نظيف الحمدلله الله يعوض عليا وعليك بالذرية الصالحة وساقط لاقط على قولتهم ....

[Rancy]

سلامات والله يعوض عليك وعليا
انا مثلك حملت واجهضت وانا بعيده عن اهلي
وانا قبل 3 ايام اجهضت ونزل مني دم كثير ..
وقالت الدكتوره اذا الدم كثير اكثر من دم الدوره لازم تحتاجين تنظيف حتى ماتنزفين
وسويت تنظيف والحمدلله اليوم الدم مره خفيف
والله يكتب لك ولي الذريه التامه وياجرنا في مصيبتنا ويعوضنا خير

[ام كرومه]

الله يكتبلكم الحمل السرررررررررريع و السليم المعافى والذرية الصالحة

[حراير]

جزاكم الله خير جميعا

والله يرزقنا جميعا