اليوم خذت موعد بداية علاج الحمل

[فراشة الشارجه]

السلام عليكم ورحمة الله

اليوم ؤحت للمستشفى وخذت موعد لعلاج الحمل صار لي3 سنوات ونص احاول الحمل ما يصير
ف إن شاء الله الخطوه هذي تييب نتيجه يا رب

[سعاده تسعدني يارب]

الله يرزقك ان شاء الله وتكون خطوه جيدة بأدن الله

[فراشة الشارجه]

آمين يا ربي

بس بديت اشرب مراميه يقولون مفعولها قوي عالمبايض تنشطهم وتهئ هم للحمل بعد فضل الله

[شمس❤]

الله يرزقنا وياك
اي معروف المرامية تنشط اذا شربتي يوميا كاس بس تراه تسبب تكيسات

[فراشة الشارجه]

ما كنت ادري عيل شو تنصحوني

[فراشة الشارجه]

خواتي اليوم كان موعدي عند الدكتوره فحوصات متعبه
قالت محتاجين فحص دم ومن غير سونار ومسحه وقالت
بعدها نسويلج أشعة الصبغه إن شاء الله بس لازم تكونين
مخلصه الدوره مافي جماع تعالي نسويلج الصبغه بس انا وايد
وايد متوتره عشان الصبغه احسها مؤلمة ما سويتها ولا مره
بس فحوصات اليوم متعبه كانت
دعواتكم والحمدالله على كل حال

[سعاده تسعدني يارب]

الله يرزقك ان شاء الله قريباً

[فراشة الشارجه]

يا رب آمين

[شمس❤]

الله يعينك ويرزقنا جميعاً ي رب
فيه خلطه معروفه ابحثي عنها كثير حملو عليها اعرف خمس حريم حملو عليها
خلطة الرشاد وسبع حبات تمر وزيت زيتون كلهم ع النار لين ينعجنون وتاكلينهم اول اربع ايام او اخر اربع ايام تاكلينها ع الريق وحتى مع القهوه تاكلينها طعمها كويس
انا شخصياً اعرف خمسه جربوها وتشيل التكيسات يعني اذا شربتي الميراميه وقت الدوره يمديك تاكلينهل وبكذا تنشط مبايضك بس بدون تكيسات يعني اجمعيهم سوا اشربي المراميه وكولي هالخلطه

[أريج عسيري]

الله يرزقك يارب بالحمل السليم المعافى انا وانتي وكل من يتمنى

[فراشة الشارجه]

ويرزق الجميع إن شاء الله يا رب ..

سويت تحاليل ثاني يوم الدوره ..بس باقيلي أشعة الصبغه قالت بعد الدوره
بإذن الله

دعواتكم