اللي سوت ربط لعنق الرحم تدخل تفيدني

[ام تالا ولانا]

مساء الخير
انا عندي 3اجهاضات وكلها في الاشهر الوسطى وقالت لي الدكتورة لازم اذا حملتي تسوي ربط لعنق الرحم
سؤالي هل اذا سويت ربط لعنق الرحم
مومسموح لي الخروج من المنزل
وهل انام على سرير ومااتحرك
لان عندي اطفال
طيب استقدم شغاله افضل
لان الدكتورة تقول تمارس حياتها طبيعي
ياليت تفيدوني بتجاربكم لاني اول مرة راح اسوي ربط

[ام ذياب]

هلا فيك ياقلبي
والله اختي سولها ربط وقالت لها الدكتوره لاتتحركي كثير حتى الصلاه
تصلي وهي جالسه
وطول حملها ساكنه عند امي علشان السفر ممنوع عليها والحين هي بالشهر الثامن ويبون يفكونه عنها بدايه الشهر التاسع الله يسهل عليها
وانا انصحك تجيبين لك شغاله علشانك وعشان اولادك الله يحفظهم لك
وتولدين بالسلامه

[بنت مثل القمر]

الله يتمم عليج يااارب

انا مرت خالي 6 مرت سوت ربط عنق الرحم

وعادي تمارس حياتهااا

انتي سوي لي قال لج الدكتووور

الله يتمم عليج يااارب

[ام تالا ولانا]

جزاكم الله خير ياليت تزيدوني بتجاربكم

[احساس ومشاعر]

انا مسويه ربط بالاسبوع13

عقب العمليه لاتتحركي كثير لمده اسبوعين

وصلي ع كرسي

ولا تجلسي ع الارض

والجماع ممنوع

ولاتشيلي ولاتسحبي شي ثقيل


جيبي شغاله افضل

واحذري الامساك وانتي بكرامه انا اخاف اذا شديت ع نفسي ينفتح الربط

والحمد لله من الشهر الثالث للحين مااطلع مكان كله مرتاحه ولااسوي شي ثقيل اتحرك الحين شوي شوي الله يتمم لنا ع خير يارب


العمليه مدتها نص ساعه تقريبا وبنج كامل ماحتحسي بشي^^

بينزل منج شوي دم عقب العمليه لكنه عادي

وبيعطونج مثبتات حبوب وابر ويارب خير


اي خدمه انا حاضره