طمنوني الله يطمنكم..

[غلآكـ يكفيني]

السلام عليكم..

بنات انا عندي سالفه محيرتني وابي الجواب منكن..

المهم عندي ولد الله يحفظه لي توه مكمل 3 سنين وللحين ماتكلم

يقول ماما بابا بس طبعا ماينادينا يقولها وهو يلعب..

وديناه لدكتور اطفال كشف ع سمعه والحمدلله سليم وديناه

لدكتور مخ واعصاب ويقول مافيه شيء طبيعي

وربي مهمومه مدري هو عادي مع انه ماعنده بزران يختلط معهم

اقول يمكن علشان كذا وربي الناس وسوست فيني كل

مايشوفون خشتي ورا ولدتس ماهرج اكيد مايسمع اكيد فيه شي

تسن الهرج بيدي وربي جابولي الصمرقع

احد مر عليه زي حالة ولدي وهرج طمنوني وربي شايله همه

[حجازيه]

أنآ أعرف جآرتنا بنتها كذا كانت ماتحكي أبدآ

وبعد ما قفلت الـ3 سنين بدأت تتحكي ماشاء الله

صدقيني حاجه طبيعيه و3 سنين لسى توه صغير العمر قدامه

[أم راما ~]

ذكرتيني بنفسي وبمشاكلي مع زوجي .. أنا اقول ودي البنت لدكتور وهو يقول مافيها شيء ..

وعلى قولتك الناس وسوسوا فيني وبنتك اكيد

عندها شيء .. أنا الين دخلت الخمس سنوات وهي كلامها يادووب بالقطارة ..

والحين ماشاء الله عليها ما اقدر أسكتها .. ماعليك ياعسل من كلام الناس واذا كلموك بهالموضوع

قولي الولد لسى صغير والأطفال مو مثل بعض ..

[زوجي سعدحياتي]

عادي حبيبتي لاتتعبي نفسك.
ولداخويا اتكلم بعدماخلص 3سنين.
بس انتي حاولي تتكلمي معاه كثير.

[أم لـيآن]

انا بنت اخوي الحين تمشي باربع سنوات ماتنطق ولا كلمه بس يمكن المشكله لانها ماتخالط اطفال