المساعد الشخصي الرقمي

مشاهدة النسخة كاملة : كل وحدة عملت حقن وعم تستنى النتيجة تدخل

Layali1994
04-17-2018, 10:55 AM
السلام عليكم
صبايا كل وحدة عم تستنى نتيجتها تدخل تحكيلنا كم يوم الها وشو الاعراض يلي صارت معها
انا اليوم السابع وعم استنى ع نار يمرق الوقت ويجي يوم الفحص وانشالله اكون حامل يا رب
ماني حاسة بشي غير مغص بروح وبجي واليوم صار في وجع اسفل ظهري خفيف مع العلم اني ارتحت بس اول يومين بالسرير وبعدها عشت حياتي طبيعية اتحرك واشتغل عالخفيف واقعد مع العيلة
الله يبشرني ويبشر كل وحدة عم تستنى بالحمل وما يروح التعب عالفاضي امين يا رب
ام علي وماريا
04-17-2018, 02:40 PM
عزيزتي
ارتاحي قد ما بتقدري و راقبي جسمك و انتبهي لغذائك .
مفروض بين اليوم السادس والثامن تحسي بألم التعشيش .
ألم في احدى الجهتين في نقطة محددة
اذا دققتي واستمعتي لتفاعل جسمك رح تعرفي بأي ساعة بالضبط صار الحمل
ونادي يا الله خفية وعلنا .
بالتوفيق
مرام2018
04-17-2018, 10:22 PM
الله يفرحك ويرزقك الذرية الصالحة
ولا يخيبك انت وجميع المنتظرات ءامين يارب
Ruru-
04-20-2018, 04:48 PM
وانا كمان منتظرة النتيجة اليوم السابع من ترجيع الاجنة المجمدة
خبريني انتي كم مرة عملتي العملية؟؟
Layali1994
04-22-2018, 12:53 PM
وانا كمان منتظرة النتيجة اليوم السابع من ترجيع الاجنة المجمدة
خبريني انتي كم مرة عملتي العملية؟؟

يا رب خيير وثبت اجنتنا
انا اليوم 12 من الترجيع اول مرة اعملها حاسة الوقت ما عم يمرق ... احكيلي شو صار معك اعراض حسيتي بشي؟؟
Ruru-
04-22-2018, 07:09 PM
يا رب خيير وثبت اجنتنا
انا اليوم 12 من الترجيع اول مرة اعملها حاسة الوقت ما عم يمرق ... احكيلي شو صار معك اعراض حسيتي بشي؟؟

مافي اي اعراض حمل
بس اعراض دورة خفيفة جدا بتجيني من وقت للتاني
Lavender lo
04-22-2018, 07:51 PM
انا النهارده اليوم التامن من الارجاع و محستش بأي حاجه غير مره بس امبارح بوجع زى وجع البريود غير كدا مفيش اى حاجه و مضايقه لانى مش حاسه باى عرض من اعراض الحمل ..
ربنا يعدى الفتره دى على خير ياااااااااااااااااااارب و يرزقنا و يرزق كل مشتاقه بالطفل السيلم المعافى يارب و يطمن قلبنا .
Lavender lo
04-22-2018, 07:53 PM
طيب يا بنات كل واحده تقول هيه بتعمل ايه فى الوقت دا علشان نفيد بعض ..
انا بحاول اواظب علي الاذكار الصبح و بالليل .. و بحاول استغفر كتيييير طول اليوم .. و بقرأ سوره البقره كل يوم تقريبا .. و بحاول اخلي ليا ورد قران .. و يعنى غير الدخول عالنت و كدا .
و انتو بتعملو ايه ؟
υм вtℓαα
04-22-2018, 09:18 PM
ماعندي علم بس حبيت ادعي لك ان الله يفرح قلبك بالحمل السليم
Layali1994
04-22-2018, 09:21 PM
انا النهارده اليوم التامن من الارجاع و محستش بأي حاجه غير مره بس امبارح بوجع زى وجع البريود غير كدا مفيش اى حاجه و مضايقه لانى مش حاسه باى عرض من اعراض الحمل ..
ربنا يعدى الفتره دى على خير ياااااااااااااااااااارب و يرزقنا و يرزق كل مشتاقه بالطفل السيلم المعافى يارب و يطمن قلبنا .

انا متلك تماما اول اسبوع كنت احس بوجع ببطني وهلا ولا حاسة بحاجة لهيك خايفة كتير
انا عاملة العملية وما في ولا حد بيعرف عني بس انا وزوجي لهيك ما ارتحت بس اول يومين ارتحت
لهيك حياتي طبيعية بقضيي يومي يا جاراتي عندي يا انا عندهم بالليل بضل استغفر واقرا قران بس مع هيك عم حس الايام بطيئة ما عم تمشي وتحليلي يوم الاربعا يا رب خير
Layali1994
04-22-2018, 09:23 PM
ماعندي علم بس حبيت ادعي لك ان الله يفرح قلبك بالحمل السليم

الله يسعدك حبيبتي
امييين يا رب ❤
اماني كامل
04-22-2018, 10:50 PM
السلام عليكم صبايا كيفكم انا عضوة جديده بس دايما كنت بتابعكم كضيفه وكنت اشوف مشاكل البنات والقصص الحلوه او الؤلمه الله بعين ويصبرنا ويسر امورنا يارب ...
انا اليوم عملت عمليه ترجيع الاجنه ثلاث اجنه واثنين منهم من الدرجه الاولى الحمد لله بس بعد العمليه ما شعرت باشي لكن بلشت احس بنبض باسفل البطن بشكل متكرر هل بسبب الغازات وكمان الم زي الابر بجه اليسار بس انا فعلا خايفه من موضوع النبض ممكن اتفيدوني بنات
Layali1994
04-22-2018, 11:15 PM
السلام عليكم صبايا كيفكم انا عضوة جديده بس دايما كنت بتابعكم كضيفه وكنت اشوف مشاكل البنات والقصص الحلوه او الؤلمه الله بعين ويصبرنا ويسر امورنا يارب ...
انا اليوم عملت عمليه ترجيع الاجنه ثلاث اجنه واثنين منهم من الدرجه الاولى الحمد لله بس بعد العمليه ما شعرت باشي لكن بلشت احس بنبض باسفل البطن بشكل متكرر هل بسبب الغازات وكمان الم زي الابر بجه اليسار بس انا فعلا خايفه من موضوع النبض ممكن اتفيدوني بنات

وعليكم السلام نورتي
الله يثبت اجنتك يا رب على ما اعتقد انه هي من تأثير الابر وشي طبيعي ما تاكلي هم المهم تديري بالك على حالك وتطمنينا ❤
اسما عباسي
04-30-2018, 08:13 PM
انا اليوم السادس من الترجيع واليوم حسيت نخزه على الجهة الشمال فكركم ازا بعمل تحليل منزلي في اليوم ١٢ ببين ؟؟
ارجووو الرد
حرم اللوغاني
05-22-2018, 04:20 PM
انا اليوم التاسع من الترجيع بس معي نغزات خفيفه والام خفيفه تشبه الام الدوره واوقات ما احس بأي شي ابدا الله قادر على تثبيت اجنتنا بحول منه وقوة ..
وربي يرزقنا جميعا ولا يحرمنا ،، طبعا رمضان اغلب الوقت فالطاعات والله يتقبل منا يارب ويفرحنا بهذا الشهر الفضيل يا رب العالمين

ربي لا تذرني فرد وانت خير الوارثين ..