افيدوني , بكره موعد التنويم عشان ولادتي !

[مضيعة]

.
.

السلام عليكم ورحمة الله وبركاته

كيفكم بنات ؟؟

انا حامل وبكره موعد ولادتي وحددو لي موعد التنويم برضو بكره
بيعطوني طلق صناعي لان ماقدر اتأخر اكثر عشان عندي سكر حمل وجاني بالشهر السابع ويخافون يأثر ع البيبي .. برغم انه سكر الحمل فيني وانا عمري صغير ما تعديت 22 ولكن الحمدلله ع كل حال ..

المهم انا الان ابي اسألكم من اللي جربت الطلق الصناعي , ومتى بالضبط
يبدا مفعوله ؟ يعني بعد كم ساعه ؟ وهل يعطوني اياها في نفس يوم التنويم او لا ؟
و يكون تحاميل او بالمغذي ؟
و هل أثره على المصابه بسكر الحمل نفسه على السليمة ؟؟
ومتى يلجأون للقيصريه بعد الطلق الصناعي يعني ينتظرون ساعات أو يوم كامل ؟؟

..
واللي عندها اي افاده بخصوص الطلق الصناعي تفيدني , انا سمعت ان ألمه أقوى من الطبيعي , وانا ولدت طبيعي بالبيبي الاول ,, بس الالم ما يهمني كثير لان ربي معي وموكله أمري له وهي ولاده يعني كذا او كذا راح تكون مؤلمة ..
بس لو افادات ثانية لا تبخلون فيها علي .. وجزاكم الله خير ..

[كرملآ]

والله مآعندي فكره ..
بس مآ حبيتَ اطلع بدووون رد"
الله يسهل عليكِ يااااارب وتجيبينه بالسلامه..

[يارب قول لامنياتى كونى]

ماحبيت اطلع بدون ماادعى لك الله يقومك بالسلاااااااااااااااااااااامه وربي يسهل ولادتك وتفرحين فيه يارب

[rooraa]

ماعندي فكره
بس حبيت اقلك اقراي سورة مريم اليوم طول الوقت وسورت الطارق والله يسهلك وتقومي بالسلامه ان شاء الله

[يـــونا]

صراحه الطلق الصناعي حلاته وجعه ورا بعض وتولدين بسرعه ههههههههههههه

انا جربته مفعوله تقريبا بعد 6 ساعات

اما عني الدكتوره حطت لياه تحاميل من الساعه 5 لين 11 يعني على 11 جاني الم خفيف مو مبين

وبعدين حطت لي وحده ثانيه لان مفعوله انتهى وحطت وحده ثانيه الساعه 12 تقريبا

بدا يجيني الم من الساعه 3 الحمد لله يروح ويجي زي الطلق العادي وبعده الساعه 10 اشتد معاي ورا بعض وكان مفتوح 3 سم ووصل 4 سم قالت لي ولاده لان الطلق الصناعي طول معاي والحمد لله ولدت وجبت احلى بسومي والحين صار لي اسبوعين والده

توكلي على الله

والي اعرفه ان بعد 3 تحميلات احتمال عمليه

او على حسب نبض الطفل اذا تعب يقررون عمليه

توكلي على الله واكثري من الاستغفار وقراءه سوره البقره

[كآبتشينو]

ماعندي فكره .. بس الله يسسهل عليك ويقومك بالسلآمه يارب .. ~

وطمنينـآ عليك ياقلبي

[سيدة الاحساس]

الله يفرج عليك وتولدين بالسلامـــــــــــة

[مضيعة]

كرملا
يارب قول لامنيتي كوني
رورا كابتشينو
سيدة الاحساس

مشكورات وجزاكم الله خير والله يسهل ع الجميع


ــــــــــــــــ


يونا
مشكورة وجزاك الله خير والله يسهل ع الجميع وان شكلي بلحقك وبيحطون لي اكثر من تحميله لان مرره مافي بوادر ولادة .. ويبدا الطلق بعد 6 ساعات طووويله :( الله يعين بس انا مهمومه بولدي عمره اربع سنوات ومتعلق فيني
برغم اني باخليه عند امي بس هو مررره ما يبي الا انا ,, ربنا يعين ونطلع انا والبيبي سالمين قولو يااااا رب

[ساهرة]

مضيعه يارب تقومي بسلامه
وطمنينا عنك:)

[أإأم ع‘ـــزُوـوزُ]

الله يقومك بالسلآمه ويسهل عليكي يارب ولآ تنسي تطمنينا عليكي يارب يفرجهـآ عليكي ....

[العطر الفرنسي]

حبيبتي لاتخافي انا الطلق الصناعي بساعتين أكون واااااااااااااالده
كل وحده عحسب جسمها والله يهون عليكي
هيكون بالمغدي اما التحاميل ماسمعت فيها ..
المهم هلا غقرإي قرأن كتيييييير وديما اذكري الله الله هيسهل عليكي إنشالله

[Almasah]

مااعرف
بس انتي سوي الاشياء اللي تساعد على فتح الرحم وتسهيل الولاده
الاستغفار
سورة البقره
سورة مريم
اكل التمر
الجماع مع بو الشباب ^_*

وتوكلي على ربك

ربي يسهل عليك وتقومين بالسلامه
أمانه ادعي لي أولد طبيعي مااحتاج عمليه

[نبض قلب حمني]

فديتك والله حاسه فيك
مع اني بكريه

بس لاني انا خلصت التاسع ومعي الم خفيف والرحم نص سانتي له اسبوع ماتغثر
والدكتور عطاني لين يوم الثلاثاء وبعدها تنوم وممكن طلق صناعي
ولاني عارفه

اقول اصبر واطلب طلق صناعي والا اطلب عمليه قيصريه افضل محتاره وربي

يلا الله يسهل علي وعليك وعلى باقي البنات

وان شاء الله تساهيل من ربك قولي امين
والله يقر عيونا بشوفه البيبيات سلمين معافين يارب ياكريم

وكلي امرك لربك ياقلبي ولاتحاتين