تجمع الكروشات اللي موعد ولادتهم شهر * رمضآآن * 1432

[rooraa]

تسلمي يا جنه
والله ما بعرف انام مرااااااااااا ومرا قلقت لما قالتلي انو مرا خطر لانو الرحم بيكبر ووصل للسره قالتلي اعملي جبال مخدات حولينك ههههههههههه

[وفقني يارب]

كيفكم بنات شخباركم؟؟

[أرنوبة]

صباح الخير كروشات كيفكم ؟

اليومين اللي فاتت احس نفسي مررررررة ثقيلة وبس مسدوحة مني قادر اتحرك ويجيني الم تحت سرتي بالضبط احس شيء يتقطع في بطني وما اقدر امشي الا وانا ماسكتها ولاّ اموت من الالم ونزل مني نقطة دم بني بس ما رحت للدكتورة قلت استنى شوي

يسلموووو يا رورا على سؤالك والحمد لله طمنتينا ع البيبي بس انتي كم اسبوع طلع ع السونار؟؟؟ انا لمن رحت لها طلع 11 اسبوع وخمس ايام قالت لي انتي في نص الثالث والسونار وشريط الحمل زي بعض بالضبط حتى بموعد الولادة

[ام رتيل]

هلا ارنوبه وينك من زمان عنك
سلامتك ماتشوفي شر ان شاء الله الله يتمم لك على خير

[ساجدة للرحمن]

السلام عليكم حبيبات قلبي

انا راح اولد ان شاء الله باول اسبوعين بشهر ثمانية

[Razan77]

رورا انا الحمدالله بخيرر ..

كويس تطمنتي على البيبي بس المثبتات لازم تنتظمي عليهاا ..
الله يتمم حملكِ على خيرر ان شاء الله ..

..

ارنووبه سلامتك ماتشوفي شر ان شاء الله .. بس لاتسكتي على نفسك مدام نزل دم روحي للدكتوره عشان تطمني ..والله يتمملكِ على خيرر
ان شاء الله ..

[ساجدة للرحمن]

ردو السلام بس

[Razan77]

وعليكم السلام ساجده ..

ياهلا فيكِ .. اخبارك ؟؟

[rooraa]

سلام كيفكم كروشات
ارنوبه سامتك ارتاحي ولو قدرتي روحي للدكتوره
سويت التحليل توي ههههههههههه ما اتغير ولا شي والله ماني عارفه شكلي سويتو غلط ولا ايش
بس قلت امكن بنت لانو نفس اللون
يسلمو رزان ان شاء الله بستمر تمام والله يعين

[ساجدة للرحمن]

تمام اختي رازان و انتي كيفك


و شلون الوحم معاكي؟؟؟

[Razan77]

بناات انا لاحظت شيء بين دكتورات المستوصفات وبين دكتورات المستشفياات ..

حق المستشفى ماتبغى تهرج معاكي وتفهمك بس تبغى بسرعه بسرعه تخلص وتخرجي ..

لكن حق المستوصف تاخذ وتدي معاكي وتفهمك وكدا ..

كرهت اراجع في المستشفى ..

بعد اسبوعين ان شاء الله عندي موعد في المستوصف بروح لهاا وياارب يباان جنس النونو ..

[Razan77]

ساجده انا الحمدالله بخيرر .. بس الغثيان والترجيع الله يكرمك الين دحين تاعبني صح خف عن اول بس ابغااه يرووووح خلاص ابغى ارجع طبيعيه زي اول ..

ونفسي اسمن مره ويكون عندي كرووشه صغيرره :( .. مع الوحاام مره نحفت ولاهوا راضي يرجع وزني ..

الحمدالله على كل حال ^.^ ..

[ساجدة للرحمن]

الله يسهل لك حبيبتي رازان و تعرفي جنس البيبي ان شاء الله

[ساجدة للرحمن]

و الله انا مثلك يا رزان

بالاخص انه حملي الاول و انا اصلا نحيفة قبل الزواج و قبل الحمل

و مع الوحم نزل وزني شي 2 كيلو بسبب الترجيع بس الحمد لله الحين راح تقريبا و ابتديت اكل كويس

و الله و انتي بتحكي حسيت انه انا لي بحكي ههههههههههههههه

معك حق بدنا ننصح شوي و كروشنا تطلع

انا كرشي بانت شوي بس صغنونة ههههههههههههههههه

[Razan77]

هههههههههه نفس حالتي ..

من وانا بنت ادور السمن .. وتزوجت وزي ماانا وحملت مع الوحام نزلت 5 كيلو .. صرت هيكل عظمي هع هع ..

طب كوويس الحمدالله راح منك .. وعقبالي ان شاء الله .. انا لسى ملابسي تجي قدي ابغى احس اني حامل وكدا انبسط اشتري ملابس حمل واحس انه في بني ادم ف بطني ..

الله يتمم للجميع على خيرر ان شاء الله ..

[ساجدة للرحمن]

امين يا رب

ان شاء الله راح ننتفخ و بطونا تكبر و نزهق من حالنا هههههههههههههه


على خيرة الله يا رب

الله يتمم للكل و يحفظ اللي في ارحامنا يا رب

ممكن اتشرف بيكي

انا مغربية 23 سنة و عايشة بالامارات

[Razan77]

آآآميين ياارب ..

والنعم فيكِ ..

انا من السعووديه ( جده & ينبع ) وعمري 21

[ساجدة للرحمن]

احسن ناس اهل السعودية تشرفت بيكي غلاتي

[Razan77]

الله يسلمك ياقلبي ..

وانا كمانا تشرفت بمعرفتك ^.^ ..

[rooraa]

الوحم نعمة إلهية
ونحن نشعر اليوم بحزن شديد إزاء هؤلاء النّساء اللواتي اعتبرن هذا الوضعَ مَرَضيًّا في الماضي وتناولن أدوية مختلفة ممّا أدّى إلى إنجاب أطفال معاقين. ويا ليت هذه الأبحاث كانت أُجريت قبل هذا الوقت ليُكتشف أنّ الوَحم كان نعمةً إلهيّة. ويتضح أنه من أجل ذلك، ينبغي تغيير نظرتنا إلى الكون والإنسان في كل شيء.
وخلاصة القول، في ضوء المعلومات المذكورة سابقا يجب عدم اعتبار الوحم الذي يظهر في الأشهر الثلاثة الأولى من الحمل مرضًا، بل ينبغي اعتباره مؤشرا لاستمرار الحمل بشكل طبيعي، حيث يتضح من ذلك أن التغييرات النفسية والفيزيولوجية مع بداية حمل هي مظهر لتجلّي رحمة الخالق العليّ وشفقته إزاء الجنين والأم معا. وتزول شكاوى الوحم في الغالب بعد الأشهر الثلاثة الأولى من الحمل لانقضاء فترة الخَطر حيث تختفي الضغوط على منظومة المناعة في جسم ويكتمل نمو أغلبية أعضاء الجنين، وبذلك تَعُود الأم إلى تناول الأغذية على النحو المعتاد.

[Razan77]

الحمدالله على النعمه ..

مشكووره رورا .. وفعلا سمعت كثير يقولوا اذا تعبتي مره في الوحام وكدا فـ هذا دليل انه امور حملك سليمه ان شاء الله ..

[rooraa]

انا الدكتوره كمان قالتلي هادا الكلام ومرا حسيت انو فجاه راح الوحام وسرت جدن خفيفه مرا انفجعت وكان يوم جمعه دكتورتي مافي روحت لدكتور تاني سار يضحك عليا وحسسني اني ما افهم شي وهادي تخاريف والله هوا الي ما يفهم شي

[Razan77]

من جد ..

الحمدالله على كل حال يقولوا البنت لمن تتالم تحب الي سببلها الالم فـ تزيد محبتك لنونو لانه تعبك مرره ..

الله يرزقنا بررهم ان شاء الله ..

[ساجدة للرحمن]

معاكي حق رورا

و اللي سمعته كمان ان الوحم و الترجيع و الدوخة و كل هده الاعراض تشير الى ان الجنين بصحة جيدة و انه راح يكون المولود دكي

و الله اعلم

[rooraa]

الحمد لله على كل حال

[أرنوبة]

الله يسلمكم يا بنات روورا ام رتيل رزان تسلمووو حبيبات قلبي
والله برتاح قد ما اقدرغصب عني لانه من الالم بس ربي يعين
ويتمم لي ولكم ولكل الحوامل يا رب

رووورا يمكن سويتيه غلط لازم تغلي الكرنب 10 دقايق
وبعدبن تضيفي المويه المغلية على البول وتكون بنفس الكمية بالضبط
انا اول مرة سويته وطلع غلط رجعت عملته تاني بعد تعليمات امنية حامل
وطلع اللون احمر وضبط وقتها عيديه وشوفي اش يطلع

[أرنوبة]

والله يا بنات مني قادرة حتى اجلس من الالم الله يستر
أشوفكم على خير كروشات

[rooraa]

يو سلامتك والله ياارنوبه طيب روحي للدكتوره لا تسكتي على نفسك

[أُمنية حامل]

رورا
هههههههه اخيرا سويتي التحليل
والله قاعده اقول هالحرمه مستقرفه مره ماراح تسويه
بس اهم شي الخطوات تكون تمام عيديه مره ثانيه

[أُمنية حامل]

ارنوبه
انتبهي لنفسك ولا تتحركين
وياليت تروحين للدكتوره وتتطمنين
لانه يمكن يعطونك ابره مثبته او شي
الله يثبته لك يارب

[أُمنية حامل]

ساجده مرحبا فيك وشرفتينا
وانا من محبين اهل المغرب
الله يتمم لك ولنا على خير

[rooraa]

اهلين امنيه اصلا اول ما فتحت عيني دخلت ادورك ههههههههه
ابغا اعرف الطريقه مزبوطه بس جلست ادور في الصفحات القديمه لين لقيتها وربي مرا قررررررررررفت هههههه الي اخر لحظه اقول لا خلاص ما ابغا وارجع تاني
بس ما اتغير اللون ولا شي

[أُمنية حامل]

طيب انت خليتيه يغلي 10 دقايق وحطيتي مويته وهي حاره على البول بنفس الكميه
وطلع لك نفس اللون يعني بنوته
بس نصيحه عيديه مره ثانيه
طيب البول كان حق الصباح

[أُمنية حامل]

انا اول تحليل سويته طلع لي اسود
وبعدين عدته 3 مرلت طلع على عنابي يعني قريب من الاحمر
تصدقين يمكن تستقرفين زياده
وش سويت ؟؟؟؟
عشان اتأكد من التجربه جبت كوب بلاستيك وقلت لزوجي ممكن طلب قال ايوه
قلت جب لي شويه من بولك ههههههههههههههه
وسويت تجربتين جنب بعض وشفت الفرق الشاسع بين تحليلي وتحليل زوجي
عاد زوجي يمزح معي يقولي بشري وش طلع لي عساني حامل
والله الى اليوم يعلق علي كل ما بغى يروح للحمام يقول تبغين شوي خخخخخخخخخ

[rooraa]

يب الصباح
وحطيت البول على المغلي تقريبا نفس الكميه مو مرا بالزبط
والغلي ما اعرف ما طليت في الساعه
المهم انا خارجه اشوفكم لما ارجع اللليل ان شاء الله

[rooraa]

هههههههههههههههههههه
ههههههههههههههههههههههههههههههههه والله موتيني ضحك ي ا امنيه هههههههههههههه
ماما تكلمني وانا ميته ضحك سارو يضحكو على ضحكي يقولولي خبله

[مدمنة قهوة]

انا عضوة جديدة وولادتي برمضان
وحبيت اتجمع معاكم

[أُمنية حامل]

مدمنة قهوه يامرحبتين والله شرفتينا

[أُمنية حامل]

رورا لازم 10 دقايق
لازم تعيدينا
وخبرينا بالنتيجه

[المذهلة]

هلا بنات

كيف حالكم و حال الحمل معاكم ؟؟

أنا حامل لي شهرين و نصف يعني بنصف الثالث

الدكتورة تقول لي راح تكون ولادتي بتاريخ 10 شوال

أنا حدي استغربت قلت معقوله بظل عشر شهور موب أولد هههه

يعني أنا حاسبه لنفسي إني راح أولد في رمضان ومستانسه حدي إني بقضي رمضان بيت أهلي

بس تفاجأت من حساب الدكتورة

إذا فيه وحده مثلي في نصف الثالث ممكن تقول لي متى حددوا لها الولادة

أنا آخر دورة لي كانت في 14 ذو الحجة

الله يحفظ لكم حملكم من كل سؤ

[rooraa]

اهلين مذهله لا امكن انتي مو نص التالت لانو انا دورتي 21-11 وانا الان بنص التالت
انتي حاسبه غلط بس اعتقد انو كلام الدكتوره امككن صح او اخر رمضان
وان شاء الله تلاقي وحده تعرف تحسب تمام

[جنة]

هلا بالكروشات
ما طلع بطني ابدا بس احس بعرض في منطقة الخصر

متى يبان بطني بحس باطمئنان

[rooraa]

جنه عادي تدري انا فحملي الاول السادس بدت تطلع
وانا في التاسع يحسبوني الناس في السابع ولما ولدت قالو يحراااااااام ياقلبي عليها يحسبوني وولدت بالسابع هههههههههههههه

[المذهلة]

حبيبتي رورا

هذي مو حسبتي هذا حساب الدكتورة أنا أصلا استغربت قلت لها أنا على حسابي تو داخله الثاالث من كم يوم و هي تقول لي لا صار لك اسبوعين و السالفة ضايعة

بس ما زلت مصرة لا زم أولد في رمضان هههه حنيت كثير لجو رمضان في بيت أهلي

و غير كذا قلت فكه السنه ماراح أتعب في بيت أهل زوجي خخخخ برتاح بس شكله بيصير يا فرحه ما تمت

[rooraa]

انتي مو من اول التاسع عند هلك
ولا بس لما تولدي

[أُمنية حامل]

كروشات متى ابداء احس بحركة الجنين ؟؟؟؟

[rooraa]

امنيه في ناس من التالت
وناس الرابع وناس الخامس
الله يعلم انتي متى

[أُمنية حامل]

ودي احس فيه عشان اتطمن وما تقعد الافكار تلعب براسي

[ام رتيل]

هلا امنيه خلاص هانت انشاء الله ايام وتحسي بيها يارب
انت بكريه؟

[أُمنية حامل]

ام رتيل
الله يسمع منك
ايه انا بكريه

[أُمنية حامل]

ويييين السهرانين
سهرانه لحالي

[decheesecake]

انا معاكي سهرانه..
كيفك و كيف يومك ؟

[أُمنية حامل]

يا اهلين
والله. اليوم قاعده احس ان التهاب المثانه زايد علي
ومالي نفس على المويه ما ابغى اشرب
الله يعين
وانتي وش مسويه

[decheesecake]

الحمدالله تمام.. مدري اليوم حاسى نفسي تقلانه ..
انتبهي امينه لازم لازم تشربي عشان لا يزيد عليكي لا سمح الله..
حتى لو مو عشانك عشان اللي في بطنك..

[أُمنية حامل]

والله ادري بس من كثر ما اشرب الايام الي فاتت صرت اكره
الروحه للحمام وانتي بكرامه
بس والله صدق لازم اكثر الله يعين

[أُمنية حامل]

بحاول بكره اذا اموري تمام بروح لسنتر بوينت عشان اجيب
المذكره حقت البيبي مره متحمسه لها

[أُمنية حامل]

تصدقين من المغرب للحين وش قاعده اتصفح؟؟؟؟؟
قاعده اشوف الحريم الي ولدوا قيصري وكيف البنج ومعاناتهم والالام ووووالخ
ودي اوقف عن التفكير بس فيني دوده ماتخليني كل يوم لازم افكر خخخخخخ

[decheesecake]

انا قررت اني ما افكر بنت ولا ولد.. لاني كل شويه اقول شي و شويه نفسي في ولد و شويه بنت فقلت لما اروح اشوف بالسونار احسن شي استنى اسبوعين ولا تلاته بدل القلق دا .. بس مره نفسي اشتريلوا ملابس و تكون ملونه يعني اما ازرق ولا بينك..
كنت باسالك ما فكرتوا اذا وحده ولدت ولا كدا تروحوا تزروها ولا شي كدا؟

[decheesecake]

ان شالله تلقي وحده حلوه..
يالله يا بينتي هونيها تهووون انا زيك كدا حاتجنن من الولاده بس الاغلب قالوا اذا كنتي هاديه وعارفه ايش تعملي تتيسر..
و انتي ليش تقري عن القيصري ؟

[أُمنية حامل]

انا اقراء عن القيصري لاني يقولون بتولدين قيصري لانه حمل عزيز

[decheesecake]

اها الله يسهلك ان شالله.. انا اللي جالسه اقراه انو لما تكون بنج نصفي مررره احسن..

[أُمنية حامل]

بخصوص الزياره من تقصدين بنات التجمع ؟؟؟
حاليا انا اختي صار لها والد 30 يوم ولا زرتها لاني ما اقدر على مشاوير السياره

[decheesecake]

ايوه بنات التجمع اللي تعرفيهم..
الف مبروك لاختك يلا عقبالنا انشالله نولد بالسلامه..

[أُمنية حامل]

ياااارب
والله ان بنات التجمع عندي مثل خواتي
قبل لا اجي بهالتجمع كنت مره اكتئب ما عندي احد اكلمه عن حالتي
عاد انا ماعلمت احد من اهلي للحين
يعني ماقدر اشكي لاحد
الله يوفقكم يارب

[أُمنية حامل]

بس تدرين ليش النصفي يخوف لانه بالظهر يعني قريب من النخاع الشوكي
مو لعبه
بس بعد افكر اخذ نصفي لانه اريح وماله مضاعفات مثل الكامل

[decheesecake]

ما قلتلهم انك حامل لحد دحين !! ماشالله عليكي الله يتمملك حملك على خير.. انا كنت ناويه بس اقول للامهات والابهات الا مشالله هما اللي نشروا الخبر و بالذات حماتي..
ايوه احس حلو نتجمع مع البنات نتقابل ولا لما الوحده تولد نزورها راح تقوى العلاقات اللي بينى بس مدري انا ما قيد جربت

[أُمنية حامل]

تدرين اختي هذي الي اقولك والد
بعد مافتح الرحم 5 سم
قالت ماعاد اقدر اتحمل الالم وطلبت ابرة الظهر تقول زي البرق راح الالم وجاء الولد من دون اي الم
والحين تقول توبه اولد من غير بنج نصفي تقول يجنن

[أُمنية حامل]

ههههههه تدرين المشكله في الامهات والابهات
ابد ما احد دري للحين بس ولله متعذبه ودي اقول لخواتي لانهم الحين كل شوي يتصلون ويقولو حلمنا انك حامل والي تقول انا جاسه انك حامل
وهذا لاني مره ماصرت اطلع من البيت خخخخخخخخ
وقاعده اصرفهم واقول تعبانه وبرد ومالي خلق بس والله قلبي يعورني ودي اقولهم
ان شاء الله اسبوع واقولهم لما ادخل الرابع يااااااارب تتمم لنا على خير

[decheesecake]

لا ان شالله ما فيها خطر.. اسمعي في اليوتيوب الدكتور فواز ادريس هوا في المركز الطبي الدولي لما يتكلم عن ابره الضهر تحسي كل اللي جالسه تسمعيه تخاريف..
ماشالله هوا سمعتوا مره قويه و كمان صغير في السن مقارنه بشهادتوا

[أُمنية حامل]

والله ان شاء الله اذا ولد احد قريب مني احاول اروح لها

[أُمنية حامل]

صادقه انا سمعت كلامه
وشجعني كثير

[decheesecake]

حتى اختي ماشالله ولدت مرتين كلها بالابره و ناويه في التالت كمان..
كلهم يقولوا تريح و تكوني في نفس الوقت حاسى..
هههه من جد المشكله فيهم.. انا كان نفسي كدا على الرابع اقولهم بس ما قدرت استحمل ولا لما الحمل يثبت الحمدالله دحين الدكتور طمني وخفف ادويه المثبتات.. حملي دا جاى بعد تلات سنين زواج الحمدالله بس حملت اول و اسلبت اول ما اتزوجت و ممكن على التاني التالت نزل البيبي عشان كدا احيانا احس كاني بحلم من جدالحمدالله الحمدالله

[decheesecake]

انتي تتابعي مع مين و فين ناويه تولدي؟

[أُمنية حامل]

والله صادقه
انا بعد حملت بعمليه اطفال انابيب وسقطت
والحين ماحبيت افرح احد وانا للحين بمرحلة الخطر
وهالحمل بعد 7 سنوات ياربي لك الحمد والشكر
عشان كذا احس انه حلم وابيه يتحرك ببطني ابي اصدق اني صرت حامل

[أُمنية حامل]

انا اتابع في الرياض في مستوصف
بس اولاده عند اهلي بجده
افكر اولد في بخش لان ارنوبه مره مدحته لي
وماندري وش المكتوب

[أُمنية حامل]

وبرضوا يمدحون الطبي الدولي بس ما ادري احس اني محتاسه مره شي يمدح وشي يسب ماصرتي تعرفين

[decheesecake]

الله يتمملنا على خير يارب وتفرح فيهم وبشوفتهم في التاسع

[أُمنية حامل]

يااااارب آميييين

[decheesecake]

انا ما جربت بخش بس اختي ولدت في المركز الطبي ماشالله يهتموا من الالف للياء و كمان المستشفى فخمه انا ان شالله ناويه اولد هناك و قلت الشهر الجاي افتحلي ملف و كدا و انا اصلا كنت بتعلج عند دكتور في غسان فرعون و هيا قريبه من بيتي فقلت اكون متابعه هنا و هنا و ربنا يكتب اللي فيه الخير..
اما المستشفى اللي من جد استغربت الناس تمدحها هيا صح ممكن دكترتها كويسينن مدري والله عرفان ما كانك داخله مستشفى حراااج الصراحه انا رحت زرت سلفتي هناك في ذو القعده يعني شي ما ينوصف

[أُمنية حامل]

عررررفان
مدري سمعته شينه وانهم حقين فلوس وبس
مررره ما افكر بعرفان
بس للحين بين
بخش والطبي الدولي

[أُمنية حامل]

طيب اختك تولد ببنج نصفي عندهم ؟؟؟

[decheesecake]

يلا نروح سوا في المركز االطبي الدولي ههههه
داكا اليوم كنت مع ماما في بخش و شفت عياده الدكتور احمد زكي الا فجاه افتكرت ارنوبه دايما تروحلوا الا جالسه افكر يمكن اشوفها ولاشي ههههه
عشان كدا سالتك على اننو البنات يتقبالوا ولا كداا

[decheesecake]

لا بس جربت ابره الضهر عندهم بس ناويه تولد دحين كمان عندهم ان شالله

[decheesecake]

حاسى كلامي كتيرهههههه شكلي دوشتك

[أُمنية حامل]

ههههههههه ياحليلك تصدقين انا قاعده اقول يارب يولد معي اي احد في نفس المستشفى مره حلووووو
بعدين انا ورزان نفس التوقيت يعني نفس تاريخ الولاده بس عاد انا قيصري يمكن اولد قبلها
بس لو شكيت ان هذي ممكن تكون ارنوبه وش بقول لها هههههههه
بقول السلام انتي ارنوبه عاد تطلع مو هي اصير نكتة زماني <<<<< قاعده اتخيل

[أُمنية حامل]

لا ياقلبي لا دوشتيني ولا شي بالعكس
حلو مشاء الله يعني اعجبها المستشفى

[decheesecake]

هههههههه اما كدا اعتقد تقولي مييين ارنوبه ههههههه..
انا ولادتي 2 رمضان بس احس اني حاولد في نهايه شعبان الله يسهل

[أُمنية حامل]

انا قالت لي موعد الولاده في 3 رمضان يعني مابيننا شي
ويمكن يولدوني في 20 شعبان
يمكن احنا الي نتقابل هههههههه

[decheesecake]

ههههه من جد يلا حلو كدا يكون.. يسير نهون على بعض..
فكرتي في الاسماء ولا لسى ؟
انا ولد خلاص متفقين على اسم باباتو انشالله
بس لسى حيرانه مني عارفه

[أُمنية حامل]

واااااو ما خليت اسم ما جربيته
واقعد اقول ام فلان ابو فلان اشوف يناسب ولا لا خخخخخخخ
المهم
الولد زوجي قال نادر عشانه مو عندنا بالعايله
و البنوته دانه ان شاء الله
وللحين هالاسامي قابله للتغيير

[decheesecake]

ههههه حتى انا كل شويه اجرب و اكتب اللي عاجبني و زوجي نص الاسماء مو عاجبتوا هههههه
الولد عبدالعزيز
البنت كنده لورا مندرين تاله

[أُمنية حامل]

ماشاء الله الاسماء مره حلوه
واحب اسم عبدالعزيز بس عندنا كثيررر
وحتى اسماء البنلت حلوه
الا اسم كنده ماعجبني هههههههه

[decheesecake]

عبدالعزيز في كتير في عايله زوجي بس عاد لازم ..
تسلمي والله عيونك الحلوه.. واللهي لسى محتاره بنت اختي اسمها لارا فقلت لارا و لورا حلوين سواا مدري عاد وقتها.. انا احس لما البيبي يجي يجي اسمو معاه

[أُمنية حامل]

صادقه احس بعض الاطفال يخططون لهم اهلهم وفي النهايه يوم يولدو
يطلع لهم اسم غير
كله مكتوب
بقولك سالفه والله مو نكته بس فعلا تضحك
اقولك فيه رجال كبير بالسن عياله اذا جالهم اطفال هو الي يسمي ولا احد يفكر يسمي اولاده
المهم
وجا لولده بنت عاد هالشيبه شكله توه سامع باسم مصطفى فقال البنت تتسمى مصطفى ههههههههه
والا الولد يقول ابوي قال انا مالي كلام غير كلام ابوي مستحي منه اقوله غير
المهم وتقعد امها تبكي قالت مبي بنتي تتسمى باسم رجال
بعد جدل تجمعوا عياله وراحو لابوهم وقالوا الله يسلمك اسم رجال
قال ماني مغير مصطفى يعني مصطفى
وتروح له ام البنت وتقعد تبكي عنده المهم بالنهايه اقتنع على الرغم ان الاسم معجبه
وبالاخير سماها ساره وانتهت معاناتهم خخخخخخخخ

[decheesecake]

هههههه لا ما اصدق مصطفى مرررره وحده ههههههههههههههه
اما كمان على كيفوا حرااام عليه و كمان ههههه مصطفى واللهي ضحكتني..
الحمدالله انها اتسمت ساره و مسكينه ماماتها هههه و البنت كمان لما يحكوها والله ما يسير الله يهديهم بس

[أُمنية حامل]

هذي عادات انا خوالي مايسموا عيالهم كان جدي الله يرحمه يسميهم
يعني من باب الاحترام

[decheesecake]

هوا صح احيانا احس بس مو كل مره يعني حراام...
انا جدتي كدا سمت واحد او اتنين من احفادها يعني اصرت على الاسم..
ما شالله بنات ذو القعده و الحج عملوا تجمعات.. بس الحج مو بدري من دحين ولا صح ؟

[أُمنية حامل]

ههههههه ما شاء ذو الحجه مرررررررررره بدري

[decheesecake]

شكلهم حاسبين غلط ولا شي مدري عنهم..

[أُمنية حامل]

بس والله قهر انا احمل وهم يسمون

[decheesecake]

كمان بالذات اذا اسم مو قد كدا ..

[decheesecake]

ان شالله ناويه انضيف البيت على قد ما اقدر ابى اخلصوا و كمان ما ابى شغاله مرررره ما ارتحلهم الله يعيين بس

[أُمنية حامل]

اه شغل البيت الله يعين
انا صايره مره ما اانضف شي نهائي والله مالي خلق وتعب بعد
الله يعين
بس لذا نظفتي حبه حبه يعني قسمي الشغل على كم يوم
الله يعين

[أُمنية حامل]

عادي جيبي شغله من الي بالساعات تنظف وتمشي والله اصرف لك
اتمنى انهم عندنا بالرياض بس مستحيل تلقينهم
اما بجده امي ما ارتاحت الا على الي ماينامون عندك بس يجون يسوون شغلهم ويتوكلون

[decheesecake]

مدري ما اطمن احد يمسك بيتي هههه معقده مدري ليه كدااا الله يعييين بس
بس ماماتك من فين جابتهم ؟؟

[أُمنية حامل]

والله من داخل جده معروفه الاحياء الي هم فيها بس والله مدري وش اسمها
انا بخليك اذن عندنا تصبحين على خير

[decheesecake]

وانتي من اهلوا حبيبتي

[وفقني يارب]

صباح الخير بنات وش مسووين
انا موعد ولادتي 20 شعبان

[ملكة الغربة]

السلام عليكم
انا كمان ولادتي بشهر رمضان
اخر دورة لي 24\11
واحتمال ولادتي ب1\9
هيك بكون مخلصة التاسع كامل ان شاء الله
قبل فترة عملت تحاليل الدم والبول بس ما اخدت النتائج
بعد6 ايام عندي مراجعة وبتطمن يا رب
والصراحة حابة اشوف النونو كتير لاني حاسة انو كبران
ادعولي لاني بالغربة
خايفة اولد لحالي من غير امي .واااااااااااء

[rooraa]

سلام
كيفكم كروشات
شو اخباركم
منية لا تفكري في الولاده كتير نصييييييحه كل ما تفتكريها بس ادعي انو ربنا يسهلها
انا والده قيصريتين صح تعب طبعا مافي شي بالساهلل بس انا لما شفت بنت اختي بتولد قدامي وشفتها من اول الطلق الين نزل منها البيبي يعني انا كنت معاااااها وكونت اول مرا اشوف دا المنظر فحياتي عرفت انو العملية ارحم
على الاقل انو اصحى الاقي البيبي جمبي صح الطبيعي تشوفي وهوا يخرج واحساس ما ينوصف ولعلمك انا نفسسسسسسسسسسسسسي اجرب الطبيعي بس طبعاا مافي امل
بس العملية ارحم واسهل ان شاء الله
والنسبة للبنج انا دكتوري قالي حتى لو انتي طلبتي نصفي محا ارضى لانك جبانه هههههههه وحتسمعي كل الي نقولو وحتشوفي الدم وكل شي صح طبعا مغطى وما اشوف بطني وهيا مفتوحه بس اشوف ملابسهم معدومة وانا من النوع الي لو شفت دم او خفت على طول ادوخ

[سكـــر ناعـــم]

صباح الخير


ونااااسه طالعه بالشريط بالشهر الراااابع ههههههههههههههه

[أرنوبة]

صباح الخير كروشات
وربي مت من الضحك وانا قاعدة اقرا كلام تشيز كيك وامنية حامل
وهما يتخيلوني عند العيادة حقت الدكتور هههههههههه
شكلي حعلق ورقة واكتب عليها أنا أرنوبة خخخخخخخخ عشان تعرفوني

الحمد لله اليوم مررررررررررة احسن من امس خف الالم
شخباركم اليوم كروشات ؟؟؟

[سكـــر ناعـــم]

باقي لي اسبوع وأدخل الراابع......

[سكـــر ناعـــم]

طيبين الحمد لله أنتي اخبارك ارنووبه وكيف حملك معااكي؟؟

[أرنوبة]

كنت مررررررة تعبانة الايام اللي راحت
بس اليوم الحمد لله مررررررة احسن

[أرنوبة]

إن شاء الله بدخل الرابع يوم الجمعة لمن اكمل 13 اسبوع و3 ايام

[سكـــر ناعـــم]

ماتشوفين شر ارنووبه حتى انا من يومين شربت بايسن وهيلستوون كان نفسي فيهاا مرررره ...
وجلست امس تعبانه أحس بطني تعورني بس اليوم الحمد لله وعندي موعد الساعه 12 الظهر عند الدكتوره انشالله كل شي طيب بس تشييك هع هع .....

[أرنوبة]

ما تشوفي شر يا قلبي
بس البايسون عليه تحذير انه ما يشربوه الحوامل !!!
ربي يطمنك على جنينك وإن شاء الله كل شيء تمام
أنا اجلت موعدي لبعد اسبوعين عشان يمكن يبان نوع الجنين بعد اسبوعين إن شاء الله ولانه احس بالبيبي فمو قلقانة الحمد لله

[سكـــر ناعـــم]

يؤؤؤؤ لاتخوفيني زياده حدي مقهوره أني شربته بس يالله الله يسهل ويعين ...؟؟؟ >>>بديت اخاف
تعرفي ابروح عشان تصور لي صوره ابخلي لكل شهر صوره لان ماعندي غير صورتين بس..

صباح الخير ياعرب فيه جزء اليوم عن اختيار غرفه نوم البيبي خخخخخخخ....

[أرنوبة]

إن شاء الله ما ييصير شيء مرة وحده ما تضر ان شاء الله

[سكـــر ناعـــم]

إنشالله

أحس براسي اساله كثيره اسال الدكتوره فيهاا بس احس نفسي ضيعتهاااااااا

[أرنوبة]

اكتبيها في ورقة كل ما جا على بالك سؤال
انا صرت اسوي كدا والله احسن

[سكـــر ناعـــم]

أي شكلي بسويهااا


الله يعين الجمييع ..

[أرنوبة]

آمين يا سكر
يا كروشات انتوا عندكم ملف الاكسل لحساب الحمل
اللي ما عندها تحملوا لانه مررررررررررررة خطير يحسب لك كل شيء
حتى حاسب الموعد المناسب لمعرفة نوع الجنين غير حساب الشهور بالاسابيع مرررررررررررررررة الملف حلوووووو

[المذهلة]

انتي مو من اول التاسع عند هلك
ولا بس لما تولدي

لا حبيبتي ما أروح إلا إذا ولدت لأن عندي أطفال اثنين و صعبة أترك زوجي لحاله و حتى بولادتي بأطفالي اثنينهم ما أقول حق اهلي اني رايحه اولد إذا ولدت خلاص زوجي يدق يبشرهم ..

بعدين الله يسلمك لو أروح بيت أهلي من بداية التاسع كان تاكلني أم زوجي و تاكل أمي و احنا حيين هههه

تصوري لم ولدت المرة الثانية كانت تقول لي أم زوجي ظلي بس عشرة أيام بيت أهلك بعدين رجعي شقتك ما تبغيني أظل بيت أهلي مع اني ساكنه في شقة لحالي مو معاهم بس لابد من التدخلات


الله يعين و يسهل عليكم جميعا

[ام رتيل]

هلا حبيباتي
المذهله هههههههه ضحكتيني ام زوجك خايفه على ولدها من الوحده انت متى ولادتك؟

[المذهلة]

عسى دوم هالضحكة أم رتيل

و الله لا يسلط عليك وحدة مثل أم زوجي ههههه

على حساب الدكتورة تقول في 10 شوال لأن حسابهم يكون أربعين أسبوع

لكن أنا على حسابي في بداية رمضان هههه حدي مستعجلة أنا بولادتي الثانية ولدت في الأسبوع الثاني من الشهر التاسع فأتوقع حتى هالمرة إن شاء الله ما راح أكمل التاسع

[rooraa]

كروشات كيفكم
في احد ولا الكل خرج من بيتو اليوم ربوع هههههه
مذهله الله يعينك ويساعدك والله اكره هادا الاسلوب مرا طيب انتي زوجك من النوع الي لاززم تسمعي كلام امو ولا اسمعي وطنشي وسوي الي تبغي؟

[أُمنية حامل]

رورا والله انا مالي صديق الا النوم
ومحرومه من الخرجه ههههههههه
يارب تفرجها هلى خير ويعدي هالشهر على خير

سكر
ياحليلك انتي لك يومين مدخلك الشريط الشهر الرابع
وليه تشربين بايسون ؟؟؟؟ لاعاد تشربين
مذهله
انا نظامي في الحياه اذن من طين واذن من عجين يعني لا اسمع شيء
مرررررررره ترتاحين

[rooraa]

احسلك امنيه وانا زيك
والله اذن طين واذن عجين وطناااااااااااااااااااااااش اسمع واطنش والي فراسي اسويه
الين يئسو والله سار محد يكلمني جوزي لانو دلوع امو واختو طبعا ما يقدر يقلهم شي يقلي لا تدخليني وانا الحمد لله اعرف اتعامل والله دحين لو ايش ما اسوي مالهم دخل فياااا هما ساكنين ف الشقه الي تحتي وانا من اول ما حملت ما شافوني لاني اغلب الوقت عند اهلي حتى لو انهم مقهورين من جيتي عند اهلي محا يقدرو يكلموني ولا يكلمو

[أُمنية حامل]

رورا انا عايشه معهم في نفس البيت ويوميا لازم تسمعي شي
بداية زواجي كنت اتأذى منهم
بس الحين صاروا هم والحيطه واحد
صاروا مايهموني ولا افكر بكلامهم
وبعد الواحده تحتسب كل شي تسويه انه لوجه الله وانا قادره اني اتكلم واسبب مشاكل
بس انا متقيه الشر واتمنى ان ربي يعطيني الاجر على فعلي
وبعد يابنات كثروا من دعاء (( ربي لا تجعل في قلبي غلا على الذين امنوا))
والله بيروح اي حقد بقلبك وبعيشين حياتك مرتاحه

[rooraa]

امنية معاهم فنفس البيت ؟؟؟؟؟؟؟؟
طيب ما اتغيرو لما عرففو انك حامل؟؟؟

[أديم]

هلا بنات
كيفكوم
حركات فيه ناس دخلوا الرابع

[rooraa]

ايو ما شاء الله انا كمان يومين واطلع بالشريط
واسبوع وادخل في الحقيقه هههههه

[decheesecake]

اهلين بنات كيفكم شو عاملين...

[rooraa]

اهلين شيز كيك الحمد لله تمام والله كل شويه احس بألم من تحت كننو شي يتقطع
انتي كيفك ايش اخبارك

[decheesecake]

الحمدالله تمام انا كمان سرت حاسى بتقل و شويه الالم تحت كانو المنطقه بتتمدد..
سلامتك رورا والله ما تشوفي شر ان شالله.. المهم ارتاحي

[rooraa]

والله بحاول رتاح قد ما اقدر

[rooraa]

نفسي تعدي الايام بسرعه
طول الوقت ادخل لحقون التامن والتاسع واتفرج واهرج معاهم

[أُمنية حامل]

رورا اصلا ما احد دري اني حامل

انا بديت احس بالام مره مزعجتني ما ادري طبيعيه ولا لأ
بس اتصلت على الدكتوره قلت لها المفروض على الاسبوع الجاي اخلي حبوب الدوفاستون
قالت عادي كملي عليها الى ان يجي موعدك الي هو بعد اسبوعين
وقلت مو خطر ؟؟ مايسبب تضخم في المشيمه ؟؟
قالت لا عادي لو استخدمتيها الى الاسبوع 20
وقررت اني اكل حبتين الى الموعد الجاي على خير

[rooraa]

ايو احسن امنية ما شاء الله عليكي معاهم فنفس البيت ومحد عرف انك حامل
ما بان على لبسك وحركتك
انا روحت عزا عند اهل جوزي وكنت لسه ما كملت 3 اسابيع حامل كلهم قالولي والله شكلك حامل باين من مشيتك هههههههههه فضيحه

[ام ساره وسبلاء]

تحية مسائية حبيباتي الكروشات ...
انضم معكم بكل فرح وسعاااااااااااده ...
انا بولد ان شاء الله في نهاية شهر الخير والبركه ...
ربنا يتمم لنا كلنا علي خير ونولد اطفال تامين وسالمين ...
بس بسالكم اخر دورة لي كانت 17 | 11 |2010
انا الان في الشهر التالت ولا لسسسه مادخلت الشهر التالت ؟؟...





وفرحااااااااااااااانه جدا جدا


وسعيييده سعاده لااااتوصف ...



لانو الدكتور قال لي حامل تؤام ... تتخيلوا !!...

كنت بتمني اني اجيب تؤام ... وزوجي دعا لي بهذه الامنيه في الحج ...

وربنا استجاب دعاؤه والحمد لله ,
انا من الفرح مامصدقه والاسبوع القادم موعدي مع الدكتور

عشان ... يشوف بالموجات هل التؤام في كيس واحد ام كيسين ...

[rooraa]

ما شاء الله لا قوة الا بالله
الله يتمملك على خير يارب وتشوفيهم فحضنك ان شاء الله ياااارب
مرا فرحتلك لانو انا كمان كان نفسي فتوام واول شهر كانو كيسين بس راح واحد اختفى لحالو بس الحمد لله انو التاني كمل وفيه الجنين
الله يرزقك الي نفسك فيه
وسوري ما عرف احسب بالميادي ان شاء الله يفيدوكي كروشاتنا

[ام رتيل]

هلا حبيباتي
ماشاءالله تبارك الله الله يتمم لك على خير بس نصيحه لاتعلمي احد بحملك التوئم انت ما تعرفي نفسيات الاخرين والله يحفضهم لك ياااااااااااارب

[rooraa]

اهلين ام رتيل كيفك اليوم ايش اخبارك
والله انك صادقه انو ما تقول لاحد
بنت عمي ما قالت ولا لاحد لما ولدت الناس عررفو انهم توام ما شاء الله

[ام رتيل]

هلا امنيه صراااحه انا احب الاكشن مع الحموات بس لحسن الحظ انا تزوجت ولدخالتي
خالتي ماترضى عليه وتخاصم زوجي اذاطلب مني اولد في بيتي بس من 4شهور توفت الله يرحمها

[ام ساره وسبلاء]

مشكورات اخواتي ...

زوجي قال لي نفس الكلام انو مانخبر اهلنا هذه الايام ..

ويمكن نخبرهم ع الشهور الاخيره ... ربنا يتمم لنا جميعا ع خير ...

بس ما عرفتو لي بكون في التالت ولا التاني ؟؟...

حقيقة مابقدر احسب ...

[ام رتيل]

هلا rooraaانا الحمدلله بخير انت كيفك وكيف البيبي
اكيدنفسك تعرفي نوع البيبي اللي عتدك؟
انت بكريه؟

[rooraa]

اكيد نفسي اعرف ههههههه
لا سوابق ههههه
عندي بنتين الله يحميهم
وانتي؟؟

[ام رتيل]

ام ساره انت كل يوم 24تدخلي شهر
انت الحين بداية الثالث الله يقومك بالسلامه

[ام رتيل]

انا عندي ولد وبنت
والدكتوره قالت ليه الحمل هذا احتمااااال بنت وان شاء الله الشهر الجاي راح اتأكد لانه راح يكون واضح

[ام ساره وسبلاء]

ام ساره انت كل يوم 24تدخلي شهر
انت الحين بداية الثالث الله يقومك بالسلامه

تسللمي حبيبتي ام رتيل ...

ربنا يحفظك رتيل ويولدك بالسلامه انشاء الله ...

لاني بولد بقيصرية والدكتور قال لي عمليتك يوم 24 | 8

اللي بيصادف 24 رمضان ...

وكنت حابه اعرف دخلت الثالث ولا لسه ...

تسلمي كتيير ومشكووره ...

[ساجدة للرحمن]

مساكم الله بالخير

[ام رتيل]

العفو حبيبتي الله يقومك بالسلامه
بس ليه عمليه ولادتك؟

[ام رتيل]

اسعدالله مساك ياساجده

[سكـــر ناعـــم]

مسسسااااااكـم فـل ويـاااسمـــين ...

[ام رتيل]

هلا سكر ناعم كيفك وايش اخبار البيبي؟

[rooraa]

اهلين يا احلى مساء

[ام ساره وسبلاء]

مساءكم سعيد ...لكل المتواجدات
ام رتيل تقصدين ليه بولد قيصري ؟؟..
عندي ضيق في الحوض وولدت بناتي الاتنين ربنا يحفظهم بالقيصريه ...
كنت بتمني اولد طبيعي ..لكن الله اراد ... والحمد لله ..

[ام رتيل]

مع السلامه حبيباتي خارجه اتمشي ولنا رجعه في الليل

[سكـــر ناعـــم]

أم رتيل أنا طيبه يالغلااااا يلاا أستانسي عنك وعنا بالمشوااار الله يهنيك ...

رورااا أخبارك ياعسسسل ..؟؟؟ ألحين حملنا مع بعض ليه باقي مادخلتي الرابع؟؟

[سكـــر ناعـــم]

أمنيه ياقلببببي والله تحسفت على البايسن اللي شربته بس قلت لزوجي صاار شوي وبيكفخني خخخخخ أمزززح بس تضايق !! أصلاا خلاص تووبه مااعيدهاا بعد الرعب اللي جااني خخخخخ

[ام ساره وسبلاء]

اسعد مساء لكل الحاضرين ...

ربنا يتمم حملنا علي خير يااااااارب ...

[سكـــر ناعـــم]

أم ساره ... ربي يحفظ لك اللي ببطنك والف الف مبرووك الله يتمم لك على خير وماشااء الله تبارك الله عاد أنا كان بخاطري توأم يوم شفت وحام الي فيني قلت يازيني ساكته ويازين اللي مب توأم خخخخخ بس لاتقولين لاأحد إلين ماتولدي والله نصيحه زوجة أخوي سقطت 3 مرات يوم كانت تخبر الناس بحملها وبولدها خلودي ماتكلمت الا لما عدت الخامس والحمد لله .. وحصني نفسك وانا اختك ...

[سكـــر ناعـــم]

نسيت اقول لكم أيش صار معاي عند الدكتوره اليوم خخخخخخخ
شافت تحاليلي للمره الثانيه وقالت كل شي تمام والحمد لله وخلتني اسوي تحليل بول (الله يكرمكم ) للمره 3 ...
وبعدها قالت انتي تمام قلت لها طيب انا ابغى صووررره .. قالت خلاص اطلعي على السرير .. المهم سوت لي وشافت النبض .. وقالت كل شي ميه الميه ...وبعد ماسألتهااا كل اللي بخاطري قالت بالشهر الخامس بتشووف لي البيبي أهي أهي ...المهم شوي قالت روحي سوي التحليل وقالت لزوجي تعال انت بس الاربعاء الجاي خذ النتايج هههههههه وقالت من الاربعاء الجاي ماعاد أشرب فوليك اخذ حقين الحديد والكالسيوم وقالت الحديد معاه فوليك فماله داعي تأخذي الفوليك... وتعاليلي بعد شهر هههه(تبي الفكه مني )
المهم رحت اسوي التحاليل وشافت زوجي فقام يكلمها ويتكلمون انجليش شووي الا تقوله مدام انت مثل البزوره كله تسال تسال خخخخخخ شكلي غثيتها بس قالت له لاتخليها تشرب قرررف ..
طبعا القرفه حلوه للي تبي الدوره تنزل معاها..


يؤؤؤ سوري طولت عليكممم ......

[سكـــر ناعـــم]

يؤؤؤ وينكم .؟؟؟؟

مليت أنتو أختفيتو وزوجي على الجزيره وأنا مليت من النت هع هع

[Razan77]

مساء الخير بناات ..

سكر الحمدالله تطمنتي على البيبي واهم شيء الصووره اخذتيها ..

وترى ايوا المستشفيات مايحبوا الاساله ..

واحنا مساكين نبغى نفهم ونتعلم فلازم الواحد يسال ومايعجبهم ..

[سكـــر ناعـــم]

هلا رزاان نورتي ياقلبي ...

أيه أختها طبعا عطتني صورتين وحده لراس البيبي وحده لجسمه كله ... والله ماشااء الله ...

بس ماعليكي أنا بغثها لحد ماتكرهني هع هع هع..
شكلي بشتري الكتاب اللي قالو عنه البنات .. واحط الصور يعني اول حمل لازم ادلعه ههههه

[ام ساره وسبلاء]

أم ساره ... ربي يحفظ لك اللي ببطنك والف الف مبرووك الله يتمم لك على خير وماشااء الله تبارك الله عاد أنا كان بخاطري توأم يوم شفت وحام الي فيني قلت يازيني ساكته ويازين اللي مب توأم خخخخخ بس لاتقولين لاأحد إلين ماتولدي والله نصيحه زوجة أخوي سقطت 3 مرات يوم كانت تخبر الناس بحملها وبولدها خلودي ماتكلمت الا لما عدت الخامس والحمد لله .. وحصني نفسك وانا اختك ...

الله يبارك فيكي اختي سكر ناعم ...

ان شاء في حملك القادم ترزقين بتؤام كتري من الدعا ء...

تسلمي كتير ع النصيحه وان شاء الله ربنا يتمم لنا ع خير جميعا ...

ومشكوووره كتييير حبيبتي ...

[Razan77]

النور بوجودك والله ^.^ ..

ايش اسم الكتاب الي قالوا عليه البنات ؟؟

[سكـــر ناعـــم]

أم ساره ايش دعوه يالغاليه أنتي أختنا كلناا ...

رزان مادري بس اعتقد تشيز قالت أنه بسنتر بوينت مثل الكتاب تحطي فيه صور للبيبي وتحتها تكتبي كلام عن البيبي مرره حلوه حسيته ...

[سكـــر ناعـــم]

سوري حبيبتي تشيز أخذته من صيدليه المركز الطبي الدولي بجده ...

[شعاع الأمل]

مساء الخير
واالله احس بطفش ؟؟
وعجز ودي ادردش وكسلانه ؟خخخخ

[شعاع الأمل]

عندي اشعه بكره شايله هم شرب الماء لازم اروح وانا مليانه وانتم بكرامه
الله يعين بس ..

[Razan77]

اها حلووو مرره ..

بشووف ان شاء الله لو قدرت ..

[Razan77]

اهليين شعاع ..

ااذا انتي في الشهر الثالث اعتقد مايحتااج تشربي مويا وكدا !!

[شعاع الأمل]

هلا حياتي ايه بنهايه الثالث بدخل الرابع بس دكتورتي قالت لي ضروري
تجي مليانه مره عشان الاشعه هذي توضح اذا البيبي عنده تشوهات اولا
الله يحمنا يارب ويطمن بالي وبالكم

[أُمنية حامل]

طيب سكر انتِ رحتي والمثانه مليانه ولا لأ؟؟؟
طلبتي سي دي ولا لا؟؟؟
المذكره مررررره نفسي اشتريها ماقدرت اروح اليوم لسنتر بوينت
بحاااول اروح قريب عشاني هالايام فاضيه مره ودي بشي يشغلني
الاختبارات وخلصتها والنتايج طلعت ولا عاد عندي شي خخخخخخخخ
شعاع الامل ان شاء الله يكون كل شي تمام وتتطمنين يااارب

[شعاع الأمل]

هلا امنيه تسلمين ياقلبي
بنات احس بحاجه متحجره ببطني فوق السره يوجعني مره اذا جيت انسدح
او اقوم مادري اش هذا منجد متعبني

[أُمنية حامل]

شعاع الامل
والله ماعندي علم
ان شاء الله الكروشات يفيدونك

[أُمنية حامل]

اذا رحتي للدكتوره لا تنسين تقولين لها عن هالالم الي تحسين به

[نسمه الليل]

السلام عليكم كروشاااات
بنااااااااااااات نفسي يطلعلي كروشه ماطلعتلي هي نفسها ماتغيرت
اللي عندها خبره متى تبدا تطلع

[AL.AMAL]

وحشتوووووووووووووووووووووووووووني
بس احس جاني وحم من الكمبيوتر

بليز اعطوني اخباركم ومين كشفت على نوع الجنين
انا موعدي للسونار رباعي الابعاد بعد اسبوعين وان شاء الله خير

[وفقني يارب]

هلا وغلا بنات كييفك بشروني عنكم
ا لدكتور طلب مني تحليل نسبه الهمجلوبين بالدم
والسكر وللحين ماسويته وخايفه نمن التشوهات وابي اعرف نوعه مانيب عارفه شسوي
وموعد الولاده 20 شعبان
بالعنمليه مكم يكون من عندها خلفيه

[ام رتيل]

نسمة الليل البطن على حسب الوحده ممكن تبدا تطلع شوي على الرابع

[decheesecake]

في احد هنا ولا نايميين ؟؟

[ام رتيل]

انا موجوده هلا

[ام رتيل]

امنيه وينك موجوده؟؟؟؟؟؟؟؟؟

[وفقني يارب]

بنات ليه كل ماسال ماتردون وتطنشوني؟

[نسمه الليل]

الله يعطيك العافيه ام رتيل

[decheesecake]

اهلين ام ريتل كيفك و كيف البيبي؟

وفقني يارب قولي سوالك و احنا حاضرين

[نسمه الليل]

امرررررررررررررري < وفقني يارب> تدللللي

[ام رتيل]

حبيبتي ليه تخافي من التحليل بالعكس راح تتطمني على نفسك وعلى البيبي
وبعدين انت بكريه ولا عندك من اول اطفال؟

[ام رتيل]

الحمدلله انا بخير والبيبي يسلم عليك ههههههه

[decheesecake]

ههههه الله يسلم قلبو ان شالله.. ههههه

[وفقني يارب]

تسلمون كلكم ذووق احرجتوني
كنت اسال انا عمليه وموعد ولادتي 20 شعبان بعمليه متى بيكون موعد ولادتي

[ام رتيل]

ماشاء الله انت سابقتني بيوم الله يتمم لنا بخير
انت ولادتك طبيعي ولا عمليه؟؟؟؟؟؟؟؟؟؟؟

[rooraa]

على حسب البيبي الين تكمل الرئه ممكن لاخر التاسع بس انا اخد 3 اسابيع من التاسع

[decheesecake]

والله ما عندي ادني فكره بس اكيد قبلها بفتره و ان شالله البنات يفدوكي

[decheesecake]

طبيعي ان شالله عاد وقتها ما يندرااا

[وفقني يارب]

ايه متحمسه لان قبل الموعد بفتره ههههههههههههههه
ابي اعرف كم الفتره يعني ممكن اولد بشهر 7 او اخر 6 او متى؟؟

[ام رتيل]

صراحه انا بالنسبه لي ماراح استعجل على الولاده عشان اصوم اكبر عددايام هههههههه

[decheesecake]

ام رتيل انتي عمليه كمان ؟

[ام رتيل]

طبعا الدكتوره اللي راح تحدد لك موعد الولاده

[ام رتيل]

لا حبيبتي طبيعي الحمد لله

[decheesecake]

ان شالله يارب .. يعني اكيد 2 - 3 رمضان

[وفقني يارب]

بالعكس ام رتيل
لو استعجلت ممكن اصوم رمضان كله بالذات لو ولدت بشهر 7 او اول 8
بس لو ماستعجلت مافي امل اصوم رمضان

[ام رتيل]

وفقني ياارب اهم شي صحتك وصحة الجنين بس اللي اعرفه ان العمليه بعد ثلاثه اسابيع من التاسع ما يخلوا الوحده تكمل تسعه عشان ما يجيها طلق

[ام رتيل]

انا ولادتي في 3او 4 رمضان الله يكون بالعون

[decheesecake]

انا و ام رتيل سوا انا 2 - 3 رمضان ان شالله

[وفقني يارب]

اما ثلاثه اسابيع توقعت على الاقل يوم واحد من التاسع
الله يعين بس والحمدالله على كل حال
ولادتي ب 20 شعبان يعني تصير باخر شهر 7 على كذا صح؟

[decheesecake]

شكلهاكدا تكون على نهايه 7 ..
ام رتيل انتي فين تراجعي ؟

[وفقني يارب]

يعني بولد قبلكم خخخخخخخخخخخ

[أُمنية حامل]

ام رتيل اناااااا هنااااا سمي وش تامرين عليه ؟؟؟

[أُمنية حامل]

ايييييه نايمين ومخليني سهرانه لحالي طيب بقول شعر
ياليت جده وسط بيروت.....
وتشوف دعم السعوديه،
الشعب جايع شابع موت ......
ولبنان بأموالنا حيه ،
شفت المساجد غدت تابوت.....
واطفال في السيل مرميه ،
حتى الاغاثه علب بسكوت.....
وحليب ومياه صحيه ،
جده عروس البحر بتموت .....
وبتحتضر يالسعوديه،

[decheesecake]

امينه نمتي ولا لسى؟

[أُمنية حامل]

تشيز كيك
هلا والله
لا لسى مانمت

[decheesecake]

ها كيفك اليوم ان شالله احسن

[أُمنية حامل]

والله صايره ما اقدر اطول وانا جالسه
بس الحمد لله
افكر اروح اسوي اشعه اليوم على الرغم انه مو موعدي
بس بجرب في اي مستوصف ثاني بس عشان اتطمن

[decheesecake]

الله يطمنك ان شالله .. احسن سوي عشان تطمني و يرتاح بالك ان شالله..
مدري ماسكني صداااااع من ساعه مني عارفه من ايش

[أُمنية حامل]

الصداااااع
انا الحمد لله من دخلت الاسبوع 14 وهو مختفي

[decheesecake]

الحمدالله طيب.. اول صح كان اكتر..
بس ممكن لخبطه نووم ولا شي مني عارفه

[أُمنية حامل]

انا نومي صايره العب معه مثل توم وجيري
ادوره مالقاه مدري وش سالفتي واذا نمت ما اصحى الا بالقوه

[decheesecake]

ههههه الله يعيينك عليه..
انا امس رجعت بيتي والله نمت امكن 12 ساعه كاني ما كنت بانام في بيت اهلي ههههه

[ام تميم 66]

الله يسهل علييكم ياارب وتضموونهم على صدوركم عاجل غير اجل ياارب دعوتكم لي,,,

اللهم ثبت حملهم وارزق كل المحرومات بالذريه الصالحه عااجل غير اجل ياارب,,

[decheesecake]

اللهم امييييين ام تميم..

[أُمنية حامل]

ام تميم جزاك الله خير
والله بمجرد ما دريت اني حامل
طوالي دعيت لكل محروم
والله يرزقك باحلى توائم وتحظنيهم وتتهني بيهم يااااارب

[أُمنية حامل]

تشيز كيك عن اذنك صلوا عندنا بروح باي اشوفكم بكره على خير
بكره = انام واصحى
مايهم يوم جديد انا مايبداء اليوم الجديد الا لمن اصحى من النوم
ههههههه

[ام تميم 66]

اميييين ياارب وكل المحروومات ,,,

ومشكورة امنية والله يقومك با السلامة ياارب,,,

[decheesecake]

حبيت اسالكم كيفكم مع السلايف و الحمل ؟
عندي وحده من سلفاتي ما اطيقها.. دحين عشني مرات الولد الكبر و ما ربنا ما تمملي حملي المره الاولى المهم جلست كدا سنتين.. الا اخوانه 2 اتزوجوا ماشالله في نفس السنه الا وحده من يوم ما اتزوجت حملت ما شالله و احسها سارت بس قدامي كدا بتقهرني.. انا مطنشه و كدا بس احس نفسيتي تعبت شويه من دا الشي الا تقول انا باعمل ساابع كبير و حفله مدري ايش عشني اول مرات ولد اجيب بييبي ... اما دي دحين الواحد ايش يقولها حتى هيا لما عرفت انها حامل ببنت كدا كانها اللي ما تبى اتضايقت و ماشالله لها شهرين ممكن ولاده و تقول ما راح ترتاح لين تجيب الولد..
اما سلفتي التانيه طيبته ماشالله عليها بس لما حملت ما قالتلي قالت لكل العايله الا انا و زوجي ممكن خافت احسدها ولا شي مدري عنهم والله..

اما قلتلكم وضعي معاهم حكوني انتو كيف؟

[decheesecake]

و انتي من اهلو امينه نشوووفك بكره ان شالله

[decheesecake]

نمتوا كلكم و ايش.. شكلي حتى انا باقوم انام

[أرنوبة]

صباح الخير كروشات
امس ما دخلت كان عندي زواج وحده من قريباتي
أنا بديت احس بالم في الحوض واسفل بطني شكلة لانه الرحم يتمدد

الله يعينك يا تشيز كيك على سلايفك
أنا الحمد لله ما عندي الا سلفة وحده بس بعيده عني
واصلا اهل زوجي كلهم في الكويت وانا وزوجي في جدة
معنه هو اصلا من الرياض بس جا سكن بجدة عشاني وعشان اهلي هنا

[rooraa]

اهلين ارنوبه ايو حتى انا الالم وكمان احيانا يجيني الم من تحت كنو بينقطع الدكتوه قالتلي في التالت الرحم يكبر يوصل للسره علشان كدا يبدا الالم في الحوض
تشيز كيك الله يعينك ههههه
انا سلايفي قد ماما الاتنين ماعندي غرهم ويعاملوني كني بنتهم وبناتهم وحريم اولادهم قدي واكبر مني هههههه
يعني ما اجلس معاهم مع بناتهم هما اتعامل معاهم زي خالاتي وعماتي وحده منهم مرا احبها هيا وبناتها فوق ما تتخيلي ادرجة لما اضارب مع زوجي اتصل على بنت اخو اشتكيلها من عمها هههه
وهما الوحيدين الي يعرفو اني كنت اتعالج علشان احمل لانهم نفس اخواتي الله لا يحرمني منهم
اما لانو سلفتك ما قالتلك انها حامل امكن نيتها مو خايفه من حسد بالعكس بس خافت انو انتي تنقهري او تحز فنفسك او تضايقي انها حملت وانتي لا يعني علشانك
لانو انا عندي صحبتي مرا صحبات انا وهيا وكل ما تكلمني تسالني ما حملتي اقلها لا هيا جوزها ما يخلف ومرا نفسسسسسسسسسسسسسسسسسهاااا تدري الين دحين ما قلتلها حضرت جواز اختها وانا في الشهر الاول قالتلي حااااامل لا ارادي قلتلها لا
مو علشان خايفه تحسدني لا بس ما ابغاها تحس انو انا حملت وهيا لا او تحز فنفسها مع اني عارفه حتفرحلي من قلبهاا

[ام رتيل]

هلا بنات كيفكم ان شاءالله بخير

[rooraa]

اهلين ام رتيل كيفك شو اخبارك
والله انا حاسه الوحم بيزيد مدري لي هههه
المفروض يخف على الرابع بس الحمد لله على كل حال

[ام رتيل]

هلا rooraaانا بخير حبيبتني
الوحم يتدلع عليك هههههه
الله يكون بالعون ان شا الله لما تدخلي تمام بالرابع راح يخف انا اول مره متعبني الوحم هدا الحين بس الحرقان متعبني كثير ما اقدر اشتهي اكل بسببه

[ساجدة للرحمن]

السلام عليكم و رحمة الله

[rooraa]

ايو والله صاادقه ان شاء الله يخف
اهلين وعليكم السلام ورحمة الله وبركاتو

[أُمنية حامل]

السلاااااام
كيف الكروشات اليوم
بقولكم بما اني احس بألم كأن رحمي يتمزق زي السكاكين. فيه
اتصلت على دكتورتي الي اتابع معاها قالت استمري على المثبت وتعالي بعد اسبوعين يعني كأنها تقول لا اشوف جهك الا بموعدك
واسحب عليها واروح لمستوصف ثاني
وتسوي لي اشعه قالت كل شي طبيعي
ووصفت لها الالم هذا وانا اول مره اجيها
قالت هذي اعراض التهاب في البول
قالت لي انتبهي لنفسك ترى اكثر حالات الاجهاض والاولاده المبكره سببها التهاب المثانه والبول
قلت دكتورتي تقول 15 التهاب عادي مايحتاج مضاد حيوي وكثرة المضادات تضر..
قالت والله عندي مريضات ياكلون مضاد حيوي يوم ورى يوم لين يولدون <<<<<استغربت
قالت لان الاتهاب خطير والادويه فيه اشياء امنه للحامل
قالت قولي لدكتورتك تسوي زراعه للبول وتشوف نوع البكتيريا وتحدد لك نوع مناسب من المضاد
نخررررروا راسي هالدكتورات
دكتورتي تغيرت علي كانت عسل بمجرد مادفعت متابعة حمل ورتني وجع اغبررررررر
طفشت منها على الرغم انها ممتازه مره

[سكـــر ناعـــم]

طيب سكر انتِ رحتي والمثانه مليانه ولا لأ؟؟؟
طلبتي سي دي ولا لا؟؟؟
المذكره مررررره نفسي اشتريها ماقدرت اروح اليوم لسنتر بوينت
بحاااول اروح قريب عشاني هالايام فاضيه مره ودي بشي يشغلني
الاختبارات وخلصتها والنتايج طلعت ولا عاد عندي شي خخخخخخخخ
شعاع الامل ان شاء الله يكون كل شي تمام وتتطمنين يااارب


يؤؤؤ تأخرت عليك ومارديت بس مو مهم ياعسل تكوني حشرانه خلاص البيبي صار ينشاااف هع هع هع..
ومبرووك خلاصك من امتحاناتك ههههههههه الله يعينكم ...
والكتاب تشيز اللي لقته .. أنشالله تلاقينه بسنتر بوينت >>> برووح لما اقدر واشتريه خخخخ

[سكـــر ناعـــم]

مسساااااكـــــم ورد مــثـلي >> هع الاخت رايقه خخخخخخخخ

[سكـــر ناعـــم]

أميــنه .. ماتشوفين شر عسسسوله والله يتمم لك على خير حبووبـه ..

[Razan77]

مساء الخيرر بناات ..

امنيه ماتشوووفي شر ياقلبي قدامك العافيه ان شاء الله ..
الله يتمملكِ على خيرروتفرحي بشوفت نونتك ياارب ..

[Razan77]

بناات اليوم روحت السوق وشوفت محلات كثيرره عليها تخفيضاات 50% و70%

من جد كنت اتمنى لو كنت عارفه جنس البيبي عشان اقضيله لانه خلاص التخفيضاات على وشك تخلص ..

لقيت اشياء حلووه في مذركير وتاب وسمينا بنفسك ..

[rooraa]

امنية خوفتيني انا ما قلت للدكتوره على هادا الالم ونفس الي قلتي عليه بأحسو
يعني لازم مضاد انا زوجي رئيس مختبر حخلي يحللي ان شاء الله هادا الاسبوع

[ام رتيل]

امنيه انا كان عندي التهاب في البول بس بدون الآم بس دكتورتي كبرت السالفه وقالت ليه بتولدي ولاده مبكره وسوت ليه زراعه وطلع التهاب خفيف مايضر والحمد لله بس انت اكثري من شرب الماء

[سكـــر ناعـــم]

على فكره أنا ثالث مره تسوي لي التحاليل تبع البول(الله يكرمكم) تقول مب صافي او مادري شو ؟؟؟
بس ماخوفتني ابد...؟؟؟


إنششششاااااء الله خير والله يطمناااا جميييييييييييع ....

[سكـــر ناعـــم]

رزاان نفس حالتك أنا بس قبل 3 اسابيع بأغلب المحلااات اللي بينبع عليهااا تخفيضااات خخخخخ مت قهر بس مادخلت ولا محل لانو أنا فيني شي مب حلو لما أتسسوق لازم أصررف كل اللي قدامي ووراي لذلك ماأتسووق الا باوقااات محدده خخخخخخخ

[سكـــر ناعـــم]

أششششوفكم على خيررر ..

أتابع فيلم رعب بأم بي سي 2 >>> شكل وحامي كله رعب برعب احس نفسي بموووت ابي اشووف شي رعب خخخخخ طفلي بيطلع متوحششش هع هع هع بسم الله على اللي ببطني

باي