نزول افرازات لونها بني وبشكل متكرر

[لـينا]

توي حامل لي شهر ونصوالله ماسويت بعمري شي كنت جالسه وماشتغلت اليوم ابد بس سويت عشاي انا وبناتي
حسيت ببلل تحت يوم شفت افراازات كثيره لونها بني
وامسح بالمنديل يطلع ثاني
اش هذا خايفه ماعندي احد اسئله غيركم واول مره تصير معي
زوجي فالعمل وجوالي مافي رصيد ادق على امي اسئلهااا
تكفوون خايفه طمنوني عادي ولا بداية نزيف وافقد جنيني

[لـينا]

من اليوم ابكي مامعي مغص ولاتعبانه بس افرازات كثيره

[عشقي الأطفال]

ياحياتي الله يكون معاك
مادري والله
لاكن خذي رقم اي مستشفى ودقي عليهم اطلبي الدكتوره واسئليها وان شاء الله خير

[مليت فرقاكـ]

يمكن التهاب انا لازم بحملاتي ينزل افرازات بس ارتاحي وروحي مسشفى باسرع وقت

ربي يثبته لج

[rooraa]

لينا لا تتوتري
نامي وارعي رجلينك على شي عالي
مثلا نامي على الارض وارفعي رجلك على الكنبه
ولا تتحركي ابدن
انا ما ابغا اخوفك بس انا نزل مني كدا فبنتي والدكتوره قالتلي هادا تهديد بالااسلاب
واول ما تقدري تكلمي زوجك على طول روحي لاقرب مشفى مرا لا تسكتي
ربي يثبت حملك ويتمملك على خير امين يااااااااااااااارب العالمين

[بذخ~]

لا توتري نفسك يا قلبي ..
حطي في بالك محا يصير الا اللي ربي كاتبه وهوا الخير

اعرف ناس لازم في بداية الحمل تجيهم زي الدورة ..
طمني نفسك وأرتاحي وان شاء الله ربي حيفرحك

[لـينا]

مافيني التهابات ولا شي
المستشفى الصباح اروح الحين ماقدرابد

ياربي ترحمني
انا خايفه بداية نزيف لاني فاكره اختي سقطتت مرتين وكانت كذا فالبديه

[سموةالجرح]

اذا بني بإذن الله عادي اذا احمر مصيبه بس ألراحه ألتامه افضل ولاتتحركين وارفعي رجولك دااااايم

[رنوووشه]

لينا لاتوتري نفسك إن شاء الله مافيك إلا كل خير هذي الأفرازات نزلت على اتصلت على دكتورتي وقالت راح اعمل سونار إذا فيه نبض راح اعطيك مثبت وصار فيه نبض واعطتني مثبت وقبل يومين رحت اطمن عالجنين والحمد لله كل شي تمام حتي الأفرازات وقفت لاتخافي أن شاء الله بسيطه أول مايجي زوجي اطلعي للمستشفي وطمنينا عنك ياالغلا

[لـينا]

الله يطمن قلبك رنوشه وويثبت حملك وتولدين بيسر وسلام وانا يارب
ان شاءالله مافيني شي بس انا خفت لاني عمري ماصارلي شي فحملي
وخفت يكون بداية اسلاب
الصباح اروح المستشفى واذا رجعت اطمنكي

هيا بروح ارتاح وانام واطير رجولي فالسما

[لـينا]

آآآآآآآآآآه بدا القلق والخوف من جديد ماني قادره اناااام
أحس بمغص يجي ويروح


يـــــــــــارب سترك ورحمتك

[سموةالجرح]

الله يكون بعونك*

[سموة الشوق]

بسم الله عليك
إن شاء الله مافيك إلا العافية
طمنينا
وش قالت الدكتورة؟؟
الله يثبت جنينك ويرزقك الذرية الطيبه

[حنين الجنة]

ربي يثبت حملك ان شاء الله
بس حاولى لما يرجع زوجك تروحين طبيبة

[ام حكوم]

اذاااااا ماعندك احد خوذي مثبت لين رجالك مايجي ويودكي وارتاحي وارفعي رجولك فوق ولاتاااقفي كثير وماااااااااااااااااااااااااتشوفي الا العافيه

[ابتسم وبداخلي مليون طعنه]

ارفعي رجولك فوق يعني نامي في الاض وحطي رجولك على الكنبه او حطي مخدتين تحت رجولك وانتي نائمه على السرير ولا تتحركين ولا تبذلين اي مجهود ولازم تروحي مستشفى تعطيك الدكتوره ابره مسكنه وتعطيك مثبتات بس اهم شئ راحه حتى يجي زوجك والله يثبته لك ويفرحك بشوفته سالم معافى يارب طمنينا عنك اذا رحتي مستشفى

[لـينا]

الحمد لله على كل حــــــــــــــــال

النتيجهـ ,,,,,, فقدت جنيني

من الجمعه الى الثلاثاء وانا فالمستشفى

[rose]

ربي يعوضك خير ياقلبي
ويرزقك بالذرية الصالحة

[غصن البان]

حبيبتي انا بنصحك ما تستني راجعي الدكتورة او روحي المستشفى لانو صار معي هيك وبعدها اجهضت فهاي بتكون في الغالب من علامات الاجهاض اذا ما استخدمتي مثبتات ولزمتي الراحة...

[متفائلة دائما]

يا قلبي يا لينا الله يعوض عليك و علينا يا رب مريت من كل الرعب الي صابك الله ياجرنا عليه و يرزقنا الحمل هذا الشهر يا رب

[لـينا]

آآمين يارب
ان شاءالله احمل بس مو هذا الشهر برتاااااح شوي