شو سبب خيانته!!!!

[عذب الجوارح]

مسا الخير جميعا
عندي موضوع صرنا نتكلم عنه فكل مكان فكل زمان فكل لحظة صدمات وأخبار ودمار عوايل وأسر وغيييييييييييره
بس سؤال يطرح نفسه وبقوة من السبب ياترى
من السبب في خيانة الزوج لزوجته أو خطيبته أو حبيبته هل من الزوج نفسه أو الزوجة أو الطرف الثالث (البنت الداخلة في العلاقة )
ناس تلعن وتسب وتغلط هل البنت نفسها سبب المشكلة أغوت الزوج الشريف العفيف بنظرها وخلته يطلع عن طوره أو من الزوج نفسه ما صدق اندق عليه رقم بالغلط أو شاف وحدة بمول أو غيره أو من المرأة نفسها والزوجة نفسها كما يقال نعيب زماننا و العيب فينا ودي اسمع أجوبتكم وقصصكم وحكاياتكم صرنا نخااااف من هالعالم ومن هالوقت كل شي صار متاح والاختلاط بكل مكاااان الله يحفظ لنا أزواجنا ياااارب
وبسلامتكم...........ز

[عذب الجوارح]

أفااااا يا بنات موضوعي ما عجبكم !!
أبي آراء ،حوارات ،مشاركات موضوعي جدا حساس نبي نفهم الغلط من أي طرف ومن المظلوم ومن الظالم قصص وحكايات ما تنتهي تفاعلوا معاي......................

[همس الكلام]

فعلا الموضوع خطير والخيانه اكثر شي يجرح المراة الله يسلمنا يااارب ولا يبلانا
بس مافي اي سبب يخلي الرجال يخون لان هذا الشي حرااااااااااام وهو اذا رضاها لنفسه ان زوجته تخونه بيرضاها لزوجته ان هو يخونهاااا وما ننكر دور بنات الحرام الله يكفينا وازواجنا شرهم ان شاء الله0000

[خطاي إني وفيت]

صادقة الخيانه صعبة لكن الرجال اللي عينه طويله صعبه تحديد سبب خيانته حتى لو إهتميتي فيه وما قصرتي معاه بشي بتظل عيونه برا
أعرف وحدة من قريباتي شافت زوجها يخونها وهم بشهر العسل



لكن فيه رجال مايلاقوا إهتمام من زرجاتهم وإبليس شاطر ..

[سموةالجرح]

الخائن إنسان غير ناضج يبحث عن شيء ما لتعويض نقص في شخصيته وبنفس الوقت غير مدرك لعواقب فعلته وعمله حيث يجد مبررات باستمرار لخيانته وهو شخص ليس لديه رادع ديني وتربيه أخلاقيه سويه ربما في فترة طفولته لم يأخذ حنان كافي ويريد باستمرار أن يثبت نفسه أنه مرغوب وبرأيي يحتاج لعلاج وتقويم ربما ينجح وربما لاوهنا قصدت المراءه والرجل

[عذب الجوارح]

همس خطاي إني وفيت وسموة الجرح أسعدني مرورك جميعكم اتفقتوا على إن الخيانة من الرجل بس في كثير يقولون السبب من المرأة نفسها وتقصيرها فالاهتمام بنفسها أو عدم اشباع رغبات زوجها أو اهمالها له هذي مبررات معظم الرجال أنا لا أجد لهم أعذار وأعتقد إن الحق عالجميع بدون استثنااااء ولا وش رايكم

[سموةالجرح]

أكيد مافيها كلام

[حبي زوجي]

حسبي يالله ونعم الوكيل على رجل يخون زوجته وعلى كل مراة تخون زوجها عيون زائغه مايخفون من الله يفكرون الله غافل عما يعمل الظالمون

[حبيبي سلومي]

صعب تحديد الجاني في هذه العلاقه .
احيانا يكون السبب الزوجه نفسها في اهمالها وتقصيرها في زوجها ../ واحيانا بنات الحرام اللي مايخافون من ربهم يفرقون بينهم . واحيانا الرجال يكون قوي عين وقليل ايمان يتطلع ع بنات خلق الله .
وسلامتك يالغلااا ..

[البتول...]

موضووووووووووع خطير والله يبعد عناا الخيااانه يارب
انا اشوف انه الرجل ممكن يكون هذا طبعه متعوود على العلاقات قبل زواجه يعني يعرف اكثر من بنت قبل الزواج واذا متعود على هالشيء ماراح يترك هالعاده لو وش يصير....
وبعض الاحيان تكون الحرمه هي السبب اللي تخلي زوجها يدور غيرها يعني ماتعطيه حقه وماتهتم في بيتها ولازوجها وممله ...
هذا السبب يخلي الزوج يدور عن من يشبع رغباته ....
بس انا اشوف اكثر سبب للخيانه هو الرجل....
وجهة نظر .../

[TOomy]

مووضوع خطير بصراحه

انا من رايي مو الطرف الثالث السبب السبب هو الشخص الا يستسلم حق الحب او التسليه وهو يعرف انه مرتبط بزوجه او هي مرتبطه بزوج ساعات الخيانه من الزوجه وساعات من الزوج وهم الا يحطون روحهم بهالموقف مو يقولوون الشيطان شاطر لا هو الا يبي هذا الواحد فيه عقل ويعرف الغلط والصح ويعرف الحرام والحلااااال

[عذب الجوارح]

حسبي يالله ونعم الوكيل على رجل يخون زوجته وعلى كل مراة تخون زوجها عيون زائغه مايخفون من الله يفكرون الله غافل عما يعمل الظالمون
فعلا صدقتي الغالية أسعدني مرورج

[عذب الجوارح]

صعب تحديد الجاني في هذه العلاقه .
احيانا يكون السبب الزوجه نفسها في اهمالها وتقصيرها في زوجها ../ واحيانا بنات الحرام اللي مايخافون من ربهم يفرقون بينهم . واحيانا الرجال يكون قوي عين وقليل ايمان يتطلع ع بنات خلق الله .
وسلامتك يالغلااا ..
صدقتي والله مشكورة الغلا ع المرور

[عذب الجوارح]

موضووووووووووع خطير والله يبعد عناا الخيااانه يارب
انا اشوف انه الرجل ممكن يكون هذا طبعه متعوود على العلاقات قبل زواجه يعني يعرف اكثر من بنت قبل الزواج واذا متعود على هالشيء ماراح يترك هالعاده لو وش يصير....
وبعض الاحيان تكون الحرمه هي السبب اللي تخلي زوجها يدور غيرها يعني ماتعطيه حقه وماتهتم في بيتها ولازوجها وممله ...
هذا السبب يخلي الزوج يدور عن من يشبع رغباته ....
بس انا اشوف اكثر سبب للخيانه هو الرجل....
وجهة نظر .../
وجهة نظرج صحيحة وأنا أأيدها أكثر صراحة بس في ناس والله نفسياتها مريضة ما يشبعها الحلال وعيونهم دوم عالحرام
أسعدني مرورج^^

[عذب الجوارح]

مووضوع خطير بصراحه

انا من رايي مو الطرف الثالث السبب السبب هو الشخص الا يستسلم حق الحب او التسليه وهو يعرف انه مرتبط بزوجه او هي مرتبطه بزوج ساعات الخيانه من الزوجه وساعات من الزوج وهم الا يحطون روحهم بهالموقف مو يقولوون الشيطان شاطر لا هو الا يبي هذا الواحد فيه عقل ويعرف الغلط والصح ويعرف الحرام والحلااااال
تسلميلي عالمرور والطرف الثالث لا تنسين يعتبر سبب من الأسباب وأبواب الحرام مفتوحة والشيطان شاطر وكلهاااا مبررات لا معنى لها للخيانة.....

[عذب الجوارح]

قرأت قصة من قريب عن عايلة بسيطة كانت تعيش بالحلال وزوجين مثل العصافير مع إن الزوجة لا تعرف دلال ولا لبس يفتن ولااا حركات ولا غيره على نياتهامعاه وزوجها مرتااااح مايبي شي غير راحة البال مع زوجته وعياله بس نقصتهم الفلوس والوظيفة المرتبة وبعد سنييين توظف زوجها وظيفة بمرتب عالي وتعدلت أحوالهم من الفقر وضيقة الحال للفلل والسيارات أشكال وأنواع وكل ما يتمناه الإنسان واسواق وووو
ولكن تغيرت حياتهم وانقلبت فوووق تحت صار الزوج يغيب عن بيته وغيرته على زوجته راحت قالت بطلع اطلعي بدون مقدماات صارت حياتهم مادية فقط يعطيها كل اللي تبيه من فلوس ويغيب بالأيام والأسابيع حتى حست بعد فترة بخياناته لها
قالت بستغل فلوسي وبتعدل لرجع زوجي وما خلت شي تغيرت من الانسانة اللي ما تعرف شي عن الدنيا إلى إنسانة تساير الموضة بحذافيرها وتلبس من أحسن ما يكون ولـــــــــــــكن ليته كان فادها راح الزوج راحت العيشة الطيبة واللقمة الهنية مع زوجها وعيالها الفلوس الزايدة ما نفعتها والعيشة المرفهة ضيعت لها سعادتها نقلت لكم هالقصة عشان حتى الزوجة اللي ما تعرف شي بالدنيا تقدر تسعد زوجها بس الرياييل ما يملى عيونهم الحلال الله يحمي عوايلنا ويسعدنا مع أزواجنا ويعين غيرنا على بلواهم يارب ...........