ارجو المساعده وضع الجنين مقعدي

[ام شوق2]

خواتي اليوم كان عندي موعد وقالت لي الدكتوره الجنين جاي على مقعده تقول احتمال يقلب واحتمال يبقى كذا وتقول حجمه صغير تقدرين تولدين طبيعي والله خوفتني ولا ادري وش اسوي انا تقريبا بنصف التاسع تكفون احد صارله كذا وتعدل والله اني في هم ما يعلمه الا الله .

[سموةالجرح]

سمعت ان الحبي يفيد بس ماادري

[طبيبة القلوب]

هلا اختي
ربي يقومك بالسلامة

معلش تتصفحي هذا الموضوع نفس موضوعك .....


http://forum.hwaml.com/t2684.html (http://forum.hwaml.com/t2684.html)

[أإأم ع‘ـــزُوـوزُ]

الله يسهل عليكي وتولدي بالسلآمه وإن شـآء الله يتغير وضعه ....

[zo0oba]

خيتوو اعرف وحده كانت مثلش
ولدت طبيعي ولالالا و ولدت من مقعدتها
لا تخافين حبيبتي ما تدري على اخر لحظه ينقلب البيبي

[زهرة البنفسج]

انا كنت مثلك وكانوا مقررين لي قيصري بعدين الحمدلله تعدل عقبالك بس انصحك بالسجود والحبي مثل الاطفال والمشي
ربي يسهل علينا يارب

[rooraa]

ايو صح حتى نا سمعت عن الحبي
انا فبنتي الاولى كانت جالسه الدكتور كان يقلي بنتك كنها جالسه في حمام عربي الله يكرمكم
وحبيت كتير بس ما اتعدلت
لانو كان راسها محشوك تحت صدري
وولدوني عمليه
بس لو كنتي بكريه انا الي اعرفو صعب البكريه تولد من المقعد الدكتور قالي
والله العالم
وان شاء الله يتعدل وتولدي طبيعي وربي يسهلك

[لـينا]

انا بنتي كانت جالسه
والله يادرت البيت كله حبي وماخليت شارع مامشيت فيه

اتذكر بنتي الكبير كانت تحبي زيي تحسبني العب معاهاا ههههه

المهم من اول مادخلت المستشفى قالتلي قيصري وطلعوني فوق خلاص قيصري بيبدوون
واخرتهم واصيح والله ماسوي عمليه
واستنى واستنى واستنى تتعدل ماهي راضيه وصلت 8 سانتي
واخر شي سااقوني لغرفة العمليات غصب وسوولي عمليه
فيه حريم يتعدل يوم الولاده
بس انا اتوقع الي خلى بنتي جالسه وماتحركت وقت الولاده الكالسيوم الي كنت ابلعه مرتين فاليوم من الخبال الي في
وطول الوقت جااااالسه ماأنسدح ولا ارتاح

***وسمعت دكتور في الطب البديل يتكلم عن الحامل الي طفلها جاي بالمقعد
انو يتعدل اذا دهنت ساقها بزيت زيتون <<أبحثي عنها نسيت الطريقه كيف
الدكتور يجي فقناة الدره ـ مواهب وافكار سابقا

[كآبتشينو]

حتى انا سمعت عن الحبي والسسجود ..
وانتي سآجده طولي بسجودك .. وامشي كثير
وان شاء الله يارب تتعدل ومآتحتآجين عمليه ..

[اموله2011]

اهم شئ اذا رحتي تولدين على طول قولي لهم انه جالس

انا بولدي كنت بكر مني عارفه شئ قالوا لي جالس اخر الثامن تقريبا

وطنشت بحجة اني سمعت انه يتعدل:(

ولما حسيت بالولاده رحت وما قلت لهم , ولا سوو تصوير الا لما تعبت

واكتشفوا انه جالس:( وبسرعه قالوا عمليه ..
لكن الولد كان مستعجل الله يهديه .. وجاء يمشي على رجوله قبل يدخلوني العمليات

والحمدالله هذا هو طيب :)<<<قصة حياتي ههههه

الله يهون عليك ولا تخافين اهم شئ تكلمي قولي لهم مو تسوين زيي:)

[ام شوق2]

الف شكر خواتي على تفاعلكم وعسى ربي يهونها علينا جميعا ويتولانا برحمته انه ارحم الراحمين

[جنون بيبي]

الله يسهل عليك يالغلا..
انا سمعت اكثر من وحده ولدت طبيعي والبيبي مقعدي وزن البيبي يحكم بهالحاله....