في حدا عمل الحقن 14 مرة؟؟؟؟؟؟؟

[Ruru-]

هاي المرة الرابعة عشر
عملت عملية حقن مجهري 14 مرة ويمكن اكثر
وكلهم فشلو ولله الحمد
هالمرة عملت الحقن من حوالي 8 ايام واليوم بديت اشوف دم خفيف والام دورة وكانو الدورة رح تنزل عليي
الحمد لله على كل حال
بعرف انو كالعادة ماحدا بيرد بالمنتدى والتفاعل ضعيف
بس مش عارفة لو في وحدة شافت دم بعد اسبوع من الترجيع وحملت
خبرتي كبيرة بعد 13 سنة زواج
وفشل العملية المتكرر عملي احباط
واخدت قرار انا وزوجي انو هالمرة لو ما نجحت العملية خلص مارح نعيدها
لاننا عملنا كل الفحوصات والتنظير وكل شي ممكن نعمله بدون اي تغير بالنتيجة المستمرة
وهي الفشل
وقررنا نوفر فلوسنا
كتبت قصتي وعندي امل بالله طبعا
وعندي امل انو اي وحدة تدعيلي دعوة لعلها تستجاب وتطلع النتيجة هالمرة مختلفة رغم نزول الدم

[روز القدس]

حبيبتي ولا تقنطوا من رحمة الله انا بالمرة الي زبطت فيها نزل علي دمم بالاسبوع الثاني من الترجيع وكان دم قوي والام دورة والحمد لله الله اراد انو يثبت الحمل
اهم شي خليكي قوية وما تياسي وضلي حاولي لتزبط
الله يوفقك ويرزقك الذرية الصالحة يارب

[Ruru-]

شكرا حبيبتي
الله يعطيكي من فضله العظيم بالدنيا والآخرة

[دلوعةزوجي]

حماتي عمرها40ونجحت ف ال15

[فطوم2018]

اسأل الله العظيم رب العرش الكريم ان يثبت اجنتك ويحفظها ويبشرك فيها وهي بخير وصحة وعافية ، ويرزقك الذرية الصالحة ويرزقني ويرزق كل محروم ومحرومة قادر ياكريم ،، اهم شي بشرينا عنك ويااااااااااااارب تطلعين حاااامل يارب يارب يارب ،،