سااااااااعدوني الله يخليكم

[حطيت قلبي بين ايديك]

السلام عليكم ورحمة الله وبركاته
بسم الله الرحمن الرحيم
كيف الحال خواتي
انا متزوجه وصارلي 6 شهور من تزوجت
ومشكلتي حيلللللللللل خجوله مع زوجي في كل وقت
وش اسوي والله تعبت ساعدوني
تقبلو تحياتي
اختكم ملاك

[احاسيس انثى]

حبيبتي الخجل شي جميل ويحبه الرجل ,,
بس حاولي تعودين نفسج عليه ,,

اجلس معااه يوم يشوف تلفزيون ولا يجلس عند اهله ,,
خليج عاديه لا تستحين هذا ريلج طول عمرج بتعيشين ويااه ,,

[أم عمران]

هلا اختي ملاك
سمعي حبيبتي ترى بالعشرة مع البعض بتتعودين عليه وترى هو زوجك يعني حلالك بعد ليش تستحين منه:) عادي حبيبتي اتصرفي على طبيعتك معاه وعلى فكرة ترى الحياء زين في البنيه بعد عاد مو اكثر من الازم ترى كل شئ يزيد عن حده ينقلب ضده
والله يسعدكم أختي ويهنيكم
وأخدي الامور ببساطه وعادي مافيها شئ بعد ليش تستحين منه
:) وبالتوفيق

[وردة فهد]

والله انا كنت كذا بس الحين لي سنتين وخمسه شهور فسخت الحياء ابد صرت عاااادي بس والله انه حلوووو كذا احسن من يووم كنت استحي ترتاحيييين اكثر حتى هو والله ينبسط بس انتي لاتستعجلين على نفسك خصوصا اذا كنتي ماطولت فترة الملكه يعني بسرعه تزوجتي والله منحقك

[نور الحلوة]

عادي بالبداية لازم يكون في شوي حياء بس مع العشرة بعدين بتعودون على بعض والله يوفقكم ان شاء الله..